رواية ما جتش فيا
الفصل الخامس 5
بقلم محمد منصور
اللهم صل وسلم علي محمد صلاة تحل بيها العقد وتفك بيها الكرب
من جوة مصنع شريف يقعد شريف وقصاد منه يقعد فتحي الماظة وشريف كان بيقول له
بشويش بقي كدة يا الماظة قول وسمعني اية حكاية فتاة السيرك دي مع شرف
فتحي
في الاول احب اعرفك اني صاحب شرف الوحيد ومدير مكتبه من سنين وقبل ما شرف يتجوز ب شهر لقيته قاعد حاطط ايدة علي خدة في مكتبه دخلت عليه وشوفت منظرة كدة قولت، ،،،،،
ونرجع ل كام سنة وراء وفتحي قاعد قصاد شرف اللي كان باين عليه الهم وبيقول له
مالك يا شرف
شرف
خلاص فرحي كمان اسبوع
فتحي
ودة اللي مخليك عامل كدة
شرف
ما انا كنت النهاردة عند عديلة خطيبتي وقالت لي اني مش مخربش وخيبة ولخما وهي ما بتحبش كدة وعايزاني ابقي مخربش. اعملها ازاي دي يا فتحي اربي ظوافري واجيبها من وشها مثلا
فتحي
يا نهار منيل. هو دة اللي انت تعرفو عن الخربشة انا كنت هقلق عليك لما يتقفل عليكم باب اوضة واحدة. احنا النهاردة نخلص شغل في المكتب ونروح نسهر سهرة ملوكي في اي كبارية
شرف
لا. انا عايز اروح السيرك
فتحي
سيرك يا شرف
شرف
ايوة السيرك يا فتحي وهناك علمني الخربشا، ،،،،،،،
ونرجع ل شريف اللي قاعد قصاد فتحي اللي كان بيقول
وروحنا السيرك بعد ما شربنا دستة بيرة ووقتها شرف كان سكران طينة و عجبته مانجا شقلباظ بتاعت النظافة
شريف قال باستهزاء
مانجا. دة ما هو طلع بيحب الفاكهة زيي اهو اومال كان بيتريق ليه علي اسم عنبه مراتي. المهم كمل
فتحي
ما خرجش من السيرك
الا وهو متجوزها وخدها وراح بيها شقة العيلة ودخل عليها ولما صحي الصبح وفاق للمصيبة اللي عملها اتصل بيا وروحت له و اديت ل مانجا قرشين محترمين وطلقها وما شفهاش تاني ابدا
دة حتي هو ناسي شكلها
شريف
ولما هي الحكاية كدة عرف ازاي ان عنده ابن منها
فتحي
يا معلم شريف انت سرحت مني ولا اية. اخوك شرف ما يعرفش انها خلفت منه انا بس اللي اعرف لان مانجا جت لي المكتب وشرف مش موجود وطلبت مني تشوفه وتعرفه انها حامل منه لكني انا خوفتها انه لو عرف بانها حامل فهيقدر ياخد اللي بطنها منها بحكم القانون وهي خافت ومن وقتها بقيت بين الوقت والتاني اساعدها باللي اقدر عليه علشان تربي ابنها
شريف
حنين. وكل دة بيحصل من وراء شرف
فتحي
ايوة
شريف
طيب انا بقي عايز حياة شرف تتنيل بنيلة وتتخرب فوق دماغه. ويجي لي يقولي الحقني
فتحي
بس كدة مانجا شقلباظ. هتخلي يلف حوالين نفسه بس خليني اظبطها علشان لما تظهر له من تاني تخلي عليها وطيها ،،،،،
وبعدها بيومين ومن جوة السجن كانت عنبه الدباح بتزور اخوها صقر وبتقول له وهي بتعيط
طردتني في نص الليل علشان مراته عرفت اننا اتجوزنا وانا عايزا حقي منه يا اخويا
صقر
دي ساحت منه خالص ونسي نفسه لكن سهلة كلها كام يوم واخرج له ووقتها ايامة هتبقي سواد ،،،،،،،،
وبعدها بيومين كمان شرف كان في مكتبه وقت ما موبيلة رن وكان مكتوب علي الشاشة رقم فرد وقال
الو
صوت حريمي
شرف معايا
شرف
ايوة انا مين معايا
الصوت الحريمي
انا مانجا شقلباظ
شرف
مانجا اية وتهريج اية اقفلي السكة والا قسما بالله اوصلك واعملك عصير
مانجا
ليك حق تنساني ما هما كام ساعة قضيناهم مع بعض
هنا وش شرف اتقلب وافتكر السيرك واللي حصل بعد السيرك وقال
واية اللي فكرك بيا بعد السنين دي
مانجا
وحشتني وطالبه معايا افضحك
شرف بدا يعرق ودقات قلبه بدات تزيد والتوتر خلاه يترعش وبدا ياكل في ظوافره وقال
ولية بس لية هو انا عملت لك اية
مانجا
طلقتني بعد كام ساعة جواز دة الناس قالو في السيرك انك طلقتني علشان طلعت جربانه
شرف
مين جذمة قال كدة دة انتي انظف الناس
مانجا
وعلشان كدة طلقتني يا ابن الباشا. عموما في هدية علي باب مكتبك خدها اهه تسليك لغاية ما اجي لك واسلم علي مراتك بنفسي. ولا تديني 100 الف ج. وانساك
وخلصت المكالمة عند كدة وشرف قام جري وراح يشوف الهدية اللي بتقول عليها مانجا وفتح باب المكتب ولقي قصاد الباب صندوق كبير فتح الصندوق ولي اسد اترعش اكتر وقفل الصندوق وهو بيقول للاسد
ورحمة امك ما انت قايم
ودخل المكتب وقفل الباب عليه من جوة وصرخ باعلي صوته وقال
الحقوني،،،،،،،،،،
وبعدها بكام ساعة ومن جوة مكتب شرف. اللي كان مغمي عليه كان شريف ماسك كيلو بصل اخضر وبيفوق شرف اللي فتح عيونه وشاف البصل في وشه فقال
انت بتعمل اية. هو انا رنجا
شريف
انا غلطان اني بفوقك
شرف
مبقاش الا انت يا زبال يا مجهول الهوية والاصل تفوقني. انت اصلا اية اللي جابك هنا
شريف
فتحي اللي شغال عندك جه لقائك مغمي عليك في نص المكتب اتصل بيا علشان الحقك. هو اية اللي حصل خلاك تكفي علي وشك كدة
شرف
مالكش دعوي
شريف
قول يمكن اقدر اساعدك
افتكر شرف المبلغ اللي عايزا مانجا فقال
شريف انا فعلا محتاج مساعدتك
شريف ابتسم بشماته وقال
خير يا ابن والدي
حكي شرف كل حكاية مانجا مع واول ما خلص ضحك شريف وقال
مانجا وما خوفتش من الاملاح
شرف اضايق وقال
انا غلطان اني حكيت لك
شريف
ازعل منك دة احنا اخوات واعتبر الفلوس معاك بس نخلص من مانجا دي. ولا احنا مش اخوات
شرف سكت فقال شريف
شكلنا مش اخوات
شرف
اخوات يا زفت بس ساعدني
شريف
بعد الجملة دي لو عايزني اقتلها وادفنها في مكان ما فيهوش سيخ ابن يومين اعملها
شرف
سيخ ابن يومين انت هتدفنها عند بتاع كفته. اسمها سريخ ابن يومين بطل جهل بقي
ضحك شريف وقال
ايوة صح
وهنا دخل عليهم المكتب فتحي الماظة وهو مضروب ووراء منه دخل صقر الدباح كان شكله مرعب ويخوف بص للاثنين وقال
مين فيكم شريف
شرف
انت مين ودخلت هنا ازاي
طلع صقر مطواة وفتحها في دماغه وقال
مين فيكم شريف
شريف اترعب وشاور علي شرف وقال
هو دة
صقر قرب من شرف وقال
بقي انت تطلق اختي عنبه وترميها في الشارع في نص الليل دة انت هتركب الشلاحة
وهجم صقر علي شرف، ،،،،،،