رواية حكاية مريم
الفصل العاشر 10
بقلم محمد منصور
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن علي احدي القهواي يجلس هاشم وجنزير. وهاشم بيقول لجنزير
واخرتها اية عدي شهر وانت لسه ماعملتش اي حاجه وسايب فتحية عايشة حياتها
جنزير
ما انا قولت لك الصبر عايزها تطمن خالص يمكن لما تطمن وتحس اننا بعدنا عنها تطلع فلوسها اللي مخبيئها وناخدها علي الجاهز
هاشم
ولغاية امتي هانفضل مستنين كدة
جنزير
انا مراقب فتحية وبعد عليها كل انفاسها ولو ماوصلتش لحاجه. هروح ل حمديه
هاشم باستغراب
مين حمدية دي
جنزير
دي تبقي عمه رضوي. اخت المرحوم ذكي العترة جوز فتحية الاولاني وابوة رضوي
هاشم
ودي هاتعمل اية لفتحية
جنزير
دي اللي فتحية بتعمل لها الف حساب. وتخاف لو حمدية تعرف طريقها.
هاشم
اشمعني
جنزير
عشان حمديه معها حكم محكمه قديم بضم رضوي لحضانتها وهي اللي تبقي مسئوله عن تربيتها. لانها قدمت في المحكمه ما يثبت ان فتحية رقاصه وسلوكها مشبوهه وماتنفعش تكون ام. وعشان كدة المحكمه حكمت ليها بضم البت لحضانتها. ولكن فتحية هربت برضوي ومانفذتش حكم المحكمه وجيت الكبارية عندي وحاميتها من حمدية وطلعت لها شهادة ميلاد مزورة تثبت ان رضوي بنتي انا. لكن دلوقتي فتحية بقيت مربم يبقي من حق حمدية تاخد البت وضمها لحضانتها. وماتقدرش فتحية تفتح بوقها. لان بالاوراق الرسميه هي مش ام رضوي
هاشم
يا ابن الصايع. طيب واحنا هنستفاد اية لما حمدية تاخد رضوي
جنزير وهو يضحك
هاظهر لفتحية واقولها عايزا بنتك ترجع لك. أطلعي بفلوسك. وتطلع الملايين اللي مخبيئها. ويبقي حلال علية وعليك وزي ماحضرت حمدية اللي نفسها تنفذ وصية اخوها وتربي بنته بعيد عن فتحية. هاعرف ازاي اخفيها وهارجع بنت فتحية لحضنها.
هاشم
هو دة الكلام. وساكت من بدري.
جنزير
ما انا بقول لك كل حاجه وليها وقتها.
هاشم
وانت تعرف عنوان حمدية دة
جنزير
عارفه وبس. دة انا متربي هناك في المنطقة بتاعتها
هاشم
طيب ما تقولي هي فين
فتتغير ملامح وجه جنزير وينظر لهاشم بغضب ويقول
لية. ناوي تروح لها
هاشم خائفا
لا. خالص انا اقدر اروح مشوار زي دة من غيرك
فيقترب منه جنزير وينظر له بشدة ويقول
عارف يا روح امك لو ناوي علي الغدر. هاخليك تحصل اصحابك. ولا نسيتهم
هاشم بخوف اكثر
لا لا. خالص. انا أغدر بيك انت برضو
ويسمعوا الاثنين صوت رجل يتكلم مع رجل اخر ويقول
فضل يرجع دم وكان بيموت.
الرجل الاخر
أمتي حصل للشيخ حسان الكلام دة
الرجل الاول
قبل ما بنته تكتب كتابها بدقايق والناس خدوا وراحو بي علي المستشفي العام. والدم مغرق هدومه
فينظر جنزير الي هاشم ويقول
سمعت اللي انا سمعته
هاشم
واحنا مالنا. ان شاء الله يموت حتي.
