الفصل الثاني 2
بقلم محمد منصور
انا شوفتك يا اختي يا كبيرة بعيوني وانتي في احضان جوزي
دي الجملة اللي قالتها سميرة وهي قاعدة علي سريرها
ل اختها هاله اللي كانت قاعدة قصاد منها لكن علي كرسي بعجل. لان هاله مشلولة فقالت هاله
دة كان كابوس يا حبيبتي مش اكتر من كدة
سميرة
لا ما كنش كابوس انا متاكدة اني كنت صاحية
هاله بصوت حزين
يعني انا يوم ما اقف علي رجلي اقف علشان اخونك. ياخسارة يا سميرة ما كنتش افتكر انك شايفني كدة
ولفت هاله الكرسي بايدها وسميرة بتنادي عليها لكن هاله ما بتردش وخرجت من الاوضة ،،،،،،
النهاردة هحكي لكم حكاية
كابوس سميرة
من ضمن احداث حكاية
اوراق التاروت
من تاليفي
محمد منصور
منص
وقبل ما نبدأ الحلقة نوحد الله ونصلي علي خير خلق الله سيدنا محمد. صلاة تحل بيها العقد وتفك بيها الكرب
بسم الله توكلت علي الله. وهو رب العرش العظيم
تعالو بس نرجع بالاحداث
ل كام شهر وراء لما سميرة تصحي من النوم علي صوت موبيلها بيرن فرديت وقالت
الو
صوت غريب
ليك اخت اسمها هاله
القلق اتسرب لقلب سميرة وقالت
ملها سميرة،،،،،،،،
ويتغير المشهد ونشوف سميرة داخلة مستشفي جري ووراء منها جوزها سند وكان بتقول
مد يا سند
سند اللي كان بيجري حرفيا قال
انا بجري يا سميرة امد اية بس لية بس المرمطة دي
سميرة اللي كانت لسة بتمد قالت
اختي هاله عملت حادثة ودخلت الرعاية وتقولي لية بس المرمطة دي.
سند
ما اللي كلمك طمئنك وقال لك حالتها مستقرة لكن جوزها هو اللي مات
سميرة
مش هطمئن الا لما اشوفها بعنية
وبدات سميرة تسال كل اللي يقابلها في المستشفي عن اوضة الرعاية المركزة لغاية ما وصلت وهنا الدكتور المتابع للحاله وقف قصاد منهم وقال
احنا عملنا كل اللي نقدر عليه لكن مع الاسف الزوج مات واختك هتعيش بقيت حياتها مشلولة
صرخت سميرة و سند خدها في حضنه وقال للدكتور
للدرجة دي الحادثة كانت شديدة
الدكتور
اشد مما تتخيل دة كويس انها لسة عايشة. ،،،،،،،،،
وتعدي الايام وتخرج هاله من المستشفي علي كرسي بعجل وتروح بيتها وكانت سميرة في خدمتها اسبوع بحاله لغاية ما سند كلمها في الموبيل وقال
وبعدهالك يا سميرة هتفضلي عند اختك العمر كله
و سيباني لوحدي في الشقة
سميرة
اعمل اية بس يا سند ما انا مش هينفع امشي و اسيب اختي لوحدها.
سند بعصبية
يعني ما ينفعش تمشي وتسيبي اختك لكن عادي اولع انا
سميرة
خلاص يا سند جاية النهاردة
وقفلت سميرة وسمعت صوت اختها هاله بتنادي عليها وبتقول
سميرة عايزا اشرب
جابت سميرة مية و دخلت
ل هاله واديتها المية وشربت هاله وحطيت المية جنب منها وبصت لها ولحظت انها شايلة الهم فقالت هاله
قومي روحي يا سميرة لجوزك انا هبقي كويسة
سميرة
هاله مش عايزاكي تزعلي مني لكني والله انا مش عارفة اعمل اية
هاله
هاتي وتعالي اقعدي معايا الشقة كبيرة و هتاخدنا كلنا
سميرة
م انا قولت ل سند وهو مارضيش
هاله
يبقي خلاص قومي روحي وبلاش تحصل مشكلة بينك وبين جوزك بسببي
لكن هنا جرس الباب رن وقالت هاله
لو حد من العيلة انا مش قادرة اشوف حد. اللي يسال عليه قولهم نايمة
سميرة قامت وقفت وقالت
انا هشوف مين وهقوم مع بالواجب واقول لهم انك واخدة العلاج ونايمة
وراحت سميرة وفتحت الباب ولقيت مفتش مباحث دة كان صاحب ثروت جوزها ومفتش المباحث دة اسمه حسن. اللي بصت ل سميرة وقالت
انت مين
حسن
انتي سميرة اخت هاله الصغيرة مش كدة
