رواية عشق ابيض واسود الجزء الثالث الفصل الخامس 5 بقلم عائشة الكيلاني

الفصل الخامس 5 

بقلم عائشة الكيلاني

جاسمين قامت بصتله بصدمة اتجهت ليهم بقت بتلف حوالين ليل بتبصلها من فوق لتحت بتفحص و تراقب:- ماشاء الله جميلة شعرك شكلك ضحكتك 

وقفت قدامها حضنتها و الغل بيتطير من عينيها :- مبروك يا روحي 

بعدت عنها ليل كانت حاسه بخوف لكن بانت انها قوية و ابتسامتها مش مفرقها جاسمين الكل كان مستغرب لكن اتصدمو لم جاسمين قعدت تصوت و تدبدب على الارض بانهيار و تضرب على وشها و تضرب في يونس:- ااازااي كداا تتجوزز عليااا يا يونس ليييه لييه دا سبت كل حاجة علشانك محدش حبك ادي ولا اهلك 

قالت بدون وعي:- اهلك الى مفضلين اخواتك عليك ولا فارق معاهم مفيش غيري الى حبك انا حبيتك من قلبي ازاى تعمللل فيااا كدااا حررررام عليكم 

وقعت على الارض و بقت بتعيط بانهيار ملك اتجهت ليها كانت هتحضنها جاسمين بعدت عنها قالت بصرخ و غضب:- ملكيش دعوة بيا 

قامت بصت ليونس:- حسبي الله ونعم الوكيل فيك 

بصت ليل:- اشربيه 

جاسمين طالعت اوضتها و مليكة وراها 

ملك باركت لاخوها و راحت شغلها يونس بص لى ليل:- و دول ابويا و امي اخواتي رحمة و رحيم توام 

ليل بصت لنور و ياسين:- باباك و مامتك 

يونس هز راسه بهدوء 

ليل بعفوية:- وحيات امك 

يونس:- وحيات امي 

ليل بتركيز و عدم تصديق:- يعني الست دى امك و الكائنات دى ولا باين عليها دى اختكم الكبيرة أو الأصغر لكن تبقا امكم ظلمتوها 

قالتها بى انبهار 

رحمة بابتسامة و اعجاب:- الله دى فرفوشة خالص 

رحيم :- مبروك يا يونس فرحتلك من قلبي والله 

نور مذل مذهولة فاقت على صوت ليل و مدة ايديها ليها بابتسامة نور سلمت عليها بابتسامة الغريب انهم من رغم ان ميعرفوش حاجة عن ليل الا انهم ارتاحوا ليها اما في الكافي نسمة كانت مصدومة فاقت على صوت نوح:- لدرجة دى طلبي صعب 

نسمة رجعت شعرها لوراء قالت بصوت حزين و توتر:- مش صعب بس انا و انت مش شبه بعض ولا ننفع لبعض 

نوح قاطع كلامها باصرار من رغم انه عارف كل حاجة عنها:- ليه مننفعش لبعض افهم بس 

نسمة بوجع و قهرة و اندفاع:- لانى مش لوحدي انت مش هتتجوزني لوحدي لا هبقا انا و اخواتي مدارس و دورس و مين جت و مين لسه نوح انا حياتي مش صعبة بس مش سهلة 

اتنهدت بمرارة و ابتسامة:- انا قفلت الباب الجواز و الحب قفلت بابهم ، انت ابن ناس محترم و الف مين تتمني شاب زيك البنات مفيش اكتر منهم ، انت ملزم تشيل شيلة مش شيلتك ربنا يوفقك 

