رواية مسار اجباري الفصل الثامن8بقلم منه محمد
ع الموبيل
امجد: بتقولي ايه ازاي ابوكي يوافق ع كده
منال: حتي لو اعترض مفيش منه فايده, البيت هنا الي كلمته بتمشي فيه كلمه عمي حكيم
امجد: انا قلقت عليكي هجيلك
منال: لا لا من فضلك متجيش دلوقت , انا معرفش يمكن وضع البيت يزيد للاسوء
امجد: وانتي ليه خايفه كده , مفيش حاجه هتحصل
منال: اصلك متعرفش اجواء البيت كل يوم بيعملوا مشكله ع اتفهه حاجه , استني بس شويه وهبقي ابلغك بنفسي امتي تيجي
امجد: تمام براحتك انا حسيت انك مضطربه فقلت اجيلك
منال: ياريت تدعلنا يا امجد , اختي متتجوزش من الكائن السئ ده ابدا
علا جات ووقفت قدامها لحد ما تنهي المكالمه
منال: امجد هكلمك بعدين
علا: ليه بتكدبي عليه
منال: مش بكدب بقول الحقيقه
علا: امال ايه الي سمعته دلوقت, انتم الاخوات بتتسابقوا مين فيكم تكدب اكتر
منال بشخط : بتقولي ايه , ليه مش مصدقه الي قلته, اختي رافضه امير , كام مره هنقولك ده اختي مجبره ع الجوازه دي , هي مش مهتمه بيه اطلاقا
علا: ولما هو كدا ليه قالت موافقه عليه
منال بعصبيه: ايه التخاريف الي بتقوليها ,انتي اتجننتي ولا حاجه
علا: لو مش مصدقاني روحي اسأليها بنفسك , اختك وافقت ع امير بس ليه بتخدعك كل الايام دي ومقلتلكيش , بس انا بقولك اسمعي يامنال , امير كان خطيبي واختك خطفته مني , ولما وافقت اثبتت انها حراميه وعينها منه
منال: ده مش ممكن
علا : بس ده الي حصل, واختك خدعتك , ودلوقت تقدري تروحي انتي اي مكان, اما هي متقدرش هتفضل هنا معانا
...........قصص منه محمد كاتب.............
اطياف: منال محتاجه اتكلم معاكي ضروري
منال: انتي وافقتي تتجوزي امير برغبتك فعلا
اطياف: مين الي قالك
منال بغضب: ردي ع سؤالي حصل ولا محصلش
اطياف: ايوه وافقت
منال بصدمه: ازاي ده مش كنتي رافضه , ايه الي جد , كنتي بتضحكي عليا
اطياف :منال
منال قاطعتها باستنكار صارم : لما هتوافقي ليه عملتي كل الضجه دي , وسخرتي مني ومن نفسك
اطياف :كل الي بعمله لمصلحتنا
منال :وقفي انتي بتعملي ده لمصلحه نفسك لكن مش منسب ليا ابدا قررنا ايه ما بينا نرجع بيتنا وهننهي كل علاقه وصله بالبلد هنا ,وملناش اي علاقه بيهم
اطياف :اه حصل وفاكره كل الي قولته
منال: فاكره وفي ثانيه نسيتي مش كده ووافقتي, طيب فكرتي في امنا لما تفوق وتعرف حجم المتاعب الي هتواجها لما تعرف بعملتك السوده دي
اطياف : ماما مش هتعرف حاجه ,واحنا مش هنقولها
منال: اه هتكدبي عليها زي ما كدبتي عليا , وياتري هتكدبي كمان ع رشاد وهتكملي وتكدبي ع نفسك
اطياف :اوعديني متقوليش اي حاجه لـ اي حد, انا بنبهك يا منال
منال : وانا مش عايزه اسمع منك حاجه , ابقي قدمي ده لرشاد , وهبلغه بكل حاجه
اطياف: انتي مش هتقولي حاجه لحد انا بحذرك
منال :هروح اتصل برشاد حالا وهقوله ع كل حاجه
اطياف جريت وراها : يا منال استني واسمعيني
منال بغضب شديد: انا مش مهتمه بيكي , بس الي بتعمليه مش كويس بلاش , اسمعي كلامي لمرة واحده
اطياف: افهمي الاول انا ليه وافقت
منال : مش عايزه اعرف
امير وهو طالع ع السلم قال: بس انا عايز اعرف ليه وافقتي تتجوزيني بالسهوله دي, وليه قلتي كده
منال بصتلهم الاتنين وسبتهم ومدت بخطواتها المتعصبه!
