الفصل الرابع 4
بقلم محمد منصور
افتح الباب انا عارف انك جوة
دة اللي قاله صاحب البيت اللي عايش في سند مع سميرة. وسميرة كانت بتبص لسند اللي كان لسة واقف قصاد الدولاب مش عارف هيعمل اية بعد مالقي العقد محروق. وهنا قالت سميرة
هتفضل واقف كدة
سند
اومال افتح له وانا عارف اللي هيحصل
سميرة
ما هو مش هيبطل خبط. لازم تفتح له
هنا سمعوا صوت صاحب البيت واللي هو اسمه عرفه. بيقول
معاك للصبح ما انت هتفتح يعني هتفتح
مابقاش قدام سند غير انه يفتح الباب. ،،،،،،
كابوس سميرة. من ضمن احداث حكاية
بسم الله توكلت علي الله. وهو رب العرش العظيم
يتغير المشهد ونشوف عرفه قاعد قصاد سند في اوضة الانترية وكان بيقول
انا هديك 20 الف وتسيب الشقة من غير اي مشاكل. مع اني عارف ان العقد اللي معاك ولع لكن انا مراجل مفتري
سند استغرب وقال
وانت عرفت ازاي ان العقد ولع
عرفه
واحدة ست كلمتني وقالت لي العقد بتاعكم ولع
سند استغرب اكتر وفضل ساكت وعامل يفكر ازاي عرفه عرف باللي حصل في العقد لكن عرفه مخلهوش ل افكاره كتير وهجم عليه بالجملة دي وقال
ما هو انا مش فاضي لك ومش جاي اخد رايك
او أستاذنك. تحبها تخلص من غير بهدلة وتطلع معزز مكرم في ايدك 20 الف جنية ولا تحبها تخلص عافية وتخرج من هنا من غير
ولا جنية
سند
اروح فين طيب انا ومراتي
عرفه باستهزاء
روح المولد. يا عم انا مالي تروح فين هو اللي خلق الشقة ما خلقش غيرها
وقام وقف عرفه و قال
ميعاد نومي جه. وانت كمان محتاج تنام علشان بكرة يومك هيكون طويل. شوف لي السكة خليني امشي
سند قام وهو مغلوب علي امره ووصل عرفه لباب الشقة. ورجع اوضة وقعد قصاد سميرة اللي قالت
جاي يطردنا مش كدة
سند
هو كدة. وبكرة الصبح هنكون في الشارع لكن اللي مجنني هو ازاي عرف بان العقد اتحرق
سميرة
اية دة هو عرف طيب ازاي
سند
انتي بتساليني انا ما كنت نايم جنبك. ومش دة المهم دلوقتي.
سميرة
اومال اية المهم
سند
احنا لما نطرد بكرة هنروح فين
سميرة
شقة هاله موجودة
سند
ما تجيبش السيرة دي
سميرة
مؤقتا لغاية ما نلاقي شقة. واهو اخدم اختي
سند بقهر
وهو احنا لو لاقينه شقة هيكون معانا ثمنها دة احنا كل اللي حيلتنا هما ال 20 الف اللي هناخدهم من عرفه علشان نخرج ودول ما يجبوش اوضة ايجار قديم
سميرة
علشان كدة احنا لازم نروح نقعد عند هاله ولو بشكل مؤقت. واهو انت طول اليوم في الشغل وهترجع علي النوم ونعمل جمعية كبيرة نحطها علي ال 20 الف. ونشوف شقة تلمنا
سكت سند وكان باين علي وشة ان الفكرة مش عاجباه لكنه مغلوب علي امه ماهو مقطوع من شجرة وما عندوش اللي يروح له في ظرف زي دة وشقة هاله كبيرة يعني مناسبة لظروفهم
وهنا قالت سميرة
ما تفكرش كتير وسيبها علي الله
سند
ونعمه بالله. بس لو اختك سمعتني كلمة ما عجبتنيش هسيب الشقة وامشي وان شاء انام في الشارع
سميرة
وقتها اعمل اللي انت عايزه،،،
وتتصل سميرة ب هاله وتعرفها باللي حصل وهاله تقول
تشرفي دة بيتك و مطرحك
وقفلت هاله مع سميرة وبعدها اتصلت بحسن ورد حسن وقال
في اية يا هاله بتتصلي في ميعاد متاخر زي دة لية
هاله
حبيت اعرفك ان سميرة وجوزها من بكرة هيكونو عندي
حسن
يعني جوزها وافق اخيرا
هاله
وافق وجاي برجله لغاية عندي
حسن
حاسس من كلامك انك شاكة في سند يكون وراء اللي حصل لك انتي وجوزك
هاله
وهو عندي هعرف هو اللي وراء اللي حصل ولا. لا. ولغاية ما اعرف مش عايزاك تيجي عندي الفترة اللي جاية دي خالص علشان لو عرف انك مفتش مباحث ممكن ياخد حذرة ويتصرف بحرص ووقتها هيبقي صعب اني اوقعه في شر اعماله
حسن
طيب ما تخليني اجيبة القسم عندي واعلمه الادب واطلع منه باعتراف يشفي غليلك
هاله
انا لسة شاكة ما عنديش دليل. يا حسن يعني ممكن
ما يكنش هو اللي عمل كدة
حسن
ماشي يا هاله انا مش هاجي وهكون معاكي علي اتصال من وقت للتاني
هاله
خليني انا اللي اتصل بيك وقت ما الظروف تحكم
حسن
ماشي. ،،،،،،،،
ومع اذان الفجر سميرة تقوم من جنب سند اللي كان نايم وتاخد موبيلها وتخش الحمام وتفتح الواتس المشفر وتكتب رساله ل عرفه
**عرفت انك ناوي تدفع 20 الف ج. ل سند هو انت بتلاقي فلوسك في الشارع سند العقد اللي مع اتحرق زي ما قولت لك. يعني هيخرج من الشقة هو ومراته عصب عنه مش بمزاجة عايزاك بقي تنشف مع وعلي الساعة 10 تيجي وتقول ل سند ان ما فيش 20 الف ج. ولو ما ممشتش هكسر دماغك. وهو جبان هيخاف علي نفسه اكتر ما هيخاف علي مراته **
و بعتت الرساله و مسكت الموبيل وقالت
جاي لك يا هاله وياويلك مني ما العز اللي في لازم يكون من نصيبي ،،،،،،
في نفس الوقت كانت هاله ماسكة الموبيل بتاعها وبتتفرج علي صور سميرة معاها ومع جوزها ثروت وكان باين اوي ان ثروت بيبص لسميرة بحب شديد وبدات هاله تمسح الصور دي وتمسح وتمسح. وهي بتقول
مستنياكي يا سميرة. واللي جاي سواد عليكي
وفتحت هاله اللاب بتاعها وكتبت اوراق التاروت واتفتح قصاد منها موقع اوراق التاروت وكتبت اسم سميرة. وحطيت صورتها وفوق الصورة طلاسم شياطنية. وبدات الطلاسم تختلط بالصورة وكان في فيديو شغال. وبدات صورة سميرة تتلاشي. وظهر غراب اسود بذيل ثعبان. وانكتب تحت الغراب
★الهلاك قريب★
قفلت هاله اللاب وحطيته جنب منها ونامت.