رواية مسار اجباري الفصل الرابع4بقلم منه محمد
الباب خبط قامت فتحت لكن اتفاجئت بست واقفه قدامها ووراها علام
مديحه بستفسار: انتي مين؟!
اسمهان: انا اسمي اسمهان
مديحه عرفتها وفورا بصت لعلام الي نكس دماغه في الارض وهي سمحت لها بالدخول
مديحه بقلق وذعر:جايه هنا ليه, هو عزيز بعتك
اسمهان بهدوء: عزيز حتي ميعرفش اني جايه هنا. هو مفقتد بناته كتير , شوفت حزنه في عيونه كل ليله ودموعه عليهم ,واشتياقه الكبير ليهم
مديحه بهجوم عنيف: كل الي هناك محدش فيهم له حاجه في بناتي
اسمهان: صدقيني البعد قصر فيه كبره سنين, بس اللسان رافض يعبر , وبعدين فيه بينهم علاقه دم مستحيل تنتهي
مديحه: وانا مش معترفه بالعلاقه دي الي بسببها حسينا بعدم الامان, والعيله هي كبرياء وكرامه الانسان , والكرامه لما بتتداس برجول كل العلاقات بتتقطع من نفسها , ولازم تمشي من هنا قبل ما يوصلوا البنات ويسالوني انتي مين
اسمهان قامت من مكانها وقالت: عزيز تعب نفسيا بسبب بعده عن بناته , وانتي كدا بتضربيه طعنه جامده في قلبه بحرمانه منهم, اسمعي لست زيك شايفه اب بيتعذب في كل لحظه
مديحه:انا لو اقدر امحي اسم العيله من شهادتهم كنت عملتها , بس للاسف مش هينفع
اسمهان: صدقيني عزيز وانا بنحب بناتك ومش عايزين اي حاجه منهم غير يحبونا وبس
مديحه: وانا مش عايزه ده يحصل , ولا حبكم ولا بلدكم يلزمونا, واتفضلي قبل ما البنات يجوا ابعدي بعيد مش عايزهم يشفوكي وتقابليهم
اسمهان اخدت شنطتها وماشيه في اتجاه الباب لقت البنات داخلين بيضحكوا!
منال: مساء الخير
اسمهان ابتسمت: مساء النور انتم اكيد منال واطياف
اطياف: ايوه مين حضرتك
مديحه نطقت بسرعه وقالت: دي واحده قريبتي جات تزورني وماشيه
منال: ولما قريبتنا ليه مكنتش بتيجي تزورنا
اسمهان: بصراحه كنت مسافره بره البلد , ورجعت من اسبوع وقلت ازور والدتكم
منال: بس حضرتك ماشيه ليه لسه بدري , اتفضلي اقعدي احنا لسه جاين دلوقت
اسمهان: معلش هبقي ارجع مره تانيه واقعد_ لقطت ليهم صوره_ انتم الاتنين لطاف ودي صورة بس عشان افضل فكراكم, واني جيت هنا بالسلامه يامديحه وانتم يابنات
منال: مع السلامه
اطياف: ماما ليه كنتي موقفها ع الباب
مديحه هربت من لاجابه وقالت: يله روحوا غيره خلونا نتغداه يله بسرعه اتحركوا
............قصص منه محمد كاتب........
في السرايا بيبص لصور بناته وهما لسه اطفال صغيرين بتمعن
اسمهان دخلت بفرحه: الشاي ياعزيز
عزيز: هعدل بس صوره البنات , قد ايه وحشوني ونفسي اشوفهم لما كبروا
اسمهان: الي قدامك مجرد صوره مش بتتكلم شوف دول
عزيز اخد منها الموبيل وبص فيه وبسؤال: مين دول
اسمهام مبتسمه: لو بصيت بعين قلبك هتعرف
عزيز وسع عيونه بدهشه: بناتي ازاي صورتيهم
اسمهان: روحت مع علام ازور مديحه
عزيز شدها من دراعها و صرخ بجنون: بأذن مين انطقي
اسمهان بخوف وذعر: شايفه قلقك ع البنات كل يوم
عزيز بعصبيه: وانتي مالك , ليه تدخلي في حياتي, انا قلت لك قبل سابق سيبي مديحه والبنات في حالهم ملكيش اي حق تروحلهم, افرضي بسبب غبائك حد اكتشف هنا ومشي وراكي وعرف مكانهم كل الي خبيته لسنين عشان احميهم , يروح في لحظه غباء منك ويضيع كل الي عملته ده انا قبلت اتحرم منهم سنين وسنين عشان احميهم
اسمهان نزلت دموعها: محدش حس بيا صدقني
عزيز: تاني مره متفكريش , ويبقي لطف منك لو سمحتي ممكن
.............قصص منه محمد كاتب.......