اطياف بصتله وقالت: اظن كنت حاضر المناقشه لما وافقت ,وعرفت كل حاجه
امير: عايز اعرف الي معرفهوش , ازاي قلتي ايوه بسهوله مش فاهم
اطياف: انت ايه مشكلتك لو رفضت تنزعج, ولما وافقت تنزعج , وشكلك مش مبسوط اطلاقا
امير ابتسم في سخرية وقال : انتي موفقتيش لانبساطي, قوليلي يا اطياف ايه الي بيدور في دماغك
اطياف: شايف ايه
امير ابتسم: ايه الي بتخططيله في نيتك
اطياف: اممم يعني شاكك من ناحيتي ومعتقد ان كل تصرفاتي مؤامره , بس هريحك انا اخدت قراري مش عشانك عشاني , وعشان العايله ووافقت
امير: لو بتقولي الحقيقه ده هيكون احسن لك , اما لو بتفكري تلعبي وتخوني العايله هنا هيبقي الوضع صعب جدا عليكي
اطياف: يعني انت بتهددني
امير مسك طرف البلوزه وقالها مبتسم: اطلاقا بحذرك من الوضع الجاي
اطياف بصتله من فوق لتحت وسابته ومشت
امير: مشاغبه بس عسل
................قصص منه محمد كاتب.................
الباب خبط وهي قفلت العلبه وحطتها جنبها ع السرير
اسمهان : ادخل
اطياف: بعتيلي
اسمهان ابتسمتلها ابتسامة واسعة : ايوه تعالي , دي هديه مني ومن ابوكي, بمناسبه كتب كتابك
اطياف: الاول قوليلي انتي بتعتبرينا بناتك
اسمهان: معقول لسه بتسأليني
اطياف: يعني بتحبينا
اسمهان: ايوه بس ليه بتسالي في اي حاجه حصلت مني زعلتكم
اطياف: لاء بس لو فعلا بتحبيني هتساعديني بنفسك ,ولو كانت امنا كانت هتعمل ده عشانا
اسمهان: ايه هو
اطياف: هربينا من هنا ,مقدرش اتجوز امير , مستحيل اعيش هنا بعاداته وتقاليده ,من فضلك خرجينا ملناش حد غيرك يقدر يساعدنا, انتي اقرب حد لينا , ووالله ما هنجيب سيرتك وانا هتعامل معاهم بنفسي ارجوكي( بكت) متحكميش عليا بالسجن والعذاب ده , خرجينا وساعدينا ربنا يخليكي
..........قصص منه محمد كتاتب...........
في غرفته البنات
عزيز بسعاده: انا بحبك اوي يا اطياف , ربنا يكملك بعقلك اخدتي القرار السليم ليكي , وحافظتي ع شرفي , وانا مبسوط جدا وحددت فرحك الاسبوع الجاي ع امير, وهتشوفي بعد ما تتقربي منه هتعرفي ان كل مخاوفك بخصوصه غلط , ربنا يسعدك
منال بصتلهم ومسكت تلفونها وقعدت فتحت الصفحه لحد ما عزيز خرج
اطياف بصتلها وقالت: انتي مضايقه مني
منال عيونها في التلفون: مش عايزه اتكلم معاكي
اطياف قامت سحبت منها الموبيل: انا اختك معقول تفكري فيا كده
منال: مش من حقي بعد
اطياف قطعتها: بعد ايه , يله طلعي كل الي في قلبك, انا كمان عايزه اسمع
منال: وانا بجد مش عايزه اصلا اتكلم معاكي, انتي حره في نفسك , ومش هلومك ع اي حاجه
اطياف كتفت ايدها قدام صدرها: انا مش هتجوز الشخص الي اسمه امير ده ابدا
منال برقت عيونها: بتقولي ايه هو لعب عيال , وقت تقولي لاء ،ووقت تقولي ايوه , بتعملي ايه في نفسك
اطياف: قلت ايوه عشان نتخلص من الحصار الي فرضينه علينا ,مفيش حل تاني عشان نخرج من السجن ده, غير اني اضحك عليهم
منال: الامر مش بالسهوله الي مفكرها انتي مش خايفه
اطياف: معرفش بس الي اعرفه لازم اللعب معاهم لحد ما يصدقوني , واكسب الثقه عشان انفذ الخطه وافتح الباب بنفسي , وواثقه قريب هنكون في بيتنا ان شاء الله , لكن لازم نهرب قبل كتب الكتاب
منال: ربنا يسلم
اطياف دعبت خصلات شعرها : ها لسه زعلانه مني
منال دخلت في حضنها: مستحيل انتي اختي حبيبتي
........قصص منه محمد كاتب...........