نسمة قامت و خرجت بسرعة ركبت العربية و اتحركت بقت بتسوق و هى بتعيط كانت حاسه بيه كانت حاسه بكل خطوة ايوة نوح كان بيمشي وراها مش شك ولا رخامة بالعكس كان بيخاف عليها كان يفضل وراها لحد البيت ميمشيش غير لم يطمن انها طالعت بيتها اوقات كان بيركب العربية بحجة ان عربيته عطلت حتي لو بيرخم عليها بس حست بحبه و اهتمامه بيها كمان خايفة على اخواتها هتسيبهم لمين في السن الخطر دا ميت هيخاف عليهم أو يطمن عليهم كل شوية 

حرفيا مهما عيطت قلبها مش بيدوي 

اما عند سامر في المستشفى كان بيزور صاحبه 

ادم:- تقدري تروحي على شغلك انا كويس مفيش حاجة 

شروق كانت نظرها على المحلول ظبطت له المحلول :- لو عوزت حاجة انا مش موجود 

ادم:- و نعمة الاخت 

شروق خرجت في صمت سامر كان مش شايف غيرها 

ادم اخد باله:- و انت عامل اي يا سامر 

سامر:- هى اختك مخطوبة 

ادم:- كانت و محصلش نصيب ليه 

سامر:- فضول عن حياتك مش اكتر حمدالله على سلامتك 

سامر خرج لكن كانت اختفت:- لو سمحتي الانسة شروق فين 

الدكتورة شروق بتستعد لغرفة العمليات 

سامر بحزن:- لا اله الا الله دى كانت لسه بتتكلم مع اخوها دلوقتي 

الممرضة:- يا فندم بتستعد علشان في مصاب محتاج يدخل العمليات 

سامر بارتياح:- الله يطمنك هى هتخلص امتي 

الممرضة ؛- قول يارب العملية تخلص على خير عن اذنك 

الممرضة مشيت بعد ثواني كانت شروق جهزت نفسها و راحت غرفة العمليات سامر اتنهد براحة و رجع اوضة ادم اخ شروق و صاحبه اما عند يحيى و منى في الفندق 

منى بتكلم رحمة في الفون بتسمع بذهول:- ازاى يونس يعمل كدا 

رحمة بمرح:- بس البت قمر يا موني صحيح طالعت عرفنا واحد واحد و بتسلم عليكي 

منى بحزن:- و جاسمين عاملة اي اكيد منهارة ربنا يكون في عونها 

رحمة بغيظ:- هو انتي عندك خال اهبل بصراحة يونس اول مرة في حياته يعمل حاجة صح بعد جوازه من العقربة الحرباية جاسمين انتي نسيتي اخر خناقة كان هيمد ايديه على امو 

منى:- امممم 

رحمة:- سلام ياختي انتوا عيلة مجنونة باي باي 

منى:- مع السلامة 

منى قفلت الفون وقفت قدام المرايا و اخدت المشط بقت بتسرح شعرها بهدوء و شرود قالت لنفسها بندم و تسال خوف:- يا تري انا صح لم اتجوزت يحيى هو فعلا بيحبني ولا متجوزني شفقة أو تصحيح خطا ماضي انا اختارت نفسي على تعاست اختي و حته مني ازاي اجرحها بالشكل دا انا اذيتها من غير ما اعرف ليه عملت كدا ، علشان الحب ملعون دا حب الى يخليني ابعد عن اختي بس خلاص انا ها روح اقوله طلاقني هيحصل اي اكتر من كدا 

فاقت من سرحانها لفت وشها:- اااع خضتني يا اخي 

يحيى بصلها بغيظ:- خوت في نفوخك يا بعيدة 

منى ربعت ايديها و مردتش عليه 

يحيى بصلها بحب:- زى القمر في كل حالاتك بس اهلك ظلموكي باسم منى المفروض يسموكي شروق حياة حورية قمر مش منى 

منى رفعت صابعة:- دا اسم تيته مامت مامتي على فكرة و متتريقش على اسمي 

يحيى نزل صابعة:- برضو نفس الصباع انتي ليه يا حبيبتي لم تحبي تتكلمي أو تتخنقي معايا ترفعي صباعك في وشي افرد جاه في عيني و اتعميت 

