رواية عشق ابيض واسود الجزء الثالث الفصل الثاني 2 بقلم عائشة الكيلاني

الفصل الثاني 2 

بقلم عائشة الكيلاني 

 الصينية وقعت منها الكل بص لمصدر الصوت كانت واقفة على الباب الصالون قالت بتوتر :- بعتذر جدا 

نزلت على الأرض و بقت بتلم الازاز خديجة اتجهت ليها نزلت لمستواها و بقت بتساعدها 

خديجه بصت على ايديها الى انجرحت قالت بصوت بقلق:- انتي كويسة 

منى الدموع اتجمعت في عينيها:- كويسة 

خديجة شالت الصينية بعد ما حطت الازاز فيها و خرجت هى و منى 

ياسين كان متابع المواقف في صمت و مراقب يحيى و نظراته بصلهم ببعض الحادة و السخرية 

رحيم:- بقولك اي ما تفك من منى وخد نور اهو شبهم برضو و لذيذة بلاها سوسو و خد نادية  

نور بصت لرحيم 

ياسين:- هو انتوا جايين تتسلو علينا ولا اي ولا هو لعب عيال و وقاحة 

معتصم :- ياسين انا مسمحلكش 

ياسين قام:- معنديش بنات لجواز طالبك مرفوض بنات الحلال كتير 

يحيي قام و قال بهدوء:- انتوا الى فهمتو غلط و انا قولت لى ابويا على منى مش جميلة و بعدين ما الكل عارف انه بينسي 

ياسين:- برا بيتي 

يحيى بص له بتحدي:- بنتك مش هتكون لحد غيري حطو دة في بالكم انا بحب منى 

جميلة كانت خرجت من اوضتها على الصوت و سامعة كل حاجة يحيي و اهلو خرجوا من الصالون كانت جميلة واقفة مصدومة رفع عينيه كانت منى واقفة على السلم سندة ايديها على السور و الدموع في عينيها هى اصلا من ساعة ما عرفت انه جاي لاختها حست بغصة بقلبها بس متكلمتش طالما اختها بتحبه خلاص 

الام مسكت ايديه:- يلا 

يحيى بص لامه:- يلا 

خرجوا من الفيلا منى طالعت اوضتها بسرعة و وراها خديجة الى عارفه كل حاجة و برضو متكلمتش علشان متكسرش فرحت جميلة 

رحمة:- ليه يا دادي 

ياسين:- كل واحد على اوضته 

جميلة طالعت على فوق و نور وراها فتحت باب اوضة منى بجنون اتجهت ليها و هى مش شايفة قدامها و فجاة حطت ايديها على رقبتها و بقت بتخنق فيها بغل و شر :- ليييه يا منى لييه بتتاخدي مني كل حاجة لييه حتي الانسان الى حبيته اختارك انتي يا خطافة الرجالة يا حرمية انا مش هسيبك 

نور و خديجة بيحاولو يبعدوها عنها لكن مش عارفين ياسين و الباقي طالع على الصويت نور وقفت مكانها رجليها مش شيلها مكنتش مصدقه ولا مستوعبة الى بتشوفه اخت هتموت اختها علشان رجال غريب ياسين طبعا و الباقي جريو يسلكو بينهم نور و اكنها بتتخيل امها و هى سماح بتخنقها حست بدوران الرؤية بدات تتشوش وقعت على الارض راسها رنت شريط كل الى ماتوا من قدامها مر قدام عينيها و دلوقتي بنتها 

رحمة بصرخ:- اااامي 

لبنى بصت مكان ما رحمة بتبص نور حطت ايديها على بؤها و دموعها نزلت جميلة بعدت اخيرا عن منى و كلهم اتجهوا لنور نوح و اسر جريو عليها نزلوا لمستواها اسر حط راسها على قدميه 

نوح:- ماما سامعني 

رحمة بعياط:- مامي فوقي علشان خاطري مامي ردي عليا 

ياسين شالها و راح لى اوضته 

الكل راح وراه 

ياسين بعصبية:- الزبالة دول مش عايز اشوفهم 

لبنى:- انت في اي ولا في اي 

اسر:- نشوفها الاول و انفجر فيهم زى ما تحب 

ياسين بغضب ليهم:- لو سمحت يا بابا خليهم يغورو من وشي مش طايق اشوفهم الزبالة دول 

اسر:- سامعين ابوكم يلا كل واحد على اوضته اتصلي بالدكتورة يا خديجة 

خديجة:- حاضر يا دادي 

ياسين:- الا دول كفاية دكاترة اجيب دكتورة تصدمني هى هتفوق دلوقتي هاتي يا بنتي ازازة البرفان دى 

