الفصل التاسع 9
بقلم محمد منصور
حمزة راجل عنده 40 سنة
و كان نايم في اوضة علي سرير جوة فيلا بيصحي من نومه الساعة 9.15 ص.
و بيلاقي جنب منه ورقة من اوراق التاروت عليها صورته مسك الورقة وبص فيها وهو مستغرب وبص للناحية التانية ولقي مكتوب عليها
**دم الفراق غالي **
وتحت الجملة دي مكتوب
**اللي عايش ما يعرفش هو مين. لكن الميت عارف مين عمل فيهم كدة **
وتحت الجملة دي مكتوب
** ابو حمزة **
استغرب حمزة من اللي قراءة ومع استغرابو دة شاف دم بيجري علي الارض وجاي من تحت عقب باب الاوضة قام بسرعة من فوق السرير وراح ناحية الباب وفتح الباب وشاف مراته وابنه وبنته مذبوحين وجثثهم علي الارض وقصاد منهم واقف واحد ماسك سكينه بتنقط دم فقال حمزة
انت طيب ازاي. ولية عملت كدة
الشخص دة بص له وقال بمنتهي الجحود
اسال اللي مات. عن اللي عملو فيك المقتول. ودلوقتي اقع يا حمزة واصحي ناسي كل اللي انت شوفته.
وفعلا حمزة حس بتقل شديد في دماغة لانه واخد حقنه بنج. ووقع من طوله وسط الدم مغمي عليه،،،،
ابو حمزة.
حكاية من ضمن احداث حكايتنا
اوراق التاروت
من تاليفي
محمد منصور
منص
وقبل ما نبدأ الحلقة نوحد الله ونصلي علي خير خلق الله سيدنا محمد. صلاة تحل بيها العقد وتفك بيها الكرب
بسم الله توكلت علي الله. وهو رب العرش العظيم
★انا ما اعرفش غير اسمي واني صحيت لقيت عيالي الاثنين ومراتي مذبوحين★
دة اللي قاله حمزة لمفتش المباحث اللي بيحقق في قضية القتل الغريبة اللي حصلت جوة فيلا حمزة. ومفتش المباحث دة كان اسمه فضل اللي كان شاكك في حمزة فرد وقال
لكن الدكتور المعالج ليك عمل لك اشعة علي المخ واثبت انك ما بتعنيش من اي مرض عضوي او خد خبطة مثلا تكون السبب في فقدان الذاكرة اللي انت بتدعي انها عندك
حمزة
انا مش كداب ودة كل اللي انا فاكره
فضل
هنعرف انت كذاب ولا. حكايتك اية
وقام فضل وخرج من فيلا حمزة. وهو ناوي يوصل للحقيقة، ،،،،،
يتغير المشهد ونشوف فضل بيخرج من فيلا حمزة اللي كانت جوة كمبوند ورايح ناحية عربيته وركب العربية و طلع موبيله واتصل برقم ودة يبقي المساعد بتاعه عفيفي واول ما رد عفيفي قال فضل
وصلت ل اي معلومة جديدة
عفيفي
ولا اي معلومة حمزة دة كأن الارض انشقت وطلع منها هو و مراته وابنه وبنته وبقو جوة الفيلا دي . حتي أمن الكمبوند ما يعرفوش هما جم الفيلا دي امتي وازاي
فضل بحدة
في اية يا عفيفي هما عفاريت بيدخلو ويخرجو ما غير ما حد يشوفهم
عفيفي
يا فضل الفيلا دي بتاعت واحد اسمه منير ودة يبقي اخو حمزة الكبير وهو اللي مربي وشهرته أبو حمزة. لانه ما كانش بيعتبر حمزة اخو وبس لا دة كان بيعتبرة ابنه واتقتل أبو حمزة في الفيلا دي من سنين بعد ما كتبها باسم حمزة وفضلت مهجورة لغاية ما أمن الكمبوند امبارح بالليل سمعو صوت ضرب وخناق وبعدها اكتشو جريمة القتل البشعة دي
فضل بتريقة
لا. بجد دة اية القصة الحلوة دي. ودي بقي من تاليف مين شريف عرفة ولا محمد سامي
عفيفي
من غير تريقة دة اللي انا وصلت له
فضل
اللي انت وصلت له دة قصة فيلم هينزل في العيد. انا عايز حقيقية اللي حصل هنا يعني تشوف حد عاقل ينفع ناخد منه معلومات تفيدنا في حل لغز القضية دي. مفهوم يا عفيفي
عفيفي
حاضر يا فضل. بس اهدئة عليه
فضل
انا هادي اهو يا حبيبي شوف شغلك انت بس وبطل تسال محششين. قال فيلا مهجورة قال
وقفل فضل ودور عربيته ومشي بعد ما بص للفيلا بصة اخيرة ،،،،،،،
يتغير المشهد ونشوف حمزة قاعد لوحدة في الفيلا
و بيبص لكل ركن فيها بتركيز شديد يمكن يفتكر اي حاجة تانية وفي الوقت دة يرن جرس الباب ويقوم يفتح لكنه ما يقليش حد. استغرب وفضل يبص يمين وشمال وقبل ما يقفل عيونه جابت ورقة مرمية علي الارض وطي ومسك الورقة وكان مكتوب فيها
★بتعمل اية عندك اخرج هات حق مراتك وعيالك.
