رواية مسار اجباري الفصل التاسع9بقلم منه محمد
أمير: مين معايا
اطياف بنرفزه: ايه الوقاحه دي, انت اتربيت فين
امير: مين الي بتتكلمي معاه
اطياف: ميخصكش
امير: كل حياتك تخصني انتي مراتي
اطياف: احنا لسه مكتبناش
امير: فاضل ساعات ونكتب , ومن اليوم وطالع تنسي كل الاوبن مايند الي عايشه فيه صحابك البنات والشباب يتلغوا بالكامل, ومن هنا ورايح الي اقوله تمشي عليه وبس , وتنفذي اوامري , اليوم هو يوم انتصاري وهتبقي ع ذمتي , وانا الوحيد الي هيكون له السيطره الكامله عليكي
اطياف: قلوب البشر مش بالاسر بالحب تاخد القلوب وانت للاسف متقدرش تعمل ده
امير تابعها بعيونه وهي ماشيه قدامه وابتسم وقال: مشاغبه بس عسل
.............قصص منه محمد كاتب..........
ثريا: قومي يا علا جبتلك فستان عشان الناس هيوصلوا ع المغرب
علا: خديه من هنا وامشي ولا عايزني ارقص واغني واحتفل بضياع امير مني ،ولا اطلع ابلغ الناس ان المفروض انا الي كنت هتجوزه بس خطفته واحده تانيه مني وهيبقي ملكها هي
ثريا: يابنتي عايزه تفضحي نفسك قدام الناس من قهرك حصل الي كان لازم حاولي تفهي وخديه ع ده المقسوم وارضي بيه يمكن فيه حكمه في كده
علا صرخت فيها: ارضا انها انتصرت عليا , بسبب خوفك وجبنك , دوستي ع سعادتي واخدتيها ليها , لآء يا ماما ده مش انتصاري
ثريا: انا عايزه اشوف البسمه تاني ع وشك الحزين , واشوفك مبسوطه وسعيده
علا زقتها : كدا روحي لبابا قوليله ليه جوز امير منها , مش انا, شايفه دبلته لسه في ايدي وعليها اسمه
ثريا: يابنتي بلاش تعملي في نفسك كدا, الله لايسيئك, ليه غاويه توجعي قلبي عليكي
علا ببكاء: الكل هنا سرق مني سعادتي, وانتي معاهم مسؤله عن الي حصلي
ثريا من بين دموعها: لاء انا امك وانتي بنتي الوحيده
علا: انا مش حاسه انك امي
ثريا مثلت القوه ونطقت وقالت: انا اه ضعيفه قدام ابوكي بس ليا كلمتي في البيت هنا ع كل النسوان وبحكم عليهم
علا بسخريه: بتقنعيني بده , ولا بتقنعي بيه نفسك
ثريا بحقد: النهارده امير هيتجوز اطياف , بس البت دي مش هتعيش سعيده بعد اليوم, صدقيني هخلي حياتها جحيم متقدرتش تتحمله وده وعدي ليكي, ياعلا متعطيش عشان خاطري وارضي بالمقسوم
.......قصص منه محمد كاتب.............
امير كان نازل من عند اطياف شافها قدامه
علا : شكلك مبسوط الف ميروك ع جوازك, شوف انا بنفسي بهنيك حتي قبل ما يتم جوازك ويمكن اول واحده تهنيك في السرايا
امير بأحراج: علا انا محرج منك
علا ابتسمت بقهر : لا ليه تنحرج اهلي مذنبين اكتر منك, هنا تقاليد بتدور حوالين البيت, واحنا لازم نخرس ونسكت خالص , حتي لو كنا بتتـ حرق , المهم اننا عايشين قدامهم , ونكمل يومنا عادي وياعالم ايه الي ممكن يحصلنا بكره في الدنيا , بس الي متاكده منه دلوقت اني واقفه قدامك وبهنيك ع جوازك من واحده غيري
امير : مفكرتش ان ده ممكن يحصلنا
علا سألته بفضول:هو انا ممكن اسالك عن حاجه , بس تجاوبني بصراحه وتقولي الحقيقه
امير :اسالي
علا :انت فعلا حبيت اطياف قبل ما تيجي البيت ولا لما جات انت وقعت في حبها لو كدا قولي الحقيقه
امير : ليه بتقوليلي كده وليه بتفكري بالشكل ده ,معقول بتشكي فيا
علا: لاء بس هي هتبقي مراتك واكيد هتحبها ,اظن لا عيب ولا غلط , ع اي حال انتم خلاص هتتجوزها فقولي الحقيقه
امير : مكنتش بحب اطياف ابدا ,ولا هيحصل في يوم من الايام, انا زي زيك بنفذ اوامر وتقاليد العيله وبس. انا مقيد بسلاسل ,ومجبر التزم الصمت العاجز قليل الحيله
................قصص منه محمد كاتب.............
