رواية لم اكن قاتل الفصل السابع7بقلم جمانه السعيدي
محمد....صرت اني المسؤل عن الشغل
صدك جنت اشتغل من كل كلبي لان الولد الي يشتغل
انطرد واني اخذت مكانه لازم اكون كد المسؤليه
والسبب الأهم خالي علي
يعاملني احلى معامله يقدرني ويحترمني وياخذ رائي بلزغيره والجبيره
والاحلى من ذني كلهن مايصيحلي اله بويه
لو وليدي اكل واشرب وساكن بيته رغم هذا كله يصمم اخذ اجره حالي حال العامل الي قبلي
اني محرج من تصرفاته وياي واستحي اخذ منه الاجره
بس هو يصمم يكول حرام عليه اكل تعبك
الضهر كمت ماارجع وياا خالي للبيت
لان النهار كصير هو يروح للبيت واني ابقى بلمحل
من يرجع عليه يجيبلي وياا غده
اليل هو الوقت الوحيد الي ننجمع كلنا على العشه هذا الوقت تحديدا الي اكدر اشوف بي رحمه
لان اني النهار كله برا البيت
مجرد نضرات ابد ماكو بينا كلام خاص
اني هم مااكدر اقرب عليها لو احجي وياها
احتراما الخالي الي وثق بيه ودخلني بيته
طبعا هي جدا محترمه ومتربيه تربيه صحيحه
كل همها دراستها وبس
اكثر وحده بلبيت مطيعه الامها وابوها رحمه
ماتنزل من السانهم
بس ابوها يصيح رحمه تجي ركض توكف كدامه
وماكو على السانها خير صار بابا تدلل بابا
دائما اشوفها تساعد امها بشغل البيت اكثر من خواتها
جمانه مرحبا
نخلص عشى تخدر النا الجاي وتدخل غرفتها تقرا
بعد مااشوفها اله صدفه
لو اسئلها على شغله ترد عليه غير هذا الشي ماكو كلام بينا اني وياها اني مااريدها تنشغل عن دراستها
والوضع الحالي الي اني بي مو مال حب وغرام
اني انسان مهزوم من قضية قتل
لازم تنحل هاي المشكله بلاول يله اكدر ابين مشاعري الحقيقيه
بعدين من يكول هي راح تقبل بيه
لادراسه ولا وضيفه ولا بيت وفوكاها قاتل
رحمه حلوه وشاطره والف واحد يتمناها
تستاهل واحد احسن مني
اتصلت امي من رقم ام مازن على خالي علي تخاف يكون رقمي متراقب
بس اني من يوم كالت التليفونات مراقبه كسرت السيم كارت وشمرته
واشتريت واحد جديد بسم قمر بت خالي
المهم امي اتصلت على خالي
امي...الو ابو رحمه شلونك
خالي...هله هله ام محمد شلونج هذا رقمج الجديد
امي....لا اتصل من جيرانه
خالي...شكو صار شي جديد
امي...المحامي يكول ابو عادل بحاول يحصل امر تفتيش
حتى الشرطه تجي تفتش بيت اهلي
يعني يجون يمكم يفتشون بيت امي
خالي...بس محمد عندي مو عند اهلي وابد مايوصل الهم من يوم كرار طرده من البيت
امي...اي اعرف خاف واحد ابن حرام يديلهم على بيتك
فدوه شوف مكان لمحمد
المحامي يكول تفتيش روتيني يعني بس مره وحده
اذا مالكووو بعد مايرجعون
لان مو نفس المحافظه غير محافظه
والطريق اربع ساعات راح يفتشون بس هلمره
جمانه السعيدي
خالي...ميخالف سهله لا تخافين
امي...فدوه خويه بعد ما أوصيك العطوه تخلص بعد شهر
اذا كعدو الزلم وتحدد الفصل تخلص هاي السالفه
بس مادام بعد ما كاعدين للحك احنا وياهم
الشغله تخوف
ابو عادل حيل شاد سنونه علينا
شكد ناس راحت عالي وكالتله محمد ما متقصد
جان يتشاقا ويااا يلعبون ثنيينهم وصارت هاي الشغله
بلغلط
بس مايقبل يقتنع يكول هو مسوي نفسه صديقه
