رواية مسار اجباري الفصل الثالث3بقلم منه محمد
في السرايا وتحديدا المطبخ
ثريا بصتلها: علا انتي ليه واقفه هنا الجو حار عليكي , اطلعي استريحي فوق في التكيف
علا: عايزكي تقولي لبابا اني مش هسيب السكن
ثريا: انتي اتجننتي صح, مش عارفه ابوكي والي بيقوله خط احمر ,وكلمته بتمشي مهما كانت
علا ربعت ايدها قدام صدرها وقالت: يا ماما اتكلمي معاه لو مرة واحده , طلبه ده معناها
انتـ حار يوميا ليا
ثريا بغضب: اتلمي يعني ايه انتـ حار ما توزني كلامك , وانا مجروئش اتنقد قراراته , ومقدرش اكسر كلمه قالها
علا: بتحدي: انتي متقدريش انا هكلمه بنفسي
ثريا: علا متستغليش حبنا ليكي
علا اظن ده مستقبلي ومن حقي ادافع عنه
ثريا بزعيق: هو انتي دماغك وقفت عن التفكير, ابوكي مش هيسمع كلامك , ومهما كان القرار الي اخده امر ساري عليكي , وافهمي هتحطي المفتاح بالغلط ووقتها هينكسر جواه
علا رفعت حاجب بتحدي: بس المفتاح بيفتح القفل, او ممكن اكسر القفل بكل قوتي , ومش مهم
................قصص منه محمد كاتب..............
مديحه بغضب اسود وصوت جحيمي: مفكر الارتباط هزار , رشاد بيحبك لكن امه جات تطلب ايد منال ردي عليا يا اطياف ايه ده
اطياف بخنقه: يا ماما معرفش
مديحه : متوقعتش ده ابدا من رشاد ده انا اعتبرته ابني, وولع النار في بيتي
منال برجاء : ماما لو سمحتي متنفعليش , ضغطك هيعلي وهتتعبي
مديحه بنرفزه شديده : انا لسه بصحتي وقادره احارب الوضع المهين الي اتحطينا فيه, انا لسه جامده زي ما كنت من عشرين سنه زي ما سيبت ابوكي , دمرت سعادتي عشان اختك انا مش بقدر اتحمل عليكم الهوي قطعت من لحمي واكلتكم وشربتكم لحد ما ربيتكم بصعوبه كبيره واتحملت فوق طاقتي كنت اب وام رفضت اتجوز عشانكم , عشان مجبش جوز ام يعـ ذبكم ويبهدلكم ضحيت بشبابي عشان راحتكم انتم
منال بدموع : احنا معارفين ومقدرين كل ده يا ماما , بس عشان خاطرنا متنفعليش احنا ملناش حد غيرك
مديحه: الي عندها بنات بتخاف عليهم من اي عاصفه جامده , وانا بخاف من النسمه ومن الساعه دي رشاد ده تنسيه مفيش بينا وبينه اي علاقه تربطنا بيه
.............قصص منه محمد كاتب............
في السريا خبطت ع الباب وطلت بوشها
علا :بابا ممكن ادخل
حكيم بابتسامه : ادخلي ياعلا من ساعه ما جيتي البيت نور اقعدي يابنتي
علا بصت لثريا الي هزت لها دماغها بمعني متتكلمش معاه في موضوعها
حكيم :ها عامله ايه في دراستك
علا :كويسه وبجيب ع طول امتياز
حكيم :انا عايزك دايما رافعه راسي لفوق
علا :طبعا يا بابا كنت عايزه اتكلم معاك في حاجه
حكيم: قولي
ثريا : مهما كان الموضوع اجليه لبعدين, الوقت متاخر وابوكي راجع تعبان ,ومحتاج ينام
حكيم بصلها بأمر: متتدخليش انتي, قولي يا بابا عايزه ايه
علا بتردد وخوف: بابا مش هقدر اسيب سكن الجامعه :ومتفتكرش اني مش بسمع اوامرك مستحيل اعمل كده, لكن امتحاناتي قربت لو سيبت الكليه دلوقت هتحط في مشكله كبيره , وده هيأثر ع ناتجتي وانا عايزه احقق حلمك وابقي دكتوره كبيره , واوعدك بمجرد ما اخلص امتحانات الترم الاول هسيب السكن بنفسي
حكيم سكت شويه وبعديها نطق وقال :موافق عشان مأثرش ع درجاتك ها مبسوطه
علا بسعاده باست ايده: الف شكر يا بابا تصبحوا ع خير
...................قصصص منه محمد كاتب..............
