رواية من العتمة إلى قلبي الفصل الثالث عشر 13 بقلم ال زهراء
بعد يومين مشييت لخالتو وكلمتها ملامح وشها اتغيرت هي وميمونة وقالت لي يعني انت ما داير بتنا؟؟، قولت ليها لا هي زي اختي، ميمونة قالت لي يلا انا ما عايزة غيييرك،عاينت ليها وقولت ليها ممو انتي لسه صغيرة وما عارفة مصلحتك على وين، صهيب زول كويس وبسعدك انتي زي اختي وعرس الاهل دة غير يجيب المشاكل ما فيهو حاجة !، لو ما عايزة صهيب قولي انا ما بجبرك بس ما تختيني في حتات ضيقة، امها قالت لي يا ولدي الله يهديك فكر في الموضوع كويسسس! غطي قدحك ببت عمك ،كلنا هديل متزوجين من الأهل وما جاتنا عوجة اتزوجها هي ما بتلقى احسن منك، ابوها مييت تكون ليها ابو واخو وتكون لي ولد، فكر يا ولدي، عاينت ليها وعاينت لأمها وقولت ليها اسف ما بقدر اتزوجها، قالت لي عيب لي بتي، قولت ليها ما فيها عيب بس هي زي ما قولت ليك اختيي! شوفتي نونة ورحمة يلا هي زيهن يا خالتو، قالت لي اجييي يا ود نجوى! اختك بالرضاعة ولا شنو قول ما بتدورها يا يمة بتي هيينة بكرة تجيب الدكتور والمهندس، قولت ليها انا متمني الحاجة دي والله، المهم يا خالتو بقول لصهيب انو هي رافضة وإن شاء الله تلقى الزول المناسب لقدام ،مشيت برة جات لاحقاني وقالت لي عشان قولت ليك انت زي اخوي عايز تنتقم مني،عاينت ليها شديد وقولت ليها لا انتي بسطيني زمان بكلامك لمن قولتي ما عايزة تتزوجيني قربت منها وقولت ليها ما تشوفي أسامة البضحك والبتونس معاك دا والله انا بجوة زول تعيس وما بقدر اسعدك وبتنقهري بس معاي!، قالت لي مالك الحصل ليك شنو بقاك كدة!؟؟، قولت ليها قصة طويله، قالت لي بسبب عزة!، قولت ليها عزة شنو ؟! هو انا عرفتها متيييين ؟؟،اوعى تجيبي كلام من راسك عزة لو عرفت انك بتفكري فيها كدة حا تتخذل؟، قالت لي شوفت انت مهتم بيها كيف، قولت ليها بغضب ميمونة ما تقلي أدبك! وما اسمع الموضوع دا يتفتح تاني ،قالت لي طيب اتزوجني، مش كنت بتقريني وكنت بتهتم بي وبتسال مني معقول ما بفرق معاك وما حاس باي شي اتجاهي، دقق فيني عليك الله انت ما في يوم أعجبت بي انا اسفة اني قولت اخوي!، كنت مضايقة من زواج الاهل والضغط بس بعد فترة عرفت اني غلطانة وشديد ماف زول وقف معاي وقفتك وما اظن القى زول غيييرك!، واذا ما اتزوجتني اسي حا اخلي القراية وقرش واحد ما بشيلو منك، قولت ليها بكل برود طيب! خليها ،انا ما بباري شافعة في الغلط ،الزواج ما بس بالقسيمة ولا بمكابرة الراس، انا ما مستعد أتزوجك عشان اذييك معاي ،انا نفسي ما قادر اتقبلها اتقبل زوجة كيف +انا بحب واحدة تانية ، انتي ماف زيك ،بس انا كأسامة معتبرك اختي الصغيرة الحلوة بس اسي بقيت ما بعرفك!، بقت تبكي بكاء وقربت وقالت لي مش قولت ما حا تكون ليك طيب افتح لي قلبك انا مستعدة اسمعك!، انا حا اقيف معاك وحا اخليك تتجاوزها؟ ؟!، قولت ليها ماف مرة تانية بتخليني اتجاوزتها ! ،المهم يا ممو بتمنى تفكري في عرض صهيب، قالت لي بحدة ما بفكر فيه وما عايزة اي زول!، انت فكر في كلامي الأسي وللوقت داك انا منتظراك، اتنهدت وقولت ليها كلام دة واضح! بس يبدو أنك ما عايزة تفهميهو يا بت الناسسس انتي اختي في زول بتزوج اختو ،المهم أسي ادخلي الجو بارد وحا تمرضي، قالت لي بكرهكك، قولت ليها بس انا بحبك يا ممو لكن !