في طريقهم للكوافير امير ماشي بعربيته ووراه الحرس الخاص بيه لحد ما وصلوا للمكان والكل نزل وامير ماسك الفستان بنفسه في الغلاف بتاعه ووقف بره ينتظرها لحد ما تخلص
وثريا دخلت معاهم والبنات طلبوا يدخلوا الحمام وهي سمحت لهم وبعتت معاهم اسمهان
وصاحبه الكوافير جابت لهم كيسه وناولتهلهم وبدؤا يلبسوا
اسمهان: بسرعه استعجلوا
اطياف: ساعدتينا كتير مش عارفه بجد ازاي اشكرك , مفيش كلام يعبر لك عن حبي ليكي , بس بشكرك بكل لغات العالم, الف شكر
اسمهان: متقوليش اي حاجه لو امكم كانت بدالي كانت هتعمل الي بعمله معاكم , والام مش بتقدم معروف ابدا لولادها , لان ده واجبها وده الي بعمله
منال: واليوم اثبتلنا انك فعلا ام بحق وحقيقي لينا , وكتر خيرك , والف شكر
اسمهان: طب يله استعجلوا
منال واطياف بالفعل لبسوا العبايات والنقاب وطلعوا من باب الكوافير الخلفي وامير شافهم بس محطش في باله اطلاقا انهم هما بس شك بس نفض الفكره لان ثريا واسمهان معاهم داخل الكوافير لحد ما جريوا بمساعده صاحبه الكوافير وركبتهم تاكسي للطريق
.........قصص منه محمد كاتب..........
حكيم بسعاده: اليوم اسعدتني جدا ياعزيز , اول مره احس انك اخويا بجد ونفس الدم بيجري في عروقك وعروقي
عزيز ابتسم: وانا مبسوط لسعادتك ,واني اسعدتك
حكيم: دايما كنت خلف خلاف لعايلتك بس الليله حافظت ع احترامنا, والجروح القديمه الي كانت في قلبي زالت
عزيز: حكيم انت دايما عندك سوء نيه ناحيتي لكن والله بحبك
حكيم ضحك: لآ النهارده مش مناسب للعتاب , مناسب للحضن, اليوم فرح ولادنا يله تعال في حضني
عزيز دموعه نزلت وحدف نفسه في حضن حكيم لحد ما موبيله رن
حكيم اخد التلفون وقال وهو مبتسم: شكله ابني الاسد امير نعم يا حبيبي
امير: مصيبه ياعمي البنات هربت
حكيم بنفعال: هربوا ايه الجنان الي بتقوله ده ,ازاي يعني هربوا
امير: معرفش يادوب راحوا للحمام ,وهما خارجين محدش شافهم
حكيم وشه اسود وقال بنبرة حادة : عايز البنتين دول بأي ثمن حتي لو طلعوا السما , حتي لو حفرت الارض طلعهم, لاقي الملاعين دول وبعدها نرجع احترامنا , واياك ترجع فاضي من غيرهم سامع , ولو ملقتش البنات دول هتلبسني الكفن لاني همـ وت نفسي من العار الي هيركبني في البلد واتذل
امير :مفيش حاجه من دي هتحصل ,اوعدك ارجعهم مكسحين
حكيم لف عليه بغضب جحيمي: هربت بناتك فين ياعزيز
عزيز بصدمه: انت بتقول ايه , ليه اعمل كده
حكيم صرخ فيه شديد: زي ما عملتها زمان من عشرين سنه ,وفتحت الجرح تاني انطق هما فين قبل فوات الاوان
عزيز :انا معرفش هما فين صدقني
حكيم : اصدقك ازاي وانت عملتها قبل كده وبقيت متعود تبيع عوايدنا , وبتتصرف كانك جوز ام مش اب انت مش مخلص لعيلتنا ولا لينا , عينك مكنتش ع البنات بسبب سلبيتك شوف وصلنا لفين غور امشي من قدامي
..............قصص منه محمد كاتب.........
