الفصل السابع 7
بقلم محمد منصور
ناس لاقوكي علي الطريق الصحراوي مضروبه بالسكينة في صدرك وقدرنا نلحقك بصعوبه و دخلتي في غيبوبه ل اسبوع كامل. لان قلبك وقف
دي الجملة اللي قالها الدكتور صفوت المعالج ل جميلة اللي قالت بصعوبه
اللي اضربت بالسكينة بنتي سميرة بايد اختها الكبيرة هاله بعد ما سند قدر يوقع ما بينهم هما الاثنين وفي نفس الوقت اللي سميرة اضربت فيها بالسكينة انا فوقت وصرخت اصلي انا بقدر اشوف كل اللي بيحصل لهم في احلامي
صفوت
معني كدة ان انتي سميرة مش جميلة.،،،،،،،
كابوس سميرة. من ضمن احداث حكاية
بسم الله توكلت علي الله. وهو رب العرش العظيم
بعد اللي قاله صفوت دة رديت جميلة وقالت
انا جميلة امها . و سميرة بنتي وسند قدر يخليها تتمني حياة اختها وقررت توقع بينها وبين جوزها ثروت. وتخلي الشك يدخل ما بينهم
صفوت
ولية دة كله
جميلة
علشان تمتلك العز اللي عايشة في هاله
صفوت
حرام اخت تعمل كدة في اختها.
جميلة
ما هاله برضو اتمنيت حياة اختها. او بالتحديد اتمنيت سند يكون ليها. ما هو قدر يعوضها عن الحب اللي اتحرمت منه مع جوزها ثروت ودة خلي هاله تدبر الحادثة اللي مات فيها جوزها علشان تقدر تتجوز سند بعد ما تخلص من اختها
صفوت
وازاي قدر سند يعمل كل دة
جميلة
سجل اسامي الاثنين سميرة وهاله في موقع الكتروني خاص بالعراف الاعظم. موقع اوراق التاروت. واللي بيدير الموقع دة شيطان ما حدش يعرف شكله لكنه يقدر يتحكم في الاحلام
و الكوابيس بتاعت ضحايا. اللي اساميهم بتتسجل عنده وسند دة لازم يموت
صفوت
بس سند دة ابنك يعني اخو هاله وسميرة
جميلة
ابني ازاي وكان في بينا علاقة غير شريفة
الدكتور استغرب وقال
علاقة. ازاي دة هو قالي بنفسه انك امه وكل يوم كان بيجي ومتابع حالتك معايا
جميلة بعصبية
دة شيطان ابعدو عني. مستحيل انا اخلف الملعون دة
صفوت
انت حالتك صعبة جدا يا جميلة و واضح ان علاجك هياخد وقت. ممكن ترتاحي دلوقتي و انا هفوت عليكي كمان شوية
جميلة
مش مهم انا المهم بناتي يكونو بخير امنعو سند من الوصول ليهم. امنعو او اما همنعه انا بعد ما اشرب من دمه،،،،،،،،
ويخرج صفوت من عند جميلة علشان يلاقي سند واقف قصاد باب الرعاية المركزة وبيقول بلهفة
خير يا دكتور امي عاملة اية
صفوت
مع الاسف واضح انها شافت احلام كتير و كوابيس وهي في الغيبوبة ودة أثر بشكل مباشر علي مخها. و معلش خليني اسالك بحكم ان جميلة تبقي والدتك ليك اختين اسمهم سميرة وهاله
سند سكت بعد ما سمع الاسمين فقال الدكتور
استاذ سند مش محتاج اقول لك انك لو خايف فعلا علي والدتك اتمني انك تصارحني باي معلومة ممكن تفيدنا في علاجها
سند اتنهد وقال
سميرة وهاله يبقو ولاد جوز ماما التاني. الاسطي ضرغام
ضرغام دة مراته ماتت وهي بتولد سميرة بعدها ما قدرش يعيش من غير ست.
او بمعني اصح محتاج خدامه تربي عياله و تاكله وتشربه مش اكتر. هنا ظهرت امي ست بسيطة جوزها سابها وطفش بسبب الفقر والجوع وانا كنت وقتها علي كتفها عيل عنده 3 سنين اتجوزها ضرغام وربيت البنتين هاله وسميرة
و حبتهم اوي حبتهم زي ما كانت بتحبني اعتبرتهم بناتها ولما كبرو وجه وقت جوازهم ضرغام قال لها،،،،،
ونرجع بالاحداث ل كام سنة وراء وقت ما كان ضرغام واقف قصاد جميلة وبيقول لها
ايوة طلقتك م انا مش هينفع اقدمك لاي عريس جاي لبنت من بناتي اقول لهم اية. ام البنات كانت خدامة في البيوت
جميلة عيطت وقالت
وتهون علية عشرة السنين يا ضرغام دة انا ظهري اتحني وانا في خدمتك انت وبناتك
ضرغام
اهو انتي قولتيها في خدمتي يعني اعتبري نفسك كنت موظفة عندي بالاجرة وقصاد كل الفلوس اللي خديها مني ربيت لك ابنك وبقي شحط يعني يقدر يشتغل ويصرف عليكي
جميلة
تفتكر ان بناتي هيسكتو علي اللي انت عايز تعملو فيا دة
ضرغام
ما تشغليش بالك بالبنات انا اصلا قولت لهم انك مراة خاينه وزباله وعلشان كدة هطلقك.
جميلة
وهما صدقو
ضرغام
اة صدقو اومال يعني هيكذبو ابوهم
جميلة
زي ما انت كنت ابوهم انا كنت امهم
ضرغام
ما تعشيش دور مش دورك.
و احمدي ربنا انك كنتي مرات الاسطي ضرغام لكام سنة. ويلا بقي غوري من هنا
جميلة
مش همشي الا لما اشوف بناتي الاثنين
ضرغام
بناتي جوة في اوضتهم
و سماعين كل كلمة اتقالت ولو كانو عايزين يقولو كلام غير كلامي كانو قالو
جميلة بصت ناحية اوضتهم وعيطت اوي وقالت
يا هاله يا سميرة. اطلعو الحقوني من ايد ابوكم واقفو معايا ضدتي زي ما كنت ديما معاكم ضدته وقت ما كان بيفكر يظلمكم
مسك ضرغام ذراع جميلة وقال
ما قولنا غوري بقي
وبدا يسحبها ناحية باب الشقة وهي بتنادي عليهم ومحروقة من العياط وفتح باب الشقة ورماها برة وقفل الباب وهو بيقول
لما الشحط ابنك يرجع هبقي ادي له هدومك ،،،،،،
ونرجع للدكتور صفوت اللي سمع وقال
ووالدتك عملت اية بعد كمية الظلم اللي وقعت عليها دي
سند
رجعت بالليل و بالمفتاح اللي كان معاها دخلت الشقة وولعت في ضرغام وبناته الاثنين. هاله وسميرة، ،،،،،،،،
اوبا. ضرب نار. وحلقة دمار بس سؤال النهاردة جميلة حكيت حكاية وسند حكي حكاية مين فيهم حكايته مصدقنها اكتر قولو انتو.