رواية مسار اجباري الفصل الخامس5بقلم منه محمد
مديحه فضلت تتصل بالبنات التلفون غير متاح القلق اعتلاها والخوف اتمكن منها لحد ما الباب خبط وجريت تفتح زي المجنونه
رشاد : السلام عليكم ياطنط, عامله ايه
مديحه:انت عارف فين منال واطياف
رشاد: لاْ بتصل بيها من الصبح مش بترد عليا , وقلت زمانها رجعت , جيت اطمن واديها الفلاشه دي كانت طلبها مني ضروري
مديحه بهلع: معرفش هما فين, مرجعوش لحد دلوقت من الكليه
رشاد: طيب انتي ليه خايفه كده, يمكن لسه في السكه والطريق زحمه هيجوا اهدي
مديحه: انت مش عارف حاجه
رشاد: انتي رايحه فين
مديحه: رايحه ادور ع ولادي زمانهم في ورطه
رشاد مسك دراعها: ياطنط متقلقيش هيجوا
منال دخلت وبصت لمديحه وشافت الذعر ع وشها جريت عليها: ماما
اطياف: مالك
رشاد ابتسم: شوفتي قلت لك هيرجعوا, كنتم فين كل ده
مديحه من غير اي سؤال ولا استفسار جريت اخدت البنات لحضنها وتضم فيهم وبعدين سألتهم: كنتم فين
منال: ابدا انا كان عندي محاضره زياده , واطياف قعدت تستناني , عشان كدا اتأخرنا , احنا اسفين خوفناكي
مديحه: وانتي يا اطياف ليه تلفونك مقفول
اطياف: التلفون فصل شحن
منال: اصل الهانم بتفضل طول الليل تلعب جيمس ع الموبيل
............قصص منه محمد كاتب..............
في السرايا تحديد ع السفره
حكيم: الاكل حلو , وعلا خلصت الترم الاول , علميها تطبخ في الاجازه , امير بيحب الاكل والشرب
ثريا: انا شايفه نعمل خطوبه بسيطه , ولما تخلص الترم التاني نعملهم فرح كبير
حكيم: وليه خطوبه , احنا نكتب الكتاب الاسبوع ده , والدخله كمان شهر , ومش هيبقي فرح الف ليله وليله , دي علا حكيم هتتجوز من امير
عزيز: فعلا وندبح ونأكل الناس الغلابه
علا: ايوه بس كدا مش هلحق
حكيم: فضي نفسك لفرحك ياعروسه, وانت كمان ياعريس ,وابدء حياتك مع مراتك
امير بدون نفس: امرك ياعمي
حكيم بص لعزيز وقال: العيال لازم تسمع كلام الكبار , اما الي مشي بدماغه عاش من غير سعاده في حياته
عزيز فهم انه بيلقح عليه وحكيم تابع وقال: اصل كان قلبه وعينه ضعاف , فضل حياته من غير شئ
علا: بابا عايزه اختار فستاني بنفسي
حكيم ابتسملها: طبعا انتي بنت حكيم , هجوزك واعملك فرح ابهه محدش شافه ولا سمع عنه قبل كده , خالي الكل يعرف ازاي الواحد بيحافظ ع بناته
عزيز: يا خويا ده فخر لينا تحافظ ع سلامتك قام وهو ماشي حط ايده ع كتفه وقاله ابقي صحيني بكره بدري اروح اباشر الارض
..............قصص منه محمد كاتب.......................
في المطعم
رشاد بصلها: كنت شايل هم امي , بس انا شايف مفيش اي رئكشن سعاده ع وشك انتي
اطياف رفعت عيونها وبصتله: ليه سعيده
رشاد: كدا سعيده مستحيل
اطياف: عشان امك مش موافقه , وعامله لي حاله توتر وقلق
رشاد: قصدك ايه
اطياف: امك ظهرت قدام الناس في الخطوبه كانها بتعمل فينا معروف
رشاد: حد قالك حاجه من دي في وشك
اطياف: مش لازم كل حاجه تتقال باللسان , فيه حاجات تتحس والواحد بيفهمها من المواقف, لو كانت اختارتني بقلبها كانت العلاقه مابينا هتبقي افضل بكتر
رشاد نزل وشه لتحت وسكت تماما
اطياف: ما تقول حاجه ليه سكت
رشاد: ايوه العلاقه دي تمت عشان سعادتي واخدتها
اطياف كشرت اكتر وقالت: وكان المفروض امك تيجي شويه ع نفسها , عشان السعاده دي تكمل
رشاد: وانا ذنبي ايه, انا عملت كل الي طالع بأيدي, المهم مضايقيش نفسك من فضلك
اطياف: خلاص مفيش حاجه
رشاد حاول انه يخفف من توتر الجو: ها تاكلي ايه بيتزا
اطياف:لاء همبورجر وبطاطس مقليه
رشاد ابتسم: تمام هجبلك كل الي نفسك فيه بس ابتسمي خلينا نقعد مره كويسين
............قصص منه محمد كاتب................
