رواية لم اكن قاتل الفصل الثالث3بقلم جمانه السعيدي
محمد....نزلت على الشارع وبديت امشي
بيت جدي تقريبا مشي ربع ساعه عن الشارع العام
امشي وحيلي مهدود صورة عادل ما تروح من بالي
مجاي اعرف شلون صارت هاي المصيبه
كل الي يشوفني يبقى يباوع عليه مبين جنت ابجي عيوني مورمه وملابسي كلهن دم امشي اسحل بروحي سحل
الناس كلها تباوع عليه
وصلت البيت جدي لكيت بيبي فاتحه الباب وواكفه
تنتظرني
بس شفتها رجعت انفجرت بلبجي مره ثانيه
حضنتني وكامت تهدي بيه
بيبي....سوده عليه عمت عيني هاي شصاير بيك
محمد ....بيبي كتلته كتلت صديق عمري
بيبي....يابيبي هذا حد يومه انت قابل تكرها غير هو صويحبك
محمد....اهييي اهيييي بيبي جان ماامن بيه حتى مارجع ليوره ولا خاف مني
بيبي...انت ماتقصد تكتله بعد هي هاي ساعته
محمد...اني حيوان كلشي ماافتهم اني شلون اقرب السجينه علي
النوب انهزمت وعفته لو كاتل نفسي وياااا
اهييي اهييي بيبي انتي ماتعرفين معزته عندي
بيبي....تعال ادخل جوه تعال سمي بلرحمن كلشي صار قضاء وقدر ومحد بينا يكدر يغير القدر
هو هذا يومه اذا مو على ايدك على ايد غيرك
محمد....تحسرت استغفر الله واتوب اليه
جمانه السعيدي
دخلنا جوه لكيت بيبي محضره فراش صاحت على زوجت خالي كرار جابتلي تراك من تراكات خالي
حنان زوجت خالي كرار....شلونك محمد
محمد...اهلا وسهلا
حنان...هذا التراك
بيبي...تعال ادخل الحمام اسبح وغير ملابسك بيك زفرة دم
دخلتني بيبي للحمام سبحت وبدلت وطلعت
مجاي اكدر اسيطر على دموعي هلكد ما انصدمت من الشي الي صار
طبعا زوجت خالي كرار نفس عمري وعدها اطفال ثنيين
مؤمل ومنار
بنيه مؤدبه بشكل ومحترمه
سلمت عليه وراحت للمطبخ بعد ابد مااجت بغرفة بيبي
بس الجهال اجو يمي
جبرتني بيبي اكل المشكله اللكمه اخليها بحلكي مااكدر ابلعها احسها توكف بلعومي
اكلت قليل وتمددت وتغطيت
كلما اغمض عيوني اشوف عادل شلون وكع كدامي
مجاي اكدر اتحمل
ياربي هاي شلون مصيبه شلون راح تخلص
شلون حال اهله امه شصار بيها الولد الوحيد على اربع بنات ابو ابو الي يلح علي ازوج اريد افرح بيك
شلون حاله هسه
ولك عادل ليش هيج ليش ماابتعدت عني ليش بقيت واكف ماتدري بيه اني مخبل وارعن
تريد تموت على ايدي حتى ابقى شايل ذنبك طول عمري
مافكرت بيه شلون راح اكدر اكمل وحدي
امشي مثل التايه بلياك
وخرت الغطى عني
محمد...بيبي...
