رواية لم اكن قاتل الفصل الرابع4بقلم جمانه السعيدي
محمد....سمعت كل الكلام الي حجا خالي كرار
اصلا هو كان متعمد يحجي بصوت عالي حتى اسمعه
كلش ضجت اكثر مااني ضايج
يعني اني صارلي عشر سنوات مجاي البيتهم ولا واصل يمهم
معقوله من اوكع بشده ما يساعدني
يعني لو هاي المشكله صايره ويااا مجان استقبلنا بيتنا
احسن استقبال صدك الشدايد تبين معدن الناس
رجعت بيبي من غرفة خالي ضايجه من كلامه عليه
اني سويت نفسي نايم
بصلاة الفجر كعدتني بيبي حتى اصلي
صليت الفجر ووحده قضاء ووحده العادل
اني هيج كمت اصلي الصلا ٣ بكل وقت اصلي كل فرض ٣ مرات الفرض والقضاء ووحده العادل
اني ناوي اذا عدة هاي الازمه على خير انشاء الله
وأهلي ما تضررو بسببي اصير انسان ثاني
راح اعوف كل الخرابيط الي صارت قبل واكون انسان ملتزم
اني طبعا مااطلع من الغرفه اله اروح للصحيات
جاي احاول مااطلع كدام خالي كرار
مااريده يتعارك وياا بيبي بسببي وتصير مشكله
وخاف يصمم اطلع من البيت
ولو مااعرف وين اروح اذا طردني من بيت جدي
ماعندي مكان اروح علي
وهو ابد مااجه ولا دخل للغرفه يطلع للسوك ويرجع الغرفته اني وبيبي ناكل بغرفتها
وهووجهاله ياكلون بغرفتهم
طبعا هو كلما يلمحني طالع من الغرفه يذبله حجايه
تسم البدن بس اني اسكت
بالمختصر يريد يهججني من البيت
جمانه السعيدي
اجا خالي علي يطمن عليه وعلى بيبي سلم على خالي كرار
وهو انفجر علي
كرار...اني مااريد محمد يبقى هنا اني مو ملجئ للمجرمين
علي....على كيفك ليش عصبي هو بيش مااذيك
بعدين هو فتره ويرجع البيت اهله
قابل راح يبقى هنا طول العمر
كرار....اني مااريده بيتي يااخي اخاف على زوجتي
شنو كاعد بيتي وولد شاب وزوجتي زغيره
واني اغيب عن البيت بلاسبوع والثنيين
رجال مجرم اتوقع منه كلشي الي يكتل صديق عمره
اتوقع منه الاسوء
علي...ولله اني لو عندي مكان جان اخذته البيتي
يعيش وياي بس بيتي زغير غرفه للبنات كوه مكفيتهن
وغرفه اني والمره
كرار...اي كل واحد يطلع حجه واني الي عندي مكان وماعندي اي مشاكل واكدر استقبله
عمي كافي من هاي السوالف
اخر كلام عندي اذا نزلت مجاز ولكيته بعده هنا اني الي أبلغ علي بنفسي هذا اخر انذار سمعت لو لا
علي....يصير خير انشاء الله
محمد...سمعت كل كلامه الي نزل عليه مثل المرض
ثاني يوم طلعت دخلت اسبح وهو يريد يسبح
زوجته كالتله محمد بلحمام
بقه يحجي ويغلط عليه
طلعت من الحمام وهو يريد يدخل
كرار...اي وواحد بيته يلزم سره على الحمام مدري منين تجينا هاي المصايب
مو بيت صار ملجى للمجرمين
زلمه أطول مني
تعال اتحمله واصرف علي
محمد...سكتت ورحت للغرفه ماحجيت اي شي
مااعرف هو ليش هيج ضايج مني رغم اني وأهلي ماعنده موقف موزين ويااا قبل
اخر يوم من راد يتلحق اجا للغرفه
اني وبيبي كاعدين نشرب جاي وبيبي تسولف عليه
كرار...اسمع محمد من انزل مجاز مالكاك بلبيت فهمت لو لا
واذا نزلت وبعدك هنا اني أبلغ عنك واخليهم يلزمونك