ع الموبيل بعد الاسبوع
رشاد: الو اطياف منتظر مكالمتك من بدري وموت من القلق عليكي
اطياف: انا اسفه بس مكنش عندي فرصه اكلمك , واول ما جات اتصلت بيك ع طول
رشاد: اطمني خلي بس الليله دي تمر , والله ما عارف هنام اصلا الليل ازاي
اطياف انا كمان نفسك
امير فتح الباب واطياف رفعت رأسها بسرعة وبصت للباب برعب وقفلت الخط بسرعه ورشاد فضل ينادي عليها
اطياف بعصبيه ونرفزه: فيه حد يدخل ع حد كدا, محدش علمك تخبط ع الباب
امير ابتسم: حد و انا دخلت غرفه حد جيت اوضه خطيبتي, الي هتبقي مراتي بكره معقول اخد اذن عشان اجيلك هنا
اطياف : فيه فرق كبير بين خطيبتك ومراتك, بس واضح انك مش بتفهم , اسمحلي افهمك
امير بهدوء: طبعا اتفضلي
اطياف: مراتك هي الي هتكون معاك لما يكون فيه جواز, ولحد ده مايحصل اتعلم يبقي فيه حدود لانه حرام , بس لو عايز تتجوز بهيمه تدخل عليها الزريبه اتجوز واحده من بلدك
امير ميل عليها وهو بيضحك: ذاكرتك شكلها ضعيفه , وشكلك بتنسي بسرعه , بكره كتب كتابنا
اطياف: يبقي الافضل نتكلم عن الامور دي بكره ,ودلوقت خد بعضك وامشي من هنا
امير هز رأسه وكمل في طريقه لخارج المكان وهو طالع صادف منال داخله خوفها
منال: كان بيعمل ايه هنا عرف خطتنا
اطياف:لاء مجبش سيره اكيد معرفش
منال: متاكده
اطياف: ايوه ليه هتوتريني انا متوتره , معرفش ايه الي ممكن يحصل بكره
منال: ربنا يستر ويعديها ع خير ونهرب
...............قصص منه محمد كاتب..........
يوم كتب الكتاب
اسمهان: اطمنوا كل حاجه هتمشي زي ما رسمتلها , بس تنفذوه كل الي قلتلكم عليه بالظبط متتوتروش ابدا
منال: اذا كان انا خايفه من دلوقت, اه لو حد عرف هنقع في مشكله كبيره
اسمهان: مفيش حد هيعرف حاجه و, محدش هيشوفكم خالص بس خليكم جامدين
اطياف: معاكي حق انا معاكي يامنال متخافيش
اسمهان: يله اجهزوا عشان هنتحرك , شوفوا محدش هياخد ابدا مكان امكم بس ليا طلب واحد منكم تتصلوا بيا وهكون مبسوطه
اطياف: حاضر وحقيقي انتي زي ماما بالنسبه لنا
منال: فعلا
اطياف جريت رمت نفسها في حضنها وكذلك منال
ثريا دخلت ووراها خيريه وبأمر: حطي الفستان ده هنا , وانتي يا اسمهان بتعملي ايه هنا وسايبه الدنيا تضرب تقلب تحت
اسمهان: كنت بشوف العروسه عايزه اي حاجه
ثريا: وشوفتيها يله انزلي شوفي شغلك امشي, اطياف ده فستانك وعلبه الشبكه شهلي امير مستنيكي تحت يوديكي الكوافير
منال: حالا ننزل يامراه عمنا
...........قصص منه محمد كاتب.........
في الصالون
امير: ها البنات خلصوا ولا لسه عشان نتحرك
ثريا: نازلين , اظن عارف يا امير كان نفسي ربنا يرزقني بولد, وربنا عطاني انت , ولو هتصدق انا بعتبرك فعلا ابني الي مخلفتهوش لما طلبت منك تتجوز علا وانت وافقت ,وانا كنت في قمه السعاده , قلت ربنا عوضني بابن وزوج لبنتي بس ده محصلش وكل حاجه اتغيرت واتفكت علاقتك بعلا وهي اتحطمت وانا كمان
امير حبيبتي ليه بتفكري كده انتي امي وهتفضلي امي علاقتي معاكي مكنتش بسبب علا لحد اليوم انا ابنك وصدقيني مكنتش عايز اقهرك وانتي عارفه ارتباطي باطياف تم ع حسب الوصيه وامر من عمي حكيم
ثريا معنديش اي شكوي منك وسعيده عشانك وهدعيلك تفضل سعيد اما بالنسبه لعلا هفهمها ودلوقت انا متاكده هتفهم الي اعنيه انت بس افرح وانبسط
امير: انتي احلي ام انا شوفتها
ثريا: انت ابني ومتشغلش بالك خالص بعلا انت ابدء حياتك الجديده وفكر في كل حاجه حلوه وانبسط وافرح
امير باس ايدها بحب وهي باست دماغه وطبطبت عليه وقالت مبروك يا حبيبي
...........قصص منه محمد كاتب.............
ع الموبيل
رشاد: ها انتي فين طمنيني
اطياف: احنا لسه في السرايا
رشاد: يعني لسه مخرجتيش من هناك
اطياف: لاء هنمشي بعد دقايق
رشاد :كان لازم تتحركي من عندك, انا من بدري واقف ع الطريق مستنيكم لو حصل اي قلق اتصلي بالشرطه يساعدوكم
اطياف: مفيش فايده منها دي بتشتغل لحسابهم, انت متقلقش الخطه هتنجح , وهتصل بيك اول ما نوصل للمحطه
رشاد: انتي مش مش عارفه حاجه , كل لحظه بتمر عليا هنا عمر لحد ما ترجعوا , ولحد ده ما يحصل مش هرتاح
امير هنا فتح الباب وسحب منها الموبيل ورشاد بينادي عليها