الفصل السادس عشر 16
بقلم محمد منصور
انا اية اللي بيحصل لي وازاي بتصور و الفيديوهات بتاعتي بقيت علي النت
دة اللي قالته نرمين ل عمر اللي كان قاعد بيتفرج علي الشاشة ومش مراعي الحاله النفسية اللي هي فيها وما ردتش عليها ودة عصب نرمين اكتر وقالت
رد عليه انا بكلمك
عمر
نرمين يا حبيبتي واضح اوي ان المرض اتمكن منك لدرجة انك بقيتي تشوفي حاجات ما بتحصلش
نرمين
انا مش مجنونه يا عمر
وحطيت موبيلها في وشة وكان شغال عليه فيديو ليها وهي في الحمام بتتوجع بص عمر للفيديو اللي شغال علي موبيل نرمين وقال
دة فيديو معمول ب ال AI
نرمين
اية انت بتقول اية وتقصد اية بكلامك دة
عمر
اقصد ان الذكاء الاصطناعي ماخلاش ويقدر يركب اي فيديو ل اي حد مشهور ويبان كانه حقيقية. ودة فيديو عاملة عيل صايع من اللي قاعدين علي النت ليل ونهار
نرمين حطيت صباعها علي الشاشة ورفعت الفيديو لفوق وظهر فيديو تاني ليها وتالت ورابع وقالت وهي بتقلب بين الفيديوهات.
كل دة فيديوهات ب AI طيب ازاي.
عمر بمنتهي الهدوء
اومال هتكون حقيقية مثلا طيب اتصورت ازاي
نرمين
ما عرفش. ودة اللي انا عايزا اعرفه منك
عمر
انا لو اعرف هقول
نرمين بصيت له وهي شاكة في لكن عمر بص للشاشة ومسك الريموت وقال
فيلم قديم وبايخ وممل اما اتفرج علي فيلم جديد.
وبدا يقلب وهو بيبص ل نرمين بطرف عينه وبيقول
كان نفسي اقول لك اقعدي اتفرجي معايا لكني عارف ان التعب خلاكي ما تقدريش تقعدي ساعة علي بعض. فخشي ريحي. ربنا يشفيكي
مشيت نرمين من قدامه وهي مش طايقة. وواخدة قرار واحد انها لازم تروح
ل فضل علشان يساعدها،،،،،،
عبيد الترند. حكاية جديدة من ضمن حكايات.
اوراق التاروت
من تاليفي
محمد منصور
منص
وقبل ما نبدأ الحلقة نوحد الله ونصلي علي خير خلق الله سيدنا محمد. صلاة تحل بيها العقد وتفك بيها الكرب
بسم الله توكلت علي الله. وهو رب العرش العظيم
من جوة مكتب مدير فضل المباشر اللواء غنيم. كان فضل قاعد قصادة علي المكتب وبيقول
يا فندم صدقني انا من رجالتك ومن سنين وانت عارف ان العنف دة مش سكتي واني مش بستجوب متهم عندي بالطريقة دي. وتقدر حضرتك تفرغ الكاميرات الموجودة في مكتبي
غنيم
الكاميرات كانت عطلانه وقت استجوابك ل مغاوري
فضل
طيب الحمد لله انا ما خرجتش من مكتبي علشان اعطل الكاميرات و ارجع تاني اضرب مغاوري.
غنيم
طيب لية مغاوري دة عمل في نفسه كدة
فضل
ما عرفش بس انا هعمل كل اللي اقدر عليه وهوصل للي وراء كل اللي بيحصل دة حتي لو كان من الجن الازرق ،،،،،،،
فضل رجع بيته علشان يلاقي
نرمين قاعدة مع ندي بص ل ندي وقال
دخلتيها لية تاني يا ندي. مش كنا خلصنا
واتحرك. فضل و راح ناحية اوضة وقت ما سمع نرمين بتقول
في حد بيصورني وانا في بيتي دة حتي بيصورني وانا في حمامي.