ما تبقاش جبان. روح لهم وبص في عيونهم وانت بتخلص عليهم. قبل ما هما يخلصو عليك. ولو انت فعلا ناسي فالبداية هتلاقيها في الشرابية. محل جزارة اولاد المعلم محروس★
ولقي مكتوب في اخر الورقة بالدم
★ابو حمزة★
دخل الفيلا وقفل الباب وراء منه وفضل باصص للورقة مش عارف يعمل اية. ومش فاهم هو داخل علي اية لكنه طلع الدور التاني غير هدومة وخرج من الفيلا وهو ناوي يروح الشرابية ،،،،،،،
ويتغير المشهد ونشوف فضل داخل مبني الطب الشرعي ورايح بخطوات سريعة ناحية المشرحة و دة بسبب المكالمة اللي جت له من الدكتور اللي بيشرح جثة مرات حمزة وابنه وبنته وقابل فضل الدكتور اللي اسمه همام وقال
اية يا همام مكالمتك قلبت دماغي
همام
ما هو لما تشوف اللي انا شوفته مش دماغك بس اللي هتنقلب لا. دة كل ذرة فيك هاتيجي عليها وطيها
فضل
في اية
همام
تعالي معايا
ودخلو المشرحة ووقفو قصاد جثة الام وقال همام
بص كويس كدة ناحية راس الام
بص فضل ومالحظ اي حاجة غريبة جرح دائري عميق يدل علي الذبح بطريقة بشعة فقال
مش فاهم في اية
همام لبس الجوانتي بتاعه ومسك الجرح وقال
الراس دي مش بتاعت الجثة دي. والدليل علي كدة الخياطة اللي حوالين الرقبه دا خل الطبقة الثانية من الجلد
فضل لسة مش مستوعب وقال
برضو مش فاهم عايز تقول اية
همام خلع الراس من الجثة وقال
دي راس من السليكون علي جسم حقيقي يعني راس اللي قدام مننا دي اللي هي سعاد مرات حمزة ممكن تكون لسة عايشة بس في حد قصد ان حمزة يشوفها بتذبح قصاد منه
فضل
واية اللي اكد لك ان دة مش جسم سعاد وراسها هي اللي اتاخدت واتحطت مكان منها الراس السليكون دي.
همام
لاني شرحت الجثة دي واكتشفت انها جثة انثي ماتت من يومين. يعني قبل حادث فيلا حمزة بيوم كامل
فضل
دة اية الحلاوة دي
قال فضل كدة وراح ناحية جثة الابن والابنه ورفع عنهم الملايا وقال
ودول كمان راسهم سليكون
همام
لا. دول حقيقي
فضل
يعني ولاد حمزة اذبحو فعلا لكن الام يمكن ويمكن
همام
احتمال تكون لسة عايشة.
فضل
كدة الكلام اختلف وشكلنا داخلين علي قضية معقدة مليانه اسرار ،،،،،،،