الفصل الخامس 5
بقلم محمد منصور
ما تعرفيش انا فرحانه قد اية انك عندي
دة اللي قالته هاله وهي قاعدة من سميرة اختها. ف سميرة قالت
دة انا اللي فرحانه اني بقيت هنا وهاكون في خدمتك
هاله
بتحبيني يا سميرة مش كدة
سميرة استغربت السؤال وقالت
طبعا. مش اختي الكبيرة وانتي اللي مربياني
هاله
لا. الشهادة لله اللي ربتنا
و خليتنا نحب بعض كدة دة لو احنا فعلا بنحب بعض هي مرات ابونا جميلة
سميرة
وهي فين بقي جميلة من ساعة ما ابونا طلقها لما عرف انها بتخونه واحنا ما نعرفش ليها سكة
هاله
جميلة هنا في الشقة مع جوزك جوة
سميرة قامت وقفت وهي مفزوعه وقالت
انتي بتقولي اية.
هاله
بقول لك انها جوة وهما مع بعض دلوقتي
وشاورت هاله ناحية الاوضة اللي بتتكلم عنها فجريت سميرة ناحية الاوضة وفتحت الباب و شافت سند علي السرير في احضان جميلة،،،،،،،،
كابوس سميرة. من ضمن احداث حكاية
بسم الله توكلت علي الله. وهو رب العرش العظيم
بعد اللي شافته سميرة دة قامت مفزوعه وفتحت عيونها ولقيت سند بيبص لها بلامبالاة وبيقول
كابوس تاني. لا تاني اية اقول كابوس سادس
ولا سابع
سميرة
انت بتشوف جميلة مرات ابويا
سند
وانت اية اللي فكرك بالولية الشمال دي
سميرة
شوفتك معاها
سند اتعدل وقعد نص قاعدة وسند راسه علي ظهر السرير وقال
في الكابوس مش كدة
سميرة
ايوة وانت عارف ان كوابيسي بتتحقق
سند
بذمة اهلك انا فاضي اهرش دة انا بطلع من الشغل دة للشغل دة
سميرة
وانا اية اللي يعرفني انك شغال. انت اكيد بتخوني
سند قام من جنبها وهو متعصب وقال
سميرة اصتبحي علي الصبح دة احنا كلها كام ساعة ونطرد برة الشقة. فبلاش نفكر في مصيبة مش موجوده والاحسن اننا نجهز للمصيبة اللي جاي لنا علي غفلة
وما كنش معمول حسابها
وخرج من الاوضة وسميرة قالت
صدقتك انا كدة.
و مسكت موبيلها وفتحت نت وبدات تدور عن موقع اوراق التاروت ووصلت للموقع و بصت للموقع وقلبها انقبض من الخلفية الموجودة لكنها قالت
لازم اعرف مستقبلي في اية ويمكن لما ادخل الموقع اعرف مين اللي سجل اسمي هنا
ودخلت الموقع وبدات تسجل اسمها وبياناتها وداست وقريت علي طلاسم غريبة ومن غير اي مبرر حست بشكة في صباعها. اتوجعت ونزل منها نقطة دم لمست الارض ما اهتمتش بيها سميرة لكن النقطة دي اتحولت لحشرة صغيرة شبة النملة. نملة حمراء راحت لرجل سميرة من تحت وغرزت انياب صغيرة اتوجعت سميرة تاني وبصت مكان الوجع لقيت
ما فيش اي حاجة لان النملة دي دخلت جسمها. ما أهتمتش سميرة وكملت بحث في الموقع وداست علي كلمة
**مستقبلي**
واتغيرت الصفحة وراحت لصفحة تانية و بدات اوراق التاروت تتعرض قصاد منها
و اختفي الورق كله وفضلت ورقة واحدة والصورة وقفت علي كدة فضلت سميرة تدوس علي الصورة يمكن تعرف اية اللي مكتوب فيها لكن الورقة اختفت من علي الشاشة نهائي، ،،،،،
