رواية مسار اجباري الفصل السادس6بقلم منه محمد

عزيز عرف من علام شرط جليله عشان توافق ع الزواج بين رشاد وبنته من غير ما يتردد لحظه واحده سحب نفسه وطلع الجنينه بعيد واتصل بمديحه

مديحه ردت: الو مين معايا

عزيز نطق برتباك: مش عارفه مين الي بيكلمك

مديحه:انت مين انا معرفكش

عزيز نزلت دموعه وقال بصوت موجوع: ياه حتي نسيتي نبره صوتي

مديحه : ليه فاكرني فكراك انا نسيت كل حاجه تخصك يابو البنات , وشكلك طلبت رقمي بالغلط 

عزيز بقهر: نسيتي الحب  الكبير الي كان بينا

مديحه: الحب انتهي وراح , ويظهر لوحدك عندك الامل ولسه قلبك بيدق

عزيز: ايوه بيدق بحبك , عشان انتي لسه في قلبي وكأن الزمن واقف

مديحه: غلطان كل شئ اتغير , وانا كمان , حتي انت والظروف والوقت ولو انت زي مانت عيلتك زي ماهي ع عوايدهم الي مش هتتغير 

عزيز: عامله ايه

مديحه: اظن علام بيوصلك اخباري

عزيز: احيانا ولا مره سألتيه عني

مديحه: واساله عنك ليه

عزيز: عارف انك ولا هتسالي

مديحه: ده الي لازم يحصل متصل بيا ليه

عزيز مسح دموعه وقالها: بخصوص اطياف انا هحضر فرح بنتي , لما تقوليلي هاجي اكيد مع السلامه

مديحه قفلت السكه وانهارت تبكي ع حبها الوحيد الي راح منها بسبب عالم ظالم بعاداته وتقاليده الي لاتمت للبشريه بصله!

............قصص منه محمد كاتب...........

في فرح بنت الجيران في الشارع الكل حضر في جو مبهج وسعيد 

مديحه راحت ع جليله وهي طالعه بصنيه شربات وبسؤال: تحبي اساعدك في اي حاجه

جليله بكشيره: شكرا احنا خلصنا كل حاجه

مديحه: كنت جيالك النهارده البيت,  بس شايفاكي مع الجيران  ملخومه في فرحتهم

جليله: ربنا يسعد كل الولايه, بس خير ليه كنتي جيالي

مديحه بسعاده: عشان ارد  ع شرطك في الاول والاخر , انا زيك عايزه فرح بنتي يتم بالاصول  ابوها هيحضر كتب الكتاب , جهزوا نفسكم

جليله وشها اتغير واتوترت: اه اكيد عن اذنك اروح للناس

مديحه  فهمت وابتسمت: اه تعالي اروح معاكي  بس ليه ضرب النار

جليله: ياختي ناس فرحانه

في نفس المكان بس بعيد شويه رشاد واقف بعيد وعينه متشلتش من عليها ويبتسم

منال: رشاد واقف عينه هتتخلع عليكي

اطياف وشها احمر بحمره الخجل : عارفه وشايفه

منال مبتسمه: عقبال خطيبي لما يحبني اوي كدا

اطياف: هيحبك بدليل اول ما شافك جه اتقدملك , وطلب ايدك من امك,  بس مين الحمار الجاهل الي عمال يضـ رب نار 

منال: سبيه

اطياف قامت: اسيبه ده ايه طبله ودني اتخرمت , ده غير ممكن يأذي حد بالطريقه الهمجيه دي

منال مسكت دراعها: اقفي وبطلي جنان مع البشر, الناس واقفه محدش اتكلم

اطياف: يعني اسيبه لحد ما يمـ وت حد , ههزقه وارجع 

منال جريت وراها واطياف راحت للشاب بعصبيه: انت ليه بتضرب نار

الشاب ببرود:عشان مناسبه حلوه مش هتتكرر تاني

اطياف بستياء: يعني كل مناسبه بتضرب نار افرض حد اتأذي

الشاب ضحك بستهتار: وانتي ايه الي قلقك ,  احنا بنعمل شويه تفاريح,  وبعدين مفيش حد اتكلم من اهل العريس اشمعني انتي

اطياف لمنال : بيقول ايه ده

الشاب ضرب طلقه وحصلت صوت صرخه كانت طالعه من مديحه لان الطلقه الطايشه جات فيها تحت ذهول البنات والجميع 

............قصص منه محمد كاتب.............

