الفصل الثالث 3
بقلم محمد منصور
اللهم صل وسلم علي محمد صلاة تحل بيها العقد وتفك بيها الكرب
من جوة كافية من كافيهات وسط البلد تقعد فريدة قصاد ادم وكان ادم بيقول لها
هتاكلي ولا تشربي
فريدة
انا راجعه من الكلية عطشانة وجعانه.
ادم
انت يابت بتاكلي قد مني اربع مرات وبرضو معصعصة الاكل دة بيروح فين
فريدة
اي بلارينا زيي لازم يكون عودها نحيف
ادم
بلانيلا.
فريدة
طيب اخلص واطلب لنا اكل
وفعلا طلبو الاكل وكلو وبداو يشربو وهنا فريدة قالت
قولي بقي ناوي تعمل اية في حوار جوازنا
ادم شرب شوية عصير وقال
هنلعب من ابوكي لعبة القط والفار
فريدة
اللي هو ازاي بقي
ادم
هو رافض جوازنا علشان بابا مش علشاني انا كشخص
ف انا هخلي يوافق علي الجوازة علشان مش هيلاقي فيا غلطة واحدة
فريدة
انت كونك ابن عمي شريف دي بالنسبة له مصيبة مش غلطة
ادم
انتي تعملي اللي هقول لك علي اية وانا هخلي يوافق غصب عنه
فريدة
بابا عندي
ادم
انا اعند منه.
وقرب ادم من فريدة وقال
يا بت انتي بتاعتي زوق عافية بتاعتي وعيالي منك
فريدة اتكسفت وقالت
ادم لم نفسك
ادم قرب اكتر وقال
لميني انتي لو تعرفي
فريدة
والله لو قربت تاني هسيبك وامشي
ادم رجع مكانه وقال
خلاص. اتلميت
فريدة
ممكن بقي تقولي ناوي علي اية
ادم
النهاردة بالليل وانتي قاعدة مع ابوكي في ساعة صفا عايزك تقولي له ،،،،،،،،
يتغير المشهد ونشوف فريدة قاعدة قصاد ابوها علي السفرة وبتقول له
بابا عايزاك
بص لها شرف وقال
دة ميعاد الاكل وانتي عارفة اني وانا باكل لا بحب اتكلم مع حد ولا حد يتكلم معايا
فريدة
نظام غريب وملهوش سبب مقنع
شرف بحدة
لا لي. ما انا لو اتكلمت والاكل في بوقي ممكن ازور واموت ولو انتي اتكلمتي والاكل في بوقك هشوف منظر الاكل وهو هريسة في بوقك ودة منظر ما افتكرش اي عاقل يحب يشوفه
فريدة
طيب اتكلم معاك وانا قافلة بوقي
شرف بص ل عديلة وقال
عديلة سكتي بنتك
عديلة
شرف اقفل بوقك وهو في الاكل حرام تخليني اشوف الاكل وهو هريسة
شرف اتكسف وبص ل فريدة وقال
عجبك كدة جبت لنا الكلام من بنت تيمور
فريدة
طيب انا عايزاك
شرف
وانا بشرب الشاي هيكون معاكي 10 دقايق تقدري تقولي فيهم اللي انتي عايزا،،،
ويتغير المشهد ونشوف شرف في البالكونة وكان بيحط فنجان الشاي قصاد منه وهو متعصب وبيقول لفريدة اللي كانت قاعدة قصاد منه
تاني حوار ادم. افتكر اني قولت لا قبل كدة
فريدة
علشان ابن اخوك مش كدة
شرف
علشان ابن الزبال
فريدة
لكن ادم مش زبال ادم شاب جامعي وهيخلص وهيكون مهندس معماري قد الدنيا
شرف
ولا لو بقي سفير بلاد الوز برضو ابن الزبال
فريدة
اسفة يا بابا. بس اول مرة كلام حضرتك ما يقنعنيش وانت مربيني علي الحرية في اختيار قرارتي
شرف بعصبية
يعني اية هتتجوزي غصب عني
فريدة
لا طبعا بس اقنعني لية ما اتجوزهوش
شرف
علشان هتلاقي زي ابوه نصاب وضلالي وبني ثروته من الحرام
فريدة
عندك دليل علي ان ادم زي ابوة نصاب. اصلا انت يا بابا عندك دليل علي ان عمي شريف نصاب
شرف