جمانه السعيدي
بيبي...شحدك تقرب علي غير اكلب الدنيا عليك
هو ماكاعد بيتك هذا بيتي واذا ما عاجبك انت اطلع منه
ترا زوتدها حيل
كرار....ماعندي غير هذا الكلام اذا رجعت ومحمد بعده موجود هنا أبلغ عنه وما يهمني اكبر واحد
محمد...كلش ضجت من موقفه مني ليش هلكد شايل عليه
ليش هلحقد مااعرف
طلع خالي كرار من البيت
بيبي...معليك بي اني اطرده من البيت وانت تبقى
محمد....ليش يكرهني مافهمت
بيبي...هو حتى نفسه يكرها معليك بي وواحد اناني
بليل اجا خالي علي
سلم علينا وكعد
بيبي...شفت هذا كرار الناقص شاد وياا محمد
وهو حتى من الغرفه مايطلع
اذا على المسواك مانريد مسواك اني اتسوك بس خل يكفينا شره
علي...اني حجيت ويااا بلكت علما يرجع يهدء شويه
ويغير رائيه
بيبي....اذا اتصل عليك كوله امك تكول هو يطلع من البيت ومحمد مايطلع هيج عناد بي
علي...لاتصيرين عصبيه اني احجي ويااا
اذا صمم على رائيه اني اخذ محمد وياي بيتنا
حتلو اني ويا انام بغرفه والبنات وامهن ينامن بلغرفه الثانيه
محمد....لا خالو اذاهيج ارجع البغداد ااجر غرفه بفندق واكعد بيها
بيبي...شنو ترجع البغداد حتى يلزموك هناك
محمد...اني مااريد مشاكل اني مااجيت هنا حتى اخرب عليكم
بيبي...ماتطلع منا لأي مكان
هذا الحديث كله سمعته زوجت خالي وأخذت موقف من بيبي لان بيبي تكول كرار يطلع من البيت ومحمد مايطلع
حست هي وزوجها مالهم قيمه وكرامه بهذا البيت
شلون هيةخادمه بيبي وخادمتني وزوجها يصرف على البيت وبكل سهوله بيبي تكول كرار يطلع
كرار ابنها بس محمد حفيدها وبعمره مااجاها زياره
ولا سئل عنها ولا يعرف شنو اخبارها
شلون تقدمه على كرار
قررت زوجت خالي بعد هذا الحديث تعزل نفسها وما تخدمنا
ولاتطبخ ولا تنضف
ثاني يوم ماطلعت من غرفتها للضهر وهي ماكو
بلريوك بيبي سلكت بيض وتريكنا بس هي ابد ما طلعت من غرفتها
رغم الضوه مشتعل بغرفتها وانسمعها تخابر
راحت بيبي ودكت باب الغرفه عليها
بيبي....وينج اليوم ماطلعتي ليش ما تطلعين
حنان....انتي مو ماتردينا بلبيت اعتبرينا طلعنا
بيبي...ياااا ولج انتي شنو وتحجين وياي هيج
حنان...كرار كال لا اطلعين من الغرفه ولا تخدمين اي احد
بيبي....ولله عيب عليج وعلى كرار هذا الحجي
انتم ماتعرفون شنو يعني ضيف
الولد ضيف عدكم بسم الله بعدكم لا خدمتو ولا صرفتو علي
جمانه السعيدي
حنان.. مالي شغل هاي اوامر كرار
بيبي....هذا لو اخوج صايره ويا هاي المشكله
جان ضميتي سبع ضمات وحرتي شلون تخدمي
بس محمد شلون لازم تسوين مشكله
بس مااكول غير الله كريم يصير خير يحنان
محمد...اسمع كل هذا الكلام وكلبي يتكطع اني اجيتهم بمشكله وسويتلهم الف مشكله
يمكن اني مالي مكان هنا
دخلت بيبي للمطبخ حضرت غده بتيته وبيذنجان
وطماطه تكلا وطلعت خبز كعدنا اني وياها ناكل
محمد...بيبي اني مااجيت حتى اخرب بيت خالي
بيبي...انت ماخربت بيت احد
هو خالك يريد يخرب ويا الكل هسه مو الخاطرك
الخاطري اني جان حسب حسابي وكال امي مريضه