في المشفي

منال ببكاء: دكتور ماما عامله ايه

الدكتور: للاسف الحاله حرجه جدا,  الرصاصه استقرت  في الكلي , وهتحتاج عمليه جراحيه

اطياف وهي بتمسح دمعتها: ودي تتكلف كام

الدكتور: حوالي 200 الف

منال شهقت: ايه 200 في عمليه

الدكتوره: الحاله هم من الفلوس ولازم نبدأ فورا , بس ادفعوا المبلغ عشان الجراح يشوف شغله عن اذنكم

 منال: هنجيب الفلوس دي منين

رشاد: مفيش داعي للقلق انا هتصرف 

اطياف: معاك المبلغ ده

رشاد: لاء بس هستلف من صحابي

اطياف وقفت بعيد واتصلت بعلام يتصرف من عزيز لان وضع امهم دخل في الخطر 

امجد خطيب منال قرب منهم بستفهام: يابنات محتاجين اجبلكم اي حاجه

منال هزت دماغها بـ لاء ورشاد رجعلهم وقال: قدرت اجمع 5000 من واحد صاحبي , وبأذن الله نجمع الباقي مفيش داعي للقلق

اطياف بعيون حمره كاسات دم:  ودول مش هيعملوا العمليه الا لما الفلوس تبقي كلها مدفوعه الفلوس عندهم اهم من حياه الانسان , يارب حلها من عندك

كان هنا وصل علام ودخل مهرول بيدور عليها زي المجنون

منال جريت عليه: الحقنا يا عمو علام

علام بيطمنهم : يابنات مفيش داعي للقلق , ابوكم بنفسه جالكم

عزيز دخل بصلهم وهما كمان بصوله لكنه شخص غريب عنهم ميعرفهوش الا من خلال صوره فقط وراح دفع الحساب كله ومديحه دخلت غرفه العمليات  وفضل معاهم لحد ما خلصت العمليه والجراح خرجلهم وقلع الكمامه

اطياف: ها يا دكتور امي كويسه

الدكتور: لا الحاله دخلت غيبوبه , 

عزيز: وتفوق امتي منها

الدكتور: مقدرش احدد المده الي هتفضل فيها غايبه عن الوعي , ممكن يوم , او اسبوع , او سنه لقدر الله , او تفضل في غيبوبه باقي حياتها , انا متأسف عن اذنكم

منال واطياف انهاروا عياط وعزيز دخل يطمن ع مديحه وشافها نايمه متوصلها خراطيم واسلاك حواليها وهي لا حول لها ولا قوه الا بالله

...........قصص منه محمد كاتب.............

في منزل عائله اطياف

عزيز وشه لتحت وبيتكلم بقهر: دي تاني مره اعيش اللحظه دي , لما امكم اخدتكم ومشت وسابتني مقدرتش اعزي نفسي ولا بقي عندي كلام  اقوله, وانا كدا اليوم  مش لاقي كلام اصبركم  بيه,  بس انا متأكد ان امكم هتقوم وقريب جدا , ولحد ما ده يحصل هتفضلوا معايا , مينفعش اسيبكم هنا لوحدكم

اطياف: متقلقش علينا , اتعودنا نعيش لوحدنا , عايز تمشي تقدر تمشي

عزيز بصلها: لازم امشي لان الكل هناك منتظرني

اطياف: عشان كدا بقولك قوم امشي

عزيز بحده منها: انا مخلصتش كلامي ,  انا مش همشي من هنا , غير وانتي واختك معايا

منال: احنا

عزيز: ايوه انتم مقدرش اسيبكم هنا لوحدكم

اطياف: احنا هنا مش  لوحدنا, عشنا فتره كبيره والكل عرفنا من صغرنا

عزيز: بس انا معرفهمش,  ومقدرش اثق في حد , وهتيجوا معايا,  يله ادخلوا لموا حاجاتكم علام واقف بالعربيه بره  هعمل مكالمه  بره تكونوا خلصتوا