، خدودها انفخت من الزعل وزادت بكاء ومسكت يد قميصي وقالت لي أسامة!!!!!، اخدت نفس وقولت ليها شوفو الشافعة دي! عليكم الله، ما تبكي، قالت لي طيب بس وريني هي منو؟!، قولت ليها اوريك لشنو ؟؟!، يلا ادخلي!، وانا أسف اني رفضتك، ما ردت لي ودخلت اتنهدت وبقييت ماش بسرعة!! منها، لاقتني عزة مع عسجد اخت ممو سلمت عليهم وقولت لعسجد كنتي لافة بيها وين ؟؟؟، قالت لي مشينا الدكان ،قولت ليها طيب ارجعن! وما اسمع انك غشيتها بالبيوت،عزة ضحكت وعرفت انو ما بس مشو الدكان ،جيت البيت امي قالت لي يا ولد والله بتموت معقول زول يعيش ليهو على عيشة واحدة طول اليوم!، قولت ليها دا اكلي وانا مرتاح كدة، قالت لي والله اتلقي دمة ما فيييك! ضحكت وقولت ليها فينيي ما تخافي، قالت لي برضاي عليك حاول اكل شوييه، قولت ليها تمام، دخلت جوة وقفلت باب غرفتي وبالجد لمن ادخل بحس انو مفروض ما اطلع وانعزل من الناس واعيش لاخر عمري وحيد لانو بستاهل! ،رقدت في السرير وقولت في نفسي يا ريت لو اموت وارتاح على الاقل احساسي بالذنب بقل شوية،حاولت انوم بس ما قدرت كالعادة لي سنة ونص بالحالة دي لا قادر اكل زي الناس ولا اعيش زي الناس ولا اشتغل زي الناس بضغط على نفسي بس برضو ماف فايدة!، حتى الندوات خليها وعباداتي بقيت ما مركز فيها!، الندم بس الشعور الوحيد المسطر علي.
انا ليه عايش والهدف شنو من حياة واحد مؤذي، هييي مما مشت غضبانة مني عملت حادث اناا السبب اي انا ما كان هي لازم تموت كان انا اي انا البستاهل الحادث دة ،عيوني بقت فيهن غشاوة والغرفة كانت مظلمة زي جواي ،انا عايز اموت الحياة دي ما حياة ولا حاجة، ما قادر استوعب فقدها!، امي جات داخلة فجاءة وفتحت النور حاولت اكون طبيعي وما ابيت حاجة بس العرق والدموع الجارية صدمنها! ،جات وهي مخلوعة وقالت لي يا ولدي خييير ؟؟! قولت ليها ماف شي عندي صاحبي اتوفى، قالت لي لا حول ولا قوة الا بالله العلي العظيم متيين، قولت ليها اسي جاني خبرو ، قالت لي ربنا يرحمة حارة موتة الأصحاب! ،حضنتني وضمتني عليها
مسافة كان بودي اقول ما تخليني براي في الغرفة الغرفة المقفلة هي البتجيب لي ذكريات اي حاجة، قولت ليها امي عايز اقول ليك شي قبل ما يجن ناس خالتو وميمونة يكلمنك!!، قالت لي شنو؟؟! قولت ليها ميمونة جاها صهيب وامها مصرة اتزوجها انا ،بس انا زي ما قولت ليك عندي واحدة بحبها فبعدين ما تخليهن يلفلفن ليك راسك ،قالت لي وهي زعلانة شديد قريتها عشان يستفيد منها الغريب ،عرسها يا ولدي برضاي عليك ما تزعلي دفعت دم قلبك في قرايتها عشان يعرسها واحد تاني ،قولت ليها دي بت عمي ودي اختي ولو ما قريتها اقري منو ؟،وبعدين ما شرط انو لازم اتزوجها بس عشان عملت ليها حاجة!، كدة زي الصفقة!، قالت لي كملت قريشاتك كلها بسببها يجي يسوقها واحد جاهرة، قولت ليها اجر يا أمي ابوها متوفي نجدعها المهم لو انت عايزة لي السعادة لو جابن السيرة دي تاني احسمي الموضوع بالرفض والا انا والله امشي السعوديه ووشي دا ما بتشوفيه تاني ،انا ما داير اي خلافات منهن ولا عايز العلاقات تنقطع عشان كدة لازم يتحل الموضوع دة وما يكبر.
