رواية بوابة الأحلام الفصل الثامن 8 بقلم رشا منصور
#الجزءالثامن
#بوابةالأحلام
شريف…..
اخدت الكلمتين من برك، ودخلت أنام في غرفة الأطفال وفضلت أفكر في حل للساحرات، وببص لقيت برك ظهر وقعد ع الكرسي وشكله مضايق، توقعت تكون سوزان عملت حاجه تاني..
قولت له مالك سوزان طلبت منك إيه المره دي ؟!!!
الجن.برك…
دخلت عند شريف استخبي،. من سوزان أنا مش قادر منفذش طلباتها وفي نفس الوقت زهقت. بقي
أنا نسيت إني جنn بسببها ولقيت شريف بيقولي هى سوزان طلبت منك إيه تاني.
قولت له لأ مطلبتش بس أنا هر'بان. عندك علشان متطلبش حاجه مني…
وبفكر اختفي مظهرش لها تاني ولسه بتكلم سمعت صوت سوزان بتزعق، وتقول برك أنت لسه محضرتش العصير للبنات
جريت بسرعة ع المطبخ جيبت العصير لهم ورجعت تاني عند شريف اللي لقيته بيضحك وبيقولي مختفتش، ليه زى ما قولت..
قولت له علشان خاطر البنات بس لكن سوزان أنا ماليش دعوه بها تاني أنا هختفي، من قدامها خالص..
شريف…
هم يضحك وهم يبكي. ده الجن، عاوز يطفش منك يا سوزان اومال أنا أعمل إيه بس…. أنا كان إيه اللي خلاني أتجوز كنت عايش في بيت أهلي مرتاح ومش شايل هم حاجه…
بصلي برك وقالي بس اعتقد لما بناتك تكبر هتغير رأيك أو ممكن لأنك حالياً خالع، نفسك خالص عن مسؤولية بناتك وكل حاجه بتعملها لهم سوزان…
قولت له ما أنا بشتغل مدرس بالنهار وهى قاعده في البيت طبيعي هى تكون المسؤولة عنهم 🤔🤔
رد برك وقال قصدك مسؤولة عنهم وعن البيت وعن الأكل والغسيل والتنضيف… لو ركزت شويه يا شريف هتلاقي نفسك مسؤول عن عصبية، سوزان لأنك ببساطة مفكرتش تساعدها في مسؤولية بناتك
مفكرتش في مرة تعمل لهم حتى الرضعة أو تشيلهم عنها مع أنك بقيت اليوم قاعد فاضي بتلعب فى الموبايل أو نايم…
اتغظت. من برك وقولت له أسكت. أسكت أنا غلطان. إني جيت في صفك… خليها تنكد،. عليك تستاهل..
سيبني أنام ورايا زراعة الأرض الصبح…
غمضت عيني وأنا بفكر في كلام برك… أنا مش فاكر أمتي آخر مرة لعبت مع بناتي أو حتى اكلتهم.. لها حق سوزان لما قالتلي عمرك ما تكون مسؤول عن أي حاجه دايما بتهرrب. وتختار الحل الأسهل…
وتاني يوم الصبح خرجت من غرفتي علشان افطر واستعد لأهل القرية ولقيت سوزان في المطبخ وبتعمل أكل للبنات وجودي بتبكي وهي بتحاول تلعبها ومش عارفه تشيلها علشان البوتاجاز..
روحت شيلت البنت وحضنتها يااااه إحساس جميل أوي وشوفت نظرة اندهاش، في عين سوزان فأخدت البنت وقعدت في الجنينة
سوزان….
صحيت غيرت حفاضات البنات وقولت اجهز أكلهم واعملي فنجان قهوه علشان افوق منمتش طول الليل كل شويه بنت تصحي انيمها ألاقي التانيه صحيت.
وكالعادة الزن أشتغل وأنا في المطبخ ولقيت شريف ع غير العادة جاى يشيل جودي ويلاعبها 😲😲
جهزت كل حاجه وعملت له الفطار والقهوة وطلعت له ع الجنينة واخدت منه جودي وجاية أدخل البيت لقيته بيقولي ما تيجي نفطر سوي…
قولت له لازم أكل البنات الأول وبعدين ابقي أفطر قالي طب يلا شايل البنت ودخل البيت وأنا مش فاهمه حاجه بردو.
ولقيته وقف في المطبخ ويقولي أنا أكل جودي وانتي أكلي لجي وبعدين نفطر سوي…
قولت له شريف أنت كويس ، حاسس ب حاجه قولي بلاش تسيبني أقلق كدا.. أكيد في حاجه مخبيها عليا 😭
رد شريف وقالي أبتدينا في النكد، ارحمي شويه الحق عليا إني قولت اساعدك…
قولت له تساعدني ومالوا يا حبيبي.. متزعلش إني قلقت عليك أنا بس مش متعوده إنك بتحس بتعبي أصلا دايما بتقولي أنتي قاعدة فاضيه في البيت بتعملي إيه طول اليوم.
وخلصنا فطار وأنا من جوايا مش مطمنة حاسة أن في حاجه متغيره في شريف.. يمكن الساحرات،. هتحضر قبل ميعادها وطبعاً هو اللي هيتأذي لأنه بيساعد أهل القرية!!! طب وبعدين ..
الجن.برك…
كنت شايف وسامع كل اللي بيحصل ومش عاوز أظهر لهم.. واضح أن شريف ابتدي يراجع نفسه ويحس بخطأه في حق سوزان..
