الفصل السادس 6
بقلم محمد منصور
اللهم صل وسلم علي محمد صلاة تحل بيها العقد وتفك بيها الكرب
شرف في مكتبه وعمال يتوجع و شريف بيعمل له كمادات. علي الاماكن الورمة في وشة بسبب علقة صقر لي وزقة شرف بعيد عنه وهو بيقول
مش عايز اشوف وشك تاني ولو صدفة
شريف
ما تعرفش انا فرحان قد اية انها ما جاتش فيا. وجت فيك وبعدين هو اللي كان حصل ل دة كله
شرف بعصبية
اية اللي حصل. حطتي في وش طور هايج فضل يطحن فيا فاكرني انت
شريف
ما تنشف يا شرف
ما كنوش كام قلم علي كام شلوط علي كام بوكس وقصاد اللي حصل لك دة هدفع لك 100 الف ج. واخلصك من مانجا
شرف
وهو انا في حاجة خلتني استحمل الطور دة الا الفلوس اللي هاخدها منك. ما انت ماسكني من ايدي اللي بتوجعني. بس تستاهل اللي هيعملو فيك صقر لو ما دفعتش ل اخته ال 20 الف جنية.
ضحك شريف وقال
وانا مالي مش انت شريف.
شرف اتعصب اكتر وقال
نعم
شريف
اصل بصراحة يا ابن والدي انا حاولت كتير افتكر لك اي خير عملته فيا مالقتش وانا هدفع رقم مش قليل. فانت هتحل مشكلة صقر واختة وكمان هتصالحني علي مراتي. من الاخر كدة هشغلك عندي اجري
شرف
انا اشتغل عندك انت يا زبال يا
كمل شريف الجملة وقال
يا مجهول الهوية والاصل. شكلك كدة مش وش نعمه وانا بصراحة مش حابب ارمي فلوسي في الشارع
واستعد شريف للخروج من المكتب لكن شرف قال
استني يا شريف
شريف
اسمي المعلم شريف وبالنسبة للي زيك قولي اونكل معلم شريف
شرف
لا. بقي دة انت خلاص اتجننت رسمي
شريف
ومين فينا عاقل. قولت اية شغال معايا ولا اشوف محامي غيرك. واوفر ال 100 الف ج
شرف
شريف ما تنساش اني اخوك الكبير
شريف
كنت اخويا قبل ما تطردني من شقة ابويا
شرف
يعني دة وقته نفتح في القديم
شريف
اصلها فرصتي اكسر لك فيها مناخيرك. هه اسمع اخر كلام عندك يا معروف الهوية يا ابن الباشا
شرف بقي بين نارين نار مناخيرة اللي هتتكسر ونار الفضيحة اللي مستنيا. واختار ان مناخيرة تتكسر وقال وعيونه في الارض
هشتغل معاك
شريف بابتسامة كلها شماته
هشتغل عندك يا اونكل معلم شريف. قولها كدة
شرف وهو هيعيط
هشتغل عندك يا اونكل معلم شريف
شريف
شاطر وقمر يا ابن والدي
وخرج شريف من المكتب وشرف فضل يعيط بحرقة،،،،
ويتغير المشهد ونشوف ادم مع فريدة جوة كافية
و فريدة بتقول ل ادم
هي احنا كدة مخطوبين ولا لا
ادم
والله دة سؤال ملهوش اجابة عندي ما انتي شوفتي اللي حصل ليلة الخطوبة ومن ساعتها بابا في وادي وامي في وادي. والحرب ما بينهم محتاجة تدخل من مجلس الامن
فريدة
ايوة يعني احنا كدة برضو مخطوبين ولا. لا
ادم
مالك يا فريدة هو انتي كنتي مسافرة ولسة راجعه ما كل حاجة حصلت وبتحصل قصاد عينك والسبب ابوكي
فريدة
طيب والعمل اقول اية ل اصحابي لما يسالوني انا مخطوبة ولا. لا
ادم
قولهم جاري التحميل وخلينا بقي نفكر ازاي نتم الخطوبة الجملي دي
فريدة
مش انت العبقري فكر انت
ادم
هفكر، ،،،،،
ويتغير المشهد ونشوف شرف قاعد مع مراته عديلة اللي كانت بتقول له
اخوك بعت لك قفص مانجا مع اني قولت له انك ما بتحبهاش الا انه صمم يسيب لك المانجا
شرف
كلب حقير
عديلة
بتقول اية يا شرف
شرف بغيظ
قلبه كبير شريف دة. وعلشان كدة احنا لازم نصالحة علي مراته وانتي اللي هتعملي كدة
عديلة
وانا مالي بقي دة اللي بس بيجيب لها سيرته بتهب في زي البوتاجاز الخربان
شرف
عديلة انتو ستات زي بعض وهتعرفي تخلي قلبها يلين ازاي لانه ما ينفعش يفضلو بعيد عن بعض كدة
عديلة
شرف انت مالك مهتم اوي بالحكاية دي
شرف بارتباك
جري اية يا عديلة مش انا السبب في اللي حصل دة ودي غلطتي ولازم اصلحها
عديلة
غريبة
شرف
لا غريبة ولا عجيبة. هتساعديني نصالحهم ولا. لا
عديلة
هساعدك وعلشان يحصل الصلح دة لازم نتم خطوبة ادم علي فريدة
شرف
احنا مش كنا خلاص خلصنا من الخطوبة الهم دي
عديلة
ما خلصتش ودي المناسبة الوحيدة اللي هتجمع فاطمة ب شريف
شرف
ولما يتجمعوا
عديلة
سيب بقي الباقي عليه انا،،،،،،
ونيجي ل يوم الخطوبة والفرحة كانت موجودة في المكان وعديلة كانت واقفة مع فاطمة وبتقول لها
خلاص بقي المسامح كريم وهينفع يعني تبقو مكشرين كدة في يوم خطوبة ابنك
هنا شريف وقف قصاد فاطمة ومعه علبه قطيفة جوة منها خاتم ذهب عيار 24. فتح العلبة وقال
ورب الكعبة اغلي خاتم في محل جرجس الجواهرجي مش خسارة فيكي يا بطتي
فاطمة بصت للخاتم اللي كان يهبل وقالت
مش عايزا منك حاجة روح ادي ل عنبه يا بتاع عنبه
شريف وهو بيمسك ايدها بالغصب وبيلبسها الخاتم قال
انا بتاع بطة وبس
بصت بطة للخاتم ولسة هطلعو من ايدها قال يعني لسة زعلانه قال شريف
وربنا ما هو راجع وخلاص بقي
ضحكت بطة وبصت للخاتم تاني وخدها شريف وراحو يرقصو مع ادم وفريدة وهنا قالت عديلة ل شرف
شايف جاب لها هدية اية
شرف
ما انتي عندك طقم معالق واطباق مطلي بمية الذهب الايطالي كان هدية ل جدي شرارة باشا
عديلة
فلقتني بالطقم دة وب شرارة باشا جدك. يا اخي عايزا ذهب يتلبس ولا لما يكون عندنا مناسبة البس الطبق في رقبتي كانه عقد
شرف
فلوس حرام
عديلة
شرف ما تفقعش مرارتي انا رايحة ارقص مع العيال ،،،
وادم بيرقص مع فريدة فريدة قالت
احنا كدة مخطوبين ولا لسة
ادم
لما البسك الشبكة هنبقي مخطوبين رسمي
فريدة
طيب ما يلا لبسني الشبكة حاكم انا قلقانة
وهنا طلع شريف مفتاح عربية في ميدلية ذهب وقال
مفتاح عربية مرسيدس اخر موديل هدية خطوبتك من ابني
فريدة
البس الشبكة الاول لان بعد المفتاح دة ما بيظهر الدنيا بتخرب
شريف
الجو جميل ومنعش وما فيش اي خراب
هنا تدخل للشقة عنبه ومعها ست تانية ودي تبقي مانجا وراحو الاثنين ووقفت عنبه قصاد شريف ومانجا قصاد شرف والموسيقي وقفت وفاطمة بصت ل عنبه اللي تعرف اسمها لكنها ما تعرفش شكلها وقالت ل شريف
مين دي
عنبه
انا عنبه
وعديلة كانت بتسال شرف وهي باصة لمانجا
مين دي
مانجا
انا مانجا شقلباظ كنت مرات شرف ابن الباشا
بصت عديلة ل شرف اللي كان باصص في الارض وقالت
شقلباظ يا شرف
في نفس الوقت كان شريف بيقول ل عنبه
اية اللي جابك هنا يا بت انا مش خلاص طلقتك
عنبه
جاي اخد منك الفلوس بتاعتي اللي في وصل الامانه دة
وطلعت ورقة عبارة عن وصل امانه مكتوب في انه خد منها 100 الف جنية سلف. وامضت شريف كانت في اخر الورقة اتعصب شريف وقال
انا يا بت اخد منك انتي 100 الف جنية وسلف كمان. اة يا بنت النصابة
عنبه خدت الورقة من ايدة وقالت
لو ما دفعتش هسجنك.
وراحت ل فريدة وقالت
مبروك يا عروسة
فريدة
لسة ما بقتش عروسة وباين اوي اني مش هبقي عروسة انا كبيرة هبقي جاموسة
و بصت فريدة ل شريف وقالت
قولت لك يا عمي بلاش المفتاح دة
ووقعت فريدة من طولها مغمي عليها، ،،،،،،،،،،