رواية لم اكن قاتل الفصل السادس6بقلم جمانه السعيدي
محمد....حسيت أجواء عائليه حلوه اكو الفه وتفاهم بينهم موطبيعي
خالي علي يسولف واحنا كاعدين نسمع
بعدين خالي علي كال انام اني وياك بغرفه والبنات وامهن بغرفه
محمد...ولله اذا غيرتو مكانكم اطع هسه بليل واروح البغداد
كل واحد ينام بمكانه واني انام باي مكان حتلو بلمطبخ
خالي.علي...شلون تنام بلمطبخ
محمد....باي مكان عادي ترا اني ماجايكم مدلل
جنت اشتغل واكرب من الصبح لليل
عادي اكل اي شي وانام باي مكان ماعندي مشكله
خالي علي....بابا رحمه خلي فراش محمد بلاستقبال
رحمه...صار بابا
راحت رحمه طلعت فراش وخلته بلاستقبال
محمد...اني اروح اتمدد مااريد ازعجكم اكثر
كمت اريد اطلع من الهول لاكتني رحمه
محمد....شكرا
هزت راسها وكالت العفو
دخلت للاستقبال كعدت على الفراش
وكامت الأفكار تجي وتروح ابالي
محمد....اي يامحمد الدنيا تلطم بيك كل شويه بيت
ماعندك مكان وماتعرف مصيرك شنو والى متى راح يبقى هذا الحال هيج
اخاف الوكت يطول وما تنحل هاي المشكله بسهوله
شلون اني لازم ادور شغل خالي علي ضروفه على كده
وبركبته مسؤليه
خوما يصرف عليه لازم الكه شغل واشتغل
باجر افتح هذا الموضوع وياا خالي
ولله مشتاق الاهلي حتى انحرمت مااكدر اطمن عليهم
بلتليفون
عادل ياعادل شلون بعادل الي خبلني وراح
هو مات ورتاح واني حالتي بلويل من بعده
ياترى عادل سامحني لولا
هو اكثر واحد يعرف اني جنت اتشقى ويااا
عمت عيني لو ميت ولا ذاك الشقى
طلعت الوشم بايدي بست اسم عادل ياصديقي الروح يلمابعدك صديق
شوف مجرد ماعفنني ضعت لا اشوف اهلي ولا احجي وياهم ولا عندي مكان اروح علي
وبعد ماادري الوكت شضاملي اكثر
حيل بيه استاهل هاي عقوبة رب العالمين شكد جنت طايش ومستهتر وماشي بلدنيا بزودي
ماجنت حاسب حساب هيج يوم
جمانه السعيدي
هلكد مافكرت بوضعي ضجت غطيت راسي ونمت
كعدت الصبح على صوت بيبي تكعدني من النوم
بيبي...حمود حماده بيبي
محمد...فتحت عيوني بيبي كاعده يم راسي هله بيبي
بيبي...عزيزي اكعد جبتلك ريوك كباب من السوك
اليوم رحت استلمت الراتب هاك هاي ٢٥ مصرف
محمد...لا بيبي انتي ماعندج مااريد منج فلوس
اني اريد ادور شغل خوما ابقى هيج لازم الكه شغل
بيبي...وووين تشتغل اكعد واسكت
محمد....ماكو شي لاتخافين عليه
بيبي...اكعد يله تريك ويصير خير انشاء الله
محمد...كمت غسلت شفت خاله ام رحمه بلمطبخ
صباح الخير خاله
ام رحمه...صباح الخير
محمد تعاي خاله اتريكي وياي
ام رحمه...اني اتريكت من زمان
محمد....زين البنات خل يجن
ام رحمه....راحن للدوام هسه اخدر جاي واجي نشرب اني وياك وخالتي
رجعت للاستقبلل كعدنا نتريك اني وبيبي
وخاله جابت جاي واجت
بيبي...البارحه ما نمت من القهر بسبب كرار بس طلع محمد وعلي من البيت راح جاب المسعده
وليل كله سوالف ضحك
اي حقهم صار البيت الهم يسرحون وبمرحون بكيفهم
محمد...بيبي عوفيهم لا تقهرين نفسج بيهم
بيبي...شلون اعوفهم وهما هاي تصرفاتهم مايفكرون اذا وكعو بشده منو يوكف وياهم
الله كريم الإنسان شما يقدم بحياته خير يلكا
محمد...بيبي ابقى هنا اليوم
بيبي...اي للعصر واروح ولو اني ضايجه من البيت
