رواية مسار اجباري الفصل السابع7بقلم منه محمد

اطياف دخلت وشافته قاعد قالت بهدوء: حكيم بيه عايزه اتكلم معاك

حكيم بص لهدومها البنطلون والبلوزه ولف وشه بقرف وقالها:  اتكلمي سامعك

اطياف: قبل ما اجي البيت هنا ,عندي فكره عن الناس وافكارهم 

حكيم: عظيم امك اكيد قلت لك كل شئ وياتري اتكلمت عني بشكل كويس  , ولا زيفت الحقيقه

اطياف: هي قالت  عنك الحقيقه , واتاكدت لما جيت شوفت بنفسي

حكيم: اسلوبك نفس اسلوب امك

اطياف: طبيعي البنت بتطلع لـ امها وانا فخوره اني طالعه ليها  , واني بنت شجاعه عكس بابا الي خايف يبلغك قراري عشان كدا قلت ابلغهولك بنفسي,  انا مش هتجوز بالقوه ورافضه امير بقولك قراري ورفضي بوضوح,  انا مش هضحي بسعادتي عشان وصيه واحد ميت وربنا يرحمه,  وبعدين علا وامير  زي بعض هيبقوا مبسوطين سوي,  لان انا مش واحده من الستات الضعيفه في عايلتك,  انا بعرف اناضل لحد ما اخد حقوقي , وبعرف ازاي احارب كويس لحد ما اخد حقي

حكيم سمعها بسكوت وامير كان واقف متخبي وسمع كل كلامها

........قصص منه محمد كاتب...........

اطياف طلعت تلم هدومها وهي شايطه: خلاص كفايه علينا كدا في البيت ده هنمشي منه

منال: مكنش يصح نيجي هنا

اطياف: خلاص حصل الي حصل مش هنبص لوري  مفيش فايده منه وهنبص لقدام وربنا كتبلنا نيجي هنا

امير سند كتفه ع الباب وربع ايده يتابع الحوار بين اطياف ومنال

اطياف بصتله وفضلت تعبي الشنط: هنمشي

امير دخل بخطواته: ازاي تتكلمي مع عمك بالطريقه الغير مهذبه دي الي عملتيه  عيب انزلي حالا اعتذريله

اطياف: انا مغلطتش عشان اتاسف الغلطه الوحيده الي عملتها اننا جينا هنا

امير اظن جيتي بمزاجك محدش جبرك

اطياف: مش بمزاجي بالاكراه بيتنا افضل الف مره من القصر هنا, كنا عايشين حسب رغبتنا هنا كل واحده فينا مقيده بسلسله حاسين بالخنقه نفسنا نتنفس

منال: واحنا هنمشي من هنا وبعدها ملكمش اي علاقه بينا

امير بصلها ومره واحده ضحك جامد: بتتكلمي بقوه قلب اوي بس انتي قلتي ايه يعني عايزين تمشوا ع هواكم وحسب رغباتكم

اطياف: فكر فيها زي ما تفكر

امير: الطريقه الي جيتي بيها كانت اختيارك,  لكن تمشي من هنا احنا الي نسمحلك تمشي بأي طريقه  , ومتتصرفيش معانا كأن مفيش حد في قوتك

اطياف: واحنا هنمشي من هنا , يعني هنمشي من هنا

امير زعق  بقوه: وانا بقولك مش هتقدري تمشي من هنا

اطياف رفعت الشنطه ومسكت ايد منال وقالت بقوه  وتحدي: اشوف مين هيمنعنا , يله بينا يا منال

اسمهان شافتهم: الله انتم رايحين فين

اطياف: راجعين بيتنا محدش عاقل يعيش هنا

اسمهان بهدوء ومسايسه: اهدوا بس  يا بنات,  ازاي يعني هتمشوا , يله اطلعوا اوضتكم وهنلاقي حل للمشكله دي وانا هتكلم معاهم

اطياف: هو فيه حد هنا اصلا بيسمع

اسمهان: نعمل الي علينا  , بس اطلعوا فوق , ولما ابوكم يرجع هو يتصرف معاهم

اطياف: ماكلمته كان عمل ايه ولا اي حاجه , هو ماشي تبع الاوامر , وبيتعامل كأن كلامهم وقرارتهم هتحي روحه

