رواية ما في شي يبعدنا الفصل الرابع4بقلم بسمه ابو العلا

_ تميم صاحبي طالب ايد 

و قبل ما يكمل الباب خبط رباب قامت فتحت لقت حمزة و اوليفيا 

رباب بفرحه و صوت عالي:

_ حمزة يا هنوده حمزة جيه 

هند جت جري من جوا و حضنته:

_ وحشتني… وحشتني اوي يا نور عيني 

حمزة:

_ و انتِ كمان وحشتيني اوي و كلكم 

الشباب جم و حضنوه و البنات برضو سلموا على اوليفيا 

روضة:

_ جميله اوي 

رباب:

_ و كيوت أسمك اوليفيا صح 

اوليفيا بابتسامة:

_ صح و انتِ أسمك ايه 

رباب:

_ اسمي رباب " رباب شاورت على روضة" و دي روضة 

اوليفيا:

_ اساميكم حلو اوي 

دخلوا الصالة 

حمزة:

_ طلعت فوق خبطت مالقيتش حد رد قولت اكيد عند عمي يعقوب 

محمد:

_ رزق مجمعنا عشان عايزنا في موضوع 

حمزة:

_ ايه اتفقت انت و الأستاذه أخيراً على معاد الفرح 

رزق:

_ لا لسه 

رانيا:

_ اومال في ايه و مالك بتبص لنا كده ليه 

رزق:

_ بتأكد أن مافيش حد هيقطعني تاني و انا بتكلم 

فاطمه بضيق:

_ لا حول ولاقوة إلا بالله ما تنجز يبني عايزه اقوم أعمل الاكل 

رزق:

_ حاضر تميم صاحبي طالب ايد روضة و هو على فكرة كويس جدا و اهله كمان قولتله هاخد رأيها و اقولك انا عن نفسي موافق 

يعقوب :

_ متأكد أنه كويس 

كريم:

_ تميم محترم جدا و أنت كده كده هتشوفه و تتأكد بنفسك يا خالي 

رزق:

_ ايه رأيك يا روضة 

روضة:

_ مش موافقه 

أسامه:

_ ليه يا بنتي 

روضة:

_ اكيد هيبقى زي اللي قبله مش هيخليني اعمل ماجستير ولا اشتغل 

حمزة:

_ روضة حبيبتي أنتِ لسه ما شفتهوش يعني ما تعرفيش اذا كان هيوافق ولا لا و مش كل الرجاله زي بعض صلي صلاة الاستخارة و ربنا يقدم اللي فيه الخير 

روضة:

_ ماشي هشوف كده 

رباب و رويدا:

_ الف مبروك مقدماً يا قلبي 

روضة:

_ الله يبارك فيكم 

ـــــــــــــــــــــــــــــــــــــــــــــــــــــــــ

سبحان الله وبحمده سبحان الله العظيم 

|تاني يوم في الكلية|

رحمه:

_ الدكتور امبارح قال في امتحان المحاضره الجايه 

روضة:

_ ماشي 

رحمه:

_ مالك في ايه 

روضة:

_ يعني متضايقه شوية 

رحمه:

_ من ايه 

روضة:

_ جالي عريس امبارح 

رحمه بفرحه:

_ ألف مليون مبروك يا قلبي و بعدين هي دي حاجة تزعل 

روضة:

_ اه عشان هو اكيد مش هيخليني اعمل ماجستير ولا اشتغل 

رحمه:

_ يبنتي هو انتِ شوفتيه عشان تقولي مش هيخليني اعمل ماجستير 

روضة:

_ ما حمزة قالي كده برضو 

رحمه:

_ ايه ده هو حمزة رجع من ألمانيا 

روضة:

_ ايوا رجع امبارح هو و مراته 

رحمه:

_ مراته حلوه 

روضة:

_ قمر ماشاء الله و كيوت أوي 

رحمه:

_ الله هي إسمها ايه 

روضة :

_ اوليفيا 

رحمه:

_ إسمها جميل اوي المهم أنتِ عملتي ايه 

روضة:

_ قولتلهم هصلي استخارة و هشوف و أمي بقى مش سيباني من امبارح كل شويه تقولي هاااه صليتي و قبل ما امشي قالتلي موافقة قولتلها اه 

رحمه:

_ فطوم عايزه تفرح بيكي 

روضة:

_ طب ما هي فرحت بــ رانيا و رزق 

رحمه:

_ معلش إن شاء الله خير 

روضة:

_ إن شاء الله 

ـــــــــــــــــــــــــــــــــــــــــــــــــــــــــــــ

اللهم صلِ و سلم وبارك على سيدنا محمد 

|في الشركة| في مكتب رزق|

حمزة:

_ الشركة اتغيرت أوي 

رزق:

_ و انت غبت كتير اوي 

حمزة:

_ فعلاً 

رزق :

_ انت ناوي تسافر تاني 

حمزة:

_ إن شاء الله لا 

رزق:

_ إن شاء الله 

"الباب خبط و كان تميم"

تميم:

_ عامل ايه 

رزق:

_ كويس الحمدلله مش انت قولت مش هتيجي انهارده عشان هتروح شركة ابوك 

تميم :

_ مانا خلصت الشغل اللي عليا و قولت بدل ما اروح البيت اجي الشغل أحسن 

رزق:

_ ماشي 

تميم بص لــ حمزة:

_ أنت حمزة صح 

حمزة ضحك:

_ انت نستني ولا ايه 

تميم:

_ لا بس أنت شكلك اتغير اوي 

حمزة:

_ عامل ايه كده وحشتني والله 

تميم:

_ و أنت والله اهو كويس الحمدلله و انت عامل ايه 

حمزة:

_ الحمدلله 

تميم:

_ يارب دايما عملت ايه يا رزق 

رزق:

_ انا قولت رجعتك دي فيها حاجة عموماً هي

تميم:

_ ايه مش موافقة 

رزق:

_ هو انا لسه كملت 

تميم:

_ طب قول 

رزق:

_ موافقة

تميم :

_ الحمدلله إن شاء الله هاجي اخر الأسبوع انا و أهلي 

رزق:

_ تنور يا صاحبي 

تميم:

_ حبيبي تسلم 

حمزة:

_ ألف مبروك يا تيمو 

تميم بابتسامة:

_ الله يبارك فيك 

ـــــــــــــــــــــــــــــــــــــــــــــــــــــــــ

لا اله إلا الله وحده لا شريك له له الملك وله الحمد وهو على كل شيء قدير 

|بعد مرور ثلاث ايام|في بيت عائلة الحسيني|في الجنينه| 

اوليفيا:

_ انتوا قمرات اوي

روضة:

_ والله أنتِ اللي قمر و عسل كمان 

اوليفيا:

_ حبيبتي اومال فين رنا 

رباب:

_ رانيا مش رنا هي في بيتها دلوقتي 

اوليفيا:

_ ماشي انتوا ليه بحرف واحد 

رويدا:

_ كل الناس اللي بتعرفنا بتسألنا نفس السؤال ده 

رباب:

_ تيتا هي اللي مسميانا والله 

اوليفيا:

_ اشمعنا الحرف ده 

روضة:

_ تيتا اسمها رجاء و هي بتحب إسمها و حرفها جدا ف سميتنا كلنا بحرف الراء رانيا و رباب و روضة و رويدا  

رباب:

_ تيتا جميلة اوي ربنا يرحمها 

اوليفيا و روضة و رويدا :

_ يارب 

اوليفيا:

_ همزة جيه

كلهم ضحكوا على كلام اوليفيا 

سليم بضحك :

_ همزة على السطر ولا همزة على نبرة 

رزق:

_ ايه يا همزة سوري حمزة 

كلهم هيموتوا من الضحك حمزة:

_لا  والله 

اوليفيا :

_ هما بيضحكوا على ايه يا همزة 

اول ما سمعوها ضحكوا اكتر 

حمزة بغيظ:

_ مافيش يا حبيبتي دول عيال هبله يلا احنا نطلع 

رباب:

_ استنى بس يا همزة نتفاهم 

هنا:

_ في ايه يا ولاد 

حمزة:

_ ماعرفش يا عمتي 

هنا بصت ليهم بمعنى في ايه

احمد:

_ مالناش دعوه يا موهي 

هنا ضحكت و هما كمان

ـــــــــــــــــــــــــــــــــــــــــــــــــــــــــــــــ 

سبحان الله و الحمدلله ولا اله إلا الله و الله اكبر

|بليل في شقة عمران| 

تميم:

_ نازلي فين 

هدى:

_ مع نغم بنت خالتك 

تميم:

_ مش قولتلها تبعد عن نغم دي 

هدى:

_ هي عملتلك ايه نغم بس 

تميم:

_ مش برتحلها 

هدى:

_ معلش المهم انت هتلبس ايه بقى 

تميم:

_ ماعرفش والله يا أمي 

هدى:

_ خلاص تعالى بكره نروح المول نشوف طقم حلو كده 

تميم:

_ لا لا مش مستاهله 

هدى:

_ لا ازاي 

"تليفون هدى رن"

تميم:

_ مين 

هدى:

_ ماعرفش هرد و اشوف " هدى ردت" اه انا مامت يونس 

هدى بصدمة:

_ ايه 

                    الفصل الخامس من هنا