الفصل السابع 7
بقلم محمد منصور
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن داخل القسم يجلس الظابط قدام فتحية الواقفه وبنتها علي كتفها وينظر في صور المطلوبين ويجد صورة فتحية وكل البيانات عنها فيضحك ويقول
اخيرا وقعتي في أيدينا يا فتحية
فتحية وهي عارفه هو يقصد اية. ولكنها بتحاول الانكار فقالت
هو انا بس عملت اية
الظابط وهو يخبط علي المكتب بيدة يقول
انتي هاتصعيي يا روح امك. انتي مش عارفه انتي مطلوبه في اية
فتبكي رضوي خائفه من اسلوب الظابط وتحضن امها بشدة فتطبط فتحية علي ظهر بنتها وتحاول التماسك وتقول
لا. ما عرفش
الظابط
ماتعرفيش. انا بقي هاعرفك.
ويقف ويلف حوالين منها ويقول
انتي هربانه من قضية التحريض علي قتل بدر الصاوي بمساعدة شريكك الهارب جنزير
فتبلع فتحية ريقها بالعافية وتنظر لبنتها رضوي وتفكر في مصيرها من بعدها واللي هايحصل لها لما تدخل السجن ونظرت لفوق وقالت. بقلبها
يارب. حلها من عندك
الظابط
هو انتي فاكره يا روح امك لما تلبسي حجاب مش هانعرف نجيبك.
وينادي الظابط علي العسكري فيدخل العسكري ويجلس الظابط مرة اخري علي مكتبه فيقف امام الظابط فيقول له الظابط
خد البت دي علي التخشيبة
فترتمي فتحية تحت ارجل الظابط وتبوس جذمته وهي تتوسل له وتقول والدموع تسبق حروف كلامها
ابوس رجليك. دي اخر ليله ليا قبل ما ادخل السجن خليني اقضيها في حضن بنتي. ماحدش يعرف هاشوفها تاني امتي
فينظر لها الظابط وينظر لبنتها رضوي اللي كانت واقفه بتبكي وخائفا فيقول
مع ان دة ضد القانون. بس عشان خاطر بنتك هاسيبك وبكرة الصبح تتصلي بحد يجي يستلم بنتك
وينظر الظابط للعسكري ويقول له
بكرة الصبح ولما حد يجئ يستلم البت الصغيرة دي. تحط فتحية في الحجز.
العسكري
تمام يا فندم
فيخرج العسكري وينظر الظابط لفتحية وهو ينهض
انا هاسيبك تباتي النهاردة في مكتبي
ويذهب الضابط ناحية رضوي ويطبط عليها ويقول
متخافيش ماما هاتبقي كويسه
ويضحك الظابط في وجه رضوي ويخرج الظابط من المكتب وتذهب رضوي ناحية فتحية فتحضنها فتحية وتقول لها
بطلي عياط بقي
وتمسح فتحية دموع رضوي ورضوي تمد يدها وتمسح دموع فتحية وتقول لها
مش لما تبطلي انتي عياط.
فتحية
رضوي. مش عايزاكي تزعلي مني لما تكبري وتعرفي حقيقتي ولازم تعرفي وتصدقي اني اتغيرت وبقيت احسن من الاول.
رضوي
ماما انا مش فاهمه حاجه.
فتحية
مسيرك تكبري وتفهمي كل حاجه ولغايه ما دة يحصل انا هاسيبك عند تيته منيرة وجدة رضوان عايزاكي تسمعي كلامهم وتكوني ديما تحت طوعهم لغايه ما رجع لك بالسلامه
رضوي
ترجعي منين.
فتحية
هاسافر عشان اشتغل واجيب لك لعب كتير.
رضوي
انا مش عايزا لعب عايزا اكون معاكي
فتنزل دموع فتحية المحبوسه وتاخذ رضوي في حضنها بمنتهي الحب، ،،،،،،،
ومن داخل شقة جنزير يقف جنزير وسط الشقة والدم ينزل بغزارة منه وهاشم يقف علي رجله بصعوبه ومصاب بأصابات بالغه ويجري من امامه هاربا وشطه ومليجي فقد تغلب جنزير عليهم وقتلهما هما الاثنين بلا اي رحمه وتف عليهم وقال بمنتهي الغضب
حسابك تقل معايا اوي يا فتحية. وحياة امك لحرمك من بنتك وهاخد فلوسك،،،،،،،،،،
وتمر الليله بكل ما فيها من احداث وتشرق شمس يوم جديد وتستيقظ منيرة علي رنه التيلفون الارضي اللي موجود عندها وترد قائله
الو.