منال وقفت: يله يا اطياف نلم حاجاتنا

اطياف: مش رايحه هناك

منال: ليه مش رايحه

اطياف: لو كانت ماما معانا كانت هتقبل نروح لحد هناك, لو كانت معانا كانت هتسمحلنا ندخل البيت ده , لو هي معانا كانت هتوافق نروح لـ ابونا لا مكنتش هتوافق

منال: قوليلي ازاي فعلا هنعيش لوحدنا في البيت هنا

اطياف: احنا مش لوحدنا , احنا مع بعض متقلقيش هاخد بالي منك ,انا معاكي ده مش كفايه

منال: بس انا فعلا خايفه

اطياف: تخافي وانا معاكي

منال: اطياف النهار هيعدي بأي شكل ,بس باليل هنعمل ايه ,واحنابنات  لوحدنا اكيد هنخاف

اطياف: عادي نخاف فين المشكله,  ولو خوفنا من الضلمه نولع النور , وننام بعدها بس مش هنروح هناك

منال: فكري مره تانيه

اطياف: مفهاش تفكير

عزيز دخل وقال بأصرار: وانا مش هسيبكم هنا لوحكم

اطياف بعناد: واحنا مش عايزين نروح معاك

عزيز: ليه يا اطياف هتبقوا مع ابوكم في بيتكم وفي قلبه ,انتم ليكم حق في السرايا

اطياف: مش مهم البيوت هناك , اهلك ميتعشروش اما هنا الناس افضل وكل باب مفتوح لينا

عزيز: يابنتي مش نفس بيت ابوكم , ده غير بيت اي حد , ومن الاخر مش هقدر اسيبكم من غير امكم 

اطياف: واو ابونا  ظهر كدا فجأه اليوم, كان فين يا بابا قبلها لما كنت انا واختي محتاجلك , كنت فين في عيد ميلادنا مشاكلنا البسيطه ,  فرحنا حزننا كنت فين , بس كان فيه امنا وبس انا عشت حياه اليتم بسببك , خلاص فات الاوان لان عمرك ما اهتميت بينا

عزيز ببكاء: في كل لحظه من السنين الي فاتت عمري ما نسيتكم , ومديحه عارفه اني كنت معاكم ومعاها  لحظه بالحظه.وقد ايه بحبكم وبحبها

اطياف صرخت فيه: لو بتحبها مكنتش سيبتها وروحت اتجوزت واحده تانيه عليها  , الي بيحب بيفضل مع الي بيحبها مش يفصلها عنه

عزيز: ايه الي ممكن يجبرني ع كده  غير العجز يابنتي ,حبي عطاني مكافاه  الفراق  , امكم طلبت وانا مكنش ليا رغبه اسيبها بس قدام رغبتها مقدرتش ارفض , واتمسك تعيش معايا بالعافيه , وبعد ما مشت امكم اضطريت اتجوز تاني , ومكنش اختياري مروحتش اتجوزت مني لنفسي, لان مستحيل اسبب لمديحه اي وجع ,هي الي مقدرتش تستحمل عادتنا , واترجتني تاخدكم معاها وانا وافقت علشان حرام احرم ام من ولادها ,وجيت ع نفسي وفكرت فيكم مفكرتش في نفسي , يمكن انا بعدت عنكم بس كنت ببعت علام كل اسبوع يطمن عليكم , واعرف اخباركم , وامكم اخدت مني وعد اني مشفكمش ابدا  , وانا حطيت حجر ع قلبي لاني حبيت مديحه عشان كدا مرضتش اقابلكم , عشان محدش يعرف من عندي طريقكم ولو بعد ده كله معتقده اني فرطت فيكم ومذنب , عاقيني زي ما تحبي وهقبله,  لكن مش هسيبكم هنا مقدرش لانه غلط وميصحش

............قصص منه محمد كاتب.............

