الفصل الثالث 3
بقلم محمد منصور
الشقة بتولع الحقونا يا ناس يا خلق
دة اللي كانت سميرة بتقوله وهي واقفة في شباك اوضة النوم بتاعها وفعلا اتلمو ولاد الحلال و طفؤ الشقة. وهنا سميرة وسط الرماد شافت ورقة من اوراق التاروت مكتوب فيها
★اسمك اتسجل في الموقع بتاعنا واللي سجل اسمك عايز لك الشر و اوراق التاروت هتبدا
تكشف لك المستقبل★
راحت بايدها ناحية الورقة لكن قبل ما توصل لها الورقة اتحرقت والرماد بتاعها طار ناحية ذراع سميرة وانكتب بالرماد علي ذراع سميرة
★ولعنا في الشقة زي ما انتي حلمتي. اصل احلامك ملكنا مش ملكك.★
اتصدمت سميرة وكانت هتموت من الرعب، ،،،،،،،
كابوس سميرة. من احداث حكاية
اوراق التاروت
من تاليفي
محمد منصور
منص
وقبل ما نبدأ الحلقة نوحد الله ونصلي علي خير خلق الله سيدنا محمد. صلاة تحل بيها العقد وتفك بيها الكرب
بسم الله توكلت علي الله. وهو رب العرش العظيم
بعد ما جيران سميرة وسند مشيو من الشقة كانت سميرة قاعدة علي سريرها و باصة
ل ذراعها مستغربه اللي كان مكتوب عليه من شوية وسند لاحظ الحالة اللي هي فيها فقال لها
سميرة باصة لذراعك لية كدة
سميرة بصت له وقالت
اصل انا لو حكيت لك مش هتصدقني
سند
بتقولي لية كدة
سميرة
اصل كان مكتوب علي ذراعي كلام غريب
سند
مكتوب علي ذراعك اللي هو ازاي معلش. بص يا سميرة واضح ان حرق الشقة قصر علي دماغك ف انا مش ناقص كفاية الخراب اللي احنا في
سميرة
انا ما كنتش عايزا اتكلم علشان كدة. ،،،،
ونروح ل حسن اللي كان في مكتبه في مديرية امن القاهرة وكان واقف قصاد منه عيل سوابق اسمه جمعه وكان بيقول له بحدة
ما تنجز يا روح امك وهات من الاخر. وقول مين وزك تعمل كدة في عربية ثروت
جمعه
يا باشا انا ما عملتش حاجة كفاية ظلم بقي
ضرب حسن المكتب بايدة بعصبية رعبت جمعه وقام وقف وراح ناحية جمعه وقال
ورحمة امك اللي جبتك من دفنتها لو ما اتكلمتش وجبت كل اللي في بطنك ل علقك من رجلك واوصل لك الكهرباء عندك في مناطق حساسة
اترعب جمعه وقال
واحدة ست منقبه ماعرفش هي مين جت لي القهوة اللي انا متعود اقعد عليها ،،،،،،،
ونرجع بالاحداث لكام يوم وراء لما جمعه دة كان واقف قصاد ست منقبه وكان بيقول
انا جمعه. انتي مين بقي ومين دلك عليا وعايزا اية
الست
عايزاك تعمل اللي انت شاطر في وتلعب في فرامل عربية حد انا بكرهه
جمعه
ومين قال لك يا ست انتي اني ليا في الاذية
طلعت الست دي رزمة فلوس وقالت
صباح الخير بالليل. وانت عارف مين اللي بيقولها ليك ديما
جمعه خد الفلوس و بص لهم بطمع شديد وقال
الله هو انتي تبعه دة حبيبي
الست
يعني موافق
جمعه
تحبي تقرئ الفاتحة علي صاحب العربية دة امتي
الست
النهاردة بالليل
وطلعت ورقة من الشنطة اللي كانت شايلها واديتها
ل جمعه وقالت
دة العنوان ورقم العربية هو ومراته هيسافرو بعد الفجر. عايزا بكرة اسمع خبرهم،،،،،،
ونرجع لمفتش المباحث حسن اللي كان بيقول
اوصف لي المراة دي