علي الطبيليه
جليله :ها الشغل عامل ايه اليوم
رشاد هز دماغه: تمام
جليله :عملت صنيه مكرونه بالبشامل مخصوص عشانك
رشاد : تسلم ايدك , بصحيح طنط مديحه وافقت عليا مش كده
جليله ارتبكت وقالت: يابني معقول هترد بسرعه كده ده جواز ونسب اكيد هتاخد وتدي مع نفسها , مش سلق بيض
رشاد ضم حواجبه : تفكر في ايه , بتتكلمي كأنها متعرفنيش كويس, انا من نفس المنطقه وعرفاني من صغري
جليله :يابني لازم تغلي بنتها مش معقول هترد وانا قاعده, يله كول
رشاد: انا واثق انها هتوافق مش هترفضني, هي بتحبني زي ابنها
جليله :كول كويس مين الي بيرن
رشاد بسعاده: دي منال اكيد هتباركلي
جليله خطفت منه الموبيل: استني يا رشاد كام مره قلت لك بلاش ترد وانت بتاكل , ونبهت عليك تحطه ع الصمت وخصوصا ساعه الاكل
رشاد: ليه اتعصبتي ياستي هقفله خالص ولا تزعلي نفسك , ومهما تقولي هسمع كلامك لانك سمعتي كلامي وروحتي طلبتي ايد اطياف وحققتيلي حلمي الكبير
جليله برتباك: طب يله كول
رشاد : خلاص هيبقي عندنا عيله كبيره
جليله :رشاد بطل كلام وكمل اكلك , وبعدين نتكلم عن علاقتك , وسبني انا الي اتكلم مع امها وانت متتكلمش مع حد فيهم دلوقت خالص بنفسك ,ولا تروح عندهم البيت فاهم الي بقوله
رشاد الفار لعب في عبه بس رد :حاضر تمام
............قصص منه محمد كاتب....................
في منزل عائله اطياف
منال: انتي ليه مش بتتكلمي معايا ارجوكي ردي عليا وكلميني, ده انا قلت هتمسكي في خناقي وتساليني الف سؤال , لكن انتي متجهلاني لو عايزه امسكي في رقبتي او حتي ارمي اللوم عليا
اطياف بصتلها: انا اعمل كده في اختي الوحيده _ ضمتها لحضنها_الي لايمكن تغلط في حقي ابدا انا عرفاكي وعارفه تفكيرك
منال ببكاء :صدقيني رشاد بعتبره زي اخويا , والشهاده لله هو عمره ولا مره لمح ابدا ومعرفش ليه امه قالت كده, الست دي لعبت لعبه قذره اوي
اطياف بحقد: هي فعلا لعبت بس لعبه مش ممتعه , ولو بتعمل كده عشان اسيب ابنها مش هسيبه بسهوله
منال: يعني مش زعلانه مني في قلبك مش كده
اطياف ابتسمتلها: يا عبيطه انا عمري ما اشك فيكي, امنا مربتناش ع كده احنا نشارك حزنا وفرحنا سوي ومستعدين نضحي باروحنا عشان ننقذ بعض مفيش واحده فينا تسرق سعاده التانيه
منال سحبتها لحضنها وراحت الغرفه تتصل برشاد الي رد من اول رنه
منال بغضب كدا برضو يا رشاد متوقعتش منك كده اختي كانت بتحبك كتير وانا اعتبرتك اخويا كان لازم تحافظ ع العلاقه اكتر من كده وتاخدها بعين الاعتبار
رشاد صدقيني انا عمري ما فكرت كده واخدك بدل اطياف ازاي ده حصل
منال بنفعال شديد: روح اسال امك , جات طلبتتني انا وكانت هتخلق عداوه بيني وبين اختي وخلقت عداوه بينك وبين امي انا مكسوفه للي حصل
رشاد بحيره: انا مش قادر افهم حاجه وبجد اسف
منال : انا بسببك ظهرت زي الحراميه الي بتسرق حاجه من اختها , اذتني كتير حقيقي انا في نص هدومي معقول فيه معامله بالشكل ده
رشاد بصدق : يعلم ربنا انا بعزك زي اختي وعمري ما فكرت فيكي بالشكل تاني, اختك هي حياتي وحبيبتي ,والي حصل سئ جدا
منال بغيظ منه: مكنش المفروض من الاول تبعت امك بيتنا
اطياف : بتتكلمي مع مين
منال قفلت وقالت :مش حد الرقم غلط
اطياف بحده شديده: انا بسالك مين الي كان معاكي ع الخط ما تنطقي مين
منال :رشاد
اطياف :وليه تكلمي البني ادم المخادع الغشاش
منال :هو مش غشاش
اطياف: بعد الي عمله بتدفعي عنه
منال :حلف لي انه ميعرفش اي حاجه
اطياف بنفعال: مهما قال كداب وانتي تصدقيه
منال بدفاع: رشاد مش كداب
اطياف بزعيق: هو مش كداب , وانتي هبله قدر يخدعك
منال : انتي ظلماه
اطياف : لاء مش ظلماه ومش هصدق بشكل اعمي , و هو مش عيل ,هو عارف كل حاجه ومتتكلميش معاه تاني ابدا
منال :تمام مش هكلمه
............قصص منه محمد كاتب..............