علا بتلبس فستان الفرح  وهي في منتهي السعاده وبتكلمه : ياعمي انت فين طول الوقت ده 

عزيز :عندي مهمه 

علا بستفهام: مهمه ايه الي في يوم زي ده بس

عزيز:  لما ارجع البيت هفهمك

علا : عمي اليوم خطوبتي,  لازم تبقي موجود معايا

عزيز :يا حبيتي هكون موجود متقلقليش ا,نا هتحرك من مكاني

علا :ايوه انت فين , لتكون واقع في مشكله

عزيز :لاء يا حبيبتي مفيش مشكله ولا حاجه,  انتي متقلقيش انا جاي ع طول

علا  بأبتسامه واسعه: تمام مش هلبس الشبكه غير في حضورك, لانه مهم عندي جدا

حكيم دخل: بتتكلمي مع مين

علا نزلت بسرعه الموبيل والخط مفتوح وقالت :مع عمي عزيز

حكيم بغضب :هو ده بيفهم في الاصول,  لو كان بيفهم كان زمانه حاضر وبيستقبل الناس معايا في فرح بنتي  . ايه الداعي تتصلي بيه , ابوكي لسه عايش ع وش الدنيا ,مش محتاجه لواحد زي عمك,  لو بنته الي بتتخطب مكنش هيشارك فرحها , هو مش بيحبنا اطلاقا ,واثبت دايما انه مش واحد مننا , طبيعي ماهو من ام تانيه ,وامه نفسها مكنتش بتحبني

عزيز سمع كل كلامه المهين والحقير واغلق الخط وهو دمه محروق 

...........قصص منه محمد كاتب...........

في السرايا

ثريا: اسمهان

اسمهان: نعم

ثريا: امال فين جوزك اختفي فين , طبعا هو يهمه فرح بنت اخوه,  ولا استقبل الضيوف هيجي زي الغريب بعد ما يخلص الفرح مش كده ,  لو ده فرح بنته مكنش هيحضر كدا قالك هو رايح فين

اسمهان:هو قالي مشغول,  بس في ايه معرفش

ثريا: وايه الشغل الي مش بينتهي ابدا, وبعدين هو انتي مش مراته , ازاي ميعرفكيش رايح فين روحي اتصلي بيه شوفيه فينه ,يحضر الشبكه

اسمهان: حاضر

ثريا  ببرطمه: الواحد هيعمل كل حاجه لوحده,  انت وصلت اخيرا روحت فين مش عارف ان خطوبه علا الليله دي , بس ده ولا يفرق معاك بنت اخوك مش كدا

اطياف ومنال دخلوا من دهر عزيز يبصلها وعزيز واقف ساكت!

ثريا: مين دول

عزيز: بناتي وهيعيشوا معانا

ثريا جريت تبلغ حكيم وامير حس  ان فيه حاجه بتحصل مش مظبوطه  من دربكتهم  وري بعض قام وساب علا في الكوشه!

........قصص منه محمد كاتب........

في الصالون

منال: انا متوتره جدا من ساعه ما وصلت السرايا هنا حاسه بغربه , ازاي هنعيش هنا

اطياف: وانا كمان حاسه نفس الاحساس , كان بيتنا صغير بس فيه حب ودفا وراحه

منال: معرفش بابا راح فين وسابنا

اطياف: وانا كمان معرفش

منال: هو ليه محدش جه يستقبلنا

اطياف: شكل عندهم مناسبه خاصه ,عشان كدا مجوش

منال بقلق: لاء انا مش حاسه براحه هنا

اطياف: احنا لسه واصلين من دقيقه لحقتي اصبري شويه 

منال: والله ما هنرتاح هنا , احساسي بيقولي كده

اطياف مدت شفتها لقدام: رأي مش هنرتاح فعلا هنا

منال: مفيش زي بيتنا الي كله دفا ربنا يستر ,ويخيب ظني

الباب اتفتح عليهم ودخلت اسمهان ووراها شوقيه

اطياف  نطت من مكانها وبصتلها بتعجب وقالت: انتي مش انتي قريبه ماما,  الي جيتي بيتنا من فتره