وبدا يوصف جمعه الست المنقبه دي،،،،،،،،
ونروح ل هاله اللي كانت في شقتها قاعدة مع حسن اللي كان بيحكي لها كل اللي حصل وقالت بعد ما خلص
ست مين دي
حسن
ما تزعليش مني بس الوصف اللي وصفه جمعه لجسم للست المنقبة دي قريب جدا من وصف جسم سميرة اختك
هاله اتصدمت وقالت
لا. والف لا. هو اي كلام يتقال دة انا اللي مربية سميرة ازاي تعمل فيا كدة
حسن
انا بقول يع،،،،،،
هاله قطعته وقالت
حسن اقفل السيرة دي نهائي و لو انت بتعبرني زي اختك اوعي تفكر تقرب من سميرة من بعيد او قريب لانها مستحيل تعمل كدة
لكنها هنا افتكرت جملة حكاها ليها حسن وسط الكلام لما قال
صباح الخير بالليل ،،،،،
هنرجع بالاحداث لكام يوم وراء لما سميرة كانت في زيارة ل اختها هاله دة قبل الحادثة بأسبوع بالظبط وثروت كان بيتكلم في موبيلة وبيقول
صباح الخير بالليل بلاش انا يا جمعه دة انا عارفك وانت عارفني يعني علي قديمة وقت ما كنا في السجن سوي
سميرة بصت ل ثروت وهو بيتكلم في الموبيل واستغربت ف هاله قالت لها
خليكي معايا وبطلي العادة دي
سميرة
اصل جوزك شكله بيتخانق مع حد
هاله
لا يا اختي مش بيتخانق. دة واحد حبيبه اسمه جمعه كانو شغالين مع بعض في مصلحة السجون وقت ما كان ثروت بيورد اكل السجن وهما طريقة كلامهم كدة مع بعض
سميرة
صباح الخير بالليل. دي عاملة زي ما تكون كلمة سر
هاله
انتي مالك خليكي معايا واحكي عاملة اية مع جوزك سند
سميرة
اهي ماشية
هاله
لسة الحالة ضيقة
سميرة
لسة والله.
هاله
انا ياما قولت لك بلاش الفقري ابن الفقري دة
سميرة
هاله بلاش والنبي تحاولي تكرهيني في حاكم انا علي دكة
وبدات سميرة تعيط لكن هنا وقف ثروت قصاد منها ومسح دموعها بايدة حركة ضيقت هاله كدة ولسة هاتفتكر الباقي، ،،،،،،
خرجت من ذكرياتها علي صوت حسن اللي كان بيقول
اية روحتي مني فين
هاله
ما روحتش انا هنا. وهما كمان لازم يكونو هنا
حسن
هما مين
هاله
سميرة وسند جوزها.
حسن
ما سند مش عايز يجي هنا
هاله
هخلي يجي غصب عنه،،،،،
و يتغير المشهد ونروح ل سميرة اللي كانت نايمة وصحيت من نومها مفزوعة بسبب الكابوس اللي شافته وصحي سند وبص لها وقال بحدة
نفسي مرة انام ليلة جنبك زي مخاليق ربنا من غير ما تصحيني علي كابوس
سميرة
كابوس المرة دي غير اي كابوس فات
سند
لية
سميرة
هنطردك من الشقة يا سند
سند
ومين هيطردتنا
سميرة
المفتري صاحب البيت
سند
والعقد اللي معانا
سميرة
اتحرق يا سند جوة الدولاب
سند
دة اية الكابوس المنيل دة
سميرة
انا كاوبيسي بتتحقق يا سند
سند
بطلي تخريف بقي. وانا هقوم اثبت لك انك بتقولي اي كلام
وقام سند وراح ناحية الدولاب وفتح الطرفة اللي فيها عقد الشقة ولقي العقد عبارة عن رماد مسك الرماد بايدة وهو هايتجنن. وقال
العقد دة ولع ازاي
سميرة
ما اعرفش
هنا يسمعوا جرس الباب بيرن
فقالت سميرة
صاحب البيت جاي يطردنا
سند اتسمر مكانه ومبقاش عارف يعمل اية، ،،،،،،،
ياتري مخطط هاله هينجح. وهيقعدو معاها في الشقة.