ونادي عليا شريف وأول ما ظهرت له قالي
جهز ليا البذور اللي هتتزرع وقال ع طلباته كلها…
لكن اللي حصل إني لقيت سوزان بتقولي يا برك خليك مع البنات أنا هروح مع شريف مش هسيبه لوحده…
وخدتني ع جنب وقالتلي لو جري ليا أى حاجة خلي بالك من البنات شريف مش بيعرف يعملهم حاجه وعمره ما تحمل المسؤولية.. اعتبرهم زى بنات القرية وحافظ عليهم…
شريف…
كنت خارج من الغرفه سمعت كلام سوزان ل برك واتكسفت من نفسي أنا فعلاً معرفش حاجه عن بناتي 🙃😔
وفضلت ساكت حتى مسألتش سوزان هى جت ليه معايا وأول ما وصلنا القرية لقيت كل الأرض متساوية ومتخططة. كمان
وكلهم واقفين ومنتظرين وصولي…
قولت لهم إحنا هنقسم الأرض ونزرع كل جزء ب نوع مختلف علشان يكون عندكم أكتر من نوع للخضار..
وأثناء ما أنا بعرفهم ازاى نوضع البذور لقيت سوزان جاية من بعيد ومعاها قفص. وواضح أنه تقيل..
جرينا عليها نساعدها وقولت لها إيه ده وجبتيه منين ؟!!
سوزان…
أثناء انشغال شريف مع أهل القرية خلعت الجاكت ورجعت ع البيت وطلبت من برك حاجات واخدتها ورجعت ع قرية الأحلام.
ولقيت شريف وأبناء القرية بيسألوني إيه ده…
فتحت القفص وقولت لهم دى أرانب بتكبر وبتولد كتير وطعمها حلو أوي وكمان معاهم عشر فرخات…
ولقيت العمدة سليمان وزوجته نسرين فرحانين أوي ويقولوا أصبح لدينا المزيد من الفراخ والكل بقي فرحان ..
بصيت ل شريف وقولت له تبقي أزرع لهم ملوخيه علشان الأرانب.
العرافة رشامنصور….
كنت عارفه طيبة قلب سوزان ومشكلتها مع شريف..
صعب الست تحس أن كل المسؤولية عليها لوحدها وقتها بتشعر بالضعف،. وعلشان تبان قوية. بتلجأ للعصبية. في أسلوبها لأنها بتكون وصلت للأنهيار…
و أول ما تكون لوحدها بتفضل تبكي، ع حالها وللأسف الرجالة مش بتشعر ب حاجه دايما شايفين أن الست نكدية. وعصبية،. دايما بتستقبل الراجل بالمشاكل والطلبات ،.مع أنه لو ادي دوره عمر ما هيكون في مشاكل…
طب أنت فين من حياتها.. فين مشاركتك ليها.. بتستخدم قوتك، كرجل في أنك تخرج وتسهر أو تدي أوامر تنفذها.. هى دى الرجولة طب وأولادك وزوجتك اللي مسؤولين منك عملت لهم إيه.
ويقولوا ع الست هى النكدية، والمفترية،..
كويس أن برك فتح عين شريف ع خطأه عقبال بقيت الرجالة..
ولقيت سوزان جاية ليا وبتقولي عوزاكي وخدتني ووقفت بعيد عن أهل القرية وقالتلي..
أنا لقيت حل للسا'حرات بس لو قولت عليه ل شريف مش هيساعدكم أنا هنتظر بعد ما الزرع يكبر والانفاق اللي شريف ناوي يعملها تخلص وبعدها هقولكم ع الحل..
قولت لها اومال بتعرفيني ليه مدام مش ناويه تقولي الحل ؟!!
ردت سوزان وقالت علشان اطمنك وأنتي ساعتها هطمني أهل القرية بس من غير ما تقولي إني لقيت الحل. عرفيهم بس أننا هنساعدهم في حل مشكلة.السا'حرات.
قولت لها بس أكيد لقيتي الحل اللي تخلي الساحرات. تترك قريتنا ولا تقصدي أنك هتقفي لمواجهتهم…
ردت سوزان وقالت…
ولا أنا ولا شريف ولاحتي أنتم هتقدروا ع السا'حرات..
لا يكل الحديد إلا الحديد.. السا'حرات هى اللى هتخلص، ع بعض
وساعتها هتعيشوا في أمان…
ومتحاوليش تعرفي مني أى حاجة لأني مش هقول أى معلومة تانيه..
قولت ل سوزان وأنا مش عاوزة اعرف حاجه كفايه إني اطمنت مؤقتاً ع مستقبل أهل القرية…
شريف…
لقيت سوزان واقفه مع العرافة بعيد روحت لهم وبسألها في إيه ؟!
ردت العرافة وقالت كنت بسأل سوزان ع البنات وبطمن ع أحوالهم. مسؤولية الأطفال والعناية بهم مش سهلة.. وأنت بطبيعتك أكيد متعرفش حاجه عنهم…
وكمان بشكرها ع الأرانب وكان نفسي أعرف بتتطبخ ازاى بس أنت قطعت،. كلامنا…
قولت لها سوزان شاطرة في الطبخ وشهادتها أصلا الاقتصاد المنزلي وبتعرف تعمل حاجات كتير اوي..
دى مفارش البيت هى اللى عملاها وهى اللي بتفصل ملابس البنات.
بصراحه من غير سوزان إحنا ولا حاجه..
وفجأة سمعنا صوت عالي وصراخ،. 😲😲
ولقيت العمدة سليمان بيقولي الحق يا شريف…