اسمهان: شوقيه خدي شنط البنات طلعيهم اوضتهم

اطياف: ممكن تردي عليا , بتعملي ايه هنا

اسمهان بهدوء: انا عايشه هنا يا بنات,  تعالوا معايا اوريكم اوضتكم

اطياف: الاول ردي ع سؤالي

اسمهان: مع الوقت هيجيلك الرد ع سؤالك , خدوه شور ونقعد ونتكلم , يله تعالوا

اطياف: فاهمه حاجه

منال: لاْ

اطياف: ولا انا

.....قصص منه محمد كاتب............

في الصالون في السرايا

حكيم بصوت عالي: معقول تكدب علينا كلنا الكدبه الكبيره دي دي خيانه عظمي , مش قادر اصدق حكيم الي حقق اكبر نجاح في حياته انت تضحك عليه بتعاقبني ع ايه انطق ايه الاذي الي عملتهولك لما البلد تامه تعرف هتف ع وشي اخويا اللاصغر مني ضحك عليا وغفلني وخباه مراته وبناته عني هبقي لبانه ع لسان الناس.  اخويا الي قاعد معايا عشرين سنه تحت سقف واحد لعب علينا ومثل انه ميعرفش اي معلومه عن بناته ومراته

عزيز: حصل الي كان لازم يحصل

حكيم بغضب: ازاي يعني حصل رد عليا ازاي

عزيز: حكيم بناتي ضيوف في البيت , تقدر تزعق وتعمل عمايلك بعد ما يمشوا

حكيم: لسه مش عايز تحترم نفسك بعد الي عملته , طيب يا اخي اهتم بأحترامك الي فاضل , بس اقول ايه  لو كنت مهتم بسمعتك وشرفك مكنتش خليت مديحه تمشي من البيت ابدا وتاخد بناتك وتبعدهم بعيد عنك لمده عشرين سنه

عزيز: كان غصب عني

حكيم: غصب عنك ,عزيز حكيم الدين يتغصب  ع حاجه في عايلتنا , وحته مره تمشي كلمتها لاء والف لاء , اليوم فعلا اثبت لي شئ واحد انا وانت مفيش بينا اي صله الا بحاجه واحده انك اخويا من الاب وبس

عزيز لاء ياحكيم احنا من العصب  وانت اخويا الكبير واعتبرتك ابويا من بعده

حكيم زعق:  انت كداب اثبت لي اليوم اني مش اخوك الكبير ولا حتي ابوك ,  لو كدا كنت اتبعت عوايدنا مش رميتها  وري دهرك وهربت مديحه وعملت ده بكامل ارادتك ودلوقت مرجع بناتها للبيت حسب رغبتها لما جالها مزاجها , كنت غلطان لما وافقت تتجوز حسب قلبك وعملت الي في دماغك , وشايف نتيجه انانيتك سابتك وعاشت حره ومهتمتش بشرفنا ولا سمعتنا واحترمنا , وانت وافقتها حسبي الله ونعم الوكيل فيك

امير بعصبيه:  هو انت بتتبسط ياعمي لما بتزود المتاعب علي عمي حكيم

عزيز بحده شديده: عشان محدش  هنا فاهمني,  الظروف اجبرتني اداري واخبي , فهم عمك يا امير

امير :يعني عايز تقول ان طول السنين دي مجاتش الفرصه تقوله الحقيقه ,كنت اتكلم معاه وخد منه اللامان 

عزيز: لو كنت قلتله ياتري المشاكل هتخلص ابدا , في نظره كنت غلطان ,وهفضل غلطان

امير: ياعمي لو كنت قولتله الحقيقه مكنش حصل ده اليوم ما بينكم , وتقف تقدمله حجج

عزيز: غلطتي اليوم مش كبيره زي ما كان امبارح , انا بتعاقب بهجري لبناتي , وجوازتي في نظرهم كأني اجرمت

امير :طيب ليه خبيت عننا كل ده

عزيز  :عمك عارف

امير: وانا كمان عايز اعرف

عزيز: ولما تعرف هتعمل ايه

امير: هقدر اشرح لعمي , ومتنساش هو بيسمع لي , وهيديني مكانه

عزيز: لما تاخد مكانه هبقي اقولك , او انت هتعرف كل حاجه بنفسك

..........قصص منه محمد كاتب.............