علا: اسمع ياتري ايه سر الدربكه دي حصل ايه عشان ماما تسربعنا كده
امير: وانا هعرف منين ما كل يوم في البيت سربعه ودربكه شكل
علا: اكيد فيه حاجه ودلوقت تشوف
امير: وانا كمان عندي فضول اعرف ودلوقت نشوف
علا: تعرف انا هواجه مشاكل كتير بسببك ويمكن اتعاقب , بس هما هنا بيحبوك لانك مطيع هما شيفينك بتسمع الكلام لكن انت حقيقتك نمرود بس مش كتير شويه
امير بستياء: ينفع تسكتي , رغي من ساعه ما وصلنا , راديو مفصلش ادي نفس راحه
علا: انت هتطلع عصبيتك عليا من البت دي
ثريا: رجعتوا يا ولاد
امير: مساء الخير يا مراه عمي
ثريا: اهلا يا حبيبي
علا: عامله ايه يا ماما؟!
ثريا: الحمد لله ها عملتوا ايه
امير: ولا حاجه التحاليل طلعت مفهاش حاجه
ثريا: منا قلت لك هتطلع انيميا حاده بس انت اصريت عليها تكشف
امير: وكدا احسن اطمنا عليها
ثريا: مفيش حد بيقلق ع علا زيك يا امير
علا: وانتي لاء ياست ماما
ثريا ضحكت: لاء طبعا بسه ليه اتأخرتم
امير: ابدا ست بتلف في المستشفي خبطت فيا والملف وقع من ايدي و
ثريا قطعته: اه علا حكتلي , يله روح غير ع ما احضرلكم الغداء
امير: اه والله يامراه عمي جعان
ثريا: حالا
امير: هغير وراجع تاني
علا: ماما فيه ايه اتصلتي اوصل بسرعه
ثريا: اه ابوكي عايزكم ضروري عشان موضوعك انتي وامير , وهيكلمه , وهتبقي عروسه زي القمر
علا: مش لما امير يوافق
ثريا بأبتسامه واسعه: هيوافق هو عمره رفض لـ ابوكي طلب, وانتي بنت عمه ومهتم بيكي ليه يرفض , مبروك مقدما يا حبيبتي, يله عشان احط الاكل لـ امير جعان , وانتي اطلعي غيري وتعالي بسرعه
...........قصص منه محمد كاتب.............
في منزل عائله اطياف تحديدا الجنينه
رشاد بأحراج: طنط انا بعتذر بالنيابه عن امي , والله انا مكسوف من الي حصل منها , انا وشي في الارض
مديحه: و الكلمتين القليلين دول من جلالتك هتصلع الاهانه وقلب بنتي المكسور
رشاد: يا طنط امي تقريبا فهمت كلامي غلط , او حصل سوء تفاهم , وحصل الي حصل من غير ما تقصد
مديحه بعصبيه: امك مغلطتش ولا حتي سوء تفاهم, الموضوع استهانه وقله احترام مقصوده , قولي انتي ليه جاي هنا , وان كان ع اطياف انساها وانت عارف وهي عارفه ليه
رشاد: بتقولي ايه بس يا طنط , انا هجيب امي تصلح الي عملته ونتصفا
مديحه: انت حتي مش واثق من نفسك انك تقدر تجيب امك, اسمع من الاخر امك رافضه اطياف ومفيش جوازه بتم بالعافيه , هتبقي العيشه صعبه ولا تطاق , مفيش حاجه بتيجي بالكره ابدا ولا بيت بيستقر مستحيل البيت بيتخرب وفي الحاله الي احنا فيها كل شئ قسمه ونصيب
رشاد برجاء: لآء متقوليش كده , اطياف ما تتكلمي والله انا بحبها , وعايزها وبحترمها , جدا وان شاء الله الامور تتحسن
مديحه: خلاص اللامر متعلق بمجيت امك بنفسها تطلب ااطياف ليك
رشاد: هتكلم معاها حاضر
مديحه: ولو امك مش عايزه هيكون احسن لو تنسي بنتي
رشاد: يا طنط ازاي اقدر انساها , من فضلك اسمعيني يا طنط مديحه
مديحه سابته ودخلت البيت
رشاد: اطياف ما تفهمي امك
اطياف: ماما عندها حق , ومش امي الي محتاجه تفهم دي امك انت الي محتاجه ضبط مصنع
رشاد بنرفزه عليها: هو انتي معايا ولا ضدي
اطياف زقته في كتفه وهي داخله البيت: ابعد من وشي
رشاد مسك الباب: استني
اطياف : رشاد خد بعضك وروح روح
رشاد : اروح ازاي بعد كل المشاكل الي بينا دي
...........قصص منه محمد كاتب............