جنزير
مالنا ازاي. حسان تعبان ولو عندة مرض خطير مين اللي هايصرف علي علاجه
هاشم
مين؟ ؟
جنزير
فتحية. وطالما هاتصرف يعني الفلوس هاتظهر وساعتها يبقي جيت لغايه عندنا وعلي حجرنا. وننسي حوار حمدية ده خالص
هاشم
انت ناوي علي اية
جنزير وهو يضحك
هاجيب موز واروح ازور حسان. واعرف اية اللي عندة عشان اقوم بالواجب
ويضحك هاشم وجنزير ضحكه تفوح منها رائحة الشر والخبث، ،،،،،،،،،،
وبعدها بكام ساعه ومن داخل احدي المستشفيات يجلس حسان ومعه عماد خطيب بنته قدام الدكتور اللي كشف علي حسان وعمل له تحاليل واشعة وبعد ما نظر الدكتور في التحاليل والاشعة بص لحسان وقال له.
بص يا شيخ حسان انت عندك التهابات في جدار المعدة وهي دي كانت السبب الرئيسي في النزيف اللي حصل لك لكن واحنا بنعمل تحليل الدم ظهر لينا
ثم ينظر الدكتور الي عماد وينظر لحسان مرة اخري ويقول
ممكن أتكلم معاك لوحدينا
فينظر حسان الي عماد ثم ينظر الي الدكتور ويقول
خير يا دكتور. اية اللي ظهر عندي في الدم
الدكتور
ياريت اتكلم معاك لوحدينا. عشان الموضوع دة حساس شوية
حسان
عماد ده زي ابني. وأي كان المرض اللي عندي انا راضي بقضاء ربنا وامرة
عماد
الدكتور. بلاش تقلقنا اكتر من كدة عمي عندة اية
الدكتور لحسان
يستحسن أني اقول لك لوحدك وبعد كدة انت حر في التصرف
عماد بحدة
انت لية مش عايز تتكلم. اية اللي عند عمي
حسان لعماد
خلاص يا عماد. يا ابني اخرج انت دلوقتي
فينظر عماد للدكتور باستغراب وبعد ما يخرج عماد ينظر الدكتور لحسان ويقول له
المرض اللي عندك مرض حساس شوية وما أظنيش ان لازم حد يعرف اللي عندك
حسان بقلق
يا دكتور اقول الله يرضي عنك اعصابي باظت
الدكتور
شيخ حسان مراتك لسة عايشة
حسان
اة.
الدكتور
طيب انت ليك اي علاقات نسائية مش
ويسكت الدكتور من الاحراج فيقول حسان والقلق مرسوم علي ملامحه
مش أية.
الدكتور
مش حلال.
حسان بضيق
أستغفر الله العظيم. انا راجل حافظ لكتاب الله. ازاي بس اعمل حاجه تغضب ربنا
الدكتور
يا شيخ أهدئة. انت باين عليك فعلا انسان مهذب ومتربي. ومتدين. بس انت اتنقل ليك فيرس HSV وده بيتنقل عن طريق علاقة جنسية بين راجل وست تحمل الفيرس دة.
حسان وهو مش مستوعب
بالراحه علية يا دكتور انا راجل فهمي علي قدي
الدكتور
يعني انت اقمت علاقة جنسية مع ست مصابة بالفيرس دة ونقلت ليك العدوي
فيصدم حسان مما يسمعه ويقول
تقصد أن مراتي عندها الفيرس دة
الدكتور باحراج
مع الاسف. اة
حسان
ودة بيجي للستات بسبب،،،،،،
ويسكت حسان مش قادر يكمل الجمله فيقول الدكتور مكملا كلام حسان
بسبب علاقة غير شرعية
حسان
والفيرس دة بقاله قد اية في جسمي
الدكتور
ماقدرش احدد لك بالظبط. بس هو عمر الفيرس بيترواح من شهر لثلث شهور علي الاكتر. والحمد لله ان الفيرس عندك في مراحله الاولي ولولا التهابات المعدة اللي جيت لك وخليتك تيجي المستشفي ويتعمل لك تحليل واشعة. كان زمان الفيرس اتمكن من جسمك وضرب جهاز المناعه بتاعك. وكان هايبقي السبب في موتك
حسان
للدرجه دي الفيرس دة خطير
الدكتور
مع الاسف فيرس خطير ومعدي ولو ما تمش علاجة بيسبب الوفاة.
