الفصل الرابع عشر 14
بقلم محمد منصور
انا اللي عملت فيهم كدة لكن مش هتقدر تثبت اني عملتها لان الدم اللي علي هدومي دليل برائتي
دة اللي قاله حمزة ل مفتش المباحث فضل لما كان قاعد قصاد منه في المستشفي وفضل قال
ومين اللي بيكلمني دلوقتي حمزة. ولا ابو حمزة
حمزة
هو مين قال ان في ابو حمزة
انا حمزة المجرم الطيب
وضحك حمزة. باعلي صوت عنده،،،،،
ابو حمزة.
الحلقة الاخيرة
ودي حكاية من ضمن احداث حكايتنا.
اوراق التاروت
من تاليفي
محمد منصور
منص
وقبل ما نبدأ الحلقة نوحد الله ونصلي علي خير خلق الله سيدنا محمد. صلاة تحل بيها العقد وتفك بيها الكرب
بسم الله توكلت علي الله. وهو رب العرش العظيم
علشان نعرف اية اللي وصلنا للمشهد دة لازم نرجع بالاحداث شوية. ودة يوم ما فضل كان نايم في اوضة وقت ما رن موبيلة فمسك الموبيل وقال
الو
صوت حمزة
عارف اني صحيتك من النوم لكن انا عملت كدة علشان اريح بالك و اوصلك للي انت بدور عليهم
فضل
تقصد مين
حمزة
حسن تهامي وسند اخو
فضل
وانت تعرف هما فين
حمزة
افتح النت هتلاقي رساله علي الواتس فيها العنوان.
وقفل حمزة مع ان فضل كان لسة هيتكلم لكن فضل فتح النت ووصلت الرساله، ،،،،،
ويتغير المشهد وبعد استلام فضل لرساله حمزة بكام ساعة نشوف فضل واقف فوق الحفرة اللي كان مدفون فيها حسن وسند اخو.
و رجاله المباحث بيطلعو الجثتين من الحفرة و عفيفي واقف جنب فضل وكان بيقول
تفتكر حمزة هو اللي عمل فيهم كدة
فضل
هيعملها ازاي وهو في المستشفي وتحت المراقبة.
عفيفي
اومال عرف ازاي انهم مدفونين هنا.
لسة هيرد فضل رن موبيله فطلع الموبيل من جيبة وقال
الو.
صوت حمزة
جنب الحفرة دي يمين شوية احفر علشان تطلع كمان جثتين. ل اختين ودول يبقو بنات عمك ضرغام. سميرة وهاله.
فضل
انا ماليش عم اسمه ضرغام
حمزة
ليك بس انت ما تعرفش. طلعهم بالمرة و ادفنهم في مدافن العيلة تكسب ثواب
وقفل حمزة. اتحرك فضل وراح يمين الحفرة وقال للرجاله اللي كانو مع
وهنحفر هنا كمان يا رجاله
عفيفي
في اية هنا
فضل
جثتين تاني
وبدا الحفر وطلعو جثتين هاله وسميرة. بص لهم فضل باستغراب شديد وهنا عفيفي قال
مين اللي قتل دول كمان
فضل
الاربع جثث دول يروحو المشرحة والطب الشرعي يشوف شغله والتقرير يكون عندي في اقرب وقت
وسابه فضل وراح ناحية العربية بتاعته وعفيفي قال
رايح فين انت دلوقتي
فضل ما ردتش وركب عربيته واتحرك بيها بمنتهي السرعة،،
و يتغير المشهد ونشوف فضل بينزل من العربيه بتاعته و بيدخل مستشفي الامراض النفسية و بيجري وهو قاصد الاوضة المحجوز فيها حمزة ووصل للاوضة والعسكري اللي كان بيحرسها شافو كدة قام وقف وقال
خير يا فندم
فضل
لو عرفت ان حمزة خرج من الاوضة دي ولو ل دقيقة هخرب بيتك
العسكري
حمزة واخد العلاج و نايم بقالو 6 ساعات
فضل
دة انت اللي نايم. اوعي من وشي
وفتح باب الاوضة ودخل لقي حمزة قاعد علي السرير و ايدية جوة عباية بيضاء بيلبسها المجانين و مربوط استغرب فضل ازاي ايده مربوطة كدة وقدر يتكلم في الموبيل. فقال له حمزة
طلعت جثتين بنات عمك
فضل بص للعسكري وقال
مش عايز حد يدخل علينا حتي لو الدكتور اللي بيعالجة
وقفل الباب وسحب كرسي وراح قعد قصاد حمزة بالظبط وبص في عيونه وقال
انت اية حكايتك بقي
حمزة
اني حكاية فيهم حكاية حمزة المهندس اللي اتجوز اللي بيحبها و عاش بعيد عن عيلته اللي عبارة عن عصابة بتاجر في المخدرات متهربة جوة لحوم البهايم. ولا حمزة
المجرم اللي قتل اخو الكبير اللي رباة.