في السرايا
امير خبط ودخل: طلبتني ياعمي
حكيم: ايوه يابني تعال اقعد هنا قصادي, امير كل واحد له رغبته الخاصه له اشياء بيحبها بيكرهها , واليوم انا هقولك عن رغبتي بس مش هجبرك عليها , واقبلها بسعاده لو حبيت وارفض لو مش عايزها ده حقك
امير: عمي عايز تقول ايه , دي اول مره تتكلم معايا بعد مقدمه طويله ,ودي مش عوايدك
ثريا تدخلت في الحوار وقالت: انت دلوقت كبرت يا امير , واخدت حب كبير في قلب عمك, هو دايما بيفكر في مستقبلك
امير بصلها: يا مراه عمي انا مهما كبرت هفضل العيل الصغير ليكي ولعمي وهمسك ايدكم لقع
حكيم: ربنا يبارك فيك, انت كدا ريحت قلبي
امير: قولي ياعمي ايه الموضوع
حكيم: عايز اخليك ابني
اميرابتسم: ومين قال اني مش ابنك
حكيم: ايوه انت ابني بس عايز امد العلاقه لـ اكتر من كده
امير: مش فاهم بتحاول تقول ايه
حكيم: انا عايزك تتجوز علا
امير: عمي انا مش فاكر حتي شكل امي , ولما كبرت وفهمت بابا مات وساب الدنيا وسابني اخدتني مراه عمي هي ام وانت اب , مقدرش اكسر اوامرك موافق ياعمي
حكيم مسكه من كتافه بسعاده وقال: وانا قلبي راضي عنك
.......قصص منه محمد كاتب.............
منال صرخت: اه براحه
اطياف ضربتها في دهرها: اقعدي ساكته ع ما ادفرلك شعرك يابت
منال: ياستي سرحيه وخلاص
اطياف: لا الدفيره هتخليه سايح ونايح
منال: اطياف سيبي شعري
اطياف: اهدي قربت خلاص اخلص, فاضل الزعرورعه
منال: قومي افتحي الباب , وانا هعمل الشاي
اطياف: هفتح لما اخلص , ولا اقولك قومي انتي شوفي مين ابن الورمه الي ايده اتحطت ع الجرس لحد ما يحرقه
منال اتخلصت منها وجريت بسرعه فتحت الباب لقتها جليله سألتها: خير يا طنط
جليله بصوت عالي: رشاد ابني فين
منال: ليه حصل ايه
جليله بنفس نبره الصوت العاليه: انا الي بسالكم ابني فينه
اطياف: في ايه ياست انتي عامله دوشه ليه
جليله: بسال عن ابني فين
اطياف حطت يدها في وسطها: واحنا نعرف منين ابنك فين , ومش عيب لما تخبطي علينا في نص الليل بالمنظر ده
جليله: ابني مرجعش البيت , ومرحش طول اليوم الدكان , وانا متاكده انك عارفه مكانه , راح فين انطقي
اطياف: معرفش
منال بدفاع: اختي مش بتكدب , هي فعلا متعرفش ,ورشاد مجاش هنا خالص
جليله بصت للاطياف: انتي بتعملي كدا عشان تضايقيني , وتحرضي ابني ضدي , تقولي ايه عن تصرفاتتك دي مفكره هتاخدي ابني مني
اطياف: مش هسمحلك تدعي عليا انتي سامعه , وكلمه كمان مش هسكتلك, وبعدين ليكي عين بعد عملتك السوده ما هو طبيعي يبقي ضدك بعد ما لعبتي في منتهي الذكاء, بس مش فاهمه انك قلبتي التربيزه عليكي لما عاملتيه بالطريقه دي
جليله: اخرسي , وعمرك ما هتقدري تاخدي مني ابني ابدا , لانك متصلحيش له
اطياف: ظز ميهمنيش وجهه نظرك فيا سواء غلط ولا صح , بس انا كل كلمه قلتها حقيقه , وانا من يومها متكلمتش مع ابنك ومش هعمل زيك واهاجمك في دهرك, لو عايزه اقول حاجه هقولها في وشك لان دي مش عادتي
جليله بسخريه: ياختي حلوه وانتي بتتكلمي عن صفاتك الجميله , بس برضو مش هتتجوزي ابني
اطياف اطياف:هو انا مستبده زيك , انتي مسيطره ع ابنك امشي دوري ع المحروس ابنك ،مضيعيش وقتي ووقتك يله
جليله :هلاقي ابني ، وهرجعلك بعدين واوريكي
اطياف بتمد وراها :وانا كمان هوريكي
منال سحبتها من ايدها:انتي رايحه فين
اطياف: هقفل وراها الباب
منال:تفتكري رشاد اختفي فين
اطياف:ما يختفي ولا يغور في داهيه
..........قصص منه محمد كاتب..........
