الفصل الاول 1
بقلم محمد منصور
شقة من الشقق القديمة في بيت من بيوت مصر الجديدة ودي تبقي شقة عيلة الباشا فاروق شرارة. باشا قديم من بشوات مصر باشا خسر كل اللي حيلته في سبق الخيل. باشا ما عندوش الا ابن واحد ودة يبقي عماد اللي خلف والدين تؤام ودول يبقو شرف و شريف وللاخين دول حكاية غريبة و عجيبة تعالو احكي ليكم.
انتم دلوقتي جوة اقتباس جديد من احلي المسلسلات بعنوان
ماجتش فيا
كتابة واقتباس
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
كان شرف محامي عنده ضمير اسم علي مسمي ما يقبلش اي قضية الا قضايا المظلومين عمره ما لبس روبه ودافع عن ظالم
اما شريف ف دة بقي كان شغال اي حاجة تجيب فلوس شاطر في مجال المال والاعمال. لدرجة انه اشتغل في تدوير الزباله بعد ما ابوه مات وشرف عرف وحصلت مشكلة كبيرة وقال له
حفيد الباشا فاروق شرارة يشتغل زبال وتقولي عادي
شريف
هو انا يعني شغال حرامي دة انا بعمل تدوير للزباله
شرف
اخرس يا عاصي يا حيوان ياللي هاتجيب اسم عيلة شرارة في الارض
شريف
وهو احنا كسبنا اية من اسم العيلة غير الشقة اللي احنا قاعدين فيها دي لكن انا بعد سنة من دلوقتي هايكون عندي بدل الشقة عمارة
شرف
موت يا حمار
شريف
بدل ما تشجعني بتحبطني لية
شرف
عايزك تفوق وترجع لعقلك والا قسما برب العزة اطردك برة الشقة اللي مش عجباك دي
شريف
شرف انا كبرت ومن حقي اختار طريقي وانت كل المطلوب منك تشجعني
شرف
اشجعك لما تبقي حاجة تشرف زيي انا مثلا
شريف
انا مش هكون زيك
شرف
دة اخر كلام عندك
شريف
ايوة يا شرف
شرف بعصبية
كدة. يبقي انت من النهاردة تاخد هدومك وتغور من الشقة علشان لما بابا يجي لي في الحلم واعرفه انك عريتنا وانا طردك يرضي عني
شريف
لو الزباله مضايقاك اوي كدة هشتغل في الروبابيكيا
شرف
وانت كدة بقيت سفير مصر في اوغندا ما انت برضو شغال شغلانه ما تلقش بعيلة الباشا فاروق شرارة
شريف
بقول لك اية يا شرف انا ما عنديش اي كلام تاني يتقال ولو عايزني امشي انا همشي
شرف
طول عمرك راسك ناشفة حتي التعليم فشلت في وبقيت مجرد حاصل علي شهادة الثانوي
شريف
انا مش فالح في التعليم اة لكني باذن الله هفلح في التجارة وهبقي رجل اعمال مصر كلها بتردد اسمه
وسابه شريف ومشي وشرف قال باعلي صوته
اسمع يا رجل الاعمال لو رجلك خطيت خطوة واحدة برة الشقة دي اعرف انك مش هترجع لها تاني
شريف
سيبهالك معمرة حلال عليك،،،،،،
وتعدي السنين وشرف ما يعرفش اي حاجة عن اخوه شريف واتجوز شرف من عديلة حفيدة باشا تركي اسمه تيمور. وخلف منها فريدة. وشريف فتح شركة كبيرة لتدوير الزباله و بيع الروبابيكيا وبعد غني جدا وعنده بدل العمارة خمسة. واتجوز فاطمة بنت المعلم خميس وخلف منها أدم وتلف الايام ويجي يوم والعمارة اللي ساكن فيها شرف يجي لها قرار ازاله و دة لان صاحب العمارة قرر يهدها ويبنيها من جديد وتطلع شقق تمليك بدل ماهي ايجار قديم و شرف شال الهم ما بقاش عارف يروح فين هو ومراته وبنته وهنا قالت له عديلة
هبيع الذهب وناخد الفلوس اللي هيدفعها لينا صاحب البيت ونشتري شقة تمليك
شرف
انتي عارفة دلوقتي الشقة التمليك تعمل كام
