الفصل السادس 6
بقلم محمد منصور
كان اعمل الحادثة دي علشان يموت واكون ليك يا سند
دي الجملة اللي قالتها هاله وهي في احضان سند وسند قال
يا مجنونه دة انتي كنتي مع في العربية وهي بتتقلب يعني كنتي ممكن تموتي مع
هاله
كنت عاملة حسابي ورابطة الحزام حوالين جسمي وعارفة ان ثروت ما بيحبش يسوق والحزام حوالين جسمه فلما العربية تنقلب هو اللي هيتاذي اكتر مني
سند
ولو ما كنش مات
هاله
كنت هقتله بايدي المهم انه ما يطلعش من الحادثة دي عايش لاني كنت خلاص جبت اخري منه ومن مراتك
سند
طيب وازاي خليتي الكل يصدق انك مشلولة
هاله
الفاسدين كتير والفلوس تعمل اللي اكتر من كدة تحب اطلع لك شهادة وفاة. كمبيوتر وانت لسة من اهل الدنيا
سند
لا وعلي اية الطيب احسن يا قمر
هاله
سند انا عملت دة كله علشانك اوعي ما تكونش بتحبني
قال سند وهو بياخدها في حضنه
ودة سؤال برضو
هاله
طيب انت هتخلص من سميرة امتي
سند
سميرة الكوابيس هتخلص عليها. ما تقلقيش وخلينا في اللي احنا في
وحضنها اكتر. فقالت هاله
كفاية لبعدين سميرة تصحي
سند
سميرة واخده منوم لو البيت اتهد عليها ما تصحاش. وقريب هتنام مش هتصحي تاني، ،،،،،،
كابوس سميرة من ضمن احداث حكاية
بسم الله توكلت علي الله. وهو رب العرش العظيم
ويتغير المشهد ويطلع النهار وسميرة تصحي الساعة 9ص علشان تلاقي جنب منها ورقة من اوراق التاروت ورقة قد كف الايد مصنوعه من جلد الثعبان الاسود. وكان مطبوع علي ظهر الورقة صورتها مسكت سميرة الورقة باستغراب شديد وبعدها قلبتها و لقيت كلمة **مرض**
وتحت كلمة مرض مكتوب **طلاق**
وتحت كلمة طلاق
**اختك مرات جوزك**
وفي الاخر مكتوب دة مستقبلك
رميت سميرة الورقة علي الارض وقالت
اية التخريف دة والورقة دي جت جنب مني ازاي. معقوله يكون جوزي سند. بس سند ملهوش في الهزار دة. بس مين غيره يعرف يدخل الاوضة ويحط لي الورقة دي
وقامت سميرة من فوق السرير وراحت ناحية باب اوضتها وندهت وقالت
سند. انت فين رد عليا
وفتحت الباب شافت جوزها في احضان اختها هاله. وبعدها الدنيا لفت بيها وقبل ما تقول اي كلمة وقعت من طولها علي الارض،،،،،
انا شوفتك يا اختي يا كبيرة بعيوني وانتي في احضان جوزي
دي الجملة اللي قالتها سميرة وهي قاعدة علي سريرها
ل اختها هاله اللي كانت قاعدة قصاد منها لكن علي كرسي بعجل. لان هاله مشلولة فقالت هاله
دة كان كابوس يا حبيبتي مش اكتر من كدة
سميرة
لا ما كنش كابوس انا متاكدة اني كنت صاحية
هاله بصوت حزين
يعني انا يوم ما اقف علي رجلي اقف علشان اخونك. ياخسارة يا سميرة ما كنتش افتكر انك شايفني كدة
ولفت هاله الكرسي بايدها وسميرة بتنادي عليها لكن هاله ما بتردش وخرجت من الاوضة وخرجت وراء منها سميرة وهنا رن موبيل سميرة واللي كان بيتصل بيها سند فاستغربت وقالت
هو سند بيتصل بيا وهو برة لية
فقامت تشوف سند في الشقة فرديت عليها هاله وقالت
جوزك مشي علي الشغل من 6 الصبح
سميرة
اللي هو ازاي انا صحيت من النوم الساعة 9 وكان في احضانك
هاله بعصبية
تاني هترجعي تخرفي
سميرة
انا ما بخرفش ولو هو ما كنش هنا فانا وقعت من طولي في الصاله تقدري تقولي مين دخلني الاوضة وحضني فوق السرير
هاله
سميرة انتي لسة صاحية
سميرة
لا. اصله مش جنان هو
وهنا رن موبيل سميرة تاني واللي كان بيتصل سند فرديت وقالت
نعم
لكنها سمعت صوت المكن بتاع المصنع اللي سند شغال في وقتها كان سند بيتكلم لكنها مش مركزة ومش سامعه وبصت لساعة الحيط اللي كانت 9.30. ص. نزلت الموبيل جنب منها وقالت لنفسها
المصنع بعيد يعني لو هو كان هنا الساعة 9. مستحيل يلحق يوصل في 1/2 ساعة
اومال اللي شوفته بعينيه دة اية.