اسمهان: اصبري شويه لحد ما يرجع انا هكلمه واقنعه بوجهه نظرك ووجهه نظري يله اطلعوا

اطياف : سوري هنرجع بيتنا يعني هنرجع , ولما بابا يسالك قوليله اننا بنعرف ناخد قرارات في حياتنا بالعقل , وميقلقش علينا خاليه يقلق ع عايلته

اسمهان: يابنتي مش كدا ابوكم بيحبوكم انتم اكتر من اي حد

منال: كنا معتقدين زيك لكن طلع العكس , لما الموضوع اتعلق بمصير بناته فضل اهله عن مصلحتنا , امنا كانت بتاخد كل قرارتها بنفسها , وكانت دايما لصالحنا,  لو كانت معانا اليوم مكنش حصل فينا كل ده يله نمشي  

...........قصص منه محمد كاتب............

اطياف للحارس: افتح البوابه

الحارس: الاوامر ممنوع تروحوا اي مكان

اطياف بغضب: وانا بقولك افتح المخروبه

الحارس: حاولي تفهمي الي بقوله انا عبد المأمور مقدرش اعمل حاجه بدون اذن سيدي , وقالي ممنوع تطلعي من هنا

منال برجاء:  افتحلنا الباب لمده دقيقه محدش هيعرف حاجه

اطياف  بغضب وانفعال: سيبنا نمشي من هنا بقولك , بدل ما اجبرك تفتح الباب

الحارس: مقدرش اخليكم تمشوا من غير اذن سيدي 

امير:  الراجل بيتكلم صح , مفيش فايده من المعافره معاه , الباب مش هيتفتح

اطياف: انت بتغلط

امير خطف منها الشنطه: يله ادخلي جوه  وريحي نفسك,  حتي لو قعدتي طول اليوم الباب مش هيفتح

اطياف خطفت من ايده الشنطه وقالت: احنا مش عبيد عندك روح احكم ع  العبيد الي شغالين عندك ,وملهمش حقوق , وواضح انت متعرفنيش كويس لو الباب متفتحش هتصل بالبوليس وهقول انكم خطفنا تحت التهديد , وهسجنكم

امير مره واحده ضحك اوي بقهقه ونطق وقال: اعملي ده ارجوكي, يمكن وقتها تعرفي ان البوليس ميقدرش بنفسه يهوب ناحيه السرايا,  ولو مش مصدقه اتصلي , ولا اقولك اتصلك انا بيهم من تلفوني   _شدها من ايدها_يله ادخلوا البيت

منال للحارس : افتح الباب بس دقيقه وهنمشي ع طول

الحارس : لازم اخد اذن سيدي البيه وانا افتح

اطياف لفت له و صرخت بحده :  هو سيدك انت مش سيدنا احنا , ليه مش بتفهموه الي بقوله ايه التخلف ده

امير شدها بقوه من دراعها: احسن لك تدخلي البيت , بدل ما تفكري تخرجي منه  ,وخرجي الجنان ده من عقلك

اطياف زقته في كتفه :ابعد عني

امير بغيظ: مين يستحمل يفضل جنبك خليكي  

اطياف: هنفضل هنا لحد ما تفتح الباب

........قصص منه محمد كاتب.........

 فوق السطح عمال يتصل ع الموبيل يشوفها وصلت لكن مش بترد 

جليله  طلعت بستفهام: رشاد بتعمل ايه عندك , الاكل هيبرد تعال اتعشي معايا ,

رشاد حاطط الموبيل ع ودنه: مش دلوقت يا امي

جليله: مالك ليه قلقان,  لو كانت جايه كانت جات

رشاد : هي اكدت عليا انها جايه,  من ساعه بتصل الموبيل  عطاني جرس وبعدين اتقفل

جليله :ماهي متعوده ع كده ايه الجديد , مش يمكن غيرت رايها

رشاد بتوتر:  لو كدا كانت بلغتني بنفسها ,انا حاسس انها واقعه في مشكله

جليله: لو زي ما بتقول كانت كلمتك  , راي هما ارتاحوا هناك ونسيتك

رشاد: ده لايمكن هما مش مرتاحين , هي حكت لي بنفسها وعايزه ترجع هنا

جليله :واحنا هتعمل ايه دلوقت يله انزل اتعشي معايا وافتح نفسي

رشاد:  انا مش جعان شويه وجاي

جليبه :رايح فين دلوقت

رشاد :راجع

جليله بصوت عالي:  يارشاد اقف اسمعني,  الواد اتهبل في حب البلوه اطياف, ده كان بيسمع كلمتي مقصوفه الرقبه اخدته مني

.........قصص منه محمد كاتب.............

