رواية القاسي والبريئه الفصل الثالث3بقلم ايمان ابراهيم
فى صباح يوم الاربعاء قبل موعد الزيارة بيومين كان جاسر فى المدرسة فى حصته مع الطلبه وهو يشرح للطلاب وهم المرحلة الاعداديه فجاة قام بتوجيه سؤال فى الدرس ليعلم مدى استيعاب الطلبه للشرح وايضا مدى تركيزهم فى الحصه وقام باختيار طالب وساله انا كنت بقول ايه الطالب ده للاسف معرفش يجاوب جاسر قاله انت بقى سرحان فى ايه الطالب قاله انا اسف يا استاذ مكنتش مركز مع حضرتك جاسر شخط فيه بصوت عالى قاله اسف ده اعمل بيها ايه 😠😠😠 اتفضل اطلع برة واذا اتكرر التصرف ده تانى انا هستدعى ولى امرك بررررة 😠 الطالب اتحجرت الدموع فى عينيه 🥹🥹 وخرج من الفصل وجاسر ولا اتهزله رمش حتى او فكر يسال ليه مكنش مركز وراح سال واحد تانى وجاوب بس كان بيجاوب وهو خايف وانتهت الحصه والطلبه اخدوا نفسهم لانهم بيبقوا مشدودين طول حصته بسبب طريقته ورجع على الارض عشان يباشر العمال ويشوف الشغل ماشي ازاى وهو واقف جاله واحد من الفلاحين اللى بيشتغلوا فى الارض يستاذنه انه ياخد ٣ ايام اجازة لان مراته بتولد جاسر قاله ليه ٣ ايام هو انت هتولد معاها هو يوم واحد وتيجلى كفايه اوى واتفضل على شغلك الراجل مشى ومقدرش يتكلم لانه عارف اذا فكر بس يفتح بقه ممكن يمشيه وهو محتاج للشغل طبعا عشان بيته واولاده احمد كان ساعتها واقف مع جاسر قاله ليه يا جاسر مرضتش حرام عليك يا اخى الست بتولد وجوزها لازم يكون جمبها جاسر قاله رد عليه الصعبنيات دى مبحبهاش ويوم واحد كفايه اوى هو هيعمل معاها ايه يعنى هتولد وهيشوف العيل وخلصنا مش حكايه هى خلينا فى الشغل بلاش الكلام اللى لا هيودى ولا يجيب وسابه ومشى واحمد بقى بيضرب كف على كف من طريقة اخوه دى كانت نهلة نزلت تتمشى فى الارض شويه وشافت احمد فاحمد راحلها وقالها تعالى يانهلة نتمشي انا وانتى شويه وهما بيتمشوا احمد قالها على اللى حصل من جاسر نهلة زعلت اوى 😒 على الراجل وقالت لاحمد انا بجد مش عارفه ليه جاسر بيتعامل بالاسلوب ده هيكره الناس فينا مش كفايه قرايبنا خفوا رجلهم وكلامهم معانا بسببه ربنا يهديه بجد وفجاة سمعوا صوت عالى جدا جدا ده كان صوت حصان جاسر احمد ونهلة جريوا يشوفوا فى ايه ولما دخلوا الاوضه اللى فيها الحصان شافوا منظر 😳😳 جاسر ماسك كرباج ونازل ضرب فى الحصان لدرجة انه عوره جامد 😥😥 احمد جرى على جاسر وهو بيصرخ ايه يا جاسر ده حرام عليك الحصان هيموت منك كده 😲 جاسر وهو بينهج وصدره طالع نازل وفى قمة غضبه 😠😠 قاله ده حصان نمرود وكان لازم يتادب وراح رامى الكرباج وسابهم ومشى ونهلة فضلت تعيط عشان صعب عليها الحصان 🥺🥺 واحمد بعت بجيب الدكتور عشان يعالج الحصان من اثار الضرب اللى علمت فى جسمه وفضل يطبطب على الحصان عشان يهدا وبعدين رجع البيت هو ونهلة ونهلة لما شافت جاسر مقدرتش تمسك نفسها راحت معليا صوتها لاول مرة عليه ليه يا جاسر كده حرام عليك انت ازاى تعمل كده ازاى قالها ملكيش دعوة واوعى تعلى صوتك عليا تانى انتى فاااهمة وعلى فكرة اعملوا حسابكوا انا عزمت الاستاذ كمال جارنا الجديد هو اسرته يوم الجمعة ولازم تبقى انتى واخوكى معايا ومفيش خروج اليوم ده واوعى انتى او احمد تجيبوا سيرة باللى حصل ده اذا حد يعنى سالكوا على الحصان انا الدكتور سالنى قلتله انه كان بيجرى منى ودخل فى سلك شاءك وهو اللى عمل فيه كده فاهمة ولا لا وراح طالع على اوضته ونهلة بقت مش مصدقه اللى سايفاه وسامعاه وراحت دخلت اوضتها واتفتحت فى العياط 😓😓😓.