عديلة
تعمل زي ما تعمل ما احنا مش هنام في الشارع
شرف
عديلة انا ظروفي ما تسمحش باني اخد شقة تمليك والفلوس اللي معانا يادوبك تجيب شقة عقد مفتوح
عديلة
شرف انا هستلف اللي فاضل من بابا ونبقي نسد
شرف
عديلة انا مستحيل استلف جنية من ابوكي
عديلة
اركن خلافاتك مع بابا علي جنب وفكر فيا وفي بنتك
شرف باصرار
قولت لا يا عديلة وكلمة تاني مش عايز اسمع
وبص في ساعته وقال
الساعة دقت عشرة جه وقت النوم
وقام وقف وقالت عديلة
بس احنا لسة مخلصناش كلامنا
شرف وهو رايح ناحية اوضة نومه قال
انتي عارفة النظام ووقت نومي لو عدي هصحي الصبح مقريف ومش هعرف اروح الشغل
ودخل اوضة النوم وقفل الباب وراء منه وعديلة هنا قالت
هستلف الفلوس ومش هعرفك انها من بابا وهشتري شقة تمليك وراء منك،،،،،
ويتغير المشهد ونشوف شريف واقف وسط الشركة بتاعته وهو لابس عباية وساعة من اغلي الانواع وبيقول باعلي صوته
ولامواخذة انتو شايفني راجل صنبور. يعني حنفية بتنزل فلوس وبس انا مش صنبور انتو زي ما بتاخدو فلوس مني فانا عايز منكم شغل الشركة دي اكل عيشنا كلنا واحنا من غيرها ولا حاجة. راعو ربنا شوية ومش هقول تاني اللي حاسس ان الشغل عندي تقيل عليه يعرفني وانا اشوف غيرة. وارجع واقول تاني انا مش صنبور.،،،،،،،،
وتعدي الايام وعديلة تروح
ل شرف عند المحكمة اللي كان بيترافع فيها وتدخل المحكمة وبالتحديد للقاعة اللي كان فيها شرف واول ما تشوف شرف واقف وبيقول
سيدي الرئيس
قالت هي
شرف خلص قوام علشان عايزاك
بص لها شرف مع ضحكات كل اللي كانو في القاعة وقال القاضي ل عديلة
انت مين يا ست انتي وازاي تتكلمي من غير اذن
عديلة
انا عديلة مرات شرف وكنت عايزا في مشوار
شرف ل عديلة
انتي اية اللي جابك هنا
عديلة
عايزاك
شرف
فريدة بنتي حصل لها حاجة
عديلة
لا بخير
هنا قال ابو المسجون اللي كان شرف بيترافع عنه
يا استاذ سيبك من بخيت وعديلة دي وركز مع القاضي ابني هيتعدم ظلم
القاضي بعصبية
اللي بيحصل في القاعة دة تهريج
شرف بص للقاضي وقال
اسف سيدي الرئيس، ،،،،،
ويتغير المشهد ونشوف شرف متعصب و هو بيخرج من قاعة المحكمة ومع عديلة وكان بيقول
اللي عملتي النهاردة دة كان ممكن يخرب بيتي ويكون السبب في سحب كارينه النقابة مني ووقتها هشتغل بياع تين شوكي
عديلة
كنت عايزا افرجك علي الشقة اللي انا اشتريتها
اتصدم شرف ووقف وقال
شقة اية واشترتيها ازاي ومنين. انتي استلفتي من ابوكي تيمور
عديلة
اة.
وطلعت عقد الشقة من شنطتها وقالت
ودة العقد
شرف
الشقة دي ترجع والفلوس اللي خديها من ابوكي ترجع له فاهمة ولا. لا
عديلة
طيب شوف الشقة الاول وبعدين احكم
شرف
انا مش هشوف شقق واللي قولته تعملي
عديلة
شوفها وبعدين نتكلم،،،،،،،،
ومن جوة الشقة اللي كانت خمس اوض وصاله وحمام للضيوف وحمام في اوضة النوم وبطل علي النيل كان مبهور بيها شرف ومش مصدق نفسه وقال
الشقة دي بكام
هنا يسمع صوت ما سمعهوش من زمان وهو صوت اخوة شريف اللي قال
من غير فلوس علشانك يا اخويا
ملامح وشه ما بقتش مفهومة ولف يتاكد ان اللي سمعه صح و هنا شاف شريف وبدات للحكاية حكاية جديدة خالص،،،،،،،،