في الارض الزراعيه
عزيز قرب منه: نعم طلبتني
حكيم: اه بسببك اتكسرت تقاليد عايلتنا والكل بقي يستهزء , وانت المسؤل عن ده انت وبس
عزيز: اظن قلت لك كذا مره معرفش اي حاجه عن مديحه والبنات , ولو كنت اعرف كنت رجعتهم هنا عاشوا معانا
حكيم: انا مجبر اجوز علا من امير رغم مش موافق اجوزها منه بالعافيه , كان المفروض بنتك اطياف هي الي تتجوزه مش بنتي , كانت فضلت تقاليد عيلتنا ع قيد الحياه
عزيز: انت شوفت بنفسك الي حصل كويس
حكيم بنرفزه عليه: متتكلمش زي النسوان الضعيفه , لو كنت راجل اتكلم راجل ,وطبيعي تبقي مبسوط ان امير هيتجوز علا, لان لو مراتك عارفه اننا لو مسكنا اطياف هنجوزهاله ,بس انا مسيري اجيبها من تحت الارض, هحفر الارض كلها واخرجها, عارف ليه عشان تقتلها وتدفنها وده بمثابه شرف ليك مش هسمحلها تعيش لحظه وانت ملقتش مراتك لحد دلوقت ولا يمكن تلاقيها
عزيز: انا ماشي
حكيم: انت شوهت اسم العيله , وخلتني عاجز اوي, اوقات مش ببقي طايق اشوفك قدامي واضربك بكل قوتي , اما مديحه كنت ممكن اخلي امير يدور عليها ويقـ تلها بنفسه بس لانه حبيبي ودراعي اليمين وماسك كتير من المسؤليات , مش عايز احطه في مشكله ومفيش انسان بيقسم جسمه لحتت , وانت عايز تمشي يله امشي
...........قصص منه محمد كاتب...........
في منزل رشاد
مديحه: ها قولتي ايه, موافقه نعمل كتب الكتاب والدخله في يوم واحد , وهنعمل كل الي تقوللنا عليه
جليله: يعني ايه نعمل فرح وجواز واحنا لسه خاطبين , وانتي تطلبي كله في يوم, الناس تقول علينا ايه
مديحه: هيقوله ايه خير البر عاجله
جليله: انا مش فاهمه انتي ليه مستعجله
مديحه: لاْ بس بناتي ملهمش راجل يحميهم من الدنيا , وهما مسؤليتي وانا خايفه يحصلي حاجه واسيبهم من غير دهر وسند اعذريني
جليله: اعذرك بس انتي كدا بتزودي العبئ والمسؤليه علينا , واحنا مش مستعدين للدخله والفرح دلوقت
مديحه: عايزه ايه
جليله: انتي افهمي كلامي وفسري المعني براحتك, مفيش جوازه بتحصل فجأه, انا محتاجه اخد وقتي واجهز شقه ابني ع اقل من راحتي , وبصراحه كدا انا بدئت اقلق لسربعتك , ده غير الكل هيتكلم ع التصرفات دي , وبعدين ليه مستعجله تجوزي بنتك, لو فيه حد تاني انا معنديش مانع دي بنتك وتخصك , ولا انتي مش معايا تقدر تعمل ده براحتها
مديحه: وانا بقولك لازم بنتي تتجوز وقريب
جليله : وانتي ليه مش فاهمه كلامي , انا لما بروح اشتري خضار بفضل انقي بعنايه, واخد وقتي وبعدها اشتري وده جواز ابني
مديحه: طيب فكري في كلامي مره تانيه وردي
جليله قامت وقفت في مكانها وقالت: ده قراري النهائي , وهدعلها ان ربنا يوفقها , تقدري تمشي
.............قصص منه محمد كاتب.............