بيبي...هااا بيبي كول
محمد...يمكن اني صخنت احس نفسي بردان
قربت عليه بيبي خلت ايدها على وجهي
اي مصخن من الهبطه صخنت هسه اجيبلك عندي دهن
واجيبلك حبايه
انطتني بيبي حبايه بلعتها
وجابت دهن فكس ودهنت كصتي وركبتي وصدري
رجعت تمددت وحاولت انام
مااكدر كلما اغمض عيون عادل يصير كدامي
اذكر شلون جنا نتشقى شلون نطلع وندخل سوه
شلون ناكل ونشرب
شلون كل الناس تضرب مثل بصداقتنا اني وياااا
جمانه السعيدي
بقيت ساعه كامله احوس بعدين نمت
للمغرب سمعت بيبي تصلي يم راسي ومشغله القرءان
بصوت ناصي
كعدت على الفراش بقيت اباوع على بيبي شلون تصلي
لمن خلصت التفت عليه
بيبي...صرت زين
محمد...احسن بيبي ادعيلي وياج
بيبي...دعيتلك الله يطمن كلبك ويشيل الهم والحزن عنك
محمد...بيبي رب العالمين يغفرلي
بيبي...رب العالمين غفور رحيم مادام انت ما متقصد
اكيد يغفرلك
محمد....بس اني مااصلي شلون يغفرلي
بيبي...رب العالمين ما محتاج عبادت البشر هاي العباده
اني وغيري محتاجينها
بس الانسان لازم يصلي حتى يندل الطريق الصحيح
محمد....شلون رب العالمين راح يغفرلي واني جنت طايش
لا صلا ولا صوم واغلط وافشر واضحك على العالم
والنوب كملت كل هاي الذنوب
كتلت عادل
بيبي...باب التوبه مفتوح للناس كلها نبي الله موسى عليه وعلى نبينا افضل الصلاة والسلام قتل نفس وهو يدافع عن واحد من اقاربه
يعني المشكله ماكانت ويااا وياا واحد من اقاربه وهو اخذته الغيره ودافع عنه وقتل الخصم
بس تندم وتاب ورب العالمين غفرله ذنبه ورفعه المرتبت الانبياء
محمد....الصوج بااهلي ليش ما يفهموني هيج ليش عافيتي
مثل التايه بهاي الدنيا
بيبي...عوف اهلك انت هسه صرت جبير وتفتهم
صلي واستغفر وتوب توبه نصوحه لله
محمد...اي اني اريد اصلي واعوف كل الأشياء الغلط الي جنت اسويهن بلكت رب العالمين يغفرلي
بيبي....كوم ابدي من هسه لا تأجل الصلا اكثر
محمد...اي راح اروح اتوضا واجي اصلي بس انتي اذكريني بلصلا لان مااعرفها زين
بيبي...يله كول يالله
محمد....وين خالي كرار شو مااجه
بيبي...بلعسكري وحدته بلموصل على أطراف الموصل
بعد يومين وينزل
محمد...تمام
رحت اتوضيت ورجعت الغرفة بيبي خليت سجادة الصلا وبديت اصلي وبيبي تعلمني اذا نسيت شي
دعيت رب العالمين يغفرلي ويغفر العادل
محمد...بيبي يصير اصلي العادل لان جان مثلي مايصلي
بيبي...انت مطلوب صلا اول صلي الصلا الواجبه
وبعدين صلي قضاء مافي الذمه من تخلص صلي العادل
انشاء الله رب العالمين يغفرلك ويغفرله
محمد...انشاء الله
جمانه السعيدي
محمد ماكدرت انام بهاي اليله مكاني متغير
وخايف وحزين على صاحبي
عقلي يجيب ويودي افكار أشكال واللوان
ثاني يوم اجن خالاتي ثنيينهن يطمن عليه
خالتي الجبير كعدت اطمن بيه وخالتي الزغير تحاول تغير جوووو لان اني حيل مبين عليه ضايج وتعبان
اليوم الي بعده كل وحده من خالاتي جابتلي تراك
وخالتي الجبيره جابتلي ملابس داخليه ونعال البسه بلبيت
سبحت ولبست التراك الجديد ورجعت تراك خالي كرار
خالي علي الجبير سمع بقصتي لان امي متصله علي
ومكلفته يهتم بيه ويطمني
