رواية القاسي والبريئه الفصل الخامس5بقلم ايمان ابراهيم
بعد ما جاسر مشى راح كمال نادى على امال وقالها تعالى عشان اقلك على اللى حصل وقالها كل حاجه قالتله شفت انا قلبى كان حاسس وانت قلتله ايه قالها قلت لازم نفكر وناخد راى البنت طبعا امال قالتله طيب انت رايك ايه كمال قالها بصي هو راجل دوغرى ودخل البيت من الباب بس انا حاسس ان مشاعره جامده وانتى عارفه هديه رقيقه وحساسه اد ايه مش عارف هتقدر على طبعه ده ولا ايه امال ردت عليه احنا نعمل اللى علينا ونقولها وبعدين نخليهم يتعرفوا على بعض كويس عشان لما تاخد القرار تبقى عن اقتناع قالها صح هى لازم تعرف انا بكرة ان شاء الله هقولها يلا ننام دلوقتى والصبح ان شاء الله نشوف هنعمل ايه
هديه ورقيه قاعدين يهروا وينكتوا فى اوضتهم عايزين يعرفوا ايه الحكايه هديه عاملة نفسها مش هاممها بس رقيه واخدة بالها وقالتلها انا عايزة اعرف جاسر كان هنا بيعمل ايه ردت هديه بهدوء عشان متبينش انها من جواها هتموت وتعرف 😉 عادى يابنتى بكرة نسال ماما واكيد هتقولنا رقيه بقى يسلاااام يختى وانا لسه هستنا لبكرة هديه قالتلها اومال يعنى هتروحى تصحى ماما عشان تساليها يلا اعميلها كده عشان ماما تروقك 😄 رقيه قالتلها خلاص هصبر لبكرة وامرى لله انا هتخمد عشان اذا فضلت صاحية عارفه نفسي مش هبطل فرك تصبحى على خير ردت هديه وهى بتضحك عليها وانتى من اهله روكا
عند جاسر كان لسه صاحى مش عارف ينام من التفكير وبيقول ياترى هديه هتقبل ولا هترفض طبعا جاسر مش بيقبل الرفض ابدا واذا حط حاجه فى دماغه هينفذها بس هو كان حاسس ان فى قبول وده اللى شجعه يروح ويتقدم وقال انه هيديهم مهلة لحد نهاية الاسبوع وهيكلمهم عشان يعرف الرد على طلبه
تانى يوم الصبح كل واحد راح على شغله ونهلة فى شغلها جالها زميلها فى الشغل معجب بيها وهى حاسة بكدة لانه بيحاوب يفتح كلام معاها من وقت للتانى وهى بتقفل معاه بس المرة دى قالها بشكل مباشر انه معجب بيها وعايز يتقدملها بس هى ردت عليها وقالتله انها ماجله الموضوع ده دلوقتى وعايزة تركز فى الشغل 😉 شغل اه الشغل هى طبعا مش ده السبب الحقيقى نرجع كده
فلاش باك
كانت نهلة راجعة من شغلها وصادفت شريف اخو هديه وسلموا على بعض وفضل يتكلم معاها ويعرف اخبارها ايه وبعدين قالها انه ممكن يمشي معاها لحد البيت يوصلها وهو ماشي معها سالها قالها انتى فى حد فى حياتك يا نهلة اتخضت فى الاول بس بعدين قالتله لا بتسال ليه قالها انا الصراحة اعجبت بيكى من اول ما شفتك واتشديلك اوى وعايز اعرفك اكتر لانى عايزك تكونى شريكة حياتى بس لازم نعرف بعض كويس ايه رايك قالته انت فجاتنى يا شيخة 😉😄 شوف البت قال يعنى مش واخده بالها ما علينا 😄 قالتله انا عجبتنى صراحتك وانك جيت دوغرى بس انت عارف ان جاسر متقدم لهديه وصعب دلوقتى ان يبقى فى كلام فى اى حاجه قالها عارف بس انا بحب كل حاجه تبقى واضحة واذا انتى وافقتى انا هكلم بابا ونكلم جاسر وهو وهديه حرين بقى انا مش هوقف حياتى عشانهم قلتى ايه اتكسفت وقالتله طيب قالها خلاص انا هتصرف يلا عشان وصلنا اشوفك على خير وسلم عليها وكل واحد روح على بيته
عودة للحاضر عشان كده قفلت الكلام مع زميلها لانها هى كمان معجبه بشريف وحاسة انه هو ده اللى هى عايزة تكمل معاه .
هدهد بقى كمال ندهلها وقالها تعالى يا هديه عايز قلك على حاجه اخد رايك فيها قالتله خير يا بابا قالها اكيد خير يا حبيبتى مش انتى يا هديه عجبتك العيشة هنا قالتله اه اوى قالها يعنى تحبى تفضلى هنا علطول قالتله ياريت قالها طيب اذا اتقدملك حد من هنا هتقبليه قالتله والله اذا ارتحتله واقتنعت بيه ليه لا قالها طيب حيث كده هو فعلا فى حد اتقدملك وطلبك منى هديه قلبها بدا يدق جامد حست ان زيارة جاسر كان ليها دخل بالحكاية ده سكتت كده سالته وده مين يا يابابا ده احنا يدوب بدانا نستقر قالها جاسر جارنا 😳 هديه تنحت شويه كده وبعدين بدات تجمع قالتله بجد يا بابا بس ده احنا ملحقناش خالص طلب ايدى بناء على ايه قالها هو شاف فيكى المواصفات اللى عايزها وعايز يتعرف عليكى اكتر هديه قالتله طيب انت رايك ايه فيه يا بابا رايك هيساعدنى فى انى اكون فكرة عنه قالها بصي هو محترم وكل حاجه بس مشاعره جامده شويه يعنى العقل عنده متحكم اكتر من قلبه وانتى برضه لما تقعدى معاه ده هيساعدك اكتر انك تعرفيه وتاخد قرار ايه رايك ارد عليه اقوله مبدءيا انك حابه تقعدى معاه عشان تتكلموا مع بعض ولا اقفل على الموضوع من اساسه هديه ردت عليه قالتله طيب ادينى بس وقت افكر وارد عليك يابابا انا اتفاجات الصراحة قالها وماله خدى وقتك بس متغبيش فى الرد قالتله حاضر يا بابا
وراحت بسرعة على رقيه تقولها على اللى حصل طبعا رقيه كانت خلاص هتولد عشان تعرف 😄😄😄 وهديه حكتلها كل حاجه ورقيه قالتلها وهتعملى ايه قالتلها مش عارف لسه رقيه قالتلها ايه الخيبه دى اقعدى معاه طبعا واعرفيه كويس عشان تعرفى تقررى هديه ردت عليها بابا قالى كده برضه وفعلا هديه قالت لباباها انها موافقة من حيث المبدا بس محتاجه تتكلم معاه وكمال قالها خلاص هحدد معاه ميعاد عشان يجى وتتكلموا مع بعض واتصل كمال بجاسر وبلغه ان هدية موافقة تقعد وتتكلم معاه وقاله شوف يا جاسر يابنى انت عارف ان الحاجات دى قسمة ونصيب وسواء اتفقتوا او لا انتوا هتفضلوا اولادى واى حاجه تحتاجوها انا موجود اتفقنا جاسر قالوا اتقفنا كمال قالوا خلاص هنستناك يوم الخميس ان شاءالله ياترى جاسر هيعمل ايه مع هديه عشان يخليها توافق