سميرة
ايوة انا. ممكن اعرف انت مين
حسن
انتي ما تعرفنيش لكن هاله تعرفني وانا كنت محتاج اكلمها ضروري
سميرة
بس هاله نايمة
حسن
صحيها وقولها حسن برة
سميرة وهي مضايقة منه
نايمة تعبانه
حسن بوش ملامحه ميته
برضو صحيها
سميرة استغربت طريقته لكن ما بقاش قدام منها غير انها تدخل لهاله ودخلت ل هاله وقالت لها اللي حصل برة لكن رد فعل هاله خلي سميرة تستغرب لان هاله قالت
ساعديني بسرعة وقعديني علي الكرسي خليني اشوفه
سميرة
مش انتي قولتي انك تعبانه ومش عايزا ت،،،،،،،
هاله اللي كانت بتحاول تقوم قاطعتها وقالت
ما فيش وقت للرغي ساعديني
وفعلا ساعدتها وخرجت هاله ل حسن اللي كان لسة واقف علي الباب وقالت
تعالي يا حسن
ودخل حسن وقعدو الاثنين في الانترية وقالت هاله لسميرة
سيبنا لوحدنا
سميرة
لية
هاله
مش كنتي عايزا تروحي
ل جوزك يلا روحي
سميرة بصت لها باستغراب شديد وقالت
واسيبك لوحدك مع حد غريب
هاله
ماتخافيش في حالتي دي مش هينفع الشيطان يكون تالتنا
سميرة
انا ما قصدش كدة ان،،،،،،
قاطعتها هاله تاني وقالت
اسمعي الكلام يا سميرة وامشي
سميرة ما قدرتش وانفجرت وقالت
هو مين دة اللي انت عايزاني امشي اول ما هو جه
هاله بعصبية
قولت لك امشي و مالكيش دعوي بيا.
سميرة كانت مصدومة من كلام اختها لكنها دخلت الاوضة اللي كانت بتنام فيها علشان تلم هدومها اللي جت بيها وقت ما حسن كان بيقول ل هاله
جيتي عليها اوي
هاله
دة لمصلحتها. و قولي اللي عندك
حسن
العربية بتاعتكم حد خرب الفرامل بتاعتها بالقصد علشان تموتو انتو الاثنين
هاله
انا كان قلبي حاسس انها كانت مدبرا. لان ثروت قبل ما يموت كان لسة عامل صيانه للعربية. يبقي ازاي الفرامل تفوت بالشكل دة. ولسة الحكومة ما عرفتش مين اللي عمل كدة
قبل ما يرد حسن باب الاوضة اتفتح وخرجت سميرة وعلي كتفها شنطتها وبصت ل هاله وقالت
خلي ينفعك
ومشيت سميرة وهاله ما علقتش وبصت لحسن وقالت
كمل كلامك سيبك منها
حسن
كنت هقول ان التحريات لسة شغاله لكن قريب اوي هنعرف مين عمل كدة
هاله
من غير تحريات انا عارفه مين اللي عمل كدة
حسن
مين يا هاله
هاله
بعدين هقول لك
حسن
هاله ثروت ماكنش صاحبي وبس دة كان اخ ليا واللي حصل له دة انا مش هسكت عليه
هاله
ولا انا هسكت بس اتاكد الاول وبعدها هقول لك مين عمل كدة،،،،،،،،
ويتغير المشهد ونشوف سميرة واقفة قصاد سند اللي كان بيقول لها
يعني بعد كل اللي عملتي ليها طردتك علشان تبقي علي راحتها مع عشيقها
سميرة
سند لم لسانك انا اختي مش زباله ولا رخيصة
سند بتريقة
ايوة ما انا عارف. دي بس بتاعت حسن
سميرة
يووووووو. انا غلطانه اني حكيت لك لاني عارفه قد اية انت بتكرها
سند
واحبها لية وهي كانت رافضة جوازنا
سميرة
طيب خلاص يا سند. كفاية نبش في اللي فات. انا داخلة انام، ،،،،،،
ودخلت نامت سميرة علشان تحلم بشقتها بتولع صرخت باعلي صوتها و صحيت من النوم ولقيت سند جنب منها مفزوع و بيقول
احنا مش هنخلص من كوابيسك دي بقي
سميرة اللي كانت بتاخد نفسها بصعوبه
يعني دة بمزاجي يا سند دة،،،
لكنها تشم ريحة شياط فتقول
سند شامم ريحة الشياط
سند
سميرة انا عايز انام. علشان عندي شغل بكرة
وفعلا حط دماغة علي المخدة لكن سميرة لقيت ان ريحة الشياط بتزيد فقامت وفتحت باب اوضة النوم علشان تلاقي فعلا الشقة بتولع فصرخت باعلي صوت عندها. والنار بتاكل كل حتة في الشقة، ،،،،،،،،،