ومن ساعة اللى حصل واحمد ونهلة متجنبين الكلام مع جاسر خالص كلام فى اضيق الحدود وجه يوم الجمعة وحضرت اسرة هديه وجاسر واخواته رحبوا بيهم ونهلة اتبسطت اوى عشان اتعرفت على هديه واختها وجاسر رحب بامها وابوها وقالهم اهلا وسهلا شرفتونا وراح قايل لمامة هديه شرفتينا انا معرفتش اشوف حضرتك لما جيتلكوا قبل كده قالتله الشرف ليا ياابنى يعز مقدارك وجاسر جه يسلم على هديه هديه ارتبكت شويه من سلامه ليها لانه شد على ايديها شويه وركز اوى فى عينيها وكان اول مرة ياخد باله انها لونها زتونى شويه ماهى بطلتنا ماشاء الله وش الملايكة وجاسر برضه شكله جذاب ووسيم وجسده رياضي بس عينيه حادة زى الصقر وقعدوا يتغدوا وجاسر كان بيراقب هديه من وقت للتانى وكانت العيون بتتقابل بس بسرعة ورغم ان جاسر كان بيتكلم مع باباها الا انه كان بيلاحظ هديه بتتكلم ازاى مع نهلة راحت هديه سالت نهلة قالتها انتوا عندكوا حصان صح يا نهلة تعرفى عمرى ما شفت حصان عن قرب ممكن بعد ما نخلص تخلينى اشوفه راح جاسر باصص لنهلة بصة هى فهمتها كويس راحت نهلة قالتلها معلش مش هينفع المرة دى يا هديه اولا لانى عايزة اقعد معاكى انتى ورقيه اوى وكمان عشان الحصان تعبان خليها مرة تانيه ان شاء الله ابتسم جاسر لانه اتبسط من اجابة نهلة وبعد ما خلصوا جاسر قالهم اتفضلوا ناخد الشاى فى الجنينه وفعلا راحوا كلهم الجنينه جاسر مع باباها ومامتها واخوها واخوه ونهلة اخدت هديه وارقيه وقعدوا جمبهم بس فى مسافه بسيطة عشان يتكلموا على راحتهم هديه حبت نهلة اوى وارتاحت فى الكلام معاها ورقيه كمان حبت نهلة اوى وقالولها انتى طيبه وجميلة اوى انتى لازم تبقى تجيلنا كتيير ورقيه قالتلها بصى بقى انا بحب التفصيل وقررت اعملك حاجه بايدى عشان كل ما تلبسيها تفتكرينى نهلة شكرتها واتبسطت اوى انهم هيبقوا اصحاب وهتلاقى حد تتكلم معاه بدل الحياة الروتينيه اللى هى عيشاها من الشغل للبيت وبس .
جاسر كان بيتكلم مع والد هديه ومامتها وقالهم يارب تكونوا اخدتوا على المكان ومبسوطين فى الفيوم راحت قايلاله الحمد لله هو فى احلى من العيشه وسط الخضرة والجو النقى ده بعيد عن المدينه ودوشتها قالها ياريت تعتبرين زى شريف ده اذا مضايقش شريف يعنى راح شريف قاله لا طبعا مايضايقنيش احنا جيران والنبى وصى على سابع جار وراحت مامت هديه قالتله اكيد ياابنى انتوا كلكوا اولادى وانت واخواتك اعتبرونى زى ماما بالظبط واى حاجه تحتاجوها من غير ما تفكروا اطلبوها علطول قالها تعيش ربنا يخليكى راح استاذ كمال قاله انا برضه بقلك اهو ياريت تعتبرنى انت واخواتك زى باباكوا واذا احتجتوا اى حاجه احنا معاكوا وراح احمد اخو جاسر قالوا والله ياعمى احنا متشكرين اوى بجد كفايه كلامكوا وحنيتكوا دى الواحد كانت فعلا وحشاه اللمة الاسريه دى بجد انتو حسستونا بجو دافى كنا نسيناه من زمان راح شريف قايله اعتبرنى اخوك التانى بقى طالما كده احمد قاله اتفقنا جاسر بقى كان وسط كل ده مركز اوى مع هديه وراح قايل لنهلة تعالوا اقعدوا معانا وراح سال هديه قالها مبسوطه معانا بقى هنا راحت قالتله اه العيشه هنا جميلة وهاديه اوى غير القاهرة ودوشتها قالها يعنى اذا جاتلك فرصه انك ترجعى القاهرة تفضلى ترجعى ولا تخليكى هنا قالتله لا طبعا افضل ابقى مع بابا وماما واراعى ارضنا مع بابا جاسر من جواه مبسوط جدا يا ترى بقى جاسر ايه الخطوة الجايه مع هديه وهيعمل ايه !!