الفصل الخامس عشر 15
بقلم محمد منصور
مين ممكن يعمل كدة في شاب غلبان زي سمكة
دة اللي قاله عفيفي اللي كان واقف جنب فضل قصاد جثة سمكة والكفن الابيض اللي مات سمكة جوة منه واقع علي الارض بص فضل للكفن اللي شافه قبل كدة لما كان في ببت الابيض وقرب من الكفن وبص له بتركيز شديد يمكن يشوف في اي دليل يوصله للي عمل كدة في سمكة لكن ما شافش اي حاجة غريبة مجرد كفن فاضي فبص ل عفيفي وقال
ما حدش من رجالتنا لقي الهارد ديسك
عفيفي
قلبنا الشقة وما لهوش اي اثر
فضل
يبقي سمكة اتقتل علشان الهارد ديسك دة يختفي
عفيفي
واية اللي كان علي الهارد ديسك بسببة يموت سمكة
فضل
اسرار الابيض مش عايزني اعرفها
عفيفي
مين الابيض دة
فضل مسك الكفن وقال
صاحب الكفن دة. وهو سايب الكفن هنا علشان يعرفني انه هو اللي عمل كدة. لكن مهما تبان صعبة لكنها سهلة وباذن الله هوصل له،،،،،،،،
عبيد الترند. حكاية جديدة من ضمن حكايات.
اوراق التاروت
من تاليفي
محمد منصور
منص
وقبل ما نبدأ الحلقة نوحد الله ونصلي علي خير خلق الله سيدنا محمد. صلاة تحل بيها العقد وتفك بيها الكرب
بسم الله توكلت علي الله. وهو رب العرش العظيم
ويتغير المشهد ونشوف نرمين اللي كانت نايمة تعبت مرة واحدة وقامت جري وراحت الحمام وحطت وشها في حوض وبدا ينزل من بوقها كتل شعر بلون الدم بصت للكتل دي واتصدمت وما بقتش فاهمة اية اللي بيحصل لها وحطيت ايدها علي شعرها وبدا شعرها ينزل
في حوض الوش لدرجة انها بدات تقرع من الجنب صرخت من المنظر وهنا عمر انضم لها وقال
مالك يا نرمين
بصت له وقالت
سيبني واخرج دلوقتي
عمر
انا غلطان اني سمعتك بتصرخي وجيت علشان اطمئن عليكي
نرمين صرخت اكتر
قولت اخرج برة وسيبني
بص عمر للكاميرا اللي في الحمام و اللي كانت مخفية. وبتصور كل اللي بيحصل وابتسم ابتسامة صفراء وخرج وقفل الباب وراء منه،،
وفي نفس الوقت كان فيديو نرمين في الحمام بيتعرض بث مباشر علي النت وبالتحديد علي مواقع خاصة بيدفع فيها فلوس علشان المتابعين يشوفو المحتوي الخاص بالموقع دة واللي كان في متابعين كتير من كل دول العالم لكن الاغلبية من المصريين والعرب .،،،،،،،،
وبعدها بيوم بالظبط فضل كان قاعد في مكتبه وقصاد منه راجل كبير في السن اسمة مغاوري كان بييص له بتركيز شديد وقال
بص يا عم مغاوري انت راجل كبير وانا مش عايز ابهدلك كفاية اللي الزمن عملو فيك فخليك صريح معايا وقولي تعرف اية عن الابيض
مغاوري بص له وقال
مين الابيض دة
فضل اتعصب وقال
الابيض دة كان سيدك وانت خدامة والتحريات اثبتت انك ما كنتش بتسيبة
الا وقت النوم
مغاوري
اللي قال لك كدة ضلك
فضل
باين عليك بتحب اللوع وانا خلقي ضيق ما تقول اللي عندك علشان امشيك من هنا
مغاوري
وانت فاكر اني لما اقول لك اللي انا اعرفه هعرف امشي تاني علي رجلي. انت ما تعرفش كرامات الابيض واللي يقدر يعمله حتي وهو مش موجود
فضل
قول اللي تعرفه وانا هحميك
مغاوري حط ايدة في جيبة وطلع كور صغيرة اوي ودة يبقي معدن الرصاص. وحط الكام كورة دول قصاد فضل علي المكتب بص لهم فضل وقال
اية دة
مغاوري
لو عايز تتواصل مع الابيض جدك. البس واحدة عند ايدك الشمال وواحدة علقها حوالين رقبتك وواحدة تالته في رجلك الشمال. واللي انت عايز تعرفه مني ادخل الحمام والرصاص دة حوالين جسمك وبص في المرايا واسال والابيض لو راضي عنك هيرد عليك وبعدها اوعدك انك مش هترتاح لان اللي هتعرفه هيطير النوم من عيونك
فضل
انت باين عليك مجنون وانا غلطان اني ضيعت وقتي معاك لكن انا هوريك ازاي تلعب بيا
لكن هنا مغاوري قام وقف وضحك وبص ل ايد فضل اليمين وبعدها فضل ايده اتربطت في الكرسي وبص
ل ايد فضل الشمال وبرضو اتربطت في الكرسي وبدا مغاوري يضرب نفسه بمنتهي القوة ويمسك راسه بايد ويخبطها في الحيطة. واستمر علي الحال دة ل كام دقيقة لغاية ما وقع علي الارض سايح في دمه بعدها ايدين فضل اتفكت وقام راح ناحية مغاوري جري. وبدا يشوف في نفس ولا مات. لكنه لقي النبض شغال و هنا اتفتح باب المكتب ودخل عفيفي صاحبة بص للمنظر واتصدم وقفل الباب وراء منه بسرعة وراح جري ناحية فضل وقال
لية عملت كدة
فضل وهو مرعوب
مش انا يا عفيفي
عفيفي
ماحدش موجود في المكتب غيرك. معقوله هيكون عمل كدة في نفسه
فضل
ايوة هو بص لي وايدية الاثنين اتربطو في الكرسي وبعدها بدا يأذيي نفسه بالشكل دة. لكن كلامنا دلوقتي ملهوش اي لزمة وبسرعة اطلب الاسعاف،،،،،،
في نفس الوقت كانت نرمين قاعدة علي سريرها والتعب باين عليها وماسكة موبيلها وبتقلب في فيديوهات الفيس بلا اي هدف ومش عارفة هي بتعمل لية كدة لكنها شافت فيديو ليها وهي في الحمام وطالع تريند وشعرها بيقع في الحوض اتصدمت وبدات تتفرج علي الفيديو بتركيز شديد وهي مش مصدقة اللي شايفه. ودخلت علي الصفحة اللي شافت عليها الفيديو و جوة الصفحة شافت فيديوهات كتير ليها ورميت الموبيل من ايدها وما بقتش عارفة تعمل اية. وهنا رن موبيلها والشاشة اسودت حاول تشوف مين اللي بيتصل لكنها ما عرفتش وهنا اسبيكر الموبيل اتفتح وسمعت صوت خشن بيقول
جسمك ملكي وانا جاهزة لامتلاك هذا الجسد. استعدي ل احداث النهاية. اللعنة لعنة دم والابيض اختارك وقدمك لينا قربان واحنا قبلنا القربان
اتصدمت نرمين اكتر والرعب امتلك كل ذرة في جسمها، ،،،