قدام البوابه الليل دخل والجو برد شويه

منال: اطياف تعالي ندخل جوه , الليل دخل والجو فيه نسمه ,انا خايفه نبرد

اطياف  بعناد: مش هندخل جوه حتي لو موتـ نا

منال :محدش هيفتحلنا,  قاعدين هنا من مده طويله, من غير فايده

اطياف : بابا جه

عزيز  مد عليهم بخطواته: انتم لسه قاعدين هنا , مش قلت لك خدي اختك وادخلوا

منال : احنا عايزين نمشي من هنا , مش عايزين نفضل هنا , ارجوك يا بابا خدنا رجعنا بيتنا

عزيز بهدوء : يا بنتي افهمي الابواب دي مقفوله بامر من عمكم , ومش هتتفتح لحد ما هو يدي الحارس الامر

اطياف صرخت فيه بقوه : انت السبب لما جبتنا هنا

عزيز:  اطياف انتي منفعله دلوقت , مش هتفهمي اي حاجه من الي هقولها , ادخلوا ونتكلم الصبح

اطياف : انت سجنتنا

عزيز : محدش بيتسجن في بيته , وده بيتكم ليه بتفكري كده

اطياف : ده مش بيتنا , بيت حكيم باشا واحنا مش عايزين نعيش حسب رغبته , معقول تجيب بناتك هنا مع الوحوش دول

عزيز اتنهد وبهدوء:  لو قبلتي الوصيه مش هيبقي فيه اي شده عليكم بالشكل دي

منال صرخت فيه بجنون , انت اب انت ,مش قادر تشوف قهربناتك

عزيز: عايز انقذ اختك منهم,  للسبب ده بقولك وافقي واتجوزي امير , وصدقيني المشاكل كلها هتنتهي

اطياف: احنا عايزين نرجع بيتنا

عزيز  ضغط ع كف ايده وحاول يحافظ ع هدوئه وقال: وده لايمكن,  مش هتمشوا , ولازم تفضلوا

..........قصص منه محمد كاتب................ 

علي الموبيل

رشاد : اطياف ليه مش بتردي عليا , انتي سمعاني مش كدا

اطياف ببكاء : ارد اقولك ايه,  المستبد عمنا رافض نرجع بيتنا , ومصمم نفضل هنا

رشاد عقد حواجبه وبقلق :ممكن توقفي عياط اتكلمي مع ابوكي .ازاي الراجل ده يعمل فيكم كده

اطياف عضت ع شفايفها بقهره وسالت دموعها: عايزني اتجوز امير ابن عمي,  حاسه اني بتخنق مش عايزه افضل هنا دقيقه,  اعمل ايه يارشاد انا هنا في عذااب

رشاد : طب وقفي عياط ارجوكي بس انا شوفت عمي عزيز انسان لطيف جدا ومندهش ازاي يوافقه ع كده

اطياف ببكاء:  ميقدرش يعلق ع كلمه قدام اخوه اللاكبر منه , هو مش مهتم بينا , ولا بسعادتنا قولي اعمل ايه احنا غلطانا لما جينا هنا

رشاد  بحيره: متقلقيش انا هلاقي طريقه اخرجك بيها من هناك , سبيني بس افكر وكل مشكله وليها حل

اطياف:  اظاهر كل الطرق مقفوله في وشنا,  حاولت بكل جهدي بس فشلت,  انا حموت المره دي لو جوزوني الكائن ده

رشاد : انتي مجنونه مش هسمح ان ده يحصل , هلاقي طريقه ,انا بس عايزك تهدي وتجمدي طول عمرك جامده من فضلك اصمدي عشاني

.........قصص منه محمد كاتب...............

