رواية لم اكن قاتل الفصل التاسع9بقلم جمانه السعيدي
محمد....رجع خالي الضهر يتغدا كعدنا نحجي وسولفلي على يومه وشلون أصحاب المحلات اجو يسئلون عني
خالي...اليوم بليل يجي ابو رياض يجيب ناس يعتذر
عن رياض
محمد..ماكو داعي
خالي...شلون ماكو داعي لازم رياض يعتذر
حتى بعد ما يفكر يفتح حلكه لو يرفع عينه عليك مره ثانيه
محمد...ما تمنيت شي بس كون اني ما مطلوب للدوله
جان هسه خليت ابو حاير وين ياخذه اليا مستشفى
ولله ياخالي اني جنت محد يكدر عليه
حتلو ثنيبن اتلاثه محد يكدرلي
من ادخل عركه كلها تصيح اهوووو هم اجا محمد
لا هلا
بس من يوم عادل لليوم احس نفسي ماعندي طاقه
ومااكدر كلشي اسوي
خالي...هسه تنحل هاي المشكله ومدام اني بضهرك
محد يكدر يقرب عليك
كملنا اكل وجاي نشرب جاي
رحمه...تاخذني للدوره بابا
خالي....اتأخر على المحل لان بس اني بي
محمد...روح خالي اني اخذها
خالي...شلون تأخذها وانت هذا وضعك
محمد...البس كمامه وشفقه واخذها اوصلها اكدر امشي
مو الهلدرجه
اناجر تكتك واخذها اوصلها
خالي...بابا رحمه اني ارجع للشغل محمد يوصلج
طلع خالي للشغل ورا بساعه كمت بدلت ملابسي
اجت رحمه يله توصلني
محمد...يله اني جاهز
طلعنا من البيت ااشرت التكتك صعدنا اني وياها وصلتها
شفتهادخلت اطمنت عليها رجعت للبيت
لكيت اكو وحده عدهم بلاستقبال مره يمكن جارتهم
بقيت كاعد بلمطبخ
رقيه خدرت جاي وأخذته للخطار
بعدين جابتلي جاي
بقيت اكلب بتليفوني تقريبا ساعه يله طلعت
جمانه السعيدي
خالتي.. .تعال محمد راحت ام مرتضى
محمد...لا خاله براحتج هذا بيتج
خالتي...لو تدري جايه علمود شنو
محمد.. شنو
خالتي...جايه تخطب رحمه الابنها
محمد...من سمعت هاي الجمله حسيت كلبي انقبض
خالتي...ولله همه خوش ناس وسمعتهم طيبه
جوارينا من زمان ابنها فد ولد كلها تحلف بااخلاقه
حتى جكاره ما يخلي بحلكه
معلم جامعي بهاي المدرسه الي يمنا
تكول هو طلب رحمه يكول عاجبتني
محمد...رديت عليها بعصبيه شنو عاجبته ما يستحي
خال عينه على هاي الطفله
يقبل اوكف اباوع على خواته صدك ماعنده غيره
فوكاها معلم يعني ايجوز اكبر منها بعشر سنوات
خالتي...اي اكبر منها بثمن سنوات هيج
محمد...خاله فدوه رحمه زغيره خلي تكمل دراستها
قابل الشباب خلصو
خالتي....انت مثل وليدي البنات حملهن ثكيل
وابوها تعبان
اكول خوش فرصه ليش اضيع من عدنا
عود نشرط علي يخليها تكمل دراسه
محمد...هي الي تزوج شلون تكمل دراسه فهميني
يصير عدها مسؤليه
خالتي...اي ولله صدك بس رحمه سباعيه
تكدر تشيل شغل البيت كله نادره
ومن نوع سكوتيه مو صاحبت مشاكل ولا تعاند
محمد. .اي وانت تردين تخلصين منها اذا على مسؤليتها اني اشتغل واساعدكم لا زووجوها هسه فدوه خاله
راح يضيع مستقبلها
خالتي...اني مو بكيفي بكيف ابوها وهي هم لازم تقبل
من يجي ابوها اسئله واشوف