في غرفه علا دخلت وسحبتها من ايدها وقالت: تعالي اقعدي جنبي قوليلي ايه رايك في امير
علا: من ناحيه ايه؟!
ثريا :يعني انا وابوكي بنفكر فيه زوج ليكي
علا بذهول: بجد يا ماما
ثريا :ايه مش موافقه
علا :لاء مش كده هو في النهايه ابن عمي وشاب كويس
ثريا اتنهدت: الحمد لله وده انسب واحد ليكي, هتعيشي معاه سعيده وهتفضلي معانا هنا في البيت
علا :طيب هو كلمكم عليا يعني
ثريا :لسه بس انا وابوكي هنكلمه واتمني يقبل ميرفضش واول ما ابص لملامحه هعرف
علا بكسوف: ماما انا اتأخرت هتحرك ع الكليه
ثريا مبتسمه: مع السلامه
.............قصص منه محمد كاتب.............
واقفه تفرش ملايا السرير وبتلبس كيسه المخده وهو دخل شايط ع اخره
رشاد بحده: ايه الي عملتيه ده
جليله ببرود: بتتكلم عن ايه
رشاد: لما مش موافقه ع اطياف ليه عملتي التمثليه دي
جليله: اه اتكلمت معاها وحكتلك صح
رشاد: جاوبي ع سؤالي ليه عملتي كده , وايه ارتبط بمنال دي كمان
جليله حدفت المخده وراحت عليه بهدوء: مش انا قلت لك وسألتك منال ولا اطياف قلت لي منال قلت لي بعضمه لسانك انا هألف ليه , عشان ترجع تزعل مني مثلا
رشاد: انتي بتقولي ايه انا صوتي اتنبح وانا بقولك عايز اطياف جات منال منين
جليله: بس انا شايفه منال افضل من اختها, بنت محترمه وقاعده في البيت وشاطره , واقعد وفكر هتلاقيها احسن الف مره من اطياف في الادب والاحترام
رشاد: هو قميص مش عجبك الاحمر اخد الاصفر , دي مشاعري معقول عندك ولا حاجه
جليله: ياحبيبي الحب بيتنهي مفعوله بعد الجواز , وده الي هيحصل مع اطياف دي هتكون عقاب ليك ومش هتقدر تتحمل مشاكل البيت بسببها , شوف يا رشاد مش كل القرارات بتم ع العواطف والحب , وانا ببص لمصلحتك وباخد القرار السليم
رشاد بقهره:وانا فين تاخدي قرار متعلق بحياتي عكس الي انا عايزه تمام
جليله: فكر في منال هي الانسب ليك
.............قصص منه محمد كاتب................
في محل الموبيلات
اطياف دخلت عليه بهجوم عنيف: انت اكتر واحد كداب اشوفه لحد دلوقت مش مكسوف لما تخوني بحذرك تبعد عن اختي واياك تكلمها
رشاد: حقك تقولي اكتر من كده وتشتميني كمان بس ورحمه ابويا اهدي واسمعيني لمره واحده
اطياف: اطياف ماتت فيه حي بيتكلم مع واحده ميته
رشاد: متقوليش كده ع نفسك بعيد الشر
اطياف خبطته بعلبه موبيل: انت ازاي تتجرء تعمل كده , تلعب وتمثل عليا وتبعت امك تطلب اختي يا غشاش
رشاد: والمصحف ما حصل بعتها عشانك انتي
اطياف ضربته بالشنطه: انت كداااب
رشاد: مستعد احلف
اطياف: احلف وان شاالله يتقلب عليك وتفطس وتغور من الدنيا نهائي, وحتي لو حلفت برضو مش هصدقك
رشاد: يا بنتي ثقي فيا , منال زي اختي, انا بحبك انتي
اطياف: انا مش عارفه انت عايش ليه انت المـ وت حلال فيك, انا عارفه نيتك الخبيثه كويس انا ماشيه واياك تهوب ناحيه بيتنا الا امي حالفه تضربك بالشبشب , وانا هطردك من البيت وهلم عليك الناس
رشاد: اهدي واسمعيني وبطلي شغل الجنان , وانا مش رايح بيتكم ارتاحتي لحد ما اثبت صدق نيتي , وانتي بتظلميني
اطياف شهقت وضربت ع صدرها : انت بتتهمني وبتقول عليا ظالمه
رشاد: لآء مش قصدي كده
اطياف: انت كداب ده الي في قلبك وانا سمعته, وبعدين خليك راجل ليه خفت مني
رشاد: انا قلت عباره خوف منك صدقيني , انا دمي محروق من الي حصل
اطياف: اسمع انا مزاجي مش رايق لخفه دمك
رشاد: انا مش بستخف دمي ومش بهزر, انا متوتر لكل الي احنا فيه , اسمعيني يا حبيبتي
اطياف صرخت فيه: مش هسمع
رشاد برجاء: مرة واحده
اطياف مسكت جربات الموبيلات بحقد وحدفتها ع الارض ومشت
رشاد برق عيونه: يا مهبوشه ازاي هحاسب امي اعمل ايه لما تسالني, ايه شغل الجنان الي انا فيه ده
..............قصص منه محمد كاتب..............