الجملة دي صدمت فضل اللي قال
انت اللي قتلت اخوك منير
حمزة
مش منير وبس انا قتلت اخواتي التلاته. ومنير كان اخرهم
فضل
ولية عملت كدة
حمزة
هما اللي بداو و اذوني في اكل عيشي وحرقو مكتبي وكل دة لية علشان رفض اكون زيهم و طلعو وسط العيلة عليه اسم الخيخة. الجبان. ما هو في قانون عيلة ولاد محروس اللي يحب يعيش شريف يبقي جبان و خيخة. علشان كدة خطط ل ازاي اخلص منهم
وقتلت جوة واحد منهم في بيته وعلي سريرة ما هما كانو بيفتحو لي ابوابهم وهما عارفين و متاكدين اني مستحيل أذيهم لكنهم ما كانوش يعرفو اني ملك الموت اللي بقيت متسخر. علشان اخد ارواحهم بايدي.
فضل
دة مجنون بجد
حمزة اتعصب وقال
هما اللي خلوني كدة. وكانو ديما يقولو ل بعض يا اما ابقي زيهم يا اما يجننوني
و يحرموني من عيالي ومراتي. اللي كسروني قدام منهم و جوعنا و خوفوني اخرج ل ارجع مالقيش حد منهم
فضل
واية حكاية الفيلا بتاعت اخوك منير اللي امن الكمبوند قالو انها مهجورة من بعد موته. كنت ازاي بتقدر تدخل وتخرج
حمزة
تحت الفيلا دي سرداب موصل تلت فيلل ببعض وعن طريق السرداب دة واللي كانو في اخواتي بيحقنو لحم البهايم بالمخدرات. تقدر تكون في اي فيلا والتانية تبان مهجورة
فضل
وازاي كمبوند زي دة في سرداب من غير ما صاحب الكمبوند يعرف
حمزة
الكمبوند دة بتاع ابويا المعلم محروس لكنه متسجل في الاوراق الرسمية باسم الباشا عبده. رجل الاعمال المشهور
فضل
دي حكاية اغرب من الخيال
حمزة
الاغرب من كدة ان موت اخويا منير كسرني و ما بقتش قادر اعيش من غيره ما انا كنت بحبه اوي ودة سبب حاله الانفصام اللي حصلت لي وبقيت عايش حمزة وابو حمزة.
فضل
يعني الورق اللي كان بيتبعت لك وبتلاقي في طريقك
حمزة
انا اللي كاتبه ل نفسي علشان افتكر انا مين بعد فقدان الذاكرة الجزئي اللي جالي لما شوفت مراتي وعيالي بيذبحو. بايد حسن تهامي. ابن عمي اللي امه جميلة لما جوزها رماها جت لنا البيت وطلبت فلوس علشان تقدر تربي عيالها لكن ابويا طردتها ودة خلي حسن ينتقم مني وسجل اسمي علي موقع اوراق التاروت اللي بيديرة العراف الاعظم
فضل
مين العراف الاعظم دة
حمزة
ما حدش يعرفه لكني قدمت له اغلي شئ في حياتي علشان يساعدني في الانتقام من حسن وسند.
فضل
مش فاهم
حمزة
هفهمك. في يوم روحت شقة ما عرفش بتاعت مين لكني لقيت. المفتاح في الباب فتحت ودخلت وفي اوضة من الاوض لقيت نفسي يتقتل. اترعبت وقبل ما اخرج جري من الشقة جت لي مكالمة من العراف وقالي ان دي نهايتي. دة لو انا قدمت له اللي يخلي يساعدني و بايدية يخلص علي حسن وسند و عرفني ان مراتي لسة عايشة ولو قدمتها لي زي قربان هيساعدني اخلص من حسن وسند.
وعيط حمزة بحرقة وكمل وقال
وعلشان انا جبان. قدمتها لي. علشان اعيش انا تموت هي وماتت سعاد بايدية. وبعدها سجلت اسامي حسن وسند علي الموقع و قدر يتحكم في احلامهم. و حسن وسند ماتو بايدية لكنهم كانو شايفين منير. اللي هو
ابو حمزة. موتهم من الخوف قبل ما يموتو مدفونين بالحياة.
فضل
وانت كلمتني ازاي في الموبيل وايدك مربوطة
حمزة
مش انا. هتلاقي العراف لاني سجلت اسمك في موقع اوراق التاروت علشان تكمل بعد مني
فضل
اكمل اية يا مجنون انت
حمزة عيونه اتقلبت و النني الاسود اختفي وبقيت كلها بيضاء وصوته اتغير وقال
كنت تعرفها زمان لكنها هتقع في ورطة وهتطلب مساعدتك بس اوعي ترفض وبلاش تقبل
وبدا. جسم حمزة يترفع لفوق. ولفوق لدرجة انه قرب من السقف بطريقة ترعب وفضل اترعب ورجع لوراء مش مستوعب اللي بيحصل ووقع حمزة علي الارض مرة واحدة وبسرعة رهيبة كانه واقع من الدور ال20 مثلا.
واتفتحت دماغه وبدات سكرات الموت، ،،،،،