الخاطر اخته امك زينه وياهم وما تجي وايدها خاليه
كلهم اجيبلكم هدايه من تجي
شنو البشر مايوكف بعينه شي قابل انت راح تبقى هنا طول العمر
اكيد فتره وراح تعدي وكلشي يرجع المكانه
محمد...اليوم الي بعده حنان اخذت جهالها وراحت الاهلها
بقينا بس اني وبيبي بلبيت
ضجت على بيبي خطيه شايله همي تريد تغسل ملابسي
وتكوم تطبخ
كمت اني اشتغل بمكانها
صح اني مااعرف اطبخ يعني بس اعرف اكلي
والملابس بلغساله
بس ماعدهم مكنسه كهربائيه اكنس البيت بلمكنسه
اليدويه واطلع للمحل القريب اجيب مسواك خفيف
اما خالي علي من عرف زوجة كرار طلعت من البيت
كل كم يوم يجينا ويجب النا مسواك
يعني كل يومين يجيب دجاجه ويوم نص كيلو لحم
هيج شغله لان هو هم حالته الماديه مو كلش وعنده عائله
بيبي اتصلت على خالاتي حجتلهم عن كرار وزوجته
طبعا ثنيينهن ماقبلن على موقف كرار وزوجته
جمانه السعيدي
بنفس اليوم اجت خالتي الجبيره جايبتلنا غده
دجاج وتمن
بيبي....اي بعد امج مااكدر اوكف على الطباخ
....يمه ادللي شنو قحط بس مااكول غير حسبي الله ونعم الوكيل على حنان هاي شبيها
ماصدكت كرار كال حجايه اخذت جهالها وراحت بيت اهلها
شنو ضامين حيه بيتنا
همزين طلعت على حقيقتها
المفروض تحجي على كرار تكله عيب الولد خطار عدنا
اصبر علي هو صارله اسبوعين هنا
لو بقى سنه شلون
بيبي...يمه هي نصها جواها من زمان بس اني ساكته منها
مااحجي مااريد مشاكل
بس على تصرفهم هذا صدك يطلعون من البيت ومحمد يبقى هنا مادام صارت شغلة عناد
محمد...لا بيبي لاتكولين هيج هذا بيتهم اني راح اتواصل وياا اهلي واشوف حل الهاي المشكله
بيبي....اذا طلعت منا اني اطلع وياك
ثاني يوم اجت خالتي الثانيه جايبه تبسي وتمن
كعدنا ناكل احنا وياها وجهالها
بعدين نظفت البيت وراحت
ثالث يوم اجت زوجت خالي علي طبعا اني فتحتله الباب ومااعرفها لان ماشايفها من زمان
محمد...اهلا وسهلا
ام رحمه...اكيد انت محمد شلونك
محمد...هله خاله الحمد لله
ام رحمه....انت يمكن ماعرفتني
محمد...ولله اعذريني
ام رحمه....اني زوجت خالك علي
محمد...اهلا وسهلا تفضلي اعذريني من زمان ما شايفج
ام رحمه....معذور شلونك امك شلونها
محمد...الحمد لله
دخلت جوه سلمت على بيبي وخلت الاكل
وبدت تنضف وتغسل ملابسنا
من طلعت اتصلت على امي وحجيتلها كلشي صار وياي
امي...يااا صدك عود كرار هيج يكووول ويلاه عود هذا
الحنيين الاخوه المن ينراد غير الهيج وكت
همزين ماذبنا الوكت علي
محمد...اذا صمم على رائيه ارجع البغداد
امي...لا وين ترجع ولك ابوك من بوم الحادث لليوم
كاعد بلبيت والمحل مقفول
وكل الفلوس الي عدنا صرفناهن
هاي مرتين عمك يجيبلنا مسواك وعمتك دزتلنا ٥٠ الف
محمد...كل هاي المصايب بسببي
امي...ميخالف يمه تهون ابوك يكول باجر اروح اشوف محل بغير مكان وووأجره واكصب بي
لان اذا نبقى هيج يكتلنا الجوع
محمد....اعذروني يمه لحظة طيش خربت حياتنا كلها
الفصل الخامس من هنا