منى بسرعة:- بعد الشر عليك متقولش الكلام دا تاني ممكن 

هو انا كنت بقول اي 

يحيى بدهشة:- اصلا مش فاكر كنتي هتقولي اي 

منى اتجهت لكنبة:- اتجوزتني ليه يا يحيي ، الاول طيش عيال دلوقتي مم تصحيح خطا مش كدا ولا علشان تنتقم من اهلي أو تذليني بعد كدا 

يحيى قعد جانبها:- يخربيت ام المسلسلات التركيه الى لحست نفوخك تصحيح اي يا منى محسسني اننا عملنا مصيبة تاني حاجة هنتقم منك و اذلك بتاع اي 

مسك ايديها حطها على قلبه و تلتقي نظراتهم لبعض قال بحب:- يا منى انا بحبك و و دا من زمان بعدت لم انتي طلبتي مني و احترامت دا ، انا مكنتش هسيبك بس كنت عطيكي مساحتك و اضطرت انى اتكلم لم حصل سواء تفاهم يمكن تشوفيني واطي بس حبيتك اعمل اي بحبك اد ما بتحبني و اكتر كمان 

منى بصت في عيونه بحب و ابتسامة اما في بيت يوسف 

رفيف:- انت كويس 

يوسف هز راسه بهدوء قبل راسها و راح التواليت فتح صنبور الماية سند ايديه على الحوض و الكح عمل يزيد بياخد نفسه بالعافية 

رفيف من برا قالت بصوت عالي و قلق:- يوسف انت كويس يا حبيبي 

يوسف,:- كويس يا حبيبتي شوية صداع و هيروحو لحالهم 

بالليل في الجنينة نور قعدة بتقلب في الكتاب بملل و غضب 

يونس جاه و نام على رجليها :- وحشتيني اوي يا احسن ام في العالم 

نور بعدت راسه عنها و قامت وقفت يونس قام نور بصت له نظرات طويلة و عطيته كف هز اركان البيت من قوته 

يونس حط ايديه على وشه 

نور رفعت صابعة بعصبية:- ا امكك ماتت انااا موتت من اللحظة الى نسبت نفسك فيها و نسبت انى امك امك يا يونس الى شليتك تسع شهور في بطنها شيلتك و اتحملتك لحد ما كبرت و لسه بستحمل قرفك و كلامك الى زى الخنجر بيطعن في قلبي زعلان علشان مديت ايدي عليك اومال انا اقول اي ، كللل دا علشان واحدة لا راحت ولا جت تمد ايدك عليا ااانا ليش تعبان فيك كنت دعيت عليك 

قالتها و دموعها على خدها :- حتي قلبي مش قادر ينطقها و يدعي عليك لو كنت اعرف انك كدا و كلب مراتك كنت موتك يا يونس كنت موتك و دفنت بايدي دى احمد ربك ان ابوك ولا اخواتك الولاد مكنوش موجودين و الا كنت نزلت من نظرهم اكتر ما انت نازل 

بصت لسما بألم:- زمان كنت اسال نفسي هل ابتلاي هيكون في اي جوزي ولا اهلو بس لم اتولدت عرفت انك اكبر ابتلا في حياتي حقك تجي و تعيش هنا لانه بيت ابوكك و اخواتك لكن انا مش امك اعتبرني ميتة يا يونس و لا عشت وكنت لو فكرت بس تهوب ناحية اخوتك مموتش علشان تمد ايدك عليهم انا و ابوك لسه عايشين 

نور لفت وشها و كانت هتخرج لكن وقفت:- ااه صحيح او عايز نصيبك او بمعنى اصح ورثك فينا خده و فرقنا احنا أو انا. استغنيت و اكتفيت منك و من قرف مراتك و قلة ادبها 

نور خرجت من الجنينة طالعت على اوضتها جري و هنا انفجرت في العياط نور اول مره تكلم يونس بعد خمس شهور خمس شهور مقاطعها هى و اخواته البنات 