في المستشفي واقف عند الاستقبال ودهره للباب وهي دخلت وبتتكلم في التلفون ومشت فاتت من جنبه وهو بيلف لمحها راح زي الرهوان وراها لكن للاسف كانت اختفت من تحت انظاره
فضل يلف بعيونه في كل مكان لكن ملهاش اثر فص ملح وداب رجع تاني عند الاستقبال
علا خرجت وقربت عليه: امير روحت فين
امير بغيظ: كانت هي
علا ضمت حواجبها: مين دي؟!
امير: البنت الي قولت لك عليها الي دخلتني المستشفي بالعافيه
علا اضايقت: معقول شايف طيفها في كل مكان
امير: لاء كانت هنا وفاتت من جنبي من ثواني
علا بغيره مخفيه: طيب هي فين , ولا عجبتك فروحت وراها
امير كشر بستياء شديد : انتي رخمه هروح استناكي في العربيه خلصي وتعالي بسرعه
امير اتحرك في نفس اللحظه كانت اطياف خارجه مع امها من غرفه الكشف
مديحه: انتي ليه عنيده كده
اطياف: مفهاش حاجه ادينا اطمنا عليكي
مديحه: بقالنا هنا قد ايه
اطياف: مش مهم الوقت المهم قلبي ارتاح_ضربت دماغها_ اوه نسيت شنطتي عند الدكتوره اسفه يا ماما هطلع اجيبها امشي براحه للمحطه وانا هجيلك
مديحه هزت دماغها ع سربعه بنتها وماشيه للاسف خبط فيها والورق وقع من ايدها وايده
امير بصلها وقال بأحراج: اسف كنت مستعجل
مديحه: وليه مستعجل ماتمشي ع مهلك هي الدنيا هتطير
امير لم التقارير ووقف وقالها : دول وقعوا منك
مديحه بعصبيه: فتح عينك بدل ما تخبط حد توقعه ع الارض
امير شوحلها بأيده بخنقه وسابها ومشي غادر المكان!
..............قصص منه محمد كاتب.................
في منزل عائله اطياف تحديدا في الصالون
مديحه: منال حطي الروشتات كلها تاني في الدوسيه , هروح استشاره كمان يومين لسه هعمل تحاليل وهيسحبوا مني عينه دم
منال عقدت حواجبها بتعجب: ماما ليه اسمك علا في الروشتات
مديحه بتعجب: اي علا
منال: والله مكتوب علا شوفي اهوه
مديحه بصت في الورشتات وقالت: اه فعلا كعلا اكيد المطيوره اختك غلطت اطياف
اطياف: نعم
مديحه: تعالي
اطياف قربت منها: نعم يا ماما
مديحه بستفسار: مين علا دي
اطياف بصت في التقارير: ايه ده ده مش ورق الكشف بتاعك يا ماما , ده لواحده تانيه بس ازاي ده حصل
مديحه تذكرت: اه افتكرت اصل النهارده خبطت في شاب في المستشفي , كان ماشي مركب مكوك في رجله, والدوسيه وقع من ايدي وهو كمان كان ماسك ملف شكله اتلغبط وهو بيلمه
منال بحيره: وهنعمل ايه دلوقت!
اطياف: هتتحل هتصل بالمستشفي يتصلوا بيه يجي ياخد الملف الي يخصه
منال بأبتسامه واسعه : اختي طفطف بتحل كل المشاكل
....................قصص منه محمد كاتب...............