جليله: شوفت الي حصل , عشان كدا مكنتش عايزه اطلبها , فات يومين ع الخطوبه وامها طمعت في الجواز ومش فاهمه ايه سر السربعه دي هو فيه ايه يا رشاد
رشاد : انا معرفش انا زيك مذهول
جليله بعصبيه: ازاي متعرفش اكيد اطياف قالت لك , واكيد اتكلمتوا, قولي انت غلطت معاها
رشاد: هو انتي بتشكي فيا من غير سبب , والله ما اعرف حاجه يا ماما , ولا حتي اطياف كلمتني في موضوع الجواز مجبتليش سيره اصلا
جليله بسياسه: ياحبيبي انت ابني الوحيد ومن حقي اعملك فرح واتباهي , مش هجري وانت عارف انا عاصره ع نفسي شادر ليمون
رشاد مسك ايدها وقال : ماما انتي ليه واقفه , اقعدي ارتاحي وومتزعليش عشان سكرك
جليله : فيه ان وري السربعه دي, مديحه كانت متوتره زياده و ومصممه تجوزك بنتها حتي لو بالعافيه , ويكون وراهم ايه عشان تجوزهالك بالسرعه دي
رشادك: قلت لك معرفش ,اقولك انا هروحلهم بنفسي, افهم ايه الموضوع من حماتي نفسها
جليله: لا سيب لي انا الطالعه دي هكلم مديحه بنفسي
رشاد: اعملي الي يريحك
جليله : بس اياك توافق ع حاجه والا مش ههتم بيك انت فاهم
رشاد :حاضر فاهم
.......قصص منه محمد كاتب..........
في القاهره راح حكيم يشوف الارض الي هيشتريها ووقف علام والسواق جنب العربيه في نفس اللحظه مديحه كانت خارجه من السوبر ماركت والسواق شافها لكن علام قاله مش هي وتوههه لحد ما حكيم انهي شغله وطلع وركبوا العربيه
حكيم بص للسواق: في ايه وشك جايب اللوان حصلت حاجه
علام: مفهوش حاجه, هو الي شكله كدا
السواق: انا شوفت الست مديحه مراه عزيز بيه
حكيم: انت واعي
السواق: ايوه والله هي معقول اقولك ع حاجه وانا فاقد الوعي ,شوفتها بعيوني هي
حكيم: شوفتها فين
السواق: في سوبر ماركت دخلت وطلعت ع طول
علام: كان بيقولي نفس الكلام , بس لما بصيت لقتها مش هي ابدا , هي تقريبا ست شبها وهو فكرها هي يا بيه
السواق: لا مش كدا
علام: شكله منمتش كويس وبيحلم, وهو صاحي عشان كدا يابيه اديله اجازه يومين ولا اربعه والا هيفضل يحلم وهو صاحي
..........قصص منه محمد كاتب...........
في منزل اطياف
جليله: انا فكرت في جواز رشاد واطياف يكون بعد شهرين, عندك اي اعتراض
مديحه بسعاده: لاء طبعا اعتراض ايه , ده انا نفسي النهارده قبل بكره , لما اقوم اجيب شاي
جليله: انا لسه مخلصتش كلامي , اقعدي ,مش هيتم كتب الكتاب الا بوجود ابوها لازم يحضر, اظن ده نسب واهلها لازما يحضروا , زي ما اهل رشاد كلهم هيكونوا موجودين وهيسالوني عن ابوها ارد اقولهم ايه , واظن انتي لسه ع ذمته والود مستمر بينكم , اعتقد فهمتي وجهه نظري ومقدره موقفي , وجود ابوها مطلوب ده شرطي , لازم امشي عن اذنك
مديحه : مع السلامه
اطياف طلعت ولقت امها واقفه مسهمه حطت ايدها ع كتفها: مالك يا ماما
مديحه: تعبانه يابنتي لما نسيت مكنتش المفروض انسي غلطت , كل حاجه زي ماهي والوضع هو نفسه الزمن بس الي اتغير ام رشاد حطت شرط لو ابوكي حضر هتوافق ع الجوازه
اطياف: بتقولي ايه ,هي الست دي مش عارفه اننا ملناش علاقه بيه من سنين طويلة
منال: كان لازم ترفضي شرطها , وتخليها تفهم وضعناه معاه
مديحه: طيب هي هخليها تفهم النهارده وبكره لما حماتك تحط نفس الشرط وقتها ارد اقولها ايه
اطياف: قوللهم ان بابا سابنا من زمان ومشي , واحنا مش اول ناس تعيش من غير ابوهم واعتبرناه مات من يوم ما سابنا , وكتر خيره بيعبت مصارفنا كل اول شهر وكأنه كده عمل الي عليه ياريته كان مـ ـات بجد , ع الاقل مكناش هنعيش بالعذاب ده
