رواية القاسي والبريئه الفصل الرابع4بقلم ايمان ابراهيم
بعد ما جاسر سال هديه وجاوبته وجواه كان مبسوط اوى من اجابتها راح بابا هديه قاله وانا مقدرش على بعد هديه دى حبيبة قلبى ومقدرش على بعدها راحت رقيه قالت بهزار يسلام يسلام ياسي بابا بقى كده وانا ايه كوز درة 😄😄😄 وبالنسبة لشريف ظروفه ايه فالكل ضحك من كلام رقيه وقالها ياحبيبتى كلكوا اولادى هديه بس عشان اخر العنقود لكن غلاوتكوا واحده قالتله ربنا يخليك لينا يارب راحت نهلة عرضت عليهم انهم يقوموا يتمشوا واستاذنت من بابا هديه انها تاخد هديه ورقيه جاسر كان هيموت ونفسه يتكلم مع هديه ان شاالله كلمتين بس مش عارف فانتهز الفرصه وقال والله فكرة يا نهلة نقوم كلنا نتمشي حتى افرج عمى وطنط على المكان ولا ايه راى حضرتك يا عمى قاله لا يابنى لا انا ولامراتى حمل التمشيه انتوا شباب بقى خدوا بعضكوا كده وخدوا راحتكوا وانا هتساذن انا وامال ولما تخلصوا شريف يجيب اخواته ويجيى وانا متشكر اوى على اليوم الجميل ده اشوفك على خير وضرورى بقى تيجوا تقضوا معانا يوم برضه احنا خلاص اتفقنا تعتبرونى زى والدكوا وامال زى امكوا جاسر قاله طبعا ده شرف ليا اكيد هاجى لحضرتك فى اقرب وقت جاسر كان يقصد حاجه طبعا بالكلمة دى وراح كمال وامال مسلمين عليهم ومشيوا وجاسر واحمد ونهلة اخدوا هدية ورقيه وشريف يفرجوهم على الارض ويتمشوا فيها ونهلة ورقيه كانوا سابقين وبعدين احمد وشريف وجاسر وهديه جاسر طبعا مكنش هيلاقى فرصه زى دى ويضيعها راح سال هديه قالها ايه رايك بقى فى العيشه فى بلد ارياف شويه قالتله جميلة جدا انا مبسوطه وحاسة براحة نفسيه كبيرة هنا قالها يعنى تتمنى تستقرى هنا قالتله طبعا قالها ممكن اسالك سؤال شخصى شويه قالتله اتفضل قالها انتى حبيتى قبل كده اتفاجات بالسؤال 😳 مكانتش متوقعة انه يبقى اول سؤال كده قالها ايه مالك اتخضيتى كده ليه قالتله اصلى مكنتش متوقعة السؤال ده خصوصا يعنى اننا منعرفش بعض لدرجة انك تسالنى كده قالها مبحبش الف وادور احب الكلام المباشر قالتله عموما لا انا طول عمرى مركزة فى دراستى ومكنتش بفكر فى موضوع الارتباط ده رغم انه اتعرض عليا قالها نععععم 🙄🙄 قالتله ايه المشكلة قالها ممم مفيش بس يعنى ايه اتعرض عليكى قالتله يعنى كان بيتقدملى كتيير وكنت برفض عشان دراستى قالها اه تمام طيب ودلوقتى مش بتفكرى !! قالتله هو انت مش شايف انك سالتنى كتير فى الموضوع ده قالها اه فعلا قالتله ليه بقى كل ده راح فجاة ماسك ايدها بين ايديه الاتنين ومركز فى عينيها قالها لانى من ساعة ما شفتك وانا عايزك وقلت هى دى اللى عايزها تشيل اسمى قلتى ايه 😳😳 هديه مش عارفه تنطق من المفاجاة راحت ساحبة ايدها بسرعة خافت احسن حد يشوفها قالتله معرفش معرفش انت فجاتنى وراحت