في الصالون

خيريه الشغاله : تحبي اعملك اي حاجه تشربيها شاي نعناع

اطياف: لاء

خيريه :براحتك

علا قربت عليها: ايه الي بتفكري تسرقيه تاني

اطياف قامت وبهدوء :علا انا مش عارفه اقولك ايه ,وازاي اقنعك اني مش عايزه اتجوز امير 

علا صرخت فيها: انتي كدابه ,من اول ما جيتي هنا وده غرضك

اطياف: لو مش مصدقاني روحي اسالي كل فرد هنا, انا حاولت امشي من البلد بس ابوكي منعنا وقفل علينا كل الطرق, بس انتي بنته روحي اتكلمي معاه وفهميه واشرحيله ,يمشيني من هنا عشان كلنا نرتاح طلعيني من المؤامره دي

علا :انتي الي عامله علينا مؤامره

اطياف :انا عرفت انك متعلمه لكن من عيشتكم هنا الصعبه كانك اميه 

علا :متعلمه فعشان كدا هصدق كدبتك

اطياف: انا مش بكدب  انا عماله افهمك  اني مش عايز امير ابدا,  لو عايزه اتجوزه ليه حاولت امشي من هنا,  لايمكن احب شخص بعقليته

علا: اخرسي امك هي الي خلقت كل المشاكل دي بعد ما هربت من البيت ,وانتي زيها سرقتي سعادتي وجايه تدمريني

اطياف :انا بحذرك تجيبي سيره ماما ,وكلكم غلطانين  في حقها سواء زمان ولا دلوقت ,وعرفت الغلط جاي منين من اول ما وصلت هنا , ولو كنت عارفه ان البلبله دي هتحصل مكنتش عتبت بلدكم

علا :انتي جيتي وشوفتيني بعيونك  بتخطب له , بس انتي اتعمدتي تسرقي سعادتي وخطفتيه افتكري كويس مش هسيبلك السعاده دي تدوم وزي ما سرقتي فرحتي هاخد منك فرحتك

اطياف زقتها :امشي

علا مسكت فازه وحدفتها بيها واطياف نخت لتحت وهي حاطه ايدها ع قلبها وبتاخد نفسها بالعافيه 

.............قصص منه محمد كاتب............

في غرفه عزيز

اسمهان: يعني المشكله اتحلت بالطريقه دي,  ده البنات مصممين مش عايزين يعيشوا هنا ومصممين يرجعوا بيتهم

عزيز انا فضلت افهمهم  ان الي هيحصل ده في مصلحتنا كلنا , وهما مش مستعدين يسمعوا مني  اي حاجه

اسمعان: ايوه بسـ

اطياف دخلت وزقت الباب: انت الي حبستنا هنا ليه عملت كده,  ليه مش عايزنا نمشي, اتفضل زي ما جبتنا مشينا

عزيز  قام وقف: انتي ليه رافضه امير للدرجه , صدقيني هو شاب عصبي شويه بس راجل محترم ومتربي وعلي خلق

اطياف صرخت فيه بنرفزه: احنا عايزين نمشي 

عزيز: شوفي امير راجل بيتعصب ويثور ,بس طيب وبعدين انتي معتقده ان كل الستات مش  مبسوطين هنا بالعكس

اطياف: قولي ايه مكانه الحريم هنا انا شوفت ثريا  بتلبس الجزمه لجوزها , هي دي قيمه الست عند اخوك, الي اجبرك تخبي مراتك وولادك وترمي مسؤليتك

عزيز :انا مرمتكمش لحظه 

اطياف : لاء رميتنا عشان استبداد اخوك وتحكماته

عزيز زعق فيها بصراخ :وانا مش بناقش ده معاكي دلوقت ,ودي مساله شخصيه بيني وبينه 

اطياف : وانت كدا هتخليني اتراجع لما تعلي صوتك وتصرخ في وشي

عزيز : استغفرالله العلي العظيم , يابنتي يا حبيبتي انا مش بجبرك تتجوزي امير, بس لو حصل ثقي اني بفكر في سعادتك

اطياف بصتله بغضب وسابته ومشت واسمهان هتتكلم عزيز شاورلها تسكت

.........قصص منه محمد كاتب............

