رواية لم اكن قاتل الفصل الخامس5بقلم جمانه السعيدي
محمد....كل يوم بليل يجي خالي علي يكعد ساعه يسولف علينا ويرجع البيته
على فكره بيته بلشارع الثاني يعني مو بعيد
بعدها بيوم اجاني اتصال من رقم غريب
بلبدايه ترددت افتح التليفون بس الرقم بقى يرن عليه
اكثر من مره
فتحت خط بس ما حجيت
امي....الووو يمه محمد
محمد...هااا يمه مارديت لان الرقم غربب شنو غيرتي رقمج
امي...لا الشرطه رجعو داهمو بيتنا وفتشو يتوقعون رجعت للبيت
وسئلونا اني واخوك وخواتك عن مكانك
كلنا كلنا مانعرف وين انهزم
اني حلفت كتلهم من يوم الحادث ماشايفتك
طلعو مراقبين بيتنا
بس الضابط ماصدك بكلامنا وكال اذا يتواصل وياكم محمد لازم ناخذ خبر بلمكالمه
لو تتعرضون كلكم للمسائله القانونيه
وخلي يكون بعلمكم دخلنا ارقامكم تحت المراقبه
محمد...انتي شلون تتصلين عليه
امي...جاي اتصل من ام مازن جيرانه اسمع بعد لا تتواصل ويانه ابد اذا صار شي اني اتصل عليك من تليفون ام مازن
وليدي فدوه اروحلك لا ضل داخل طالع والناس تشوفك
اكعد يم بيبيتك واسكت
الجماعه شادين حيلهم عليك
جمانه السعيدي
محمد....وووين اروح كاعد وساكت حتى اختنكت
من الكعده بلبيت
امي....يمه محمد بعد ما أوصيك فدوه لا تتصل علينا
هما كل هاي الفتره ساكتين عبالهم ترجع للبيت
ويلزموك
سووها سكته حتى اتامن وترجع للبيت
اكعد يمك واسكت سمعتني لو لا
محمد...يمه ابوي شلونه
امي....ابوك الله يساعده بلضيم من جها خسر صديق عمره
ومن جهه ضايج على عادل
وانت قبل شايل نص الشغل ويااا وهسه صرت بعيد
يخاف عليك يكول خاف يلزمونه
محمد...يمه لا تخافون مايصير غير الي كاتبه رب العالمين
امي...شلونك انت زين
محمد...يمه لاتخافين مابيه شي خالاتي وبيبي حايرات
بيه يمه اني كمت اصلي اصلي اليه والعادل
وحتى بديت اقرا قرآن
امي....يايمه يحفظك راعي القرءان ويصبر كلبنا على فراكك يله خلص رصيد المره مع السلامه
محمد...الله وياج سلملي على ابوي
سديت التليفون واحس اكو قهر بكلبي اختنكت
راسا نزلن دموعي
اني عايش واكل واشرب وكاعد بمكان امين
وأهلي هيج كلبهم مفرفح عليه
الله يساعد ام عادل وابو بس هالولد وخسرو حقهم
لو كلشي يسسون
عمت عيني عليك ياخويه كون اني ميت ولا انت
على الاقل اني اهلي عدهم ولد غيري
بس انت الوحيد الاهلك
يارب صبر كلب امه وابوو ونزل السكينه عليهم
هذا قضاءك وقدرك بس احنا مانكدر نتحمل المصايب
وهاي اكبر مصيبه
مصيبه الفراك اكبر وافضع مصيبه
مرت الايام ووصلنا لليوم الي راح ينزل بي كرار
الله يستر وماصير مشكله جبيره
بلكت الله يهدي ويسكت مني
محمد...بيبي اليوم ينزل خالي كرار
بيبي...اي واذا خل ينزل انت خايف منه شنو
محمد...لاما خايف منه بس مااريد تصير مشاكل بسببي
بيبي...هاي المشكله مو انت السبب بيها
هو الي خلق هاي المشكله
انت مجرد خطار شنو الناس بعد ما تستقبل الخطار
وجودك بيش مااذي
جبير وفاهم ماعندك مشاكل ويااا
بعدين الاهل المن ينرادون اذا مايوكفون واحد للثاني
بعد عليمن اسمهم اهل
محمد....اني الي محيرني ليش هو كارهني اني ماعندي مشاكل قديمه ويااا
وحتى ماجنت اجي هنا ليش هبج يعاملني
بيبي...هو من زمان هيج اناني وما يحب بس نفسه
اخواته من يجن علينا زياره اذا اتاخرن يمنا
يدير وجها مايعجبه وجودهم بلبيت
اناني مايحب بس نفسه
العصر بيبي تواصلت وياا خالي علي حتى خاف كرار من ينزل يخلق مشكله
خالي علي بس خلص شغل اجا علينا كبل وماراح البيته
خالي علي تعشا ويانا بعدنا ناكل دخل خالي كرار
شايل جنطته
بس شافني راسا شمر جنطته بلكاع وعبالك شاف جني
اجا عليه ركض وضربني بوكس واني كاعد ااكل