في نفس الوقت كان سند بيتكلم في الموبيل مع جميلة دي وبيقول
انا مش هعرف اشوفك تاني دلوقتي لان مراتي عرفت اللي بينا
جميلة
ما تعرف هو انت هتخاف منها ولا اية دة احنا مخططين لكل دة من اول يوم انت اتجوزتها في. ولسة بقيت خططتنا
سند
ناوية علي اية تاني
جميلة
الاثنين يخلصو علي بعض واخد حقي من ابوهم اللي طعني في شرفي بالزور علشان يطلقني و يتجوز غيري
سند
طيب خلاص بطلي تجيبي السيرة الهم دي قصاد مني لاني بتعصب. ويلا بقي سلام دلوقتي علشان انا بجهز نفسي لصاحب البيت اللي جاي يطردنا،،،،،،،
وبعدها بشوية يرن جرس باب شقة هاله اللي تتحرك علي كرسيها اللي بعجل وتروح ناحية الباب وتفتحة وتبص ل سميرة وسند اللي كان واقف وراء سميرة وجنب منه شنط الهدوم بتاعتهم وتقول هاله
نورتو شقتكم. ادخلو
ودخلت سميرة وهي بتقول
معلش بقي هنتقل عليكي
يا هاله
هاله كانت بتتحرك بالكرسي بعجل وقت ما قالت
ما تخلنيش ازعل منكم دة بيتكم. اومال فين العفش بتاعكم
سميرة
سند حطة. في مخزن بتاع واحد صاحبة لغاية ما نشوف شقة ننقل فيها
هند
ما تقوليش كدة ما تخلنيش ازعل منك.
ووقفت بالكرسي بعجل وقالت
الاوضة اللي علي الشمال اخر الطرقه هتكون اوضتكم وليها حمام مخصوص خدي جوزك ودخلي الاوضة خلي يرتاح
سميرة ضربت ايد سند كانت عايزا يقول اي حاجة فقال سند
شكرا يا هاله علي اللي انت بتعملي دة
هاله بصت له وقالت باستنكار
هاله. باين عليك نسيت فرق السن اللي ما بينا
سند كتم غيظة وقالت سميرة
ما حصلش حاجة يا هاله ما سند برضو زي اخوكي
هاله
اة. اخويا طبعا. خشي
يا سميرة ارتاحي انتي وجوزك
وسابتهم ومشيت. وسند دخل الاوضة وسميرة دخلت وراء منه وقال
انا عارف انها هتبقي ايام سوداء
سميرة قفلت الباب بسرعة وقالت
بس وحياة الغالين عندك.
سند
انا اللي بس ولا اختك اللي بترمي كلام زي الطوب
سميرة
خلاص بالله عليك
سند قعد علي السرير وهو متعصب وقال
ما هو لو عرفه الكلب كان طلع راجل معايا واداني الفلوس اللي وعدني بيها كنت خدك دلوقتي ونزلنا شوفنا شقة عقد مفتوح نترمي فيها لكن من الاسف طلع مراة. الكلام ما بقاش لي لزمة. ربنا يعدي الايام دي علي خير،،،،،،،،
ويجي الليل ويقوم سند من جنب سميرة ويخرج من الاوضة ويقفل الباب وراء منه بشويش ويروح ناحية اوضة هاله ويفتح الباب ويدخل عليها الاوضة فتفتح هاله عيونها وتقول
مين
سند
انا اللي جاي اخد روحك
وراح ناحيتها لكن هاله نزلت من فوق السرير ووقفت علي رجليها عادي وحطيت ايدها في وسطها وقالت
واهون عليك
سند
وربنا ابدا.
وخدها في حضنه،،،،،،،،
سند مع هاله ولا ضدها ومين بيلعب علي مين. اصل اللي انتم بتقرو دة ممكن يطلع حقيقي وممكن يبقي كابوس جديد من كابويس سميرة حقيقية بقي ولا كابوس قولو انتم في التعليقات حاسين باية، ،،،،،،،