فلاش 

ملك بعصبية:- اانت واقف في وشي علشانها 

يونس مسكها من شعرها:- و اقطع لسانك لو غلطتي فيها فاهمة 

ملك:- مراتك دى زبالة و اه غلطت فيها و كل ما تفكر تضيق حد من اخواتي همسح بيها الارض يا يونس اي رايك 

رحمة بتحاول تسلك:- سيبهااا يا يونس علشان خاطري 

يونس زقها بغضب و قسوة ابعدي 

جاسمين عمل تعيط بتمثيل:- ا انا مجتش جانبك و مجبتش سيرة منى و بعدين هى الى اتجوزت من وراكم مش انا 

ملك:- اخرسي يا كدابة اختي اشرف منك و من اهلك 

يونس ضرب ملك بالقلم و زقها على الارض نور جت جري على الصويت و الصوت العالي شدت ملك وراها:- ااانت مبقتش طبيعي خالص انت اتجننت بتمد ايدك على اخواتك 

يونس:- بنتك قليلة الادب و مش متربية بترد عليا يعني غلطت في مراتي و تبجح 

رحمة بدموع:- والله ما ماما هى الى بدات و غلطت في منى و قالت عليها انها***سمعتها بتقول كدا لصاحبتها الى مشيت من شوية انا و ملك سمعنها و لم وجهنها غلطت فينا 

جاسمين بدموع:- انتي كدابة حسبي الله ونعم الوكيل فيكي و فيها بتتبلو عليا اكمني لوحدي 

نور بعصبية:- اخرسي يا حيوانية 

يونس رفع ايديه بدون وعي:- عندك 

ملك و رحمة بصو له بصدمة نور بتبص على ايديه الى في الهوى نور لاول مرة حست بانكسار عجز مكنتش شايفة غير كسرتها 

يونس نزل ايديه و خرج من الفيلا و هو مسك ايد جاسمين 

باك 

يونس طالع اوضته صح نقل جاسمين في اوضة تانية صغيرة اوى ليل كانت بطبق الهدوم على السرير بصت له بقلق:- انت كويس يا يونس 

يونس بص ليها قرب منها و نام على رجليها ليل حست انه مضيق او مش كويس :- مالك يا حبيبي انت مش بتبق كدا الا لو كان فيك حاجة 

يونس نزلت دموعه بوجع و ابتسامة:- انتي شوفتني من خمس شهور من شهر لحقتي تحسي بيا 

ليل بابتسامة:- طبيعي لانك في بالي دائما ، متوهنيش عن الموضوع و قولي مالك ، اتخنقت مع درتي حبيبتي 

يونس باختناق:- متجبيش سيرتها انا مش طيق اسمع اسمها ولا صوتها دمرت كل حاجة فيا بسببها امى غضبانة عليا بسببها كنت ها مد ايدي على امى 

ليل اتسعت عينيها بصدمة حست بغصة بقلبها مش مصدقه الى سمعته لكن قالت بهدوء و غيرة ممزوجة بحزن:: يااه بتحبها اوى لدرجة دى 

ابتسمت بمرارة:- يااه لو  اهلي كانوا عايشين كنت اعيش خدامة تحت رجليهم ، بس برضو ربنا عوضني باهلك خصوصا امك حنيت الدنيا فيها ، انا مقدرش الومك لكن امك هى جنتك يا يونس الواحد من غير امو و ابوه ولا حاجة صدقني ، مراتك تتعوض بس الا الاهل لازم ترضي امك باى طريقة لان لم تروح هتتوحع اوى و هتحس ان الدنيا بتستقوي عليك في غيابها ، ارجوك حاول تاني و الف و حتي لو قلعت الجزمة و عطيتك بيها هى امك و اكتر حد في الدنيا دى قلبه عليك صدقيني امك بتقس عليك من وراء قلبها مفيش ام بتكره عيالها يا اهبل والله العظيم اهلك بيحبوك يا يونس قوما صلي و استعيذ بالله من الشيطان الرجيم شيطان يا حبيبي بيزن في دماغك بحاجات مش حقيقة 