كل هذا الوكت لمن عادل امن بي وذبحه
خالي...لا تلومينه خلي نفسج بمكانه هالولد الواحد
متعلق بي ويتمنى يزوجه ويشوف جهاله
تالي هيج يروح منه بسالفة شقى
امي...اني مااكول مو حقه الله يعينه الله يساعده
الله يصبر كلبه
بس اني متأكده هو يعرف محمد شكد جان يحب عادل
ويريد خاطره وابد ما متقصد يكتله بس لحظة شيطان
وصارت
خالي...اعرف بس هم الله يعينه
امي...بعد مااوصيك بعد اختك خاف يداهمون بيت اهلي
لا تخلي محمد يوصل يمهم
خالي...هاي هي لا توصين حريص
محمد...اني جنت بلحمام طلعت وخالي حجالي كل تفاصيل المكالمه بينه وبين امي
محمد...كعدت بلكاع تريد الصدك خالي
خالي.. اي
محمد...هواي افكر اسلم نفسي لان النار الي بكلب ام عادل وابو مراح تبرد اله يشوفوني اخذ جزائي العادل
هيج يحسون اني جنت مدبر قتل عادل وهسه ابنهم مات واني عايش ومرتاح
لان من قتلته ماسلمت نفسي لا انهزمت
جان لازم مااسمع الكلام وانهزم المفروض اسلم نفسي
بس اني بهاي اللحظه توقف عقلي كمت مااعرف افكر
لو شلون اتصرف
خالي...لا تبقى تلوم بنفسك الي صار صار
اولا عادل هذا يومه حتلو مو انت كتلته راح يموت بهذا اليوم بس بغير طريقه
انت جنت مجرد سبب مو يعني انت مو غلطان
لا غلطان المفروض تنتبه ماكو شقى بلسجينه
ولا حديد ولا نضرب ضربه قويه بحجة شقى
لازم ننتبه
انت جنت مجرد سبب بموت عادل الله يغفرلك ويغفرله
ثانيا..انت جنت طايش ومضيع الدنيا والاخره
بسبب هذا الحادث رجعت الربك وانتبهت الدربك
محمد...ادعيلي خالي اطلع من هاي الشده سلامات
خالي...انشاء الله تخلص على خير
ولو اني تعودت عليك انت من داخلك خوش انسان
طيب وحنين وشهم
بس الضروف ماكانت بصالحك ابد
محمد...اي ولله خالي احس نفسي جنت اعمى
وهسه شفت دربي
خالي...الله يهديك اكثر انشاء الله
ثاني يوم واحنا بلمحل الصبح نشتغل اجا الخالي اتصال من بيبي
بيبي...الحك يمه علي الشرطه بلباب يردون يفتشون البيت
خالي...اي اجيت
جمانه السعيدي
خالي...محمد انت ابقى هنا اني راح اقفل باب المحل عليك
الشرطه جايه ادور عليك
من يخلص كلشي على خير اجي واطلعك
محمد..تمام
جمانه مرحبا
قفل خالي باب المحل عليه بقيت جوه
اجذب اذا كلت ماجنت خايف خفت لايجون يفتشون المحل
بقيت كاعد وادعي رب العالمين يخلصني من هاي الشده
واني بعد بكل عمري مراح اغلط بحق احد
جبت بطل ماي توضيت وكعدت اصلي
صليت قضاء حاجه بلاول وبعدين كعدت اصلي قضاء مافي الذمه مااريد الوقت يخلص واني متوتر وخايف
على الاقل اخلص الوقت بشي مفيد
راح الخوف مني من صليت اطمنت لان اعرف رب العالمين يعلم اني ماقتلته عمد
جانت لحظة طيش مني واني ندمان عليها
من الساعه عشره الصبح للوحده الضهر واني مقفول عليه باب المحل
همزين الدنيا شتا جان متت حر
بلوحده الضهر اجا خالي فتحلي الباب
خالي...يله تعال اطلع خل نرجع للبيت
محمد..لبست الكمامه والشفقه وصعدت ورا خالي على الدراجه
وصلنا لكيت خالتي والبنات ما متغديات كلهم منتظراتني
محمد...احجيلي خالي شصار
خالي....مو كدام البنات لان زغار واحتمال يحجن كدام اي احد نكمل اكل واحجيلك