حسان
طيب واية العمل يا دكتور
الدكتور
هاكتب لك علي مضادات حيوية شديدة شوية تساعد جهاز المناعه بتاعك علي انه يقضي علي الفيرس ولازم تجيب لي مراتك عشان تعمل تحاليل ونشوف الفيرس عندها في اني مرحلة عشان تبدأ العلاج
حسان بتردد
بس يا دكتور أنا متجوز أتنين
الدكتور
هما الاتنين لازم يجيو،،،،،،،،،،،
ومن داخل معمل التحاليل يقف جنزير ومعه هاشم ويخرج جنزير مبلغ من المال ويعطي للممرض اللي واقف في بنك الدم الخاص بالمستشفي ويسأله جنزير عن المرض اللي عند حسان ويخبرة الممرض بكل شي تخص مرضه وينصرف جنزير ومعه هاشم ويقول هاشم لجنزير
كدة بقي. لازم نضرب علي الحديد وهو سخن.
جنزير ضاحكا
طبعا ونخلي فضيحة الشيخ ونسوانه سيرة علي كل لسان
مش بقول لك بالصبر هانوصل لكل حاجه احنا عايزنها. واهي جيت لغاية عندنا
هاشم
ازاي بس
جنزير
انت غبي ودماغك مش شغاله خالص. حسان دلوقتي عامل زي المجنون وبيفكر مين من نسوانه السبب في نقل العدوي دي لي.
هاشم
اكيد.
جنزير
يبقي احنا لازم نساعدة ونعرفة أن فتحية هي السبب في العدوي دي. وانها لسه خاطية وعلي علاقة برجاله كتير والفضيحة اللي هاتحصل لازم تليق بتوحه
هاشم
وساعتها يطلقها ويرميها في الشارع
جنزير
مش كدة وبس. ده لازم اهل المنطقة كلها يعرفوا انها عندها مرض معدي ويتعلموا معها زي الكلبه الجربانه وتترمي برة المنطقة رميت الكلاب
هاشم
هو دة الكلام. بس ازاي بقي نخلي حسان يصدق ان فتحية عندها العدوي
جنزير
هاتعرف بس الاول نروح مشوار لغاية القلعه. وهناك هاتفهم كل حاجه. وسلم لي علي نفسك يا توحة يا طاهرة،،،،،،،،
وبعدها بساعه. ومن احدي حواري القلعة يقف جنزير وهاشم ومعهم شاب نحيف يدعي الديزل وهو حرامي وسوابق وجنزير كان يقول للديزل
خلاص فهمت.
الديزل
الا فهمت ادخل الشقة من غير ما حد يحس بيا وأستني مكالمه منك وأنا قالع هدومي وافتح الباب بشويش واول ما شوف جوز فتحية طالع علي السلم اجري بسرعه وانا خارج من الشقة قال يعني كنت مع فتحية
جنزير
اصلي. بس المهم حسان يشوفك وانت خارج من شقته
الديزل
فهمت يا جنزير.
