رواية لقاء السحاب الفصل السادس6بقلم حياة محمد الجدوي
لقاء السحاب
حياة محمد الجدوى
الجزء ٦
عادل: وإنتى مين إن شاء الله
ليليان: أنا ابقى لى لى خطيبة ابوك الجديدة
عادل بعصبيه: خطيبة مين ياختى
ليليان: إيه خطيبة ابوك زيزو حبيبى
عادل بصوت عالى: زيزو في عينك إنتى مجنونه
ليليان بروقان: عيب عيب عيب ده أنا خطيبة بابا يعنى هبقى في مقام ماما
عادل: إنتى شكلك حراميه ولا نصابه
ضحكت ليليان أوى وقالت: حراميه ولا نصابه وقاعدة كده براحتى عندكوا قدام كل الخادمين هنا .لا بجد ضحكتنى
عادل: وإنتى جايه ليه هنا إن شاء الله
ليليان: نسيت حاجه هنا وجايه اخدها
عادل: مش بقول حراميه أنا لازم اتصل بالبوليس وبيمسكها من هدومها
نشرت ايده بقوه وقالت: نزل إيدك لتوحشك وبعدين بقولك حاجه بتاعتى
عادل: ياسلام بتاعتك منين
ليليان: ياعم أنا كنت هنا امبارح بالليل ونسبتها ياهنا يا على البيسين بره استنى كده أهى
ومدت إيدها عند حرف الكنبه وخرجت موبايل وقالت: أهو
عادل: وإيه يعرفنى إنه بتاعك هاتى كده
ليليان: هاتى مين هيا سايبه بقول بتاعى حتى صورتى اهى على الخلفيه ( وفتحت الصورة وشافها)
عادل: دى صورتك بجد بس شكل الموبايل غالى اوى
ليليان: طبعا ده احدث نوع لسه نازل السوق هديه من زيزو جابه لى مخصوص
عادل: ويجيبوا ليكى مخصوص ليه ؟
ليليان: الله مش خطيبته ولازم يدلعها باي باي يا دوله وسابته ومشيت
فندق عادل واحد من الخدم : هى مين دى ؟
الخادم: دى تبقى الأنسه ليليان
عادل: والله ودى كانت بتتعشى هنا امبارح
الخادم: طبعا .
عادل: طبعا ليكون كلامها حقيقى وبابا هيتجوزها .ياسنه سو...ا دى تبقى مصيبه وحلت علينا .
&&&&&ـــ&&&&&&&&&&&&&
دخلت ليليان البيت لقت عمها عبد العزيز فدخلت وقالت: : إزيك يا زيزو عامل إيه
عبد العزيز : كويس بقولك يابت يا لى لى تعالى عايزك في حاجة
قربت منه ليليان وقالت: قول قول أتصل بصاحبتى
عبد العزيز: صاحبتك مين
ليليان: البت سوكا دى هتتجنن عليك
عبد العزيز: سوكا مين الهبله دى لا أنا عايزك في حاجة تانيه
ليليان: خير
عبد العزيز: المس بتاعتك دى اسمها ....اسمها
ليليان: مس سميحه
عبد العزيز: أيوه مس سميحه كنت سمعاها عماله تقول يا حماده مين حماده ده
ضحكت ليليان وقالت: حماده إبن اختها لتكون بتقولك إنت
عبد العزيز: لا مش أنا بس مين حماده ده
ليليان : المس كانت بتقول لنا يا حماده لما تلاقي عيل زنان ومش بيبطل عياط
عبد العزيز بغضب: مين !!!! بقى هو ده حماده
ليليان: وإنت زعلان ليه بقى .
عبد العزيز: وأنا هزعل ليه كنت حماده مثلا
وفي سره قال ( ماشي يا سميحه بقى شيفانى عيل صغير قدامك ماشي بس لما اقابلك)
$$$$$$$$$$$$$$$$$$$$$$#
في شقه عرفان كان جالس على السرير وهو قلقان ومتوترة لحد ما خرجت إيناس من الحمام فقال بسرعه : ها إيه الأخبار
رفعت إيناس قدامه اختبار الحمل وقالت: مفيش حمل
عرفان بإحباط: معلش لو محصلش الشهر ده يحصل الشهر الجاى
إيناس: حرام عليك انا تعبت من التوتر إللى معيشنى فيه كل شهر بتسأل عن ميعاد الدورة الشهرية وبتحسبها يوم بيوم ولو انأخرت يوم واحد بتخلينى اعمل اكتر من عشر اختبارات حمل غير كل شويه نروح نكشف وناخد منشطات حمل حرام عليك دى مش عيشه
عرفان: يا إيناس أنا عارف إنك متضايقه بس صدقيني ده كله لمصلحتنا
إيناس بغضب: وإيه علاقه مصلحتنا بالحمل يعرفان حرام عليك أنا بقيت بتوتر وبتعب وده بيأثر على حالتى النفسية عشان خاطرى لو بتحبنى بطل وسبب كل حاجه تيجى لوحدها من غير حسابات ولا تفكير ممكن خلينا نعيش حياتنا بصوره طبيعيه عشان خاطرى لو بتحبنى بجد
عرفان: إنتى عارفه إنى بحبك أد إيه بس أنا بعمل ده كله عشانك إنتى وأولادنا
إيناس: أنا عارفه إنت بتتعبوأد إيه بس عشان خاطري بطل تفكير شويه وخلينا نعيش في راحه وسيب موضوع الحمل ده لربنا
عرفان ؛: طيب أنا هقولك حاجه نستنى الشهر ده لو محصلش حمل هسمع كلامك ومش هضغط عليكى تانى
إتنهدت إيناس بضيق وهى بتقول ( مفيش فايده بجد مفيش فايده)
&&&&&&&&&&&&&ـ&&&&
خرج من البيت فوجدها ماشيه جنبه ومعناها شابه صغيره فناداها: مس سميحه يا مس
إلتفتت له وبعدها رجعت له وقالت: أهلا بك
البنت: مين ده يا ماما اول مره اشوفه
سميحه: ده يبقى عبد العزيز بيه صاحب عمك كريم يا ريم .