في الغرفه

شوقيه دخلت بصنيه عليها خيرات وقالت بدون نفس: يله كلوا

منال: بابا فين

شوقيه: قاعد تحت مع ضيوف,  وهيجي بعد ما يخلص

منال بستفهام: يعني هو قريب من هنا ولا بعيد , وايه سبب الدوشه الي في البيت

شوقيه : اصل الست الصغيره بتتخطب النهارده

اطياف: والست الي كانت معاكي, ايه علاقتها بالبيت

شوقيه: دي ياندري تبقي الست اسمهان مراه ابوكم

اسمهان دخلت وهي مبتسمه: يله يا بنات عشان تاكلوا , ولو احتاجته اي حاجه بلغوني متعملوش تكليف

اطياف: ليه كدبتي علينا, وانتي مراه ابونا

اسمهان عقدت حواجبها : مين قالكم

اطياف: خدمتك بلغتنا

منال بنرفزه: ليه خبيبتي علينا , حبيتي تخدعينا وقولتي حاجه تانيه , وياتري ماما عارفه الحقيقه ولا عملت زيك وخدعتنا وكدبت هي كمان علينا

اسمهان بهدوء: انا مكدبتش  ولا حتي امكم , ومديحه كانت عرفاني كويس,  الي اقدر اقولهلكم اعتبروني امكم ومتخدوش  ده اني بحاول اخد مكانها عندكم ,وتفهموني بشكل غلط,  انا بس عايزه اوسيكم في ظروفكم

اطياف بعصبيه مفرطه: انتي ملكيش دعوه بينا , علاقتك الوحيده مع ابونا الي انتي مراته  وبس, وانتي مش امنا احنا عندنا ام واحده , وهي في غيبوبه بتصارع المـ وت

اسمهان: شوفي  يا اطياف انتي زعلانه مني من غير ذنب,  بس انا لو مكانك هعمل رد فعلك , يله كلوا اكلكم وهدعي ان والدتكم تقوم بالسلامه وقريب

اطياف: بقولك ايه متعمليش شو الحنيه ده قدامنا , وتظهري تعاطفك معانا سامعه,  احنا مش محتاجينه ممكن اي حد يحط ماسك الطيبه زي ما هو عايز بس مسير وشك الحقيقي يظهر

منال: اختي كلامها كله صح,  احنا مش محتجالك , احنا محتاجين امنا وبس,  ولا حتي البيت  الي كله قايم ع الخداع والنفاق 

اطياف: وخدي الاكل معاكي مش هناكل

اسمهان بصتلهم بحب وسابتهم ومشت واطياف رجعت قعدت مكانها! 

منال : بقولك ايه مش هناكل بس عطشانه اوي وريقي ناشف

اطياف: ناوليني الكوز الي جنبك هروح اجبلك

منال ابتسمت: الكوز,  اطياف بقيتي بلدي اوي , وبعدين افرض حد شافك يقول علينا ايه

اطياف رفعت حاجب: هو انا هخاف منهم 

منال: خلاص احنا نستني لحد ما حد فيهم يدخلنا ونقوله , ما اكيد حد هيجلنا, بلاش تروحي انا خايفه عليكي

اطياف: وانا مش بخاف من حد , هاتي الشفشق هجبلك , ولا تمـ وتي من العطش كمان

منال: ما بلاش

اطياف: جرالك ايه هاتي 

اطياف فضلت ماشيه لحد ما لقت سلم نزلت عليه لحد تحت كان هو لسه داخل وهي اول ما شافته قدامها جريت عليه: انت! انت بتعمل ايه هنا

امير بصدمه: انتي الي بتعملي ايه هنا

اطياف رفعت السبابه في وشه بهجوم: انت ماشي ورايا انطق,  مين عطاك العنوان,  هنا قولي بسرعه