في صالون السرايا
ثريا: اكيد عارفه حاجه , امال مين هربهم غيرك , حالا تقوليلي واياك تكدبي
اسمهان : لو كنت اعرف ليه اخبي عنك , انا كمان مش فاهمه ازاي خرجوا
ثريا: كنتي معاهم اكيد سمعتي حاجه , واكيد حد ساعدهم , غير كدا مستحيل يخرجوا وهما ميعرفوش حاجه هنا
اسمهان: ياسلفتي حاسه انك بتتهميني بشكل مباشر , وانا معرفش انا سيبتهم يدخلوا الحمام وطلعت ارد ع موبيلي ورجعت ملقتهمش
ثريا: تعرفي لو عرفت ان ليكي يد في هروبهم
اسمعان: وانا ليه اعمل كده, واجيب لنفسي المتاعب
ثريا: امال ازاي ده حصل يعني هو هروبهم امر بسيط , لاْ يا اسمهان قوليلي الحقيقه ووعد مش هجيب سيرتك لحد عنك , ولا هذكر اسمك, بس قولي الصراحه يمكن نلحقهم قولي
اسمهان: قلت لك , معرفش اي حاجه
ثريا سابتها ودخلت غرفه مكتب حكيم وقالت: هنقول ايه للناس وهما هيقوله عننا ايه
حكيم رفع عينه وبصلها: محدش يعرف حاجه ياثريا هنفقد احترامنا وهيبتنا في البلد والناس هتضحك علينا, حكيم الي العالم كله بيعمله الف حساب بنتين هلافيت يلعبوا بيه ويهربوا منه
ثريا: حكيم لازم ننقذ سمعتنا انا مقدره وضعك وانك بتحترم العايله كتير وعندي حل
حكيم: ايه هو
ثريا: عارفه ان ليك السلطه في اخد القرارات, والكلمه الاولي والاخيره متروكه ليك , بس عشان نرفع راسنا قبل ما يجوا الناس لازم نجوز امير اليوم نفسه
حكيم :عايزه تقولي ايه
ثريا : لو مدخلتش اطياف في حياه امير كان اليوم فرحه ع علا مش كده , وامير نفسه وافق وبكدا نتمم فرحهم
حكيم : انتي مفكره الوصيه نكته
ثريا : الي نسيت الوصيه هي الي دمرتها من سنين في لحظه ومشت, وبعدين زي ما علا بنتنا امير ابننا , ولو موافق اجهز علا حالا
..........قصص منه محمد كاتب............