وقف فضل و كان لسة مديها ظهره اصله اتعصب علشان خاطرها وهي كملت وقالت
لحمي ومرضي بقي فرجة لاي حد مع حق باقة بعشرة
هنا بص لها فضل وهي قالت
ومش بس كدة في حد كلمني في الموبيل صوت غريب مش صوت بني ادم وقال. جسمك ملكي وانا جاهزة لامتلاك هذا الجسد. استعدي ل احداث النهاية. اللعنة لعنة دم والابيض اختارك وقدمك لينا قربان واحنا قبلنا القربان
هنا فضل بقي اتكلم وقال
الابيض
نرمين
انت تعرف الابيض دة
فضل
لسة بجمع معلومات عنه. لكن اللي اعرفه يخصني انا لكن انتي اية علاقة الابيض بيكي
نرمين
فضل انا خايفة اوي ومش عارفة اعمل اية ارجوك ما تتخلاش عني
فضل ما ردتش عليها لكنه افتكر اللي قاله مغاوري ومعدن الرصاص اللي حطه علي مكتبه. وفضل خد الرصاص دة وحطة في جيبة بدلته وهنا حط ايدة في البدله وطلع حبات الرصاص وبص لهم وهو ناوي يعمل اللي قاله مغاوري، ،،،،،،،
ويتغير المشهد ونشوف فضل في الحمام وحوالين رقبته معلق حبه رصاص وفي ايدة الشمال حبة رصاص وفي رجله الشمال حبة رصاص. وبص لمرايا الحمام والمرايا اتحولت لشاشة عرض وهنا شاف نفسه وهو بيلعب مع نرمين وبيهزر وراها وبيجروا في جنينة بيت كبير لكن فجاة ظهر الابيض وكان مع مخلوق ما قدرش فضل يعرف دة مين وقال الابيض
احفادي عبيد الملك المعظم ملك ملوك الجن السفلي الملك جرهام. بس في المقابل اتمني امتلك الهبة اللي مش موجودة عند اي حد زيي. اعرف المستقبل واكون العراف الاعظم. المتحكم في اوراق التاروت
المخلوق دة رد عليه وقال
علشان يحصل دة احفادك التسعة يخلصو علي بعض والدم يكون بينهم ليوم ما الملك جرهام يختار الجسد اللي هو عايزه ل اتمام مراسم القربان.
الابيض
وهو هيعمل اية باي جسد يمتلكة
المخلوق
هيكون هدية ل ملك من ملوك الجن يقدر من خلاله يعيش حياة البشر بقدرات الجن
لكن هنا المرايا اتكسرت وظهر مكان منها الكفن وجوة منه الابيض وبص ل فضل وقال
ان راضي عنك وعلشان كدة انت الوحيد في احفادي التسعة اللي عرفتو الحقيقية كاملة. علشان تساعدني اكمل اللي بداته
فضل كان مصدوم وقال
هي نرمين تبقي بنت عمي
الابيض
وندي كمان بنت عمك لكن ما حدش فيكم يعرف التاني لان الماضي انا مسحته من ذاكرتكم
فضل
انت اية شيطان
الابيض
انا جدك العراف الاعظم واللي محتاج حد اوهبة الميراث بتاعي كامل.
فضل
وانا مستحيل اساعدك في كدة
الابيض
انت ما عندكش حرية الاختيار. انت عبد عن الملك جرهام وهو حر في التصرف فيك
فضل
انا هقدر عليك وعليه
الابيض
وهتقدر علي ولاد عمك اللي دلوقتي هيخبطو علي الباب وناوين يخلصو علي مراتك وحبيبتك
وهنا فضل يسمع الباب بيخبط خرج جري من الحمام وراح ناحية الباب وقال
ل ندي اللي كانت رايحة تفتح
اوعي تفتحي الباب
استغربت ندي وفضل وصل للباب وبص من عين السحرية وشاف.
سميرة واختها هاله. ومعاهم سند وحسن وكانو الاربعة في اكفانهم واشكالهم ترعب وبيخبطو علي الباب مرة واحدة وبشكل مخيف وفضل ما بقاش عارف يعمل اية،،،،،،