مديحه لطشتها بالقلم ع وشها بكل قوتها وصرخت فيها بحده : ياقليله الادب انا ربيتك تتكلمي علي ابوكي بالطريقه الي تتكلمي عنه بيها
اطياف اتجمعت الدموع في عينها : انا مغلطش فيه هي دي حقيقته
مديحه بصراخ شديد: ده ابوكي سامعه, ومهما عمل هيفضل اسمك ع اسمه , ومش هسمحلك ابدا تغلطي فيه
اطياف: هو اساء معاكي اد ايه. ورماكي وراح اتجوز عليكي واحده تانيه وانتي مش عايزني اقول كلمه في حقه
مديحه: عشان مش هتفهمي انا الي سيبته ومشيت من حكم عادتهم مش هو وهو قام بمسؤليته وعمره ما قصر وبيتابع حتي لو من بعيد ولحد اللحظه لسه عايشين في خيره
منال: متزعليش منها يا ماما
اطياف مشت متعصبه ومديحه نزلت دموعها تجري ع خدودها وقالت: معرفش انا غلطت في ايه حاولت اقوم بوجباتي ولسه بتعافب اشد عقوبه
منال ضمتها: متعيطيش كل حاجه هتبقي كويسه
مديحه متحملتش زعل بنتها ودخلتلها وهي ماسكه كف ايدها الي اترفع ع خد فلذه اكبادها وقالت بدموع: اطياف حقك عليا مديت ايدي عليكي
اطياف مسحت دموعها بسرعة : انتي الي حقك عليا , انا غلطانه قليت ادبي وحقك تضربيني بالشبشب كمان , انا اسفه وجعتك
مديحه: فيه امور كتيره انتي مش فهمها , انا لسه بحترم ابوكم وهفضل احترمه, كفايه حمانا حتي لما سيبته لحد اللحظه وفضل صادق في كل وعوده وكلامه واستمر, اه سابني لوحدي لكن متهربش ابدا من مسؤلياته
اطياف حدفت نفسها جوه حضنها: ماما انا بحبك اوي سامحيني
مديحه ضمتها بقوه: انتي روحي وقلبي , وخلاص مش زعلانه منك
.....قصص منه محمد كاتب............
في السرايا
ثريا: انت بتقول ايه ازاي ده
حكيم: لو الكلام ده طلع حقيقي كدا مديحه وبناتها بقوا في ايدي
عزيز دخل: فيه ايه ياحكيم
حكيم بص للسواق وقاله: اتفضل قول الكلام قدامه
عزيز: فيه ايه يامحروس ماتتكلم
السواق سكت وخاف لان علام حذر عزيز وهو هدده لو قال كلمه عن مكان مديحه هيقطع عيشه ويمشيه من البلد
حكيم: ايه لسانك اتقطع , ولا نسيت الي كنت هتقوله, ما تتكلم
السواق: شكلي شبهت ع الست مديحه وانا كابس عليا النوم , غلطه مني
ثريا بغضب: ايه التخريف ده تقولنا ع حاجه كبيره وفي الاخر طلعت بتشببه , بقي ده اسمه كلام
السواق: سامحيني يا ثريا هانم انا بشر وغلطت
حكيم: ارجع بيتك وعوض نومك واعتبر من اليوم اجازه ثريا
ثريا: نعم
حكيم: اعمليلي فنجان شاي بسرعه
ثريا: حاضر
حكيم لعزيز: وانت واقف ليه روح كمل شغلك
...........قصص منه محمد كاتب...........
واقف يسرح شعره في المرايا سمع دقات ع الباب خفيفه
امير ساب المشط وقال: ادخل
علا طلت بوشها: كنت نايم
امير: لاء تعالي
علا دخلت لحد جوه وبستفهام: يعني مزعجكتش
امير: لاْ ليه واقفه اقعدي
علا: عايزه اتكلم معاك
امير: قولي شكلك قلقانه
علا: بصراحه مش هقدر اتجوزك
امير بغضب وانفعال: ايه الي بتقوليه ده, احنا تمينا موضوعنا بناء ع قرار عمي بنفسه, ازاي تتجرئي علي عدم طاعه اوامره وترفضي
علا: اسمعني الاول , مقدرش اتجوزك ع الاقل بعد ما اخلص الترم الاخير من الامتحانات وبعدها اقدر اركز وانا بجهز لفرحنا, لكن دلوقت الامر هيبقي صعب عليا , وانا عايزه احقق الي اتمناه بابا ابقي مهندسه , مش انت كان نفسك ابقي مهندسه عشان ده حلم عمك, قولي حاجه متسبنيش كده
امير هرش في دماغه: اعمل ايه مش فاهم , خلاص هحاول اتكلم مع عمي لكن مش هقدر ارفض له كلمه يقولها , ولا حتي انتي
علا: اطمن بس كلمه مره واحده ع الاقل وشكرا
.........قصص منه محمد كاتب.........