اميرشخط فيها: اسكتي شويه,  عايز اتكلم ده بيتي

اطياف  حطت ايدها في وسطها: ايه بيتك , ولا انت ماشي ورايا , في كل مكان

امير: ثانيه واحده

اطياف  شاورت له: خليك ع مسافه عشره سنتي بعيد عني ,فاهم

امير بنرفزه:  انا جيت جنبك دلوقت

اطياف : هئ وانت تقدر تيجي جنبي 

امير: انا دلوقت اتاكدت انك بتتعاطي مخدرات , انا امير حكيم الدين

اطياف: وانا ضيفه هنا ,  اشوف حكاياتك بعدين,  فين المطبخ عشان عطشانه

امير شاورلها ناحيه المطبخ وهو مصدوم ونادي ع شوقيه الي جات جري: نعم يا بيه

امير: مين البنت الضيفه الي هنا

شوقيه: دي بنت عمك عزيز

امير شاورلها تمشي وافتكر كل اهانه اخدها من اطياف وقرر من اول غلطه يردهالها

...........قصص منه محمد كاتب........

ثريا: مالك ياحكيم  شكلك قلقان , بتفكر في ايه

حكيم: بفكر في بنات عزيز

ثريا بغيظ: وليه تفكر فيهم,  فكر في بنتك  الي خطوبتها كانت امبارح والحمد لله انها مش هتسيب حضننا بعد جوازها , وهتفضل معانا

حكيم شافها بصلها بغضب ومشي خالص من المكان

ثريا بشخط : بتعملي ايه هنا

اطياف تابعته وقالت لثريا:  هو الراجل ده ع طول مكشر

ثريا بنفعال : بتقولي ايه,  اسمه عمي , اتعلمي الادب , ده في مقام ابوكي

اطياف ضحكت: لاْ مش ابويا , هو هنا الحاكم بأمره , ميعرفش لا حب ولا صله قرابه لينا ومشاعر الحب عندكم بتتلخص  في كلمه عمي وبس , وانتي ثريا هانم , بس عجبني الاسم  _غمزتها_ وانا كمان شكلي هحبك,  لكن عمي هو حكيم بيه بالنسبه لي , وبس

.........قصص منه محمد كاتب............

اطياف  دخلت : بعتلنا

حكيم: ايوه اسمعوني كويس امكم مشت من سنين وقطعت كل علاقتها بينا , وابوكم ضحي بكل حاجه عشان خاطر نفس الست , وكدب علينا وخباه مكانكم فين, عايز اعرف ليه الست دي  بعتتكم هنا تاني

اطياف: ماهي لو كانت امنا بخير مكناش هنبقي هنا ابدا , ولا حتي نفكر نجيلكم ومن الاساس ماما محرمنا ندخل البيت ده ,  واحنا مكناش عايزين نيجي,  بس بابا الي جابنا , وليه كدب عليك السؤال ده يرد عليك هو بنفسه

عزيز بصلها: خدي اختك واطلعوا

اطياف: ونطلع ليه

عزيز : اسمهان خديهم من هنا

ثريا: اكيد امهم طفشت لمكان , طول عمرها تخلق فوضي وشكلهم اتعلموا من سلوكها

حكيم بص شويه كدا وسحب نفسه وغادر المكان

علا بحقد: ماما بابا المفروض يعامل البتنين دول بشويه شده, مش يسكت ع وقاحتهم,  لاني عارفاهم لسانهم طويل

ثريا: تعرفيهم منين تعالي احكيلي

علا : هقولك 

.........قصص منه محمد كاتب.......