ام رحمه...ابقي اليوم عدنا شعندج راجعه
جمانه السعيدي
محمد...شفت خاله تنضف بلطرمه
كمت طلعت انطيني الماسحه اني انضف بمكانج
خالتي...لا شلون انت تنضف اني انضف
محمد...شنو هيه طرمه زغيره
اخذت الماسحه ونضفة االطرمه وطلعت الزباله
للضهر رجع خالي والبنات خالي علي من شاف بيبي فرح
علي.. هااا اليوم عدنا طلع محمد أعز منا ما تجينا كل يوم اليوم جايه علمود حمودي
بيبي.. لا كلكم عزيزين عندي
كعدنا نتغدا
محمد..خالي اني اريد اشتغل
خالي...شتشتغل اكعد وسكت
محمد...لا ولله اذا بقيت كاعد بلبيت اموت اني متعلم على الشغل جنت اشتغل من الصبح لليل
خالي...بس خل تعدي هاي الازمه
محمد....لا خالي الله عليك اي شغله مااعرف اكعد
شنو اني بنيه وكاعد بلبيت
خالي...تعال وياي اشتغل على الاقل عيني عليك
محمد...صدك تحجي اشتغل وياك
خالي...اي تشتغل وياي حالك حال العامل
محمد...هسه من ترجع للمحل ارجع وياك اريد ابدي من هسه
خالي..على كيفك باجر
محمد...لا اليوم ماكو باجر شنو كاعد بلبيت حالي حال النسوان
خالي ...بكيفك البس كمامه وشفقه وممنوع تحجي كدام اي احد على الشي الي صار
اي واحد لا تحجي كدامه اذا احد سئلك
كول انتقلنا من بغداد واجيت اشتغل هنا غير هذا الكلام لا تحجي لاتكول جنت كصاب ولا تحجي شي عن القتل
محمد...صار اصلا اني اخرس احجي بلاشاره
خالي...لا مو الهلدرجه بابا رحمه انطي كمامه واكو عندي شفقته سوده جيبيها اله
رحمه.. اي بابا
كملنا غده رجعت بيبي البيتها من الباب مادخلت للبيت
ورجعت على خالي
لكيته مخلص ومنتظرني صعدنا الدراجه الي يروح عليها خالي للشغل ورحنا اني وياا للمحل
وصلنا للمحل مجرد سلمت سلام عادي وابد مارفعت الكمامه
خلصت الوكت اباوع بعيني شلون ينفخون الجوب
شلون يسون الركعه شلون يتعاملون ويا الناس
بس اباوع بعيني
حسيت خالي علي حيل راضي عني
اخر شي من رجعنا للبيت انطاني خالي عشر الالف
محمد...ولله مااخذ خل اشتغل وشوف شغلي وبعدين
اخذ اجرتي
بعدين اليوم بيبي انطتني ٢٥ الف اليوم اني زنكين
من رجعنا وكفت يم محل حلويات واشتريت حلويات للبنات
خالي.. هاي المن
محمد.. للبنات
خالي...ولك ضم فلوسك لاتصرفهن اني اشتريلهن
محمد....لا ولله مايصير اني لازم اخذ شي يفرحهن
من دخلنا لكيت رحمه واكفه بلمطبخ تساعد امها
محمد..هاج اللج وللبنات
رحمه...شنو هاي
محمد..فتحت العلاكه حلويات شكرا
محمد...العفو
رحت غسلت وبدلت وكعدنا نتعشى
رحمه...بابا اني اريد ادخل دورة رياضيات
خالي...اي وين هاي الدوره
رحمه...بيت المدرسه اني وياي بنات ثنيين
خالي...وشكد فلوس الدوره
رحمه...بعدني ما سئلت
خالي...منو ياخذج ويرجعج اني مااكدر اعوف شغلي
رحمه...اروح وحدي
خالي. لا ممنوع ماكو وحدج
رحمه...شلون مو ذني البنات الي وياي بيوتهم قريبه على
بيت المدرسه بس اني بعيده عليهن
اروح مشي
خالي...كم يوم بلاسبوع
رحمه...يومين جمعه وسبت العصر ساعتين
خالي...عوفيها بابا منو ياخذج ومنو يجيبج
اني اخاف عليح
رحمه...امي تاخذني
ام رحمه....والبيت وخواتج اعوفهن وحدهن
محمد...من رخصتك خالي تقبل اني اوصلها وارجع اجيبها