وتسكت منيرة لي لحظات وتصرخ قائلا
يا ضنايا يا بنتي جاي لك حالا
وتلبس منيرة جلبيتها مسرعا وتخرج من البيت مسرعا وبلهفة ويلاحظ حسان لهفة منيرة فيذهب ناحيتها وهي تحاول ان توقف توك توك ويقول لها
خالتي منيرة في اية
فتنظر له منيرة ولا ترد ويقف توك توك وتركب مسرعا وهي تقول لسائق التوك توك
قسم الازبكية
فيسمعها حسان والتوك توك ينطلق بها ويقول حسان لنفسه
القسم. لتكون فتحية حصل لها حاجه،،،،،،،
وبعدها بساعه ومن داخل قسم الازبكية تجلس منيرة مع فتحية وتبكي فتحية علي حالها وتقول
بنتي امانه في رقبتك يا امي
منيرة بحزن
ان شاء هاتخرجي من هنا والحق هايظهر وماحدش هايربي بنتك غيرك
فتحية بياس
مش باين ليها حل. اتعقدت علي الاخر.
حسان وهو يقف قدامها
كل عقدة وليها حلال. يا مريم
فتنظر له فتحية بدهشة وتقول
حسان.
منيرة
انت عرفت ازاي اني هنا
حسان
سمعتك وانتي بتتكلمي مع سواق التوك توك.
منيرة بحدة
وعايز ايه مننا
حسان
خالتي قسما بالله العظيم انا كنت هاطلب ايد مريم بس بعد ما كنت اتاكد هي عايزاني زي ما انا عايزها ولا. لا. وخصوصا فرق السن اللي كان بيني وبينها كبير لكن حصل اللي حصل وماتت مريم بسبب تصرف عم رضوان
منيرة
لولا مكلمتك ليها. كانت زمانها عايشة
حسان
استغفري ربك يا خالتي منيرة. لكل اجلا كتاب ودة كان اجلها. ولازم تعتدزي لمريم اللي صدقتي انها ممكن تعمل حاجه غلط
منيرة مصدوما
انت بتقول اية
حسان
بقول انك انتي اللي مربيا مريم وعارفه قد اية هي كانت بني ادمه نظيفة وحافظه لكتاب ربنا ويتشرف بيها اي حد ازاي تصدقي انها تعمل كدة. لكن خلينا دلوقتي في مشكلة فتحية واللي حلها بسيط جدا
فتحية
اية هو الحل
حسان
تكوني مريم
فتحية ومنيرة بأستغراب وتقول منيرة
أزاي دة ومريم ماتت وطلع لها تصريخ دفن وشهادة وفاة
حسان
قبل ما أقول ازاي.
ثم ينظر حسان الي فتحية ويقول
أنتي برئية من دم اللي اسمه بدر دة. وماقولتيش لجنزير يقتله
فتحية
والله برئية كل اللي حصل ما بينا انا حكيته ليك قبل كدة.
