رواية من العتمة إلى قلبي الفصل الثاني عشر 12 بقلم ال زهراء
ودتني بالباب الخلفي وقالت لي ودعتك الله،اتصلت بممو وكلمتها قالت لي تعالي وفهميني الحاصل براااحة براااحة اسي انتي جايطة وما قادرة افهم منك حرف انا في الداخلية، مشيت ليها وبقيت ابكي وحكيت ليها اي شي، قالت لي ما عندك قرايب هنا، قولت ليها لاا الا خالي وبعرفو!، انا تعبت عدييل منو والله تعبت عايزاهو يطلقني بس ،قالت لي والله يا عزة كان بودي اساعدك بس انا ما عايزة اقع مع واحد زيو ولو دسيتك هنا حا يلاقييك، عاينت ليها وقومت سريع وقولت طيب اسفة على الازعاج يا ممو، عاينت لي وزي الكانت عايزة تقول حاجة بس تاني نزلت عيونها سريع وقالت لي ربنا يسهل أمرك يا عزة وتقدري تتطلقي منو!، طلعت وانا مكتئبة ومصدومة من تعاملها البارد في الوقت الا انا محتاجة ليها فيهو، دي لو ممو كانت حفرت لي حفرة ودستني فيها ،اي دي ما ممو صاحبتي القايله انو حا اعتمد عليها. اتنهدت وحار بي الدليل والله ما عرفت اعمل شنو!!!، بقيت ماشة وشاردة ومدمعة في عربية كانت عايزة تطقشني لو ما انتبهت للبوري تاني وقفت ونزل منها أسامة قال لي عزة خييير ؟؟حصلت ليك حاجة، مروان سالك تاني ؟؟،ما قدرت اتكلم والله والعبرة كانت واقفة لي في حلقي!، قولت ليهو اسامة كمل طريقك ولو سمحت ما تسالني لانو مضايقة ،قال لي انا بس عايز اساعدك!، لمن قال كدة انفقت بكاء ممو أقرب واحدة لي ما ساعدتني يساعدني الغريب ،قربت وحكييت ليهو اي شي لانو حاسة بضعف والتراكمات طول الفترة الفاتت اكلتني ببطي ويادوب ظهرت فيني وما قادرة اتحمل!!، قال لي ممو قالت شنوو؟؟!، مش جيتي ليها، قولت ليهو ممو ما عايزة تتدخل خايفة بس ليها حق صاح المهم انا بكون اخدت من وقتك بمشاكلي الكتيرة بس والله ما صدقت لقيت زول حكيت ليهو ماسيني ،اسفة جدا. كنت ماشة قال لي دقيقة يا عزة، اتصل بممو وقال ليها اطلعي!! انا منتظرك برة، جات عاين ليها وقال ليها ممو نحن حا نرجع البلد وعزة حا تمشي معانا، جهزي ليك شنطة صغيرونة! وانا منتظرك هنا، وما عايزك تفتحي خشمك!!!!،عارفاني ما بريد الكلام الكتييير، ممو دي عاينت لي بعييين كره وما عارفة لييه لمن انا اتحسست دخلت، قولت ليهو كيف امشي معاكم البلد، قال لي مش انتي صاحبة ميمونة طبيعي تمشي معاها ومنها تغيري جو، قولت ليهو امي عيانة، قال لي معاها اخوانك + اني ما غالبني اخد حقك بس انتي قولتي لا وما عايز اختك في حتات ضيقة! ،حا ندي امو وقت زي ما قالت ليك ولو ما نفع المحكمة موجودة!، حا نرفع قضية! ،قولت ليهو شكرا ليك!! ما عارفة اقول شنو بس شكراً والله الوقفة دي اخوي ما حا يقيفها معاي ،قال لي انتي صاحبة شذى المقربة وبعتبرك زي اختي وواحد!، ومن واجبي اساعدك شذى لو عايشة كانت عملت نفس الشيء ولا انا غلطان، الدموع زادن وقولت ليهو ما غلطان والله الحبيبه كانت عملت والله !! الله يرحمها.
جات طالعة وبقت تعاين لينا مسافة وما عارفة لي وتاني جات وركبت قدااام ،انا ركبت وراء في الطريق قال لي عزة حا أوقف اجيب ليك حاجة تاكليها، قولت ليهو ما جيعانة!، وقف ومشى وجاء مد لممو بيبسي وقال ليها بتحبيه صاح وجبت ليكم معاه برضو شكولاتات من النوع البتحبيهن فافردي وشك، ما ردت وشالتهن منو ،انا مد لي مويه صحة ومازا وكيك وقال لي ديل اتصبري بيهن لمن نصل الاستراحة البعد 5ساعات ،ماف مطعم قريب!. قولت ليهو شكراً.