خديجة راحت جابت البرفان:- اتفضل يا ابيه 

ياسين بصلها بطرف عينيه:- طب اخرسي 

خديجة:- انت متتشطرش على عيالك تتشطر عليا اكمني اصغركم 

ياسين مردش عليها و بقا بيحاول يفوق في نور نور حركت راسها بنفي و قامت بسرعة و فزع 

خديجة:- وقعتي قلبي يا نور حرام عليكي 

نور معملتش اى رد فعل ضمة رجليها و ساكته 

ياسين:- نور مالك 

اسر:- يا بنتي اتكلمي 

لبنى:- مالك يا حبيبتي يا بنتي ردي بقا متوجعيش قلبي اكتر ما هو موجوع 

نور نامت و اتغطت اسر:- يلا يا جماعة نسبها لوحدها 

لبنى:- بس 

اسر:- هى عايزة ترتاح بلاش نضغط عليها 

لبنى بصت عليها بحزن و خرجت مع اسر و طبعا خديجة وراهم نزلو تحت 

خديجة:- نكلم سليم يا 

اسر:- سليم فيه الى مكفيه مش معقول هنرجعه من السفر و شغله علشان هبل زى دا خلاص محصلش نصيب ليه نطلع اسرار بيت اخوكي برا 

فوق في اوضة جميلة 

نور بدموع:- منكم لله انا. ماما لو جرلها حاجة مش هرحمكم انتوا بسبب زفت هنخسر اهم حاجة في حياتنا 

جميلة ساكت دموعها نزلت:- المفروض تقولي لي الى عاملة فيها محترمة و غلبانة و هى***** واحدة في الدنيا 

نور بصت ليها بغضب و ضربتها كف:- انتي حيوانية 

نور قامت خرجت من الاوضة و رزعت الباب 

دخلت اوضة نوح 

رحيم:- نفسي مرة تغلطي و تخبطي قبل ما تدخلي اوضة حد فينا احنا برضو لينا خصوصيتنا 

نور ربعت ايديها بسخرية:- والله ممم ، 

اتنهدت بحزن و تفكير:- هاا يا شباب هنعمل اي امى مش بتتكلم ولا بترد على حد 

نوح:- يخرب بيت جميلة على منى على يحيى انا معرفش في اي الموضوع تافه اصلا عريس و مشي 

اسر:- ياريت نبطل نمسك في التفاهة و نسيب المهم ، احنا نعرضها على دكتور نفسي 

نور:- لا ذكي ااانتوا نسيتوو انها دكتورة نفسية ، و طبعا مستحيل نكلم حد من صحابها لانها مش ها تتكلم عارفين ليه لانها عند ماما مسألة شخصية و بابا و ماما يموتو ولا يقولو لحد اسرانا و مصايبنا ف نفكر بالعقل 

رحيم بسخرية:- المفروض انكي في مهنتها ولا دا بالاسم 

رحمة:- يا جماعة يا جماعه ارجوكم اتصرفو اعملوا حاجة ابوس ايديكم 

نور:- بطلي عياط احنا اكيد مش هنسكوت ولا اي يا اسر هو انت مش الكبير ما تقول حاجة 

اسر:- جتكم القرف قرفتوني في عيشتي 

نوح بتنبيه:- يونس ميعرفش حاجة ساامعين امى مش ناقصة 

رحمة هزت راسها بهدوء بمعنى سامعين في اوضة ياسين 

ياسين قعد جانب نور:- نور متقلقنيش عليكي اتكلمي نكدي عليا بس متسبنيش كدا 

نور بدموع قامت بصتلها:- عايزني اتكلم اقول اي اقول ان تعبي و تعبك انهد اقول ان حاجة تافهة خلت الاخوات ياكلو بعض اقولك انى لحد دلوقتي مش مصدقه ان اخت تموت اختهااا علشان حاجة مش مستهلة ولا اقول الكلمة المرة ان ابننا عايز يورثنا بالحية و مش بس كدا بيتمرد علينا عايز تسمع اي يا ياسين انا بيتي اتهد تعرف ياريتني ما تجوزت أو كنت موت قبل ما شوف بيتي بيتخرب على ايد عيالي العيال بتفكك و بيضيعو مننا واحد ورا التاني 

ياسين سكت لحظة لان للأسف كلامها صح مش قادر يقول اى كلام لانها معاها حق حضنها نور بتعيط بانهيار و قهرة و لاول مرة يتمني الموت أو ان عيالو مكنوش جم الدنيا ياريتهم كانوا ماتوا المشكلة ان ياسين كان بيحترم اهلو اوى ولا عمروا زعل حد فيهم و نور كمان نفس الكلام من رغم انها كانت زعلانه من ابوها بس ولا مرة قاسيت عليه لاول مرة بيت ياسين يكون بالحزن و الوجع دا كل واحد في مكانه وسط اربع حيطان قافل عليه بابه 

في بيت بيسط 

نسمة قعدة جانب امها و في ايديها المعلقة و بابتسامة:- الطيارة رايحة على فين 

الام بغضب:- مش عايزة اكل هو بالعافية ابعدي عني مش طيقكي 

نسمة بابتسامة رغم وجعها:- و اهون عليكي يا ست الكل ، طب مش طيقني ليه 

الام بحزن و عتاب:- كدا تسيبي خطيبك و فرحك فاضل عليه شهر بعد ما حجز القاعة 

نسمة:- نصيب يا حبيبتي و بعدين انا مش زعلانه كدا احسن بلا جواز بلا زهق انا اصلا مليش في الجواز 