في المحل واقف يحاسب زبون لقاها داخله من الباب والزبون خرج!
رشاد حظي اليوم عظيم جايه تهزقيني ولا حاجه
اطياف: ابعد امك عني
رشاد: عملت ايه
اطياف: كنت فين امبارح
رشاد: وليه اجاوب ع سؤالك
اطياف: رد كنت فين امبارح
رشاد اتنهد بعمق وقالها: واحد صاحبي عمل حادثه وروحت معاه المستشفي , وفضلت معاه وجيت فتحت الدكان الصبح, ليه حصل ايه
اطياف: امك جات امبارح واتخانقت معايا , بتفكرني مخبياك عندنا ولا خطفتك وبضايقها
رشاد: ده ع اساس ان انا عيل وهتخطف
اطياف: انا عارفه امك بتكرهني ومش بتحبني, بس اسلوبها وقح جدا بالنسبه لي
رشاد بخجل : اسف
اطياف: لحد امتي هي تغلط في حقي وانت تتأسف , رشاد مقدرش اخد ابن من امه, مقدرش اعيش معاك غصب عنها وبالي يرتاح , ممكن تلاقي الف بنت غيري لكن مش هتلاقي ام تانيه ولو لقتلك بنت الحلال اقبل , وبلاش توجع قلبها عليك , عشان انت تعيش مرتاح , معايا مش هتعيش مرتاح _لفت مشت مفادره المكان_
رشاد: اطياف يا اطياف
...........قصص منه محمد كاتب.............
جليله: رشاد كنت فين يابني من ليله امبارح
رشاد: بطاريتي فضيت , وتلفوني اتقفل معرفتش اتصل بيكي , قلت لما ارجع الصبح ابلغلك واطياف ملهاش اي دخل في ده, وعمرها ما حرضتني ضدك ابدا, انتي الي مش قادره تتتعرفي عليها
جليله: انا عارفها كويس
رشاد: لو كنتي عرفاها كويس زي ما بتدعي مكنتش عاملتي معاها كل ده , هي في عينك بنت مش كويسه , وجواها شر لينا, حاطه غشاوه ع عينك طول الوقت ورافضه تشوفي الخير الي فيها , ياامي دي بتوصيني عليكي بتقولي متوجعش قلبك, وهي هتبعد عني عشان ترتحي وتحققلك رغبتك, واطمني مش هتوافق عليا حتي لو روحتي معايا عندهم , ووصتني اعاملك كويس , ولو كان انتصاري في هزيمتك انا متنازل عن انتصاري رغم بحب اطياف وهفضل احبها لكن عمري ما هفرضها عليكي ابدا , انتي ليكي السيطره الكامله ع حياتي , وهتجوز الي تشاوري عليها ومش هسألك اي سؤال عن اذنك
.............قصص منه محمد كاتب............
قاعده وحاطه الموبيل قدامها ع التربيزه في الجنينه
امير راجع متأخر شافها قرب عليها: ليه قاعده هنا في الوقت ده
علا بأبتسام: ابدا مش جاي لي نوم ,قلت انزل اقعد هنا اخد نفس
امير: جميل تاخدي نفس في الهواء الطلق, اقعدي اقعدي
علا: ما تقعد معايا تشم شويه هواء
امير هو بيلف بجسمه: لاْ خلهولك لوحدك
علا: امير
امير لفلها: نعم
علا: ممكن اتكلم معاك
امير: طبعا تقدري تتكلمي معايا , واكيد عمي قالك عن ارتباطنا
علا : هو انت معندكش اي اعتراض ع علاقتنا سوي
امير بقهر مداري. اعتراض_ضحك بقهر وقال_ مين عنده الشجاعه يعترض ع اوامر حكيم باشا لما انا اعترض
علا: ان بس بسالك لان احنا اوردي اصحاب , وبنشارك كل حاجه مع بعض
امير: اه وعمري ما رفضتلك طلب, ومستعد اكمل كدا طول عمري
علا موبيلها رن وهي وشها اتفير واتاخد وعملته صامت!