قولي بقي ازاي فتحية السيد هاتكون مريم رضوان
فيقف العسكري امامهم ويقول لفتحية
يالا بقي. حضرة الظابط جاي وماينفعش تكوني برة الحجز انا سيبك بس عشان صعبتي علية وعشان خاطر بنتك
حسان لفتحية
روحي انتي معه دلوقتي وانا هاجي لك تاني بس المرة الجاية هاجي عشان اطلعك من الحجز، ،،،،،،،
ومن داخل حجرة سميرة في بيت والدتها تجلس سميرة في الحجرة وتبكي علي حالها وتقول لنفسها
انا حسان يطلقني وعشان مين واحدة ميته. للدرجه دي سرقت قلبه اية اللي شافه مني يخلي يبعد عني ويحب واحدة غيري
فيفتح الباب وتدخل بنتها علا. وتجلس بجانبها وتقول لها
واخرتها اية يا ماما. هاتفضلي قاعدة لوحدك وبتيعطي كدة
سميرة
مش مصدقه يا علا. لغاية دلوقتي ان ابوكي طلقني
علا
دي فترة وهاتعدي وانا مش هاسكت الا لما ترجعي تاني لبابا
سميرة
حسان دماغه نشفة ومش هايرضي يرجعني. انا عارفه
علا
لا هايرضي. ما هو انا مش هاتجوز ولا فرحي هايتم الا لما ترجعو لبعض
سميرة
لا. يا حبيبتي فرحك ملهوش دعوه باللي بيني وبين ابوكي. عماد خطيبك هاينزل كمان شهرين عشان يتم الجوازة وتسافري معه. يعني مش هاينفع انه يجي والجوازة تتاجل
علا
ماما. انا مش هاتجوز الا وانتي وبابا مع بعض. وانا هاروح لبابا وهاقول له الكلام دة
وفجاة يدخل الي الحجرة وليد أبن خاله سميرة وهو رجل في اوائل الاربعينات من عمرة وسيم ولم يتزوج وكان خطيب سميرة الاولاني ولكن بسبب كتر المشاكل ما بينهم سابه بعض وكان مع وليد والده سميرة وتدعي كريمه وتقول لها سميرة وهي فرحانه
اية رايك في المفاجاة دي
وليد وهو يقترب من سميرة
واحشتيني يا بنت خالتي
سميرة. وهي تمد يدها لكي تسلم عليه
ازيك يا وليد عامل اية
وليد وهو يحضن سميرة
وهو هاينفع سلام الايد ده بس دة انتي وحشاني اوي
علا بضيق مما يحدث وتبعد وليد عن مامتها
ماما. هو في اية وازاي دة يحضنك كدة
كريمه
مالك يا علا. دة وليد وامك زي الاخوات. ومتربين مع بعض
علا بضيق
برضو ما ينفعش يحضنها
وليد لعلا.
انتي صح. يا علا. بس مامتك كانت واحشاني اوي وخصوصا ان من ساعه ما سفرت شرم ما شوفتهاش. وبعدين دة حضن أخوي.
سميرة لعلا
خلاص يا علا. وليد ما عملش حاجه غلط لدة كله
وتنظر سميرة لوليد وينظر وليد لها وهو يبتسم ،،،،،،،،،،،،
وبعدها باربع ايام واثناء ما كانت فتحية تعرض علي النائب العام يقف معها محامي من طرف حسان ويقف هذا المحامي امام وكيل النائب العام ويدي له اوراق اثبات شخصية تخص مريم رضوان وهي شهادة ميلادها والبطاقة الشخصية بتاعتها ويقول المحامي
وزي ماهو واضح من الاوراق اللي قدام حضرتك ان اللي تم قبض عليها في الكمين هي مريم رضوان. مش فتحية السيد ولذلك فانا بطلب الافراج عن موكلتي من سرايا النيابة وبدون اي ضمانات
وكيل النائب العام وهو ينظر في الاوراق وينظر لفتحية. ويقول
معقول الشبه دة بين اللي اسمها فتحية ومريم
المحامي
بيحصل يا فندم وساعات الشبه بيكون اكتر من كدة
وكيل النائب العام
واية اللي يثبت لي ان دي مريم مش فتحية
المحامي
شهادة الشهود اللي اكدة ان دي مريم مش فتحية. والبصمات اللي تؤكد انها مش بصمات فتحية ولكنها بصمات مريم رضوان. ووالدت مريم واقفه برة وحضرتك ممكن تتاكد منها بنفسك واظن ان مافيش أم هاتشهد وتقول علي واحدة مش بنتها انها بنتها
فيقتنع وكيل النائب العام بكلام المحامي. ويطلب وكيل النائب العام دخول منيرة. وتدخل منيرة وتقف امام وكيل النائب العام. فيقول لها
ممكن بطاقتك يا حجة
فتخرج منيرة البطاقة الشخصية بتاعتها وتديها لوكيل النائب العام فينظر في البطاقة ثم ينظر لمنيرة وينظر لشهادة ميلاد مريم ويقول لمنيرة وهو ينظر لفتحية
دي مريم بنتك يا حجة
منيرة وهي تنظر لفتحية
ايوة يا بية. هي مريم بنتي
وكيل النائب العام
متاكدة
منيرة
اومال اية هو أنا ها توهه عن مريم بنتي،
فتدمع عيون فتحية ومنيرة تنظر لها فيقول ويقول النائب العام
امرنا نحن نادر غانم وكيل النائب العام. بالافراج عن مريم رضوان مسعد من سرايا النيابه وبدون اي ضمانات
فتفرح فتحية بشدة ،،،،،،،
ومن أمام سرايا النيابه تحضن منيرة فتحية فرحانه جدا وتقول
مبروك البراة يا مريم
فتحية تقول
اللهم لك الحمد. انا مش عارفه اشكرك ازاي يا امي
منيرة
اللي يستاهل الشكر حسان. هو اللي فكر في أننا نقدم شهادة ميلاد وبطاقة مريم علي انها اوراقك انتي والمحامي بعلاقته خلص أي مشكله كانت ممكن تحصل لنا من وراء الموضوع دة واختفت شهادة وفاة مريم خالص من دفاتر الحكومه
فتحية
وانتي مش زعلانه اني واحدة زيي تاخد أسم مريم بنتك
منيرة
انتي معزتك عندي بقيت من معزة مريم بنتي الله يرحمها وانا حاسه ان ربنا عوضني بيكي.