جمانه السعيدي
محمد...رجعت للاستقبال بس صدك ضجت
عبالك واكفين بلباب وهسه راح يخاذوها صدك عود رحمه تزوج اذا خالي وافق وزوجها ارجع البغداد
حتلو تلزمني الشرطه
بعد شعندي باقي هنا
رجعت صفنت يعني اني شنو باقي علمود رحمه
لو متهم و مصيري مجهول
اني قاتل ورحمه مو اليه
بنيه حلوه وشاطره ايجوز هذا الولد يستاهلها
بس اني احبها
اكو شي يشدني الها شنو مااعرف
شوف عادل كلشي جاي يصير وياي بسببك
اي بسببك انت لمن عفتني حياتي كلها تخربطت
صرت مهزوم وضايع وحتى البنيه الي حبيتها مااكدر اطلبها من خالي
صرت قاتل ومالي حق حتى اطلب رحمه للزواج
عادل اخوي تدري اشتاقيت اسمع صوتك وضحكتك
لو انت وياي جان كل اموري انحلت بسهوله
بقيت كاعد وافكر بااهلي ابوي شلون وضعه
خواتي واخوي وامي ياترى يمتى راح تنحل هاي المشكله وارجع الوضعي الطبيعي
رمشت عليه رحمه يعني خلص الدرس
اتصلت عليها
محمد...هلو رحمه اي اجيت
طلعت اجرت تكتك ورحت عليها نزلت باب البيت
اتصلت عليها تطلع
شويه وطلعت بس شافتني ابتسمت
ياربي شلون امتحان هذا شوف الابتسامه تخبل
رحمه....هلو محمد
محمد... نزلت الكمامه هلو
رحمه....شبيك ضايج
محمد...مابيه شي
رحمه...لا اكو شي احجي
محمد...خل اشوف تكتك
رحمه....لا احجي قبل لا نصعد بلتكتك
محمد....هيج مبين عليه ضايج
جمانه السعيدي
رفعت حواجبها وفتحت عيونها وكالت اي
محمد....اليوم اجو عليج خطابه
رحمه....خطابه وانت ليش ضايج شنو علاقة الخطابه بلموضوع
محمد....تزوجين تقبلين تزوجين
رحمه...اكيد لا اني اريد اكمل دراستي
محمد...امج تكول نشرط عليهم تكمل دراستها
رحمه....لا ابد مراح ازوج ولا اي فكره للزواج ابالي هسه
اله اكمل دراستي يله
لو يخليني بقصر وجواي خدم وحشم هم ماازوج
اله اكمل دراستي
محمد....ابتسمت لا اراديا من سمعت ردها احس ماي بارد ونزل على كلبي
رحمه...شو ابتسمت
محمد...لان اني تناقشت ويا امج بهذا الموضوع
ورد امج عليه قهرني اني كتلها خل تكمل دراسه وبعدين الزواج
بس امج عدها رائي ثاني
رحمه...امي عدها الزواج اهم من الدراسه تريد بس تخلص مني
محمد....يعني اذا ابوج سئلج توافقين لو ترفضين
رحمه....مو كلنا هسه ماازوج لمن اخلص
محمد...اي عفيه هاي البنيه الي تفتهم
رحمه....احجي الصدك انت ضايج علمود هاي السالفه
محمد...اي ولله انتي زغيره ليش الزواج هسه
حرامات اضيعين مستقبلج بلزواج من وكت
رحمه....اني حلمي اتخرج واتعين واشتري سياره
واخر شي افكر بي الزواج
محمد...يله تعاي اناجر تكتك
رحمه...بعد وصلنا على هاي الشويه نصعد تكتك
خل نكمل مشي لو ما تكدر
محمد....شنو مااكدر اذا تردين اشيلج واركض بيج
رحمه...لا مو الهاي الدرجه
محمد...مديت ايدي جيبي ايدج نعبر الشارع
لزمت ايدها وعبرنا اني وياها سوه
حسيت نفسي اتشافيت من كل الأمراض النفسيه والجسديه مجرد ما حجيت وياها