في الاتوبيس ع الطريق الصحراوي
منال بقلق: امتي هيخلصي الطريق ده
اطياف: بعد شويه هندخل العمار
منال: قلتي ده من ساعه واحنا لسه في الصحراء اه لو ماما معانا مكنش هنوصل للوضع المزري ده ولا كنا وقعنا في المشاكل دي
اطياف: منال مش وقته خالص العياط ودي ارارده ربنا انتي بس ادعيلنا نطلع من المصيبه دي ع خير وهيطلعك وادعي لماما تفوق عشان تحمينا زي زمان وبعد ما نوصل بلدنا مش هنهتم
الكمسري ميل عليهم: الاجره
اطياف بتوتر: اه ثانيه واحده بس
الكمسري: بسرعه اديني الاجره
منال: ممعناش فلوس
امير في اللحظه وقف بالعربيه قدام الاتوبيس ونزل مع الحرس
راكب: ليه الاتوبيس وقف
الكمسري: يظهر فيه مشكله
الحرس لفوا حوالين الاتوبيس بسلاحهم وامير دخل يبص في وشوش الركاب لحد ما شك انهم هما الي لابسين نقاب
امير نخ ناحيتهم وضحك: لقيتكم يابنات عمي المحترمين , يله ننزل
اطياف ومنال فضلوا زي ما هما قاعدين من الخوف وامير هبد ع ايد الكرسي: مش قلت يله انزلوا
منال واطياف نزلوا وهما مرعوبين من شكل امير والحرس الي معاه
امير بحقد : وانا طفل كنت بغني وانا بلعب واعد من واحد لعشره , لحد ما جات عصفورتين وهنا ظهرالاسد واكلهم واشبع جوعه
اطياف :امير اغفرلنا اليوم ،احنا غلطنا غلطه كبيره ودلوقت بس حسينا ،مكنش المفروض نعمل كده بعتذرلك، شوف اطياف بنفسها بتعتذرلك ، ومنال كمان بتقولك اسفه جدا غلطنا ،ماتقولي اسفه يا منال لامير
امير لف وهو بيسمع اعتذرلها الي اول مره يسمعه
اطياف في حركه سريعه شدت المسدس وحطته في وشه وبقوه:مفكرني ايه هخاف منك .احسن لك سيبنا نمشي
امير فرد ايده الاتنين وبصوت قوي :بتعرفي تضربي ،يله اضربي، وخالي الطلقه في قلبي يللله
اطياف عملت نفسها بتسلم ونخت لتحت ببطئ تحط المسدس ع الارض وبسرعه لقطت في ايدها طوبه خبطت امير بيها في عينه وطلعت تجري في الصحراء ومنال وراها لحد ما للاسف منال خانتها قوتها ووقعت والحرس حاصروها واطياف اجبرت ترجعلها وتضمها
......قصص منه محمد كاتب.......
في غرفه هيئتها مخيفه
اطياف: ليه جبتنا هنا ليه مرجعتناش السرايا , ايه هدفك تحبسنا هنا
امير بهدوء : الاجابه ع اي سؤال عندك مش هتاخدي اي اجابه عليه, واحسن لك يفضل بؤقك مقفول والا الي هعمله معاكي مش هخليكي تنسيه باقيه عمرك
منال :امير اسمع بلغهم انك ملقتناش وسبينا نمشي
امير بشخط فيها: الي مسؤل عن حالتك هي اختك الفلحوسه ,اعملك ايه , هي الي جابتك
للمـ وت معابا , عامله ناصحه , وهي حماره
منال: انا بعتذرلك بالنيابه عنها بس متأذهاش ارجوك
اطياف: اسكتي لمده دقيقه , متتوقعيش الرحمه من واحد زي ده مش بيخاف ربنا , متوقعه ايه من واحد زيه , افتكر حاجه واحده يا امير باشا انت وعمك الظالم ليكم يوم اسود وهتنتهوا بطغيانكم ياابن الحرام
امير زقها بكل قوته ع الارض ومنال ضمتها لحضنها وهو فتح الباب وبصلها بكل غضب وخرج والاتنين جريوا بجنون ع الباب انه يفتحلهم لكن دون جدوي
اطياف بتصرخ : مفيش حد بره يساعدنا ليه قفل علينا الباب
منال ببكاء : يا بابا مفيش حد سامعنا
اطياف بتخبط بهستريا : ليه قفلت علينا الباب , افتح الباب
منال جسمها بيرعش: ليه جابنا هنا انا خايفه
اطياف بعياط جنوني: وانا مش عارفه اعمل اي حاجه
منال: وشكل محدش هيجي ينقذنا وهنموت هنا
اطياف ضمتها لحضنها أكثر حاولت تهدي من خوفها : اهدي , وادعي ربنا وهيبعت حد يساعدنا انا واثقه
.......قصص منه محمد كاتب............
