الفصل السابع عشر 17
بقلم محمد منصور
الخبط علي الباب فضل يزيد وفضل ما بقاش عارف يعمل اية وهنا نرمين وقفت وقالت
في اية يا فضل
فضل
الحكاية معقدة ومش وقت شرح.
وهنا الباب اتفتح وفضل طلع سلاحة وصوبه ناحية الباب ولكن،،،،،،،،
بسم الله توكلت علي الله. وهو رب العرش العظيم
ولكن الباب لما اتفتح ما كنش في حد واقف نزل مسدسة
و استغرب ومعها سمع صوت ندي بتقول
دة ما فيش حد. اومال اية الخبط اللي كان علي الباب دة
فضل خرج قصاد باب الشقة وفضل يبص يمين وشمال علي السلالم يشوفهم راحو فين دول لكنه فجاة سمع صوت صرخة مكتومة جاية من وراء بص وهنا شاف سميرة بتكتم نفس ندي ونرمين. كانت هاله بتكتم نفسها لسة هيجري ناحيتهم باب الشقة اتقفل فضل يرزع علي الباب بايدة وبرجله يمكن يقدر يفتحة لكنه ما اقدرش وهنا يظهر الابيض بص له وقال
في واحدة هتموت والتانية هتعيش. وعلشان انا راضي عنك هسيبك تختار
فضل وبكل غل الدنيا صوب مسدسة ناحية الابيض وحاول يدوس علي الزناد لكنه ما اقدرش وقال الابيض
عايز تقتل جدك. بعد كل اللي بعملو علشانك
وفضل ايدة بدات تتلوي وراء ظهرة لوحدها من غير ما حد يمسكها وقال الابيض
اختار ولا الاثنين هيموتو
فضل
انت ملعون
صوت الابيض بقي عالي اوي
وقال
اختارررررررر
فضل باعلي صوت عنده
نرمين. لاني ما قدرتش انساها بعد كل اللي عملته فيا
ذراع فضل رجع زي الاول والابيض اختفي وباب الشقة اتفتح ولقي ندي واقعة علي الارض قاطعة النفس ونرمين بتحاول تفوقها جري ناحيتها فضل وحاول هو كمان لكن بعد فوات الاوان. لان ندي ماتت،،،،،،،،
وبعدها بكام ساعة كان سالم الجيزاوي المسئول عن تصوير نرمين قاعد مع عمر وكان بيقوله وهو متعصب
يعني اية سابت البيت وخرجت احنا هنهرج دة في ناس بتدفع فلوس علشان تتفرج علي فيديوهاتها وفين عقد بيني وبينك بملايين
عمر
يا باشا انا كنت نايم وصحيت لقتها مش في الفيلا
سالم
انت جوزها واكيد تعرف كل الاماكن اللي المفروض تكون فيها
عمر
سالت كل اصاحبها عنها
وما حدش شافها.
سالم