قولي بقي زي امك ان دة رزقة اصل زباله اية اللي هتخلي مليونير
فريدة
مش ذنب عمي شريف انه بيمسك التراب بيبقي ذهب
شرف
فريدة. سيرة الزبال دي بتجيب لي صداع ممكن اعرف اخر الجدال دة اية
فريدة
توافق علي خطوبتي من ادم وتجيب لغاية عندي دليل قوي يقنعني انه زي ابوه ولو ما طلعش زي ابوه تجوزني منه
شرف
بس كدة ما فيش بني ادم
ما فيهوش عيوب وغلطات وانا سهل اثبت لك انه زي ابوه
فريدة
وانا مستنيا
شرف
خلاص خلي يجي لوحدة علشان نتمم اجراءات الخطوبة المنيلة دي
فرحت فريدة اوي وقالت
يا حبيبي يا بابا
وقامت جري راحت اوضتها وشرف قال لنفسه
علي جثتي لو اتجوزتي ابن الزبال دة مجهول الهوية والاصل، ،،،،،
فريدة في الوقت دة كانت في اوضتها وبتتكلم في الموبيل مع ادم وبتقول له
انت عبقري بابا وافق علي الخطوبة
ادم
عارف وهيكون ناوي لي علي الشر
فريدة
لية بس بتقول كدة
ادم
من دارستي ل شخصية باباكي اقدر اقول لك انه مش هايسكت الا لما يبوظ الجوازة وهيدور ورايا علي اي غلطة علشان يخربها عليه لكن اوعدك ان كل مرة هيحاول يخربها عليه هطلع منها واقول له ما جتش فيا،،،
و تخلص المكالمة وادم يروح ل شريف ابوه ويقول له
جهز العباية بتاعتك علشان قريب هتقرأ فاتحتي
شريف اللي كان بيعد فلوس قال
علي مين
ادم
علي فريدة بنت عمي
شريف ساب الفلوس اللي في ايدة وقال
عمك وافق
ادم
لا طبعا
شريف رجع يعد الفلوس تاني وقال
اومال هتتجوزها ازاي يا فالح
ادم
دة شغلي انا بقي وما تنساش انت قولت لي لو الجوازة دي تمت هتديني مليون ج
شريف بغل
2 مليون بس هي تتم وتبقي فريدة مراتك و تشتغل خدامه في البيت دة واكسر بيها ابوها
ادم
لا يا بابا. اللي بينك وبين اخوك ملهوش دعوي باللي بيني وبين فريدة
شريف
القسوة يابني اللي شوفتها منه خلتني انسي انه اخوايا وهعيش اللي في فاضل من عمري مستني اشفي غليلي في وبنته هي اللي هتخليني اعمل كدة،،،،،،،
ويتغير المشهد ونشوف شرف في مكتبه وقصاد منه مدير مكتبه فتحي الماظة وكان شرف بيقول وهو بيحط صورة ل ادم عليها الاسم والعنوان فوق سطح مكتبه
هو دة اللي عايزك تجيب لي اي غلطة عملها بيها امنع خطوبته من بنتي
فتحي مسك الصورة وقال
فتحي الماظة جاهز وقريب اوي هخرب لك بيته، ،،،،،،،
وتعدي الايام ويوم خطوبه ادم علي فريدة كان شرف قاعد في وش شريف اللي حاطط رجل علي رجل. والاثنين مش طايقين بعض وعديلة جنب فاطمة والزغاريط مالية المكان وطلع شريف ميدلية مفاتيح ذهب وقام وراح ناحية فريدة وحط المفاتيح قصاد منها وقال
مبروك عليكي ابني و هدية خطوبتك منه عربية مرسيدس موديل السنة دي ابوكي كبيرة يتصور جنب منها
وقف شرف وقال
اوعي تكون فاكر ان الجوازة دي هتم انا سايبكم تفرحو وتصدقو الكذبة الكبيرة دي
فريدة اللي اتكسرت فرحتها قالت
بابا انت بتقول اية
شرف طلع ورقة من جيبة وقال
انتي طلبتي مني دليل يثبت لك ان ادم وسخ زي ابوه وانا جبت الدليل دة
وادي فريدة الورقة اللي كانت في ايدة وبصت فريدة في الورقة اللي كانت عقد جواز ادم علي واحدة اسمها عنبه الذباح، ،،،،،،،،،،