يونس قام بصلها بدموع ممزوجة بندم و قهرة:- فكرك هتسامحني 

ليل هزت راسها بهدوء و اطمأن يونس حضنها و دموعه نزلت الفرق بين ليل و جاسمين ان جاسمين بتزود يونس هموم فوق همومه دائما بتلومو على كل صغيرة وكبيرة لدرجة انه مبقش واثق في نفسه كل همه انه تكون مبسوطة و بس اما ليل ف بطمن و تسمع و تطبطب 

بعد شوية على السفرة 

جاسمين كانت هتقعد جانب يونس لكن اتصدمت لم يونس سحب الكرسي و ليل قعدت جانبه و مسك ايديها 

ياسين و نور كانوا مستغربين 

ملك:- لا والله الكرسي محجوز اقعدي جانب رحمة 

رحمة:ـ كرسي منى و محدش هيقعد عليه 

ملك:- ممم انا بقول تاكلي في المطبخ احسن الجو حر اوى 

رحمة :- يا ساتر اي الصهد دا افتحوا الشبابيك يا ناس الجو لا يطق 

مليكة:- اقعدي مكاني و انا هقعد جانب ملك 

نوح:- بقولك يا بابا 

ياسين:- قول 

نوح:- انت راجل مؤمن و انتي يا امى ست مؤمنة.

ياسين و نور بصو لبعض و رجعوا بيصو لنور:- و نعم بالله 

نور:- مصيبة اي المرة دى 

سامر:- كل خير يا ست الكل كل الحكاية و ما فيها ان نوح كبر و عقل و عايز يتجوز و انا كمان نسمة و شروق 

نوح بحماس:- بنات محترمين و الدنيا كلها تحلف بادبهم 

ملك:- حلو الف مبروك ياريت تتجوزو و مشوفش وشوشكم 

رحمة:- مامي نوليني بعد اذن حضرتك المخلل 

نور:- واحدة بس 

بصت لياسين:- اي رايك 

ياسين:- هسال الاول 

سامر:- سالنا و عرفنا كل التفاصيل من اول ما تولدو لى دلوقتي شروق اخت ادم صاحبي 

نور:- عرفوا من كام شهر 

نوح:- انا عن نفسي عارف عنها كل حاجة بتشتغل سواق 

نور:- الشغل مش عيب طالما محترمة 

نوح بص لسامر الى بص له بهدوء و ابتسامة طمنته 

سامر:- احم البت يتيمة الأب و الأم بتشتغل و تصرف على اخواتها الصغيرين هما بنتين في ثانوية و هى ملهاش غير اخواتها مش معقول هترميهم يعني 

جاسمين:- مقطوعة يعني معرفش الاشكال دى بتقع علينا منين 

يونس:- زى ما ابتلايت بيك صحيح فقراة بس محترمين و عيونهم مليانة حطي تحت الكلمة دى مليون خط 

نور بتاكل بهدوء ياسين مسك ايديها:- تمام انت يا سامر تخد معاد من ابو صاحبك دا و الاستاذ نوح ف انا و امك عايزين نشوف الكابتن نسمة و نتعرف عليها و على اخواتها 

جاسمين كانت مصدومة انهم فرحانين بى البنات قبل ما يشوفهم لكن هى عمرا ما حد منهم كان مرحب بيها 

تاني يوم عند يوسف 

الدكتور بيبص لتحليل:- انا اسف يا يوسف بس التحليل الى قدامي بيقول انك عندك كانسر 

يوسف اتجمد مكانه وووو 

          الفصل السادس من هنا

لقراءه باقي الفصول من هنا