قاعده في الكرسي لامه ركبتها لصدرها وسرحانه في الدنيا

منال بصتلها : هتفضلي قاعده قومي اشغلي نفسك بحاجه 

اطياف كانت باصه بعيونها في الفراغ

منال قربت  من أختها وأأعدت جنبها و همست بحنان : اطياف سرحانه في ايه

اطياف: بفكر نمشي من هنا ازاي , بعيد عن عاداتهم وتقالدهم المتخلفه,  ماما هربتنا من جخيمهم , وابوكي رجعنا له , واحنا ضيعنا كل التضحيات الي امي عملتها ع الفاضي, اننا منفضلش عايشين هنا

منال: كانت يا حبيبتي  بتحكلنا عنهم , بس عمرنا ما تخيلنا يطلعوا بالقساوه دي , واحنا مغلطناش احنا جينا منعرفش ان كل ده هيحصل فينا

اطياف من بين دموعها : دلوقت بس عرفت ليه ماما كانت مستعجله تجوزني رشاد , كانت خايفه من كل ده وقدرت خوفها دلوقت,  كانت قلقانه لتتنفذ الوصيه 

منال بدموع: لو مكنتش وقعت , مكنش حصل فينا كل ده ابدا, ومكناش هنبقي لوحدنا

اطياف: احنا مش لوحدنا احنا مع بعض , وامنا علماتنا كويس نتحمل نقف ونصد كل الضربات

منال : طيب قوليلي هنخرج من هنا ازاي وهما قفلوا علينا كل الابواب في وشنا , وحاسه طول الوقت بيرقبونا هنخرج ازاي

اطياف: انا كمان لاحظت بس لازم نخرج باي ثمن

منال :هنخرج بس ازاي   

اطياف : معرفش لكن لازم نمشي ونرجع بيتنا,  لايمكن نفضل اسري في الحبس ده ,امنا علمتنا نتنفس بحريه مش هنضيع تعبها واسيبه يروح ع الفاضي , احنا هنمشي من غير ما حد يلاحظ اطمني

منال  رمت نفسها جوه حضن اختها وقالت: ياريت نرجع بيتنا

اطياف مسدت عليها بحنان:  ان شاء الله 

...................منه محمد..................

في الصالون

اطياف:  ليه مش بترد عليا

حكيم : اطياف متخلنيش اتخذ معاكي خطوه جذريه

اطياف بتهكم : هتعمل ايه اكتر من كده , ده انت من القسوه والشده رافضنا نزور امنا عايشين كاننا في سجن  , التعامل بتاعك  ده بيطبق بس في السجون مش البيوت

حكيم:  انا مش بحبس حد , واطمني امك كويسه متقلقيش عليها دخلتها اكبر مستشفي خاصه وبتتعالج ع اعلي مستوي,  وابوكي كل يوم بيزورها

اطياف : وانت بتقولي عشان تقنعني اتجوز امير

حكيم: احنا ملناش عداوه معاكي , بس لازم يكون فيه احترام , وامير بنفسه ياستي خطبك مني وسواء قبلتي ولا رفضتي العلاقه دي احنا مش هنهتم براي حضرتك

امير هنا دخل قبل ما تشد مع عمه وتطول ادبها ووقف ساكت!

حكيم :امير تعال يابني

امير: عمي لو مشغول اجي بعدين

حكيم  بصلها وقال: احنا بنديلك الماسه وبنسلمهالك , ولا يمكن تروحي اي مكان غير هنا

اطياف:  عمي عشان خاطري مره واحده اشوف ماما

حكيم: وانا ايه عرفني لما تخرجي هترجعي

اطياف : انت ليه شاكك فيا

حكيم :عايزه تسمعي ليه بشك فيكي, اسمعي لانك  واخده نفس طبع امك الي دمها بيجري في عروقك اتمردت علينا من سنين وخدعتني مره واحده مش كل مره هتخدع

اطياف بخبث:  اوعدك المره دي بس , وبعدها موافقه اتجوز امير

                    الفصل الثامن من هنا