الفصل الثاني 2
بقلم محمد منصور
ح(2)
ماجتش فيا
كتابة واقتباس
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
شرف كان متنرفز وهو خارج من عمارة اخوة شريف وبيقول ل عديلة
لا يا عديلة لو اخر شقة في العالم هروح اعيش في كهف ولا اني اقعد في الشقة دي
عديلة كانت خطواتها سريعة بتحاول تلحق شرف وقالت
دي بطل علي النيل
شرف وهو متعصب
دي لو جوة النيل برضو مش هقعد فيها
هنا يرن موبيل شرف فوقف وطلع موبيلة وهو متعصب وبص يشوف مين لقي رقم غريب فرد وقال
مين معايا
شريف
شرف ابن الباشا عماد فاروق شرارة معايا
شرف بمنتهي التفاخر
ايوة انا
شريف وهو بيضحك
طظ.
شرف برق وقال
طظ. انا يتقالي طظ
شريف
بص فوق يا شرف وشوف انا فين وانت لسة فين
بص شرف ل فوق وشاف شريف واقف في بالكونة الشقة اللي باسم شرف فقال شرف
انا صحيح لسة تحت لكني لسة ابن باشا حفيد باشا مش زبال زيك
ضحك شريف وقال
الزبال دة انت هتسكن عنده غصب عنك
شرف
اسمع يا بني ادم مجهول الاصل. والهوية انت ترجع لمراتي العبيطة اللي انت خده منها وتاخد مفتاح شقتك والا قسما برب العزا اسجنك
شريف
والنبي لو ينفع كنت قولت لك ينفع لكن انا لما كتبت العقد مع مراتك وعرفت انك جوزها اكرمتك في سعر الشقة وتقريبا انت واخدها ببلاش. لكن حطيت شرط جزائي في حاله فسخ العقد بين الطرفين في اللي هيكون السبب في الفسخ يدفع للطرف التاني 2 مليون ج. والعقد اتسجل في المحكمة اللي جنب بتاع السجاد عارفها
شرف اتعصب وعروقة طلعت لبرة وقال
انت نصاب وحرامي
شريف
لية بس كدة يا ابية. دة انا بعد ما كتبت عقد الشقة باسمك جالي فيها مليون دولار لكني قولت ما حدش ينفع يكون جاري الا اخويا شقيقي
شرف
جار مين يا كلب
شريف
جاري في الشقة اللي قصادي يعني لو في يوم احتجت ترمي الزباله رن عليه وانا اجي لك مخصوص وانا عارف ان زباله البشوات تستاهل وهبقي ادفع لك في الزباله بتاعتك فلوس كتير تعرف تكمل بيها الشهر بتاعك
شرف اتعصب وتف علي شريف وهنا شريف قال ببرود
ما جاتش فيا. واراهنك انها نزلت تاني علي وشك ما هو دة حال اللي تحت زيك
قفل شرف المكالمة وحط الموبيل في جيبة وبص ل عديلة وقال
الاقي ابوكي تيمور صاحي دلوقتي
عديلة
لية
شرف
علشان نروح له ومعانا الماذون وبعد ما ناكل لقمة اطلقك،،،،،،،،،
ويتغير المشهد ونشوف شريف واقف قصاد مراته فاطمة وبيقول لها
ايوة هنعزل مالك مستغربه لية
فاطمة
اصلي مش عارفة لية نسيب شقتنا ونروح شقة تانية
شريف
يا فاطمة الشقة التانية دي هتكون قصاد شقة اخويا شرف
فاطمة
ما انت لسة يا راجل قايل لي ان اخوك شرف طالع فيها ومستحيل يقعد عندك
شريف
هيقعد. غصب عنه
فاطمة
انا مش فاهمة انت عايز منه
شريف
اخويا يا فاطمة و مهما يقول او يعمل فيا ف الظفر ما يطلعش من اللحم دة انتي
ما تعرفيش انا فرحت ازاي لما مراته كانت عندي في المكتب و بنكتب عقد الشقة ولقيتها بتملي اسمه
فاطمة
بعد كل اللي عملو فيك
شريف
انتي ما تعرفيش شرف زي ما انا اعرفه دة اطيب خلق الله لكنه اقرع ونزهي ومستغطي بعيلة الباشا،،،،،،
ويتغير المشهد ونشوف عديلة قاعدة مع شرف وكانت بتقول
انت مش عايز تقعد عنده علشان ما تشوفش بعيونك نجاحة
شرف
قصدك اني غيران منه مثلا. دة انتي باين عليكي طيبة زيادة عن اللزوم
عديلة
طيب قولي مش عايزك تقعد عند اخوك لية.