كعدنا على الغده كلنا نتغدا سوه
البنات يحجن على يومهن الدراسي واني بالي مو يم الكلام ابد عقلي راح يم اهلي والرعب الي عايشين بي بسببي
كملنا اكل كمت غسلت
خالي...جيبولنا الجاي للاستقبال
محمد..دخلنا وخالي قفل الباب
خالي....بلبدابه الشرطه فتشو بيت اهلي وامي بس تحجي عليهم
ليش تفتشتون بينا واحنا شنو علاقتنا بلموضوع
ما تستحون تركضون ورا جاهل
هاي الشغله صارت بدون قسط قابل هو متعمد
غير صديقه من هما زغار سوه
المهم كملو تفتيش وسئلوني انت شصير منه
كتلهم اني خاله
كالو تعرف مكانه وين
كتلهم لا مااعرف
طلبو يجون وياي يفتشون بيتي ومنعوني اتصل بااي احد
خاف اتصل عليك أحذرك
جبتهم هنا للبيت فتشو كلشي مالكووو
همزين البنات بلمدرسه جان انرعب من هذا الموقف
بعدين كالو اكتب تعهد اذا شفته تبلغ عن مكانه
كتلهم بسيطه
وراحووووو
محمد...اووووف اووووف اذيت كل اهلي
وناسي وكرايبي بلحظة طيش ولعب
انتم شنو ذنبكم يصير بيكم هيج بسببي
خالي...لا تلوم نفسك هذا الشي قضاء وقدر وكلنا معرضين يصير بينا هيج
شلون واحد يعرف الناس تحبه وتخاف علي اذا ماوكفو وياا بلشده
المواقف تبين معدن الناس
المهم لا تخاف طمنا المحامي يكول بعد مراح يجون
هنا يفتشون مره لاخ
اله اذا اهل القتيل اجو هنا ووكفو بابنا وشافوك داخل
للبيت وراحو جابو الشرطه تلزمك
ووين اهل القتيل واحنا وين
اربع ساعات بلسياره
اطمن محد راح يجي هنا مره ثانيه
ثاني يوم جان موعد الدرس الرحمه
رحمه...بابا اليوم اول يوم درس رياضيات
خالي....اي اني اوصلج الضهر من ارجع للبيت اوصلح وارجع للمحل
محمد...خالي اتصل عليه كال اتأخر عليك اوصل رحمه للدرس واجيك
الضهر بقيت وحدي صليت وجاي اشتغل تقريبا الساعه ثنتين ونص
مااحس اله دخلو عليه ثنيين
الشارع بوقتها فارغ وقت غده واغلب المحلات
الي يمنا عزلت وقت الغده
اني و كم واحد باقين
دخلو عليه ثنيبن جنت مدنك رفعت راسي
العامل الي طرده خالي من المحل وياا واحد ثاني
خشن وعضلات
وكفت كتلهم خير شكوووو
راسا لزمني هذا الخشن من ياختي وضربني بوكس
احس فجي طار من مكانه
بعدين رياض العامل دفرني برجله
ماكدرت ادافع عن نفسي مو لان خايف منهم
لان اخاف القضيه تتطور ويصير بيها تدخل للشرطه
وهيج راح يلزموني
وصير قضيتي قضيتين
بعدين اني حلفت بعد موت عادل
لا أمد ايدي على احد لا شقى ولا صدك
مااريد بعد واحد ثاني يموت بسببي بعدين ما نسيت موت صاحبي
نزلو عليه رياض وصاحبه ضرب لمن كمت اخر دم من كل مكان الولد الي بلمحل للي بصفي
ادخل وكام يدفع بيهم عني يله عافوني
رياض عافني وهو يكول جبان عرفتك حبان
حتى ما تكدر ادافع عن نفسك
محمد....من كد الوجع مااكدر اوكف على حيلي
هذا الولد الي خلصني من ايدهم اتصل بخالي علي واجاني
بسرعه من شافني تخبل
علي...منو الي سوا بيك هيج
محمد...رياض ويا واحد
علي...كوم اخذك للمستشفى
محمد....ماكو داعي للمستشفى مراح يعالجنوني
اله اشتكي واني ماعندي أوراق ومطلوب للدوله
علي...تعال اخذك للمضمد بلكت يقبل يضمدك
الله لايوفقك رياض اني اعلمك بسيطه