الام:- انا عايزه اروح دار مسنين انا زهقت من طول اليوم قعدة في اربع حيطان لا بشوف حد ولا حد بيشوفني و بصراحة كدا انا بقيت حمل عليكي كفاية عليا كدا و البنات يروح يعيشوا في السكن و يشتغلو و يصرفو على نفسهم انتي كفاية عليكي لحد كدا من حقك تتجوزي و تفرحي بحياتك انا بقيت عال عليكي يا بنتي انا مش هعشلك و لو عشت ف زى ما انتوا شايفين 

قالتها بوجع و كلام متقطع 

نسمة حطت الطبق على التربيزة مسكت ايديها و قبلتها :- انتي سعادتي يا امي انتي راحتي و دنيتي انا عايشه علشانكم انتوا انتوا اماني و سندي 

مسحت دموعها انا اموت لو حد فيكم فرقني انا ولا حاجة من غيرك يا امي احضني انا محتاجه حضنك اوي 

الام نزلت دموعها بوجع و حزن نسمة نامت على قدميها و مسكة فيها اوى زى الطفلة الصغيرة تبكي و تتكلم معاها بس الى وجع امها اكتر انها حتي مش قادرة ترفع ايديها علشان تطبط على بنتها نسمة كانت دموعها بتنزل بحزن و اكن ذات هم فوق همومها غمضت عيونها بألم و تتمنى ان امها تخف و ابوها يكون عايش هى مش عايزة مال لا هى محتاجه سند و عيلة تاني يوم 

ياسين:- تتصرف و تجيب الملف دا من امتي و انت مهمل ااي القرف دا 

نوح:- يا حاج اهد و لو على الملف هجيبه يعني هيروح فين ما تتكلم يا اسر 

اسر:- يا بابا متقلقش كله هيبقا تمام انت مش واثق فينا 

ياسين:- كل مرة اثق فيكم تعملوا بلاوى خصوصا انتوا الاتنين 

اسر:- اومال فين ريا وسكينة و عرابي و سهوجة 

نوح:- ربنا يجعل كلامنا خفيف عليهم 

ياسين حط ايديه على راسه بحزن:- واضح ان امكم معاها حق البيت الى تعبنا فيه ادمر 

الشغالة :- ياسين بيه استاذ يحيى ع 

قبل ما تكمل كلامها كان يحيى دخل ياسين قام بغضب اسر كور ايديه بغضب و نوح نفس الكلام 

ياسين:- انت جاي ليه مش خلصنا و قولت معنديش بنات لجواز 

يحيى بابتسامة باردة:- حصل 

نور نزلت بعصبية و زعيق:- اانت معندكش دم مش قولنا مش عايزينك ما تسبنا في حالنا بقا 

يحيى بابتسامة:- طبعا يا حماتي العزيزة ، هو الى مش اخد بنتهم يبقوا نسايبى 

اسر امسكه من هدومه و ضربه بوكس في وشه و قال بغضب:- اااه يا ابن الكلب عااايز مننا اي متخلي عند اهلك كرامة و غور من هنا 

نوح:- مش يمكن يا اسر عايز يروح لاهلو بالكفن و انا جاهز انت يالا مش هتاخد في ايدينا دقايق و هتبقا في تربتك 

نور:- بسسس 

البنات نزلو على الصوت 

يحيى بص لمنى الى بتبص عليه بخوف و رجاءا انه يمشي كانت بتبصله بخوف حزن عتاب غضب لانه كسر قلب اختها توأمها 

يحيى طالع ورق من جيبه الغريب ان كان متفق مع المحامي انه يجي :- انا جاي اشوف مراتي أو اخد على حسب مزاجي ان رايى انها تروح معايا بالذوق و كفاية تقلنا عليك يا بابا ما الى اخد بنته يبقا في مقام ابويا ولا اي 

اخوه:- مظبوط 

ياسين بعصبية:- ااانت بتقوول اي 

يحيى:- بقووول ان منى مراتي و اسالهااا 

الصمت ملئ المكان و كل النظرات بقت على منى و يحيى 

اما في بيت نسمة 

نسمة كانت جهزت نفسها و جهزت الفطار لامها اتجهت لى اوضتهم لانها بتنام مع امها في نفس الاوضة حطت الصينية على التربيزة الى جانب السرير :- ماما يلا اصحي ماما يلا علشان تفطري و تاخدي الدواء 

ملست على شعرها:- عارفه انكي زهقتي بس هانت و الدكتور قال انكي هتخفي قريب باذن الله فضل خطوة واحدة بس 

نسمة بصوت ضعيف و قلق كانت مسكت ايديها و صرخت:- مامااااااااا 

ووووووووو

               الفصل الثالث من هنا 

لقراءه باقي الفصول من هنا