في اليوم التاني اتصل بي صاحبي وقال لي لقيت ليك مكان مناسب للمركز بتاع التحفيظ انت تعال بس اتفاهم مع المالكو، قولت ليهو تمام عندي هنا شغل بخلصو وبجييك اتصلت بعزة وقولت ليها تعالي برة دقائق ،جات سلمت عليها وقولت ليها المكان اتلقى!، قالت لي الحمد لله وانا عندي كتب كتيرة بتاعت قران في مركزنا الشغاله فيهو لو جبناهن ما بنحتاج بنتفق مع كم شيخة صاحبات شذى برضو وإن شاء الله ما بنحتاج تدفع ليهن ،قولت ليها شكراً ليك يا عزة انا والله ما عارف اجازيك كيف، قالت لي جازيتني بأنك عايز تعمل المركز دة وبانك اتذكرت الغاليه شذى! ،قولت ليها لو ما اتذكرتها انا البت ذكرها منو،المهم انا برسل ليك الصور لمن امشي اشوفو وانتي قولي لي الحاجات المحتاجاها، قالت لي طيب إن شاء الله ،كانت ماسكة يدها طول الفترة الكانت بتتكلم فيها ،قولت ليها مالها يدك ؟!، قالت لي ما عارفة فجاءة!، قولت ليها زي المورمة!، قالت لي زاتي حسيتها كدة قربت وقولت ليها ممكن اشوفها قالت لي ما بستاهل اسي بتروح، قولت ليها ما اظن دة ورم عادي، فتحتها لقيت سنون ظاهرات وختتيت يدي واتحستتهن كانن في ظهر الكف، قولت ليها انتي كنتي وين؟؟!، قالت لي كنت نايمة تحت الشجرة قبيل، قولت ليها ما ملاحظتي لحاجة ،قالت لي لا ،قولت ليها زحي الخاتم من يدك يدك ابا ما يزح لانو اصبعها بدا يتورم حاولت اقلعو قلعتو وقولت ليها تعالي معاي اختي ممرضة مشيت البيت امي كانت ماف مشت لناس ميمونة ،! قولت نونة تعالي جات، قولت ليها انتي حسب قرايتك للتمريض العضة حقت الدبيب بعملو ليها شنو ،قالت لي واااي منو العضاهو انت ،قولت ليها صاحبة ميمونة ،نضفتها ليها بمويه وصابون براحة وجابت ليها قطعة قماش نضيفة وختتو في مكان السنون! وقالت لي عزة ثبتي يدك وما تحركيها ما تخلي السم ينتشر ،ورح نوديها المستشفى يا أسامة.
__________________________
بلسان ميمونة
شوفت من بعيد يهبش ليها في يدها وكمان شوفتو بحاول يسحب منها دبله زواجها ،اي هو بحبها اي بحبها رجعت لناس امي اللسه بتنقاشن وشبه اقنتعت براي خالتو نجوى يلي قالت انو الزواج ما بالاجبار وانا ما بقدر اجبر ولدي ،وقالت كمان انو بدور واحدة تانية وقالت انو هو من امس حذرها انو ما تحاول تتماشى معاي وتقول الحقيقة، المهم جيت وقولت لخالتو تعالي عندي معاك كلام قالت لي شنو يا بتي، قولت ليها ولدك دة بجب بت متزوجة اعرفي! ،قالت لي شنو؟؟؟، قولت ليها شوفتهم! بعيوني ديل بلمس في يدها بقرف وهي زحت الجونتيات في منقبه بتخلي زول يلمس يدها، واتخيلي كمان قلع الدبله برضو منها ،دا كلام شنو يا خالتو، البت دي لازم تمشي من هنا لازم تمشي والله والا المصايب البتجينا منها ما حا تكون كتيييرة، قالت لي الخلاا الخلاا وبعلي يا بتي لاااا أسامة كيفن يحب ليهو مرة معرسة هوي يا بت آمنة كلامك شييين ،قولت ليها هو جابها هنا انا رفضت اساعدها جابها لشنو هو بعرفها من وين يا خالتو، عاينت لي قوي وقالت لي لاااا أسامة......، قاطعتها وقولت ليها قال لي البت الدايرها بقت متزوجة وما حا تكون لي اهاا رأيك شنو في الموضوع دة، اضطريت اكذب ،قالت لي الخلا علينا الخلا علينا البلد كلو يشمت فينا، قولت ليها ما تخافي خلينا نتصل براجلها يجي يسوقها بس ونقنعي أسامة يتزوجني ولا يجيب البت الدايراها يتزوجها وما حا يجيبها لانو زي ما قولت ليك دي هي زاتها عزة،قالت لي كدي اتصلي نتفك من موضوع البت دي واتكلم مع ولدي بالموضوع دة، قولت ليها لا ما تجيبي ليهو سيرة الموضوع الا تمشي عليك الله،قالت لي تمام.