راسا بيبي كامت من مكانها تعيط
وخالي علي طفر علي لزمه راسا رجع ضربني مره ثانيه
خالي علي دفعه عني
محمد....هاي ليش اني شمسويلك
كرار.....اني مو كلت ارجع ما الكاك بلبيت
علي...هاي ليش اضربه انت ليش ماتحترمني مو اني كاعد
خلي احترام الامك
كرار...مرتي طالعه من البيت صار اسبوع بسببه
تكول مااكدر اخذ راحتي بلبيت من ورا
وهو حضرته كاعد ومتربع بلبيت
بيبي...الله لا يوفقك لا انت ولا مرتك هاي الحيه
ولك انت ما تخاف من الله شمسويلك هذا المسكين
كرار...هسه اروح أبلغ علي دقيقه مايبقى هنا
بيبي...انت تطلع روح ورا مرتك اطلع مااريد اشوف وجهك هنا
كرار.. اني اذا طلعت اطلع بوجهي للمركز أبلغ عنه
على يا اساس مكعدلي مجرم بيتي
بيبي...هذا مو بيتك اطلع الله لا يوفقك
جمانه السعيدي
محمد...حسيت شي حار على وجهي مسحت وجهي اجا دم
بايدي
علي...اني اني اخذ محمد بيتي
بيبي...لا هو يطلع من البيت ماخلالي احترام
يمشي بحجي مرته
علي...يمه اسكتي ليش اصير المشكله جبيره
اني اخذ محمد بيتي
كرار...مو يومين ويرجع ادفنه هنا اذا رجع
بيبي...روح يكرار الله لايوفقك ولا يرضا عليك
لا انت ولا مرتك
علي...يمه كافي ماكو داعي الهذا الحجي يله محمد جيب ملابسك وتعال وياي
هاي المشكله مراح تنحل اله بهاي الطريقه
محمد...كلشي ما حجيت لان مبين خالي كرار جاي مشحون عليه
اطلع هسه احسن ما يجيب الشرطه ويطلعوني على المركز
جبت علاكه خليت تراكي ولبست نعالي وطلعت وياا خالي علي
كلما امسح وجهي يجي بايدي دم
مااعرف منيين مجروح بلضبط
خالي علي يمشي كدامي واني امشي ورا
وصلنا البيت خالي علي بيت زغير ايجوز ١٠٠ متر
دك خالي الباب
صوت بنيه صاح منو
علي....اني بابا رحمه افتحي الباب
انفتحت الباب
دخل خالي وكال تعال ادخل
دخلت للبيت صارت رحمه كدامي
نسيت كلشي وبقيت اباوع عليها مو بنيه بشرفي تضوي
مو الدنيا ليل وجها عبالك كلوب ومشتعل
بيضه كطن وعيونها يخبلن رموشها مايلات
خدودها وشفايفها يخبلن
هي من شافتني ووجهي كله دم
راسا صاحت يايمه هذا منو وليش هيج وجها
علي...هذا محمد ابن عمتج عمج كرار ضربه
تعال حمودي ليش واكف بلباب
رحمه...غسل وجهك هنا
محمد...اااشرتلي على المغسله ودارت وجها
كصيبتها على ضهرها نازله للخلفيه لون شعرها يخبل
هي تمشي واني عيني عليها
قبل شويه جنت احس وجهي مشتعل نار من ضربت خالي كرار
بس هسه كلشي مااحس
جابتلي منشفه واجت واني بعدني واكف بمكاني
رحمه...غسل وجهك كله دم
من تحجي يطلعن الغمازات
يخبلن الصراحه اول مره اشوف بنيه بحياتي وهيج شكلها يشدني
عبالك مثل واحد وسطرني
دنكت اغسل وجهي
علي...يله وينك محمد كلها هذا تغسل وجهك
محمد...اي اجيت
دخلت للمطبخ و شفت رحمه واكفه على الطباخ تخدر جاي
امشي وعيني عليها
صاح خالي علي وينك يمعود
دخلت للهول لكيتهم كلهم كاعدبن
كامت ام رحمه ورحبت بيه
ام رحمه...اهلا وسهلا هله خاله تعال ادخل
قمر....بابا شبي وجه
علي...مابي شي تعور اعرفك هاي قمر ازغر وحده
وراح ادوخك بلاسئله ما تخلي شي ما تسئل عنه
وهاي مروه وهاي رقيه
ورحمه الي فتحتلنا الباب
محمد....... الله يحفظهن
ام رحمه...ويحفظك ويسلمك من كل شر
شويه وجابت رحمه الجاي
علي....جيبوله عشى لان انكتل وما تعشى
محمد....لا الحمد لله شبعان بس جاي كافي
ام رحمه....ميخالف كرار عصبي من زمان
علي....لا ولله ماخله احترام لا اليه ولا الامي
محمد...اني مااريد اضايقكم يمكن ارجع البغداد
علي...مستحيل اعوفك ترجع البغداد
اني عندي اربع بنات وانت ابني الخامس
محمد....الله يحفظك خالي ويبارك بيك
الفصل السادس من هنا