في العربيه كان بيفكر هي اختفت من تحت نظره فين لحد ما تلفونه رن
امير نفخ بزهق وقال بصوت هامس: استغفر الله وقت مكالمه_فتح الخط_ الو مين
الصوت: استاذ امير معايا
امير: ايوه
الصوت: التقارير الطبيه بتاعه حضرتك اتلغبطت
امير : علا بسرعه بصي في الورق الي معاكي ,شكله اتبدل
علا معقول استني اه فعلا باسم مديحه سحاب
امير ايوه يا انسه الاسم فعلا متغير لمديحه سحاب , ممكن تبعتيلي رقمها انا هتكلم معاها
الصوت: اكيد
امير : متشكر
....................
ماشين الاتنين ع الرصيف بيتكلموا
منال: احنا مش هنشتري حاجه ليه طلعنا من البيت
اطياف: زهقانه قلت افك واغير جو شويه ولا هو حرام
منال ابتسمتلها: طيب لما نرجع وامك تسالك فين الحاجه هتقوللها ايه
اطياف: ياستي نشتري لبن وبيض من اي سوبر ماركت هي حكايه
امير كان معدي بعربيته لبيت اطياف وماشي بسرعه عاليه ومن غير ما يقصد طرطش ميه عليها
اطياف شهقت وزعقت بصوت عالي: ايه يالقيط يا ابن الحرام , اعمي مش شايف
منال بتسحبها: تعالي يا اطياف انتي رايحه فين
امير ضرب فرامل ووقف ونزل هو وعلا من العربيه يبصلها
اطياف: هو انت مش غريبه ع واحد جاهل ومتخلف سايق
امير: متخلنيش اوريكي التخلف ديكور ع ملامحك
اطياف: انت بجح قوي فوق ما غلطان واقف تهددني , ولا انت متعرفش تتكلم من غير تهديد شايف انا هدومي باظت امشي ازاي كده
امير: انا عرفتك انتي بتعملي الشويتين دول وبتستكردي الناس الاغنياء وتهفي فلوسهم
اطياف بصراخ: اخرس الاغنياء الي زيك فخورين قوي بفلوسهم لكن جواكم هواء, لا فيه اخلاق ولا ذره احترام
امير: كلمه كمان وهسمعك اقذر انواع الشتايم
اطياف: يله وريني هتقول ايه
منال سحبتها : خلاص
اطياف نزلت ايدها وهي بتصرخ: ارجعي انتي لما اشوف اخره ايه , يله وريني رجولتك ما انت لو كنت اتدربت كويس كنت سوقت كويس بدل ما تقف تتهزء في الشارع
امير بغضب جحيمي: اكتمي لمسح بيكي الارض واتهور و امد ايدي عليكي
اطياف دخلت فيه: يله لو عندك الشجاعه مد ايدك ,احنا مش عبيد عندك هنا, امشي اتشطر ع عبيدك
امير: ماتلمي نفسك والله اقتـ لك
اطياف ضحكت بسستفزاز: متقدرش كبيره عليك
امير زقها في وشها: اقفلي بؤك
اطياف: يله اقفلهولي احسن خفت
علا تدخلت: انا بعتذر بالنيابه عن ابن عمي واسمحلنا نمشي
اطياف بنظرات كلها احتقار لامير: علمي ابن عمك الجاهل ازاي يتكلم مع البشر
امير: انا مش هسيبك
علا مسكته: ما خلاص يا امير
اطياف ضربت العربيه برجلها وهي بتقوله: ده انا الي مش هسيبك
منال :خلاص الراجل مشي
.........قصص منه محمد كاتب.............
في العربيه
علا بلوم وعتاب: ليه يا امير تتخانق مع البنت دي , وعايز تمد ايدك عليها, افرض حد صورك فيديو هتبقي فضيحه كبيره , في النهايه دي بنت وفي مكان عام
امير بغيظ: بس متربتش وعملت راسها براسي , والله اجرجرها لعمي حكيم في البلد يحبسها مع الفيران
علا: وياتري بابا لما يعرف انك كتنت هترفع ايدك عليها هيسكتلك
امير: وانا بقي هخاف بعد كلامك , دي قلت ادبها عليا , والله لو كنت مسكتها كنت هضربها مش قلم واحد تلاتين قلم عشان قلبي يرتاح
علا: التفاهم معاك صعب , وانت متقلش كتير عن اسلوب بابا في التفاهم عن طريق الضرب
امير: تعرفي تسكتي