الفصل الاول 1
بقلم محمد منصور
في ليلة من ليالي القمر لما يكون مطموس الظاهرة المعروفة بين الناس بكسوف القمر. كان في خمسة ما يعرفوش بعض وفي اماكن بعيدة عن بعض. لكنهم وفي وقت واحد فتحو النت يتاعهم ودخلو علي موقع خلفيته سوداء وفي النص ورقة تبان انها ورقة كوتشينه لكن الصراحة دي ورقة من اوراق التاروت. اوراق التاروت اللي بيستخدمها المنجمين علشان يكشفو المستقبل للي بيأمنو بيهم. والخمسة داسو علي ورقة الكوتشينة دي علشان يعرفو مستقبلهم وسمعوا رساله مسجلة ومن بعدها اتقلبت حياتهم. احداث الحكاية هتكون حقيقية مع خيالية من تاليفي. فيلا نبدا حكاية
بسم الله توكلت علي الله وهو رب العرش العظيم.
مواعيد عرض الحكاية دي كل يوم الساعة 9;ص حلقة علي صفحة الحكاية مع منص
من اوضة نوم سميرة صاحبة الاربعين سنه اللي بتصحي الساعة 9 علشان تلاقي جنب منها ورقة من اوراق التاروت ورقة قد كف الايد مصنوعه من جلد الثعبان الاسود. وكان مرسوم علي ظهر الورقة صورة سميرة مسكت سميرة الورقة باستغراب شديد وبعدها قلبتها و لقيت كلمة **مرض** وتحت كلمة مرض مكتوب **طلاق** وتحت كلمة طلاق
**اختك مرات جوزك**
وفي الاخر مكتوب دة مستقبلك
رميت سميرة الورقة علي الارض وقالت
اية التخريف دة والورقة دي جت جنب مني ازاي. معقوله يكون جوزي سند. بس سند ملهوش في الهزار دة. بس مين غيره يعرف يدخل الاوضة ويحط لي الورقة دي
وقامت سميرة من فوق السرير وراحت ناحية باب اوضتها وندهت وقالت
سند. انت فين رد عليا
وفتحت الباب شافت جوزها في احضان اختها هاله. وبعدها الدنيا لفت بيها وقبل ما تقول اي كلمة وقعت من طولها علي الارض.،،،،،،،،
هنسيب سميرة بس هنرجع تاني بتفاصيل اكتر. وتعالو دلوقتي نشوف حمزة اللي عنده 40 سنة ونايم في اوضة علي سرير جوة فيلا بيصحي من نومه الساعة 9.15. و بيلاقي جنب منه ورقة من اوراق التاروت عليها صورته مسك الورقة وبص فيها وهو مستغرب وبص للناحية التانية ولقي مكتوب عليها
**دم الفراق غالي **
وتحت الجملة دي مكتوب
**اللي عايش ما يعرفش هو مين. لكن الميت عارف مين عمل فيهم كدة **
وتحت الجملة دي مكتوب
** ابو حمزة **
استغرب حمزة من اللي قراءة ومع استغربو دة شاف دم بيجري علي الارض وجاي من تحت عقب باب الاوضة قام بسرعة من فوق السرير وراح ناحية الباب وفتح الباب وشاف مراته وابنه وبنته مذبوحين وجثثهم علي الارض وقصاد منهم واقف واحد ماسك سكينه بتنقط دم فقال حمزة
انت طيب ازاي. ولية عملت كدة
الشخص دة بص له وقال بمنتهي الجحود
اسال اللي مات. عن اللي عملو فيك المقتول. ودلوقتي اقع يا حمزة واصحي ناسي كل اللي انت شوفته.
وفعلا حمزة حس بتقل شديد في دماغة لانه واخد حقنه بنج. ووقع من طوله وسط الدم مغمي عليه، ،،،،،،،،
ونسيب حمزة دلوقتي ونروح ل ثالث واحدة دخلت علي الموقع ودي تبقي الممثلة المشهورة والمعروفة نرمين الدسوقي. اللي صحيت من النوم 9.30 علشان تلاقي جنب منها ورقة التاروت اياها واللي عليها صورتها لكن نرمين ما استغربتش وقالت
بسرعه كدة الورقة جت. اما اقلب الورقة واعرف مستقبلي في اية
وقلبت الورقة و كان مكتوب
*سرطان الدم مش بيرحم*
وتحت الجملة دي مكتوب
*اللي انتي سبتي هو اللي عنده علاجك. لكن اللي معاكي مش عايز الا هلاكك*
وتحت الجملة دي مكتوب
*فتشي في الماضي واهربي من الحاضر. وشعرك اكبر دليل علي مرضك *
رميت الورقة وقالت
اظاهر اني اديت للموقع دة اكبر من حقة. كلام فارغ
وقامت بمنتهي النشاط من فوق السرير ووقفت قصاد المرايا وقالت باستهزاء
مالو شعري ما انا زي القمر اهو وشعري مش علي حد
ومسكت المشط وبدات تسرح شعرها اللي كان اجمل حاجة فيها. لكنها لقيت شعرها بيقع بشكل مبالغ في ووراء منه نقط دم وكان كل شعريا اتقطعت عورتها في دماغها. صرخت والدم بينزل من راسها وفضلت تصرخ وهي مرعوبه، ،،،،،،،
ونسيب نرمين دلوقتي ونروح ل خالد صاحب الثلاثين سنه رابع واحد دخل الموقع اللي صحي من نومة زية زي اللي قبله ومسك الورقة بتاعته وقال
في حب الشيطان انت جاهز لمعرفه مستقبلي. ومهما كان هو اية انا اتحدي انه يتحقق
وقلب الورق وكان مكتوب
**من النور للظلمة. ومن الظلمة للنور. انت اخترت التحدي والشيطان جاهز ليك بهدية عيد ميلادك **
وكان مكتوب تحت الجملة دي
**لو الباب خبط اوعي تفتح والا العقاب هيكون غير محتمل **
وتحت الجملة دي مكتوب
**العقاب عذاب والعذاب رحمة من عقاب اصعب**
وهنا سمع خبط علي باب الشقة اللي هو عايش فيها بيخبط فقال
الهدية وصلت.
لكنه بص في الورقة تاني وقراءة.
لو الباب خبط اوعي تفتح
لكنه ضحك وقال باستهزاء
مين يقدر ياذيني. انا ضد الكل
وراح وفتح باب الشقة وهنا، ،،،،
هنسيب خالد دلوقتي وهنبقي نرجع له بعدين وهنروح ل اخر واحدة دخلت علي الموقع في ليلة القمر المطموس و دي تبقي اسيا اللي كل ما تخلف عيل يموت لكنها قررت تشوف مستقبلها وتعرف هتقدر تخلف تاني واللي جاي هيعيش ولا. لا وصحيت وشافت الورقة بتاعتها وكان مكتوب فيها
**بحيرة الابيض. فيها الشفاء
ومكتوب تحت الجملة دي
**سمكة بعيون انسان بتعوم ضد الموج. معاها ابنك هيعيش **
ومكتوب تحت الجملة دي
**روحي وقت النجاسة وانتي هتلاقي الشفاء**
وهنا تلاقي مية خارجة من تحت سريرها مية كتير بدات تترفع ل فوق وهي وسطها وبدات تغرق لكن، ،،،،،