خالي...والشغل شلون انت مو تشتغل وياي
جمانه السعيدي
محمد...اوصلها واجي للشغل ومن تكمل تتصل عليك واني ارجعها واجع للشغل
خالي...هيج تتعب
محمد...وين التعب انتي يامرحله السنه
رحمه...سادس ادبي
محمد...زين واصله مابقى شي
خالي...انت شمخلص محمد
محمد...اني مخلص ابتدائيه غبي حشاك وين اكو واحد يعرف الدراسه بهذا الوكت
خالي...ماترجع تدرس
محمد....نسيت كلشي شلون ارجع وهسه الدراسه صعبه مو مثل قبل
خالي...حاول مره وثنيين والبنات وياك يساعدنك
واذا تحتاج دوره اادخلك
حصل شهاده احسلك الي بعمرك خلصو جامعه
محمدحسيت نفسي محرج صدك البنات تدرس واني عايف المدرسه ولله زحمه
محمد....تصدك عجبتني الفكره احاول ليش لا انشاء الله على السنه الجايه من ارجع البغداد
رحمه...باب هااا اسجل ويا البنات
خالي...اي سجلي يومين بلاسبوع سهله مره اني اوصلج مره محمد منا لمن تخلصين
محمد...كمت اشتغل وياا خالي اشتغل بدون كلام
ماأخذ وانطي وياا اي واحد الكلام يكون على كد الشغل وبس
بس حيل مركز بشغلهم اريد اتعلم
العامل الي يشتغل وياا خالي ضاج مني
اولا بسبب اهتمام خالي بيه
ثانيا شافني مهتم اتعلم الصنعه
ثالثا حسني متكبر لان مااحجي وياا وهو لغوي بشكل
مايسكت ابد
شكد حاول وياي يعرف شي عن حياتي بس اني ماارد علي
من شاف اسم عادل على ايدي
بدا يسئل منو عادل ابوك اخوك صديقك
ليش واشم اسمه على ايدك
محمد...بقيت ساكت
...اي احجي مو شلعت كلبي منو عادل
محمد...عفته وكمت رحت يم خالي وهو تخبل مني
لان مااحجي وياااا
هو ثرثار واي واحد يدخل علينا يفتح ويا مواضيع ويبقى يحجي مايسكت ابد
واذا ماكو يمنا احد يشغل التليفون اغاني بصوت عالي
شكد يحجي علي خالي بس ماكو فايده ابد
يعاند مدري غبي مااعرف شنو من طينه
جمانه السعيدي
بدا يخبث عليه حتى اعوف الشغل لان اذا ابقى هيج مدقق بلشغل احتمال هو ينطرد واني اخذ مكانه
كام يخبث بلشغل ويخرب ويشمر الصوج عليه
مثلا اذا اريد انفخ الجوب ياخذ مني المنفاخ ويكول جيب هيج غلط انت شجاي تسوي يصيح بصوت عالي حتى خالي يسمع
رغم هي شغله بسيطه وما محتاجه معرفه
بس يخاف اصير احسن منه
لو يضم غراض الشغل ويكول محمد خرب علينا من يوم
اجا للشغل والغراض اضيع
مو شغلتك شكو حاشر نفسك بيها
كثرت المشاكل بيني وبينه لان هو خالني بعقله
ومصمم يهججني من الشغل
ويحاول يغلطني شلون مجان
طبعا خالي يعرفني ويعرفه من زمان
كام طرده من الشغل بقيت بس اني وهيج اني دخلت بتحدي
لازم اثبت نفسي الشغله جديده عليه كلشي بيها جديد
اني قبل تعلمت الكصابه من اني زغير
يعني اتمرست بلشغل من اني زغير وبعمري ماكنت متوقع اغير شغلي هاي الشغله جديده عليه
شلت كل الشغل بلمحل على راسي
خالي فرحان بيه مايصيلحلي خالي
كله بويه محمد وليدي محمد
حسيته يريد يعوض نقص الابن بيه يحسني اني الولد الي جان ينتظره من زمان
ولأن اني جنت عاقل وهادء ومطيع
اتعلق بيه اكثر
ابد ماافوت وقت الصلا بس يااذن كبل اصلي حتلو احنا بلمحل اما صلاة الصبح اكعد قبلها بربع ساعه
اصلي قضاء مافي الذمه عني وعن عادل
من يااذن الاذان اصلي وارجع انام شويه الحد مايكعد خالي من النوم
الفصل السابع من هنا