اجا كعد وياي وبقه يسولف عليه
علي....لاتخاف انشاء الله هاي المشكله راح تنحل بااقرب وقت
محمد....وشلون راح انسى صاحب عمري
علي...اذا تحبه ادعيله بعد هو صار يم رب الكريم
اهم شي رب العالمين يعرف انت ماجنت متقصد تقتله
محمد...انشاء الله
من طلع انطاني مصرف رغم هو عنده عائله اربع بنات
وزوجته وهو شغلته كلش بسيطه
يشتغل بنجرجي ويدفع إيجار المحل واجرة العامل
بس ماحب يكسر خاطري انطاني مصرف وكال اذا تحتاج شي اتواصل وياي
واني راح اجي تطمن عليك كل يوم
جمانه السعيدي
لليل اتصل عليه ابوي
محمد...هااا يابه شصار
ابو محمد....اخذنا عطوه منهم واني اخذوني حققو وياي
خاف اكو عداوه بينا وبينهم
بس الناس كلها شهدة الصالحنا
الكل كال هما أصدقاء واكثر من إخوان كان يتشاقون
بينهم وصار الحادث
ابقى يمك ابد لا تفكر ترجع
لان ابو عادل حيل منهار على ابنه ويهدد ويتوعد
محمد...خاف ياااذيك
ابو محمد...لا صديق عمري واعرفه مراح يااذيني
بس كون انت ما تضهر بلصوره ابد
اكعد يم بيبتك وسكت
بلكت تنحل بلفصل وتخلص
محمد ....الله كريم انشاء الله خير امي شلونها
ابو محمد...زينه تبجي عليك وعلى عادل تكول حرامات
الشيطان شاطر وخرب هاي العلاقه
محمد...سلملي عليها
محمد... هذا اليوم الثالث اليه هنا بيت جدي وزوجت خالي كرار ابد مااجت ولا كعدت يمي ولا سولفت عليه
تجي تخلي الاكل وتطلع
واني من اكمل اكل اخذ الصينيه وياي اخليها بلمطبخ
تخلص شغلها وتدخل غرفتها بس جهال خالي يجون هنا
يمنا بلغرفه
اليوم الي بعده نزل خالي كرار مجاز
سلم علينا اني وبيبي وراح الغرفته سلامه كان بارد حيل
ولا عبالك صار سنيين ماشايفه ولا شايفني
المهم اني عذرته اكيد تعبان
بيبي راحت ورا الغرفته حتى تحجيله الشي الي صار وياي
سمعته يرد عليها بعصبيه
كرار...اي انشاء الله يريد يكعد هنا على كلبي
بيبي...وووين يروح
كرار...الجهنم الحمره مشكلته وين مايريد يولي خلي يولي
اني ماامسؤل عنه
بيبي...ترا كاعد بيت جده مو بينك
كرار...اني الي اصرف بهذا البيت ترا راتبج الي تستلمي
جاي تخلصي على الادويه والزياره
اني الي فاتح هذا البيت ومااريد محمد.يبقى هنا
بيبي....انت شو مدري شلون تحجي
كرار....اني مااكدر أأمن على زوجتي وجهالي بلبيت وياا محمد
هذا انسان غير مؤتمن الي يقتل صديق عمره
انسان مو امين
بعدين اني ماموجود بلبيت دائما وهو شاب وزوجتي بعدها زغيره
هلمره من التحق ارجع الكا طالع من الببت
بيبي...وووين يروح مثلا بس يرجع الاهله الشرطه تلزمه
كرار...مو مشكلتي جان لازم يفكر زين قبل لا يقتل صديقه
بيبي...انت منو الي حجالك عن موضوع محمد
كرار...السالفه طشت من اول يوم وعلي حجالي
والبنات يحجون عنه عبالهم بطل وهو واحد دايح لا خلقه ولا اخلاق
اخر كلام عندي اذا يكعد هنا اسبوع اسبوعين ميخالف
اكثر من هيج اني مااقبل
خل يشوف مكان ويروحله
اني ما مستعد اتحمل مسؤليته
وبصراحه تخاف على عائلتي منه هذا واحد مجرم
بيبي....اسكت لا يسمعك وينكسر خاطره اكثر ماهو مكسور
كرار...خل يسمع اني خايف منه طز بي وبخاطره
الفصل الرابع من هنا