ريم: أهلا وسهلا يا عمو
سميحه: دى تبقى بنتى ريم يا عبد العزيز بيه بتشتغل كول سنتر في شركه اتصالات
عبد العزيز: أهلا بك يا حبيبتي ومبسوطه في شغلك
ريم: الحمدلله يا عمو هو عيبه إن الشفت بياخد وقت طويل بس غير كده الشغل سهل
عبد العزيز: ربنا يوفقك أنا بكون سعيد لما الاقي الشباب بيشتغل ويتعب ويكافح في حياته عشان يبنى مستقبله
ريم: الحمدلله أهو يكافح على أد مابقدر أنا وجوزي والبركه في ماما مريحانى من ناحيه الأكل
سميحه بضحك: أه قولتيلى يبقى اكيد ماطبختيش صح
ريم: حبيبتي يا ماما يافهمانى ها أجيب حازم ونيجى نتغدا
سميحه: هو بعد ما ثبتينى بالكلمتين دول أقدر اقول حاجه تعالى وبعدين حتى لو مجتيش أنا كنت عامله حسابك وعايزه لك إنتى وجوزك
ريم: إنتى قالبى يا ماما ماتيجى تتغدا معانا يا عمو
عبد العزيز: بالهنا والشفا يا حبيبتي
سميحه: فرصه سعيده يا عبد العزيز بيه
فقربت منها وقال: عبد العزيز يعنى مش حماده
ردت له بنفس الهمس : عمرى ما أصغرك قدام بنتى بس بصراحه حماده لايق عليك يا حماده
ومشيت وهى بتبتسم على ضحكات عبد العزيز العاليه .
&&&&&&&&&&&&&&&&&&
دخلت زينب البيت وهى سائله طبق في إيدها وقالت: مساء الخير
الكل : مساء النور
قدمت الطبق لهدير وقالت: خدى طبق مخصوص لك من عند ماما
هدير بفرحه طفوليه: اكيد بصاره صح
زينب: أنا مش عارفه إيه حبك الغريب ده لها ده أنا زهقت منها من الريحه بس
هدير: هو فيه حد يزهق منها دى مامى برضو بتقولى اخلى الخدامين يعملوها لك بس أنا بقول لأ دى طنط بتعملها أحسن من كلبص الخدامين
بصت لها زينب بغضب وقالت: خدامين هو ده رأيك فينا يكرم اصلك وبعدين عندك حق أنا إللى غلطانه عشان بقلم من نفسى ومن أمى وبجيبها لك ( وقامت ومشيت وهى زعلانه)
هدير بزعل: هى زعلت ليه أنا مقدصدش
حمزه: حتى لو ماتقصديش بس إنتى اهنتيها واستقليتى بها وبأمها قدامنا كلنا
هدير: أنا أقصد أن طنط بتعملوا حلو والله
كريم: يابنتى إحنا عارفين قاصدك بس كلمتك توجع وخاصة إننا كلنا سمعناكى
حمزه: زينب مش بس مرات اخويا دى بنت خالتى وإنتى بكلماتك وجعتيها ووجعتى ماما كمان
قامت هدير وباست رأس ناهد وقالت:: أسفه يا طنط والله ماأقصد أوعى تزعلى منى
ناهد: خلاص يا هدير أنا مش زعلانه بس روحى صالحى زينب دلوقتي
هدير: حاضر يا طنط هصالحها دلوقتي
وقامت وطلعت وحمزه طلع معاها
دخلت هدير الشقه فقال حمزه : على فين مش هتروحى تصالحيها
هدير: دخل أجيب حاجه من جوه وبعدين إصلاحها
حمزه: هتجيبى إيه ؟
هدير: إزازة بىرفيوم كانت عجباها اجيبها لها
حمزه: لأ عايزه تروحى تصالحيها روحي من غير حاجة
هدير: حاضر
نزلت هدير وراحة شقة محمد وخبطت
فتحت زينب ولفت هدير فدخلت وسالت الباب مفتوح
دخلت هدير وقالت: ياااه ده إنتى زعلانه بجد
زينب: لا غلطانه المفروض افرح وإنتى شايفه أمى خدامه عندك
هدير: أنا اشوفها كده أخص عليكى يازينب ده أنا بحب طنط جدا
زينب: ماهو باين
هدير: أنا اسفه والله العظيم ماقصدش حاجه حقك عليا وأدى راسك
زينب: بس يا بت الهدى