ماشية بسرعة وهى مرتبكة بس جاسر ابتسم ابتسامة خفيفة لانه اتاكد انه اثر فيها ومش وراها عشان يلحقها وكانت رقيه وشريف واحمد ونهلة ماشيين وعمالين يضحكوا على كلام رقيه كانت بتحكيلهم على المقالب اللى ياما كانت بتعملها فى شريف وكل مقلب والتانى هو يشربه راح احمد قالها والله انتى عسل يا رقيه هو نهلة بقالنا كتيير مضحكناش كده بجد المشى معاكوا متعة وبعدين راح شريف بص وراه عشان حس ان جاسر وهديه متاخرين عنهم وقالهم ايه ياجماعة انتوا متاخرين كده ليه مدوا تعالوا معانا وهما ماشيين كانوا قربوا من الاوضه اللى فيها الحصان راحت هديه افتكرت وقالت لنهلة والنبى بقى يا نهلة عايزة اشوف الحصان فرصه احنا جمبه اهو راح احمد ونهلة بصوا لبعض ولجاسر راح مشاور بعنيه ماشي بس هو كان اصلا متفق معاهم هيقولوا ايه وفعلا دخلوا يشوفوا الحصان طبعا الحصان اول ما حس بجاسر اتوتر وبدا يعمل صوت من خوفه راح احمد مطبطب عليه ولما هديه ورقيه وشريف شافوه اتخضوا من منظره وهديه ورقيه عينيهم دمعت سالوا ايه اللى حصله ده راح جاسر طبعا مجاوب قالهم اصل الحصان ده شقى شويه وكان بيجرى جامد ومقدرتش اسيطر عليه فدخل فى سلك واتجرح كده زى ما انتوا شايفين هديه ورقيه اتاثروا اوى من شكله واحمد لقى نفسه اتاثر من دموع رقيه وقالها متزعليش يا رقيه هيبقى كويس بس الموضوع هياخد كام يوم راح شريف اخد باله وقاله ماشي ياحنين ربنا يطمنا عليه ☺️☺️ اما جاسر بقى طبعا لما شاف هديه متاثرة كده رد بكل ثبات قالها متزعليش ماهو التهور والاندفاع يعملوا اكتر من كده قالتله بس ده صعبان عليا اوى قالها لا ميصعبش عليكى ده نتيجة تهوره قالتله هو يعنى كان فاهم ده معندوش عقل قالها ماشي بس هو بطبعه نمرود عشان كده سبته يتجرح عشان اقدر اسيطر عليه هديه طبعا فاكرة انه بيطبق ده على الحصان بس متعرفش ان الطبع ده هيطبق عليها هى شخصيا 🙆♀️🙆♀️ وراح مكمل كلامه قالها الخيال الشاطر هو اللى لازم يسيطر على الحصان مش العكس فهديه سكتت بس من جواها علانه اوى على الحصان وراحوا راجعين عشان يمشوا وراح شريف قالهم طيب نستاذن بقى وبجد شكرا على اليوم ده وهنستنا بقى تشرفونا راح احمد هو رد المرة دى وعينه على رقيه قال ده اكيد طبعا راحت رقيه اتكسفت ودورت وشها بسرعة عشان محدش ياخد باله وجاسر وهو بيسلم على هديه ضغط شويه وقالها ضرورى طبعا هنتقابل تانى هديه راحت شايلة ايدها ومن جواها متلخبطة طبعا وجاسر من جواه حاسس انه خلاص حقق هدفه لانه حس بارتبكها وراحت نهلة مسلمة عليهم وقالت لرقيه وهديه خلاص انا هعتبر ان بقى ليا تلات اخوات تانيين هنا وهنتقابل كتيير راح شريف رادد قالها اه طبعا اخوات جدا الله هو فى ايه يعنى احمد ورقيه وشريف ونهلة وجاسر وهديه ده موضوع كبيير بقى بس ياترى بقى