الفصل العاشر 10
بقلم محمد منصور
فين جزارة اولاد المعلم محروس
دي الجملة اللي قالها حمزة
ل قهوجي. بعد ما وصل الشرابية لكن القهوجي رد عليه وقال
استاذ حمزة. عامل اية انت فين بقالك شهر مش باين
حمزة
انت تعرفني
القهوجي
الا اعرفك يا ابن الاصول يا متربي. بس هو انت بجد مش عارف مكان محل الجزارة بتاعك
حمزة
هو محل الجزارة بتاعت اولاد محروس دة بتاعي
القهوجي استغرب وقال
مالك يا استاذ حمزة. انا كدة هقلق عليك
حمزة
معلش استحملني وجاوبني علي سؤالي. المحل دة بتاعي
القهوجي
ايوة بتاعك لانك اخر ولد من ولاد المعلم محروس. اصل الثلاثة اللي قبل منك ماتو مقتولين.،،،،،،
ابو حمزة
حكاية من ضمن احداث حكايتنا
اوراق التاروت
من تاليفي
محمد منصور
منص
وقبل ما نبدأ الحلقة نوحد الله ونصلي علي خير خلق الله سيدنا محمد. صلاة تحل بيها العقد وتفك بيها الكرب
بسم الله توكلت علي الله. وهو رب العرش العظيم
و يتغير المشهد ونشوف حمزة واقف قصاد محل الجزارة بتاعه واللي كان متبرشم بالشمع الاحمر فضل باصص للمحل يمكن يفتكر اي حاجة لكنه ما افتكرش وهنا حس بايد عيل صغير مسك ايدة بص له وقال
بابا انا جعان. بطل خوف وافتح الباب وهات لنا اكل
اتفزع لانه شاف ابنه المذبوح ورجع لوراء خطوتين تلاته وهنا لحقة راجل عجوز قبل ما يقع علي ظهره بص له حمزة وقال
لامواخذة
الراجل دة كان عم حمزة المعلم سيد اللي قال
انت رجعت يا خيخه
حمزة
خيخه
سيد
أخيب عيل في عيال اخويا محروس. واللي المفروض يجيب حقة من اللي عملو كدة في ابوه و اخواته
حمزة
انا مش عارف ولا فاكر انت بتتكلم عن اية
سيد بعد ضحك بسخرية
لا. بجد نسيت ولا عامل نفسك ناسي
حمزة
بطل اسلوبك دة وعندك اللي تقولو ليا و يساعدني في اني اجيب حقي اقول
سيد
الكلام معاك مضيعه للوقت. ارجع يا شاطر مكان من جيت وبلاش تورينا خلقتك دي تاني
ومشي سيد خطوة واحدة لكن حمزة مسك ايدة وقال
عمي انا والله ما فاكر غير اسمي واني كنت نايم
و صحيت لقيت مراتي وابني وبنتي مذبوحين
سيد
ولما انت مش فاكر زي ما بتقول جيت هنا ازاي
حمزة
لقيت ورقة مكتوبة اني لو عايز افتكر انزل الشرابية واسال علي محل جزارة اولاد محروس واللي كاتب الورقة دي حد اسمة
أبو حمزة
سيد
ابو حمزة اخوك اللي مات مقتول ولا حد تاني
حمزة
ما اعرفش دة كل اللي حصل وانا محتاج مساعدتك طالما انك عمي
سيد كان مستغرب الحكاية لكنه قال
مع اني مش مستوعب كل اللي انت بتقوله لكن علشان خاطر الدم اللي ما بينا وانك ابن الغالي. انا هساعدك
وفي الوقت دة يظهر في الشارع شاب سوابق راكب موتوسيكل كان رايح ناحية حمزة وسيد بسرعة وطلع مطواة وفتحها ولما اقرب منهم قام وقف وهو لسة سايق الموتوسيكل وذبح سيد بالمطواة والدم طرطش علي حمزة والسوابق دة داس بنزين علي الاخر و دخل في شارع جانبي و اختفي. وحمزة كان باصص لعمه اللي دمه بيتصفي ومش عارف يعمل اية ،،،،،،،،
ويتغير المشهد و احنا دلوقتي في مكتب فضل اللي كان حمزة قصاد منه و فضل بيقول
يعني انت روحت الشرابية علشان اخوك الميت بعت لك ورقة وقال لك تروح هناك
حمزة
انا ما قولتش كدة
فضل
يا عم انت عايز تجنني مش انت اللي لسة قايل ان الورقة جت لك من ابو حمزة. اخوك المقتول
حمزة
عمي هو اللي قال كدة لكن من امتي الاموات بيبعدو رسائل مكتوبه
فضل
اومال هما بيبعدو رسائل صوتيه
حمزة
حضرة المفتش انا ما بحبش اللي بيتريق عليه
فضل
وعرفت ازاي انك ما بتحبش اللي بيتريق عليك. مش المفروض انك برضو فاقد الذاكرة
حمزة
كلام حضرتك معني انك شاكك فيا
فضل
انا موجود هنا علشان اشك في اي حد لي علاقة بالقضية
وبصراحة القضية بتاعتك دي انا ما شوفتش زيها قبل كدة
هنا يتفتح باب المكتب ويدخل عفيفي مساعد فضل بص له فضل وقال
جاي بجديد
عفيفي
لقينا الموتوسيكل اللي كان راكبه المجرم اللي قتل سيد ولما راجعنه السجلات بتاعته في المرور طلع باسم
حمزة محروس شديد العربي.
وبعدها بص عفيفي ل حمزة وقال
انت. مش دة برضو اسمك الرباعي
حمزة برق و مابقاش عارف يقول اية،،،،،،