فتحية وهي تبوس ايد منيرة.
ربنا يخليكي ليا يا امي ولو فعلا في حد ربنا عوضه فانا اللي ربنا عوضني بيكي عن امي. شكرا اوي علي كل حاجه عملتيها ليا
منيرة
اللي يستاهل شكرا دي هو حسان اللي من ساعه ما دخلتي الحجز وهو شايل همك وعايز يطلع لك باي شكل. لدرجه أنه باع المحل اللي حليته عشان يقوم المحامي ويخلص الاوراق اللي تثبت انك مريم مش فتحية
فتحية
حسان عمل عشاني دة كله. بعد الطريقة اللي كلمته بيها اخر مرة
منيرة
واكتر من كدة.،،،،،،،،،،،
وبعدها بكام ساعه ومن أمام بيت الشيخ حسان واثناء ماكان حسان يدخل الي البيت يسمع صوت فتحية من خلفه وهي تنادي علية وتقول
ماجيتش ليه مع امي منيرة وانا بتعرض علي النيابه
فيقف حسان وينظر لها ويقول
مبروك البراءة. يا فتحية
فتحية
اسمي مريم. ومش هاقول لك تاني
ثم تضحك فتحية فيضحك ويقول
ماشي يا مريم
فتحية
حقك علية. وسامحني لو في كلمه طلعت مني ضايقتك
حسان
ربنا يسامحنا كلنا. عن أذنك
ويستعد لي يدخل البيت ولكنها تقول
أنت ليه عملت عشاني كدة
حسان
عملت اية
فتحية
يعني قومت لي محامي وبعيت المحل اللي حيلتك وزورت ورق. وانا عارفه ومتاكدة ان دي مش اخلاقك. وخلتني مريم وانت عارف ان دة مش حقيقة
حسان
اولا أنا خليت المحامي يزور اوراق رسميه عشان أنقذ برئيه من جريمه ماعملتهاش. وربنا يسامحني. بس ماكنش قدامي حل تاني.
فتحية
دة اولا. وثانيا
حسان
عشان حبيتك زي ما حبيت مريم
فتحية فرحا والكلام مس قلبها
بجد. يعني الشيخ حسان بيحب فتحية الرقاصه
فيضحك حسان ويقول
اسمك مريم مش فتحية. ومش هاقول لك تاني
فتضحك فتحية وهي تنظر في عيونه وهو ينظر لها ويقول
تتجوزيني يا مريم
فتحية فرحا. وهي تستعد للرد ولكنها تسمع صوت هاشم خلف منها وهو يقول بعلو صوته وسط الشارع
تعالو يا اهل المنطقة اتفرجوا وشوفو عم الشيخ
فينظر له حسان فيقول هاشم
اية يا عم الشيخ واخد الرقاصة علي جنب ليه ناوي تشتغل معها طبال.
فتنظر له فتحية وهي ناويه تربي تاني ،،،،،،،،،،،
ناويه علي اية فتحية. واخره هاشم ده هاتكون اية وحسان هايعمل أية مع فتحية وهاشم كل دة.