امير بشك سألها: مين الي بيتصل
علا برتباك ملحوظ: دي اه واحده صاحبتي
امير: ومال وشك اتغير واتخض كدا
علا: ولا حاجه هطلع اكلمها فوق تصبح ع خير
..........قصص منه محمد كاتب..........
في منزل عائله اطياف
مديحه: جايه المره دي بنفس راضيه
جليله مكشره: اعمل ايه لو ابني خلاني مجبره , ومضطره اجي, هو مش عايز يغير قراره ومصمم عليه
مديحه: ولادنا ليهم حق علينا , ولا ممكن ناخده منهم بسبب عنادنا
جليله : وامه ليها حق عليه
مديحه: اه بنفكر بس في حقوقنا , واوقات كتير بننسي حقوقهم علينا وبنستهون بمشاعرهم
جليله: شايفك ازاي بنتك اطياف
مديحه: مالها بنت زي الفل, في كليه صيدله وهتبقي دكتوره في المستقبل , ومحدش هيبقي زيها وان شاء الله ربنا يكتبلها حياه حلوه مفهاش هموم ابدا , وبالنسبه لابنك هي مش هتعترض طريقه اطمني
جليله: انا جايه هنا بقرار جديد موافقه ع ارتباط اطياف برشاد
مديحه: كدا فجاه من يومين كانت منال ازاي اتغيرت الرغبه, بس شوفي يا ام رشاد الاتنين بناتي ومشاعرهم واحساسهم مش مركونين ع جنب وانا شايفه دي اهم حاجه في الحياه
جليله: كملي واجبك وقولي ايوه وبراحتك قدام الاختيار , ولو رفضتي ولا يهمني ولا يفرق عندي, فكري براحتك وردي عليا عن اذنك
اطياف طلعت وقالت: ماما انا مش عاجبني الطريقه الي بتتعامل معانا بيها , وانا بلغت ابنها برفضي لان مفيش جوازه بتم بالعافيه ,وليكي كامل الحق ترفضي
مديحه ضمتها لحضنها: ربنا يكملك بعقلك
اطياف: يله نحضر الاكل زمان منال ع وصول من الكليه
اثناء حديثهم شافوا منال بتفتح بابا الشقه وداخله مذعوره زي ما تكون خايفه من شئ ما
منال: الحقيني يا ماما
مديحه رجعت خصلات شعر منال وري ودنها: مالك يامنال ليه مخضوضه ,وليه بتجري كده
اطياف: مالك
منال: مش قادره اخد نفسي
مديحه: اجري هاتي كوبايه ميه لاختك , تعالي اقعدي يابنتي وخدي نفس ع مهلك , ها فيه ايه
منال: كان فيه راجل ماشي ورايا من ساعه ما خرجت من الكليه ,وهو قطرني لحد هنا طلعت اجري منه لحد ما توهته ووصلت جري ع هنا
اطياف: انا مش فاهمه منك حاجه شوفتي راجل , وانتي زي الغبيه طلعتي تجري كان لازم تلطشيه بالقلم ع وشه
منال: جرالك ايه انا موت في جلدي بمجرد ما بصتله
اطياف بسخريه لازعه: ليه كان بقرون ولا وشه مشوه
منال: لا مش كده بس شكله صعيدي
مديحه: ازاي عرفتي انه صعيدي
منال: من لبسه لابس قفطان وطاقيه وكل ما ابص ورايا هو معايا ع الخطوه, كانه بيطاردني انا بالذات وهربت منه بصعوبه وجيت جري ع هنا
اطياف: ليه مصوتيش ولميتي عليه الشارع
منال: وافرج امه لا الله الا الله عليا
اطياف: ايوه لو كنتي عملتي كدا كان خاف منك , بس انتي اتوترتي وطلعتي تجري منه زي الهبله لحد البيت يارتني روحت الكليه وماخدتش اجازه كنت نكلت بيه
منل: انتي فالحه في كده
اطياف : انا غلطانه يعني
منال: انا مش بتاعه مشاكل ولا خناق , انا واحده بحب امشي في حالي , ليه هو يمشي ورايا
اطياف: اشربي الميه وانتي قاعده
مديحه كانت سرحانه واتاكدت ان حد مشي وري اسمهان وعرف عنوان بيتهم وقلبها بدء يوجعها من الي جاي وبقت تقول في سرها ربنا يستر
استوب ياتري خطوبه امير وعلا هتم وله القدر له رأي تاني
علا خافت من ايه لما موبيلها رن ياتري مخبيه سر هيطورلنا الاحداث