ولا عبالك عمرها ١٨ احسها جبيره وتفتهم
قبل لانوصل كتلها تعاي نشتري
دخلنا السوبر ماركة
شافتها وحده من جوارينهم مره جبيره بس فضوليه
شلونج رحمه
رحمه...الحمد لله
...هذا منو الي وياج
رحمه...ابن عمتي من بغداد جاي خطار عدنا كم يوم
...شنو جاي يخطبج
رحمه....لا خطار عدنا شنو يخطبني
محمد...من شفتها وحده فضوليه وكلامها مابي معنى
صحت رحمه تعاي شوفي هذا الجبس
رحمه...من رخصتك خاله
جمانه السعيدي
اجت تمشي وتضحك ضامه ضحكتها طابكه شفايفها بس وجها كله يضحك والغمازات طالعات يخبلن
محمد...هااااا
رحمه...نقذتني جنت داخله تحقيق
محمد....مبينه فضوليه تعاي يله اختاري شنو يعجبج
رحمه...لا اخذ بس جبس
محمد...شنو بس جبس اخذي للبنات غير قمر تطردنا اذا بس انتي اخذتي
شفتها مستحيه
محمد...جمعت جبس ونساتل وإندومي وعصاير
وككو خليتهن بلعلاكه دفعت الحساب
وطلعنا بس دخلنا للبيت
خالتي...شو اتاخرتو
محمد .. مالكينا تكتك رجعنا مشي
خالتي...قلقت عليكم
محمد...لا تخافين ماكو شي
تقريبا نص ساعه ورجع خالي للبيت جايب بيبي ويااا
بس شافت وجهي تخبلت يااا شبيك
خالي.. اكعدي ارتاحي ماكو شي عركه بسيطه
بيبي...يااا عمت عيني منو تعارك وياك
محمد...حضنتها وبستها لو تدرين اني شكد مشتاقلج
بيبي.... اني هم مشتاقتلك
محمد...صدكي بس شفتج صرت زين لا تخافين مابيه شي
تعشينا وحجينا البيبي كلش صار
بعد العشى اندكت الباب
ابو رياض جايب وياا خمس زلم وجاي يعتذر عن
رياض رياض ماجاي لان يعرف راح يشبع رزايل
ابو رياض جايب وياا مبلغ حتى اتعالج بي بسبب الأضرار الي سببهن اليه رياض من الضرب
بس خالي ماقبل ياخذ منهم شي
شكد بقى يعتذر ابو رياض وتعهد بعد رياض مايقرب عليه
ابد ولا يمر بلشارع الي نشتغل بي
من طلعو الزلم خالي ارتاح نفسيا
حس نفسه كدر يرجعلي حقي منهم ياربي اني شكد فخور بهيج خال معدل وحنيبن
اجت خالتي كعدت ويانا جنا كاعدين اني وبيبي وخالي
البنات بغرفتهن يقرن
خالتي....اليوم بيت ام مؤيد اجو على رحمه
المؤيد واني كتلهم اسئل ابوها وارجعلكم خبر
خالي....اسئلي رحمه اني ماادخل بحياتها شوفي اذا هي موافقه اني ماعندي مانع
محمد...من رخصتك خالي ترا رحمه بعدها زغيره مو مال زواج
خالي....ولو لازم نسئلها ونشوف رائيها بيت ابو مؤيد كلش خوش ناس وابنهم ما يتعبب ابد
بيبي...اذا خوش ولد كولو يالله ليش اضيعونه من ايدكم
خالتي...فدوه الحلكج خاله اني هم اكول هيج
البنات حملهن ثكيل
خالي....ممنوع نكولين هيج شنو حملهن ثكيل اني اشتكيتلج
بناتي مو حمل
بناتي ماكو منهن لو يبقن العمر كله على كلبي ماامل منهن
خالتي....هسه اني شكلت بس مؤيد خوش ولد
خالي....لا تكثرين حجي اسئلي رحمه وشوفي شنو رائيها
وهيج تخلص الشغله كلها
محمد....فرحت بكلام خالي اي همزين اني اعرف رحمه رافضه فكرت الزواج