لمن جات عزة وننو وأسامة مع بعض خالتو كانت ماف جو وقالت لي انو هي في دبيب قرصها!، انا يادوب فهمت الموضوع بس ما ماف مشكلة خالتو اكيد ما حا تعرف لو شكت بقول ليها انا شوفتهم امس ،بس النعرف رقم لمروان والله اكلمو واخلية يجي يسوقها من هنا.
________________________________
بلسان مروان
الايام الفاتت كانت مملة من غيرها! شغلت نفسي بالشغل وظبطت وضعي كلو! وحتى استانفت بنفسي كل المشاريع ويادوب الزبائن بقو يثقو فيني! ،يمكن عشان انا اجتهدت وشغلي كان مميز فخلاهم يتراجعو ويوافقو نتم ليهم العمران.
ريان كانت بتجيني بس عشان ارجع ليها وكانت بتشتمني وهي سكرانة ومنتهية! ،وانا كنت بطردها عشان سمعتي!!!، بس بالجد انا ما دايراها ولا مفكر في يوم انها تكون مرتي لانو ما بثق بواحدة زيها! ،احتمال تلعب من وراي.
وانا داخل على البيت سمعت حس امي العالي وكان الحس دة جاي من اتجاة غرفة هديل مشيت على اتجاة الحس سامعها بتقول ليها انا سمعت محادثات البذئية مع الولد وسمعت كمان كل شي عن توريط عزة مع مروان ! وعرفت انك ممكن تكذبي في اي شي عشان ما تقولي لي انتي واقفة مع عزة وبتريدها اكتر مني، انا لو ما سمعت والله ما كنت واقفة معاها واسي بحذرك االولد دة تنسيهو وما اسمعك تاني بتتكلمي معاه ،وعزة حا تتطلق عشان تاني لا انتي ولا اخوك ما تبتلي بيكم ،عزةما بستاهل تعيش مع ناس زينا انا لو ما خايفة عليك كنت قولت لمروان بعد انت قفلت عزة انا مشيت وسمعت اختك بتتكلم كيف انو ورطتها وكانت بتضحك ومبسوطة بس زي ما قولت ليك انا خايفة عليك كأم واخترتك انتي على عداله عزة بس والله ضميري انبني عشان كدة شوفت انو انا اساعدها تمشي واطلقها منو واقفل الموضوع بس واجعني حالة ولدي البقى متعلق بيها وحتى ملامحو اتبدلت من يوم مشت، وخايفة عليك انو يقتلك لو عرف وباقية على نارين!!!، سمعت صوت بكائهن الاتنين ،عقلي دة بقى يكررفي الكلام السمعو، كنت غضبان شديد!، وزعلان في نفس الوقت عشان حماقتي العملتها اتجاة عزة ،قررت اني ادخل واضبح هديل وارتاح منها! هي السبب في الحصل لينا!، دخلت وعاينت لأمي البقت ترتعش من الرعب ولاختي الكانت منهارة. مسكت امي من يدها وقررت ما اسال هديل اسي وقولت ليها لو جاوبتي على سؤالي ما بسأل هديل!!؟، عزة مرتيي وين؟؟؟...............