الفصل الرابع 4
بقلم رشا منصور
دكتور ممدوح.... بعد ما شوفت الشاب وسط الظلال واختفي فجأة خوفت ودخلت المستشفى وطلعت الاستراحه وأنا بترعش ومش قادر استوعب هو أنا كنت بتكلم مع عفريت لأ لأ أكيد لأ هو في عفريت هيقعد يكلمني وكمان ده اخدت من الفطير يعني بياكل زينا
طب ده يبقى مين بس أنا أول ما يطلع النهار هسأل محمد الممرض ما هو من البلد وعارفهم كلهم
وهو قالي اسمه حسن بن عتمان أنا لازم اعرف مين ده واهله يطلعوا ايه اللى قاعدين في المقابر دول
وفى وسط الحيرة اللى أنا فيها نمت معرفش إزاى...
صحيت على الخبط ع الباب فتحت لقيت عم بدوى التمرجي قالي تعالى بسرعه يا دكتور في غريق بيطلعوا من الترعه .....
نزلت بسرعه معاه ما أنا كنت نايم بهدومي ومن جوايا خايف أحسن يطلع الشاب ده كنت بجري وكأني اعرفه من زمان ولقيت الناس ملمومه استأذنتهم علشان يعدونى وأول ما بصيت لقيته راجل في اواخر العشرينات قولت لهم دخلوا للمستشفي قالوا لأ هنعرف أهله وهندفنوا
دكتور ممدوح....
لازم البوليس يحضر والعمده كمان أنا مش هكتب تقرير ولا هطلع شهادة وفاة يا عم بدوى شوف اتنين معاك وانقلوا ع جوه بسرعه
وفي وسط وأنا واقف وبتكلم لمحت الشاب واقف في وسط المقابر وبيبص عليا رغم المسافه البعيدة بس أنا شايفه وبمجرد ما دخلوا الجثه ببص ناحيه المقابر ملقتش حد وبعدها اهل الميت كلهم حضروا والبوليس وابن العمدة لأن العمدة تعبان ولما وصل المأمور قال ليا يا دكتور مدام مش جر'يمة قtل يبقي مش لازم نيجي ما إحنا عارفين أنها النداهه
دكتور ممدوح.....
حضرتك أنا مش بعترف بالكلام ده لازم أى حاله وفاتها مش طبيعيه الكل يحضر واخلي مسؤوليتي
المأمور .... ادينا جينا يا سيدي ممكن نمشي بقي
دكتور ممدوح.... هو حضرتك مش هتشوف الجثه
المأمور....
مش شايف حاجه أنا واثق في تقريرك ويلا قبل ما اهل البلد يهدوا المستشفى علينا أنا ماشي يلا يا عصام يابني لما اعدى ع ابوك اشوفه بالمره
دكتور ممدوح....
كنت مستغرب أوى من تصروفات المأمور ولا إبن العمدة اللى كان واقف ورفعلي حاجبه كأنه مش عجبه الكلام بس مش مهم أنا اتصرفت قانونى
وكتبت التقرير وتصريح دفن المتوفي وخرجت للناس وقولت لهم يا جماعه أنا عملت المطلوب مني متردوش ليا أى اذاء. ودلوقتي يلا بينا علشان نصلي عليه وروحنا المسجد وصلينا وروحت معاهم المقابر وكنت عمال ابص ع الشاب بتاع الترعه وفي وسط كل ده لقيت محمد الممرض واقف جمبي قولت له ايه اللى جابك هنا أنت تعرفه قالي طبعاً أنا عارف كل الناس هنا
دكتور ممدوح..... اة صح تعرف واحد اسمه حسن
محمد الممرض ...
مافيش غير عم حسن اللى فاتح قهوة ع أول البلد
دكتور ممدوح.... لأ لأ ده شاب صغير حوالى ستاشر أو سبعتاشر سنه واسمه حسن بن عتمان
محمد الممرض....
انت بتقول مين حسن بن عتمان أنت تعرفه منين ولا مين قالك عليه بقلم رشا منصور
دكتور ممدوح..... مالك في ايه هو الاسم يخض أوى كدا
محمد الممرض....
لا بس حسن ده كان صاحبي ومرة واحدة اختفي ومحدش يعرف عنه حاجه من حوالى عشر سنين
دكتور ممدوح....
مختفي من عشر سنين واهله فين معقوله محدش دور عليه
محمد الممرض.... يلا يا دكتور الوقت بيعدى ولحد دلوقتي أنت مشوفتش الكشوفات
دكتور ممدوح.....
حسيت أن الموضوع كبير وفى لغز ولازم اعرفه علشان كده قررت اسهر ل بالليل واروح ل الترعه وانادى ع حسن وافهم بقي هو أنس ولا جن وعلاقاته ايه بالمقابر
وفعلا خلصت كشوفات وطلعت الاستراحه واتغديت ونمت ومحستش بنفسي غير فجأة حد بيصحيني قومت لقيت الدنيا ضلمة شغلت كشاف الموبيل وفضلت أقول مين محدش رد قومت شغلت النور وببص في الموبيل لقيت أن المنبه كنت ظبطه غلط بدل 8 بالليل عملته ع 8الصبح ودلوقتي الساعه 11 بالليل والدنيا هاديه بطريقة مرعبه بصيت من الشباك لقيته قاعد مكانه وبيشاورلي أنزل مخبيش عليكم كنت خايف
غيرت هدومى ونزلت وروحت وقفت جمبه وقولت السلام عليكم ورحمه الله وبركاته بقلم رشا منصور
حسن......
وعليكم السلام ورحمه الله وبركاته يا دكتور ممدوح عرفت أنك سألت عليا ولما جيت لقيتك نايم باعت اللى يصحيك خير يا دكتور
دكتور ممدوح.....
اة سألت عليك محمد الممرض وقال أنك كنت صاحبه هو اللى قالك ولا مين وع فكره أنا محدش صحاني أنا صحيت لوحدى
حسن...... عاوز تعرف إيه
دكتور ممدوح......
كنت مستغرب كلمته بس لقيتني بقوله أنت مين وأهلك فين وازاى شكلك ميكملش 17 سنه وأنت مختفي من البلد بقالك عشر سنين وصاحب محمد الممرض يعني المفروض يكون عندك دلوقتي 27 سنه وازاى بتقعد بالليل ع الترعه عادى والناس كلها بتخاف وكمان الغريق اللى طلعوا أنت أنت ... لقيت نفسي مش قادر انطق
حسن......
يعني كل اللى محيرك هو عمري بدل 17 المفروض 27
ولا اللى محيرك إزاى واحد غرق ومات لكن أنا لا
تمام أنا هجاوبك يا دكتور بس متأكد أنك عاوز تعرف حتى لو كنت هتدفع الثمن حياااااتك ...