هدير: والله ماهسيبك إلا لما تضحكي
زينب وهى بتبعد: بس يا بت
هدير: طب والله لأعملك عصير زى بتاع يوم الصباحيه
إنفجرت زينب بالضحك أول ما سمعت سيره العصير
هدير: أيوه كده الزعل مش لايق عليكى
زينب: : أنا كل ما احب اضحك افتكر العصير بتاعك
قعدت هدير وهى بتضحك وتقول: كانت أول مره في حياتى أدخل مطبخ وحبيت اعمل عصير ليمون فحطيت في الخلاط عشر لمونات بقشرهم وكيس ملح معاهم وكنت بحسبه سكر وبضربهم والمصيبه إنى صبيته في الكاسات من غير ما اصفيه ولاأذوقه
زينب أنا بس شفت العصير لحقتك
هدير: كعادتك يا زينب وقفتى جنبى وساعدتينى لحد ما اتعلمت شغل البيت والطبيخ
زينب: إنتى إللى شاطره يا بت يا هدير
هدير: زعلانه منى
زينب: لأ خلاص بس برضو مش هخلى ماما تعملك تانى
هدير: كده ماشي واهون عليكى اعيش من غير بصاره
زينب: تستاهلى عشان تبقى تاخدي بالك من لسانك
&&&&&&&&&&&&&&&&&&&
دخل الفيلا وهو بيصفر ومبسوط فتفاجأ بعادل قاعد في الصاله
عبد العزيز: إنت لسه هنا ده أنا قلت هلاقيك رحت عند أمك
عادل: وهروح فين وإنت أخدت الشقه
قعد عبد العزيز وقال: شقه أمك ولا جوز أمك هيتضايق
عادل: ملكش دعوه بأمى
عبد العزيز بغضب: بقى إنت إللى تقولى ليا دعوه بمين أو مليش احترم نفسك وبعدين قاعد هنا ليه
عادل: بيتى وهاقعد فيه
عبد العزيز: والبيت ده مش فندق شويه هاقعد وشويه همشى
عادل: وأنا هقعد فين يعنى بعد ما اخدت كل حاجه منى
عبد العزيز: حاجتى وبفلوسى ولو هتقعد هنا ففيه شويه قواعد لازم تلتزم بها
عادل: ياسلام قواعد إيه
عبد العزيز: أول حاجه ده مش فندق لسيادتك ده بيت فلازم تلتزم بقوانين البيت ده وأوله ممنوع السهر بره البيت واخرك لحد الساعه حداشر
عادل: نعم
عبد العزيز: نعم الله عليك وثانيا أنا مش ملزوم بمصاريفك يعنى املك شربك لبسك كل حاجه.
عادل: وأنا هلتزم إزاى إن شاء الله
عبد العزيز: هتدفع نص مرتبك في البيت لو عايز تاكل وتشرب هنا أما لو مش عاجبك ابقى كل بره بس بفلوسك
عادل بغضب: وهى فين فلوسي كانت قفلت الفيزا بتاعتى
عبد العزيز: هيتعمل لك فيزا جديده بس مش هيبقى فيها غير مرتبك بتاع الشغل بس
عادل: نعم
عبد العزيز: أيوه وبالنسبه لمرتبك هتقبض سبع ألاف جنيه
عادل: ودول ابقى أقزقز بهم لب
عبد العزيز: لو بتحب اللب إنت حر بس بعد ما تدفع مصاريف أكلك وشربك ومواصلاتك
عادل: كمان
عبد العزيز: طبعا ولو يوم واحد غيبت أو اتأخرت أو اشتكى منك رئيسك هيتخصم من مرتبك
عادل: وإن قلت لأ
عبد العزيز: حقك بس ساعتها ماتلومش إلا نفسك بس لو جيت تانى هيبقى فيه كلام جديد بعرض جديد
عادل: يعنى إيه
عبد العزيز: يعنى ساعتها هتاخد خمس ألاف في الشهر وتدفع بجانب أكل وشربك بتدفع تمن إقامتك وإنت حر قلت إيه؟
عادل بضيق: هاقول إيه مانت متحكم في كل حاجه ومليش أى فرصه اقول لأ
ابتسم عبد العزيز براحه وقال: حلو أوى يالا خش نام بدرى عشان ورانا شغل كتير هيبتدى من بكره.
&&&&&&&&&&&&&&&&&
واضح إن عبد العزيز هيربى عادل إبنه بس ياترى عادل هيسكت ولا هيبقى فيه كلام تانى