اطياف: عارفه ان امك حطت الشرط ده ,عشان تبوظ الجوازه
رشاد بعصبيه: هو انتي معندكيش الا النيه الوحشه في أمي وبس , طبيعي اهلي كلهم هيحضروا واكيد هيسألوا اقله فين ابو العروسه , هترد تقولهم ايه
اطياف: انت عارف اننا ملناش علاقه بيه من زمان , علاقتنا بيه بألاسم وبس
رشاد: طب الحل ايه دلوقت , وانا شايف مفهاش حاجه لو امك اتصلت بيه
اطياف: ده امر مستحيل يحصل فريح نفسك , لان امي هتتعب نفسيا وهي عمرها ما هترضا تعمل كده ابدا
رشاد فضل يخبط ايده ع جبينه وهو رايح جاي بحيره
اطياف بصتله : ليه ساكت قول حاجه
رشاد قعد: اقول ايه بس , تمام حماتي مش هتقدر بس انتي تقدري , اتصلي بيه والعبي لعبه الصلح وهو مش هيرفض
اطياف: مستحيل اتصل
رشاد : ليه هو مش ابوكي جمدي قلبك واتصلي
اطياف :المساله مش قلب جامد ماما مش هيعجبها
رشاد :ماهو لازم حد فيكم يتكلم
اطياف: انت ليه مش قادر تستوعب اي حاجه , انا ندمانه اني حبيتك يارشاد
رشاد مسك ايدها وهو بيبسملها: اخص عليكي يا وحشه ده حبنا حتي مميز , وادينا بنحارب مع بعض وبنعيش كل التجارب في الحياه المقندله دي , وكله هيعدي وهاخدك في حضني يا بت ووقتها هنعيش في سعاده ابديه , وهتكلم انجليزي عشانك
اطياف بستياء: انت اصلا بتعرف تتكلم عربي اتلهي
رشاد قفل ملامحه بمرح: اسم الله عليكي , يله قومي اكليني اي حاجه
اطياف :مفيش غير شاي وبس
رشاد : شاي شاي اي حاجه, المهم احنا مع بعض
اطياف وقفت : قوم روح اشربه مع امك
رشاد : ايه البت قليل الذوق الي حبيتها دي ياربي
........قصص منه محمد كاتب..........
لمحها وهو واقف في التراس رايحه جايه كانها قلقانه لف نزلها وصقف بايده الاتنين بمرح زي الاطفال وهي لفت وبصتله
امير: انتي ليه واقفه هنا
علا : ولا حاجه اتختنقت من جو الاوضه
امير حك رقبته: اممم كنت براقبك من فوق , بقالك مده زي ما تكوني قلقانه ,ايه المشكله
علا برتباك: ولا حاجه
امير ابتسم: فيه حاجه انتي مخبيها, او مش عايزه تقوليها ,ولا معندكيش الشجاعه تقوللهالي
علا: لاء مش كدا, لو فيه مشكله اكيد هشاركها معاك ,اتكلمت مع بابا
امير : لاء جيت اكلمه لقيت نفسي مش قادر , بس متقلقيش شهر ونص ونبدء نجهز للفرح
علا: ياا مير افهمني شهر مش هلحق يادوب اذاكر واخد شهادتي
حكيم قرب وقالهم :ايه الي مش هتلحقيه في شهر
علا ارتبكت: بابا اصل
امير كمل بدالها :ياعمي علا عايزنا ناجل الفرح شويه , الاول تاخد شهادتها وبعدها نبقي نتجوز
حكيم بهدوء :ما تكملي تعليمك بعد جوازك
امير : ايوه بس هي فعلا محتاجه تركز , وانا بصراحه محتاج وقت انت عارف انا اخدت ارض ابني عليها مصنع , وده هياخد ست شهور ع الاقل , وحقيقي مش فاضي حاليا ولازم اقف بنفسي ع ايد العمال لحد ما يخلص, وبعدها افضي اتجوز , وطبعا بعد قرارك ,وانا تحت امرك
حكيم: تمام زي ما تحبوا ناجل الفرح بعد شهرين, او حتي اربعه ,تكونوا جهزتوا
علا :الف شكر يا بابا
امير باس ايده وضمه لانه مش عايز يتجوز علا بس في نفس الوقت مش عايز يغضب عمه منه