جنزير
والاهم. اوعي يمسكك
الديزل
يمسك مين دة انا الديزل
هاشم
واوعي فتحية تحس انك في الشقة معاها
الديزل
تمام. ولا تقلقه،،،،،،،،،
وبعديها بكام ساعة ومن داخل العمارة اللي فيها شقة حسان وفتحية. يدخل حسان الي العمارة وقبل ما يوصل الي شقتة يفتح باب الشقة ويخرج الديزل من الشقة وهو شبة عاري ويرتدي ملابسة وهو بيجري علي السلم ورغم محاولات الشيخ حسان الامساك بالديزل ولكنه كان سريع جدا وخرج من العمارة بسرعه رهيبة فدخل حسان الي الشقة غاضبا وثائر جدا. وأغلق الباب خلف منه بانفعال شديد واتجة الي حجرة النوم فوجد فتحية ساجدة علي المصلية وتصلي فيتجة ناحيتها وهو الغضب عامي. ويقول وهو يسحبها من حجابها
لا والله. وبتعملي نفسك بتصلي كمان يا زباله
فتنظر له فتحية وهي تصرخ من الوجع وتقول له
حسان في اية. مالك
حسان
مش عارفه مالي. بسبب النجاسه بتاعتك جالي الفيرس اللي هايجيب اجلي
فتحية بدهشة
فيرس اية. بس انا مش فاهمه حاجه
حسان وهو يضربها بالقلم
مين الزباله اللي كان عندك دة. وشكلكم اول ما عرفتوا أني جاي هربتي وقولتي اعمل نفسي بصلي
ويضربها مرة اخري بالقلم
ماهو انا عبيط وبيخش علية الشيويتين دول
فتحية وهي تبكي وتمسك خدها
هو مين دة اللي كان عندي. انا والله كنت بصلي
حسان
بتصلي. أومال اللي خارج من الشقة عندك دة وهو عريان يبقي مين
فتحية وهي تبكي بدل الدموع دم
والله،،،،،
ولكن حسان يضربها بالقلم بمنتهي العنف ويقول
ما تجيبيش سيرة ربنا علي لسانك يا اوسخ خلقة. وانا اللي وهبتك اسم مريم عشان افتكرت زيها لكن ازاي واحدة رقاصة زيك تكون زي مريم.
فتحية
انا بقيت مريم مش الرقاصة اللي بتتكلم عنها
حسان بعصبية
مريم اشرف واطهر منك يا وسخة.
ويضربها مرة اخري وهو يقول
يا وسخة. انا ازاي صدقتك.
ويسحبها من شعرها ويتجة بها الي باب الشقة وهو يقول
غوري. انتي طالق. والمرض اللي جالي بسببك واللي كان ممكن يموتني انا هاطردة من جسمي. صحيح عمر الوسخ ما ينظف يا رقاصة
فتحية وهي تبعد يده عنها وتقف امامه وتقول
انا من حقي أدافع عن نفسي ان كنت رقاصة وماضحكتش عليك وتوبت ورجعت لربنا وبقيت مريم رضوان. اللي اي حد يتشرف بيها. وكون أن انت بتقول مرض ومش مرض من حقي افهم. مرض اية ده اللي انت بتتكلم عنه.
حسان
عايزا تعرفي هاقول لك
وحكي ليها حسان ما قاله الدكتور فقالت فتحية وهي تبكي
وانت طبعا شاكك اني انا السبب في المرض اللي جالك
حسان
ومين غيرك. تشيل مرض نجس زي دة
فتحية
لية ماتكنش مراتك سميرة هي اللي نقلت لك العدوي
حسان
مراتي سميرة ظفرها برقبة عشرة من عينتك مستحيل تكون خاينه ورخيصة زيك
فتحية وهي حزينه مما تسمعه وتقول
وانا اللي ينفع اكون خاينه ورخيصة صح. عشان كنت رقاصة
فيسكت حسان وهي تقول والدموع تجري علي خدها كالماء الساخن يسلخ وجهها من الوجع. وتقول
مش مصدقة. انت ياحسان اللي تصدق أني اكون كدة. انت ياللي اديتني اسم اغلي بني ادمه في حياتك. أنت اللي خليت فتحية تبقي مريم
حسان
كنت غلطان يوم ما خليت فتحية. مريم
فتحية
انت فعلا غلطان. لانك جرحت مريم اللي جوايا واللي بقيت أنا وهي واحد . وكلامك ده. يخص شرف مريم مش شرف فتحية وقولت لك قبل كدة فتحية ملهاش شرف تخاف علية لكن شرف مريم خط احمر. ومش هاسكت الا لما اجيب حق مريم. واثبت لك انك غلطان وان فتحية تستاهل تكون مريم. واشرف من مراتك
وتنظر له من فوق لتحت ثم تنظر لفوق وتقول
انت الوحيد اللي عارف اني توبت ورجعت لك وقصد بابك وكل الابواب اتقفلت في وشي لكن يفضل بابك ديما مفتوح. أظهر الحق يا ملك يا حق. يارب خد حقي من الظالم
وتبكي وتخرج من الشقة وحسان ينظر لها وهو حزين مما حدث، ،،،،،،،،،