كل دة وسند عمال يقول
الو. الو. الو.
هاله
ما تردي علي جوزك
سميرة قفلت وقالت
مش هرد علي حد
وراحت ناحية الاوضة ودخلت وقفلت علي نفسها وبدات تفكر في كل اللي بيحصل لكن هنا رن موبيلها تاني وانكتب علي الموبيل العراف فرديت وقالت
مين
صوت خشن
مكتوب علي شاشة موبيلك اني العراف اللي عايز مصلحتك وناويت اساعدك.
سميرة
وانت تعرفني منين
العراف
انتي من المشتركين عندي في موقع اوراق التاروت وانا اللي عرفتك مستقبلك. انا العراف الاعظم
سميرة
انت سبب الكوابيس اللي بتيجي لي
العراف
الكوابيس من صنعك لكن تحقيقها من صنعي.
سميرة
انا مش فاهمة انت عايز اية مني لكني عايزا اسالك هو فعلا سند بيخوني مع هاله
العراف ضحك وقال
اعرفي الحقيقية بنفسك انا حطيتك علي اول الطريق والكوابيس دليلك للوصول للحقيقة الكاملة. نامي
و احلمي يمكن تقدري تغيري مستقبلك.
سميرة لسة هتتكلم المكالمة انتهت. وهنا خبط باب الاوضة و اتفتح ودخلت هاله وبصت ل سميرة وقالت
العراف اتصل بيكي
سميرة
انتي عرفتي
هاله
اة. اصله لسة قافل معايا وقالي ان جاي من وراكي شر كتير ليا. لانك عمرك ما حبيتي ليا الخير
سميرة
انا ولا انتي اللي كنتي ديما بتحسديني علي جوزي وحبه ليا. الحب اللي انتي ما عرفتيش تلاقي مع جوزك ثروت
هاله
ثروت مات وانتي كمان المفروض تموتي. علشان كل اللي خطط لي يتم زي ما انا عايزا
سميرة
وتفتكري اني هسيبك تخلصي مني واقف اتفكر عليكي. ما انتي تبقي غبية لو فاكرا ان واحدة عاجزة زيك تعرف تخلص مني
هنا وقفت هاله وقالت
مش لو كنت عاجزا
وطلعت هاله من هدومها سكينه وراحت ناحية سميرة وغرزت السكينة في صدرها وهنا. تفتح جميلة عيونها اصلها كانت في غيبوبه جوة الرعاية المركزة لمستشفي خاصة وقالت بصعوبه
بناتي قتلو بعض. بناتي الشيطان سند وقع ما بينهم
وبدات جميلة تصرخ. وانهارت من كتر الصراخ، ،،،،
جميلة فعلا ام سميرة وهاله ولا الحكاية لسة فيها اسرار انا مستني توقاعتكم. سلام