ثريا : حكيم مردتش عليا هتعمل ايه في الفضيحه دي علا
حكيم قاطعها بصوت عالي و صارم : متفتحيش الموضوع ده تاني ,وامشي من هنا
اثناء كلامهم سمعوا صوت عربيه
امير دخل: عمي لقيت البنات وقفلت عليهم البدرون, عايزني اعمل ايه دلوقت
حكيم : مش عايز مخلوق يعرف في السرايا انك لقيتهم
امير : هيحصل الي تقولي عليه
عزيز نزل بيجري بلهفه: امير لقيت بناتي ,عرفت عنهم حاجه
حكيم : امير ملقاش بناتك في اي مكان ,اتحرك انت يا امير ,واعمل الي امرتك بيه
امير بص لعزيز بشفقه وقال :حاضر
حكيم لعزيز: امشي انت كمان من قدامي مش طايق اشوفك
........قصص منه محمد كاتب.............
فتح عليهم الباب ودخل بخطواته الواثقه لحد جوه لقاهم قاعدين بدهرهم جنب الحيطه جاب كرسي وقعد قدامهم وهو بيضرب اطياف نظرة نارية انعقد لها لسانها
امير بصلها: انا في امكاني اعمل فيكي الي لايمكن تنسيه طول حياتك, سبق وشوفتي دم قبل كده
اطياف: ايه الضرر الي عملتهولك
اميركتم غيظه و هو بيقول: حاجه بسيطه دوستي ع كرامتي برجلك واعتبرتيني هواء وبتسأليني ايه الضرر تعرفي لما الراجل بيطعن في رجولته بيبقي زي الاسد الجريح وبيبقي اكتر شراسه
اطياف: عندك حق انت فعلا الحيوان ده
الحارس دخل وقال: امير بيه المأذون وصل
منال بهاجس: مّاذون مين الي هيتجوز ،ليه جايب مأذون
امير ابتسم بسخرية و قال ببرود و هو يرفع حاجب: ليه جايب مأذون سؤال وجيهه , لان اختك المحترمه هتتجوزني هنا ودلوقت
اطياف صرخت فيه: ده لايمكن يحصل ع جثتي اتجوزك غصب
امير حط ايده على ركبته و قال بهدوء: مش هتقدري تعملي اي حاجه وصدقيني مش عايز اعمل فيكي الي يخليكي تشيبي واسمع كلام عمي حكيم ،انا لحد اللحظه بتعامل معاكم بلطف وهتتجوزيني ودلوقت
اطياف هزت دماغها بـ لاء وامير مسك المسدس وحطه ع دماغ منال
منال صرخت بهلع: امير ارمي المسدس وخلينا نتفاهم
اطياف: انت اتجننت هتمـ وت اختي ارمي
دخل المأذون وشاف اطياف راكعه تحت رجول امير وببترجاه يسيب اختها وميقتلهاش
اطياف ببكاء: انا اسفه والله اسفه
المأذون: امير بيه دي جريمه وانا مقدرش اكتب واشترك فيها
الحارس ضربه بالقلم وقعه ع الارض ونزل فيه ضرب: ازاي تتجرء تقول كدا للبيه يظهر مش خايف ع حياتك
اطياف صرخت: خلاص كفايه انا موافقه
منال: لاْ يا اطياف
اطياف لامير: هتجوزك حالا
منال صرخت: لاء يا اطياف لاْ
اطياف: اسكتي يا منال اسكتي هتجوزك خلاص نزل الزفته دي
الحارس شد المأذون من الارض وقعده ع الكرسي وتم كتب الكتاب وبعدها امير اخدهم وصلهم للسرايا ومنال دخلت منهاره في حضن عزيز وبعدها دخلت اطياف ووقعت ع الارض في حاله اغماء وامير قلبه وجعه عليها وخصتا لما بصله عزيز نظره لوم وثريا فرحانه فيهم