علي الموبيل: رشاد: ارجعي بقي يا اطياف , مش عارف اعيش من غيرك, حاسس اني وحيد وحاجه ضايعه مني

اطياف اتنهدت:  انا كمان نفس الشئء حاسه اني تايهه , بيتنا وحشني اوي , اعمل ايه مجبوره افضل هنا

رشاد: يعني انتي مبسوطه عندك , وبيعاملوكي كويس

اطياف: اه محدش ضايقنا ,وخلاص جينا استقرينا هنا

رشاد :ومنال عامله ايه

اطياف: منال كويسه , واتاقلمت ع هنا عكسي  بتحط دماغها تنام ,  وانتم بخير

رشاد: احنا تمام , اطياف عايز اجي اشوفك اطمن عليكي, ينفع اجي ازورك

اطياف اتحركت بنزعاج: تيجي فين هنا

رشاد: ايوه من حقي اشوفك, بقالي يومين مشفتكيش ,وهموت عليكي  الو

اطياف :معاك بس مش دلوقت استني شويه ,انا مش بخير حاليا

رشاد نبره ملغمه بخنقه: تمام

اطياف: هو انت زعلت من كلامي

رشاد :لاء خالص مزعلتش انا بحبك فازاي ازعل منك, بس احيانا بحس بالحزن ع بعادك كان  بقالك سنين غايبه عني 

اطياف: طب هنعمل ايه 

رشاد : كنت عايز اطلب من امي نتجوز فورا , منا مقدرش ابعد عنك

اطياف :اوكيه ليه لاء

............قصص منه محمد كاتب......

طلعت تتمشي وتتفرج ع البلد لحد ما لمحت طفل صغير بيلعب ببسكلته 

اطياف جريت عليه بفرحه: الله دي عجلتك,  ولا مأجرها

الطفل: لاء بتاعتي , بابا جبهالي هديه لما نجحت في المدرسه

اطياف: اسمك ايه وابوك اسمه ايه

الطفل: اسمي حسن , وابويا اسمه علام

اطياف ابتسمت: انت ابن عمو علام طيب ممكن اركب شويه

الطفل: انا خدامك وانتي تأمريني

اطياف بتعجب: انت صغير بس بتتكلم كلام كبير شكلنا هنكون اصحاب

الطفل: معقول الخدام يصاحب اسياده

اطياف: ايه الكلام الفارغ الي بتقوله ده

امير كان معدي ولمحها مشي كل الرجاله الي معاه ورحلها بغضب: انتي بتعملي ايه,  هنا امشي من هنا

اطياف: ايه الاسلوب  الزباله ده  محدش من اهلك علمك شويه اخلاق

امير: شوف مين الي بتعلمني الاخلاق , الي معندهاش اخلاق 

اطياف صرخت فيه : انت مين انت عشان تكلمني كدا 

امير مسكها جامد من معصمها: انا هعرفك مين انا امشي معايا

اطياف:نزل ايدك ياتمساح انت , واياك تلمسني

امير سحبها لحد السرايا وحدفها بطول دراعه لانها بتعافر معاه وتشتمه

عزيز: في ايه يا امير, وايه الاسلوب ده

امير بغضب: فهم بنتك الستات عندنا متحشمين , ولما يخرجوا من البيت يلبسوا عبايه مش بنطلون وبدي محزق

عزيز: يبقي تتفاهم  براحه يا امير, هما ميعرفوش عوايدنا 

امير زعق: خلاص كنت قبل ما تجيبهم تفهمهم عوايدنا بدقه

حكيم: كلام امير صحيح , كنت المفروض تفهمهم قبل ما تجيبهم البلد ,وهما ميعرفوش عادتنا وتقالدنا

عزيز: منال اطياف اطلعوا ع فوق

اطياف: بس

عزيز  زعق: قلت اطلعوا _ لف لاخوه وقال بهدوء_ ياحكيم مسيرهم ياخدوا ع الوضع الجديد ونعلمهم بس واحده واحده وهما هيمشوا ع سلو بلدنا

حكيم: عزيز فهم بناتك ازاي النسوان  بتكلم الرجاله , وازي بتعيش في قريتنا ويلبسوا كويس بالطريقه دي هتحافظ ع سمعه البيت فاهم , كفايه كنت ضعيف قدام مراتك, اما بناتك لسه عجينه طريه  تشكلها , وعايزين راجل شديد وجامد , مش راجل ضعيف ميعرفش يسيطر عليهم, وع تصرفاتهم

عزيز بضيق وهو ماشي من قدامه:تمام هفهمهم

                 الفصل السابع من هنا