شرف
علشان اكيد هو بقي عنده العمارة دي لانه اشتغل في اعمال غير شريفة. مش في تدوير الزباله والروبابيكيا
عديلة
عندك دليل علي كلامك
شرف
ما عنديش لكني متاكد ان ما حدش يبقي مع الفلوس دي كلها في كام سنة شغل
عديلة
رزقة وربنا كتبه لي هتعترض
ومن جاور السعيد يسعد
شرف
انا شرف عماد فاروق شراره اقعد في عمارة بتاعت زبال
عديلة
اشتغل وتعب ما ركنش علي اسم عيلته. يبقي المفروض انك تكون فخور بي مش تستعر منه
شرف
ولو بابا جالي في الحلم يعتب عليه اني ساعد شريف في انه يعر اسم العيلة
عديلة
ابقي وقتها قوله الحوجة وحشة يا بابا. والشقة اللي انت سابتها ليا صاحب البيت خدها مني. وللعلم اخوك ما خدش ولا جنية مني وقال الشقة دي مني ل اخويا
شرف
عايز يكسر عيني
عديلة
لا عايزك جنبة
شرف
لو انا بفرق معه كان سمع كلامي لكن دة عصاني من سنين وسابني ومشي
عديلة
خلاص هنروح نقعد في شقتنا وملناش دعوي بي وزي ما بسمعهم بيقولو صباح الخير يا جاري انت في حالك وانا في حالي. كلها شهر ونبقي في الشارع في شرف
بص لها شرف اللي كان مغلوب علي امره وقال
خلاص هنروح بس هو في حاله وانا في حالي. و اياك الكلام دة يتغير لما نروح هناك ويستحسن ماحدش من عيلتكم وخصوصا ابوكي يعرف اننا قاعدين في عمارة زبال. وكمان الفلوس ياخدها انا مش هقعد ببلاش عنده ،،،،،،،
وتلف الايام وشرف ياخد العفش بتاعه ويروح العمارة واول ما يفتح باب الشقة يسمع زغاريط وطبل بلدي
و رقاصة طخين قصاد منهم بترقص وشاف شريف ماسك عصايا وبيرقص وكان بيقول
اهو جه. اهو جه. اهو جه
بص له شرف وهو قرفان وعديلة بتضحك من تحت ل تحت وشريف قال
اسمع سلام مربع للباشا ابن الباشا
شرف
بدانا الكلام البلدي. والتخلف
شريف
لية بس يا ابن والدي
شرف
اصلي ما بكرهش قد كلمة سلام مربع دة اللي هو ازاي اربعه بيسلمو في نفس الوقت
شريف
خلاص بلاش سلام مربع. اسمع سلام مثلث ل اخويا شقيقي
بصو بتوع الطبل البلدي ل بعض. وشغلو الطبلة مع المزمار وشرف قال ل عديلة وهو مضايق
انتي اللي عرفتي احنا جائيين امتي ليكي معايا حساب كب،،،،،،،
وقبل ما يكمل الجملة لقي زغروطة عالية جائية من فاطمة طرشته وشريف مسك ايده علشان يرقص معه وقال
ايوة يا ابية شرف احبك وانت بتهز وسطك
شرف سحب ايدة من ايدا وزق عديلة جوة الشقة وبنته فريدة وقفل الباب في وش شريف وعديلة قالت
طيب والعفش اللي برة
شرف
مش هفتح طول ما مجهول الهوية والاصل دة برة ومعه بتوع الحسا بالله دول، ،،،،،،،،
وتعدي السنين وشرف زي ما هو ما اتغيرش ورغم انه اخوه قصاد منه لكنه فضل جاحد. وشريف زهق وقرر يعيش بعيد عنه وهو بقي في حاله و شرف في حاله لغاية ما ادم ابن شريف كبر وفريدة بنت شرف كبرت وقلوبهم دقت والحب ما بينهم عدي كل الخلافات بين الاخين وكبر والجواز هيتم. هيتم بس ازاي وشرف موجود.