انا كنت بحاول اتونس مع ممو بس هي ما ادتني فرصة وحسيت بيها زي البتختصرني.
اتصلت بي واحدة وقالت لي بعد سلمت شيخة عزة كيف اثبت الحفظ انا بحفظ وبنسى، قولت ليها بحزم بالتكرار والصبر! ،انا زمان لمن بديت احفظ كنت بكرر السور بعد كل صلاة والحمدلله اناا حالياً ما نسيتهن! وللان بكررهن كل فترة!، وبدخل في دور حفظ وحلقات قران عشان ما انسى!، قالت لي ماشاء الله تبارك الله إن شاء الله ابقى زيك وحا اسمع بنصحيتك،أسامة قال لي باين انو عملتي مكانة بين الشيخات الكبار!، قولت ليهو والله ياخ ما كدة بس انا قولت ليي الأخوات لو احتجن اي شي انا كعزة حا اساعدكن! وهن اعتبرني كمثابه اخت ليهم ،وانا عايزة بس ارشديهن لانهن بالجد عايزات يحفظن وانا قلبي بنشرح لمن اساعد حفظة القرآن!، عاين لي بالمراية وقال لي ليك اجر عظيم إن شاء الله.
المهم في المدة دي قررت اغمض عيوني وانسى اي حاجة ولمن اصل بتفاهم مع ممو.
_______________________________
بلسان مروان
جيييت البيييت وانا سكران! وشغال اقول عزة عزة!!! بغضب شديد!، انا ما حا اخلييييك انا بديت احبك واتعلق بيك بس انتي طلعتي زيييك زيهن!!!، ما حا اخليك مشييت وانا مثقل الخطى وما قادر عديل من الشراب! امي قبضتني ودخلتني المطبخ ختت لي تلج في راسي وشربتني قهوة!، وادتني كم كف وقالت لي صحصح ما تخلي ابوك يشوفك! بالمنظر دة!، بعد مسافة وعيييت لنفسي! ،قولت ليها ما تكوني اديتي لعزة حاجة! ،قالت لي لا ،قلقت وقلبي حرقني لانو هي ضعيفة وما بتتحمل الجوع زي ما بتقول!، بس قولت هي ارتكبت أكبر غلطة وما بسامحها ،كنت ماش قالت لي لمن تمشي الغرفة حا تلقاها ماف فيها ،انا فتحت ليها بنفسي وخليتها تمش وما بترجع الا تطلقها وتسلمني القسيمة حقتها ،عزة بت كويسة وانت لو فكرت وخلييت حماقتك كنت عرفت انو ما هي البتودي شقق! ولا يمكن تاذى هديل، صاح هديب بتي بس واثقة انها كذبت في الموضوع دة، عزة بت زي الدهب وتقية واكييد ما حا تودي هديل اختها لمكان زي دة ،ما عارفة لي بتي كذبت بس متأكدة انو ما بتعملها، كان كل تفكيري انو عزة ماف وما ركزت في الكلام التاني!!، كيف ماف!!، مشييت بدون ما اقول لامي اي كلمة ودخلت غرفتنا وهي زي ما قالت ماف!!!!، بقييت افتش ليها في كل الغرف وبرضو ماف!، نزلت لأمي وقولت ليها وانا بصرخ وديتي عزة وييين ؟؟!، لازم ترجع هنا!،، قالت لي انت ما محترمها تقعد معاك لشنو؟!، قولت ليها انا عملت الشي دا عشان هديل!، ضربتني كف وقالت لي لو بتعرف عزة ولو واحد في المية حا تقول انو في غلطة!، بس ما بتعرفها هي خلاص ما قادرة تتحمل ولو ما شوفت بعيوني والا ما كنت مشيتها، انا غلطت في حق البت وبدعي انو ربنا يغفر لي انت ما بتتصلح ولا في عمرك حا تبقى زول زي الناس، امشي عديها صياعة وخليها تعيش حياتها!، قولت ليها بغضب ماف زول ببعدني من مرتي!، لو اقتلها ما بخليها تخليني!،وماف اي زول ليهو حق يدخل بيني وبينها، انا حا ارجعها والمرة دي لا وشي ولا وشها حا تشوفوهو ،قالت لي الله يرضى عليك خليها كفاية هي ضاقت منك ما ضاقت يا ولدي استهدي بالله البت دي سرحها بإحسان كفاها! ،ما تالمني يا ولدي الله يرضى عليك، قولت ليها بغضب امي انااا مرتي دايراها! وما قنعان منها، ازهج وازعل منها بس دايراها وفي يوم ما حا اخليها، قالت لي دايراها عشان تعذبها انت ما بتخاف رب العالميين!، البت دي صحتها نزلت واتبشتنت مما جات هنا بس انت ما هامييك!، قولت ليها انااا اي تغييير شايفو فيها وما تقولي ما ملاحظ انا ملاحظ ليها وحتى وقفت ضربها !، بسس عملت لي حاجة ما بقدر انساها ومستحيل أصدق عزة على اختي وخاصة بعد رسالتها، قالت لي طيب انت لسه ما مقتنع انو عزة ما بتعملها صاح... مرتك ما حا ترجع ليييك! وانا بذات نفسي حا أطلقها منك ولو ما عايز تطلق اانا لا امك ولا بعرفك! واعتبرني ميييتة من الساعة دي، بقييت امسح في وشي وماش وجاي ومسكت يدها وقولت يا حاجة انا مرتي عاجباني وما بطلق! بزعل بعصب بعمل اي حاجة بس ما بطلق!، قالت لي يعني قايل انو في مرة بترضى ليك كدة!، قولت ليها انا بتفاهم معاها، قالت لييي لااااا تطلقها بس ،قولت ليها اديني فرصة اخر فرصة عليك الله والله يا امي انا اسي حاس انو خلاص ما قادر اتحمل واكان ما لقيتها ما بعرف بعمل شنو!، عاينت لي وقالت لي لمن تبقى زول عديييل زي الناس تعال قولت الكلام دة، طلعت من غير ما افكر! وبقييت لاف في كل مكان وما خليت اي حتة، بس برضو مالقيتها!، جيت راجع لأمي وقولت ليها دسيتها وين ؟؟؟، انا ما عايز اسالها وريني عليك الله، قالت لي ما عارفاها وين والله ما كلمتني انا بس قولت ليها امشي مكان بعيد منو!!!، بقييت لاف في المطبخ وتاني جيت مسكت اكتاف امي وقولت ليها امي انا عارف انك عارفة!، قالت لي والله ما عارفة، طلعت فوق وبقييت قاعد وقولت في نفسي حا تكون مشت وين!!؟، قررت انو ما افتشها الفترة دي عشان ما اضغط عليها وفي الفترة دي بحاول اعرف حقيقة الموضوع احتمال كلام امي يكون صاح.
مشيت لامي وقولت ليها انا بديها فترة تشم هواء وانتي ما حا تذكري الموضوع حق الطلاق تاني وانا في الفترة دي حا اشوف قصة هديل بس رجاء طمنيني عليها ما شرط توريني مكانها لي قولي لي انها كويسة بس،اتوترت شديد وقالت لي احسن تطلقها ،ما رديت وطلعت وبقييت راقد ما قدرت انوم ولا اعمل اي شي، تاليا رسلت لي المفتري وين ما ظاهر قربت اقول الولد بقى ملتزم وعندو مسؤولية! ،رسلت ليها اي عندي مسؤولية ناسياني متزوج يا تاليا، قالت لي ههه ما تهظر+موضوعنا انا وانت ناسياهو تعال نتمو الشقة فاضية ورسلت معاها غمزة!،مشيت ليها وقعدت جابت لي الشيشة وقالت لي اخد ليك نفس نفسين باين مضايق ،بعد شوية بقت تقرب علي دفرتها، قالت لي يا مروان انت مالك؟!، جيتك برضاك صاح فما تعمل ليك حركات اسي ،قولت ليها كنت زهجان وعايز امشي الوقت بس يبدو انو ما قادر اتحملك بعد كدة، قالت لي كيف كيف؟؟!، ما على اساس انت حا تكون لي ، تقضية وقت ما فرقت معاي ،قامت وتاني جاتني بعدتها وقولت ليها انا متزوج وما مفكر اخون مرتي!!، ضحكت ضحكة طويييلة وقالت لي قبل أيام بس ما كنت كدة الحاصل عادتك بالإيمان الشيخة المنافقة دي ،قولت ليها لو بس كررتي كلمة من الكلام دة تاني ،حا اسل ليك لسانك دة برة واخليك تفقدي النطق !، قالت لي مروان انت بدافع لمرتك! بعد العملتو فيك بس ما تقول لي بتحبها ههه، قولت ليها اي بحبها!، قالت لي اي زول انت بتحبو انا بتحبني ريري بتحبها هو قلبك دة شنو اصلو، قولت ليها انتن تقضية وقت وكلامات زي ديل بتخليكن تعيشن في عالم تاني وتتطيرن بيهن السماء! فانا بقولهن عشان احصل على الدايرو منكن بس لا حبيتك انتي ولا حبيت ريان ولا حبيت اي زول قبل كدة، انا بس حبيت العرستها واللقيت فيها كل صفات الزوجة الصالحة هي بت ما فيها كلمة لا بتباري الرجال ولا صايعة وما بتكذب، يدها دي ما حصل لمست ليها يد راجل حتى وشها وشعرها ما انكشف الا لي ، قوية ومعتمدة على نفسها وما بتخاف!، ما مادية ولا هامها الماركات مقيمة نفسها ومقيمة حاجاتها البسيطة الكسبتهن بعرق جبينها ،قالت لي انت بتقول لي كل الكلام دة ليه؟؟؟، قولت ليها عشان تقنعي مني وتقنع صاحبك التانية ،وحذري ريري لو كلمت ابوي بحاجة انا زاتي حا أوري اهلها بعمايلها وعرس ما بعرسها وتاني انا ما بجي هنا نهاي اتنهدت وتابعت كلام وقولت فكرت انو ممكن انسى انها ماف بيك بس لااا ما اظن انسى واسي ما قادر اخونها ولا قادر أقرب على اي مرة تانية، عايزاها هي وبس.
____________________________
بلسان ميمونة
وصلنا بيتنا وامي استقبلتنا استقبال شديد دخلنا وبقينا قاعدين كلنا وامي تتونس مع عزة وابوي واختي.
في الصباح شوفت أسامة جاب كيس لعزة!، وبالجد زعلت هو مهتم بيها شديد ،بس قال انو ماف علاقة بينهم تاني قولت هو طلعني من الداخلية وشغالة جامعة عشان بس اجي معاها وهو كان أكبر معارض لعدم حضراني المحاضرات،انحرقت ومشيت لخالتو ام أسامة وبقيت اتونس معاها مع انو حسيتها اماني. دخلت ليها في موضوع عزةوقولت ليها صاحبتي عزة جات هنا معاي عندها مشاكل مع راجلها وأسامة الله يديه العافية لمن شاف انها براها وما عندها زول تقعد معاهو هناك عشان راجلها بعرفها قال لي تعالي معاها البلد، قالت لي اجييي يا بتي ما تقولي كلام زي دة للناس، كيفن ؟،ولدي يحنسك عشان تجيبي بت هنا، قولت ليها والله انا ما كنت عايزة ادخل في مشاكل ورفضت اساعدها بس هو أصر يساعدها بس والله راجلها كعب وخايفة يفكر انو أسامة داير عزة!، والله الصباح دي جاب ليها كيس كبيير ألفية شنو والما فيه شنو والله انا صاحبتها ما عزيتها كدة ،أسامة زول طيب شديد ،انا طبعا قصدت اقول الكلام ببلاهة شديد بس خالتو وصلت ليها الفكرة، قومت وقولت ليها إن شاء الله راجلها ما يعرف انو أسامة هو الجابها ما انا بس والا حا تحصل مشاكل كتيرة، قالت لي الخلا علي هو كتال كتله ولا شنو ،قولت ليها اكعب والله مدمن مجنون رسمي وبقتل عديل.
___________________________
بلسان أسامة
جيت البيت وقفتي امي وقالت لي
_واحدة متزوجة جايبها داسيها هنا يا أسامة انت عايز تجيب لينا سمعة
=انا بعرف بعمل في شنو وما تتكلمي معاي كلام كتيير يا أمي البت دي حا تقعد مع ناس ميمونة وانا بتكفل بيها لمن نشوف حل
_لااا انت ما نصيح كتبتك كتبتك يا ولد البلد ضيقة ما زي البندر بكرة يتحدثو فيك بري يا يمة ودي البت أهلها.
=لااا راجلها كعب وحا تتطلق منو
_مالك ومال كعوبتو يا ولدي اعقل الله يهديك ورجع البت والا بكلم ابوك
=ابوي حا يتفهم وانا بورية الحاصل انتي يا امي ما تشغلي بالك واهتمي بس بصحتك عوجة بتجيني ماف ما انا البسكت لمن اشوف الغلط، انا اخو وعندي اخوات ولو حصل ليهن شي زي دة ما برضى، عشان كدة معتبر عزة اخت لي وما برضى فيها برضو وما ف اي حاجة من يلي في بالك.
طلعت منها وبقييت لاف في الحلة!، وقفت في الدكان لاقييت صهيب صاحبي سلم علي سلام شديد وتاني قال لي عايز افاتحك في موضوع وإن شاء الله يحصل الخير فيهو ،قولت ليهو ابشر يا اخوي قولو، قال لي داير اطلب يد ميمونة منك لو ما انت عايزها لنفسك ، قولت ليهو والله يا حبيبنا انا ما بلاقى أخلاقك في اي زول واكيد ميمونة ما بتلقى زول احسن منك، حا افاتحهم بالموضوع ولو رضو تعملو خطوبة عشان البت لسع ما اتخرجت.
بعد يومين مشييت لخالتو وكلمتها ملامح وشها اتغيرت هي وميمونة وقالت لي يعني انت ما داير بتنا؟؟، قولت ليها لا هي زي اختي، ميمونة قالت لي يلا انا ما عايزة غيييرك .............
اللهم صل على محمد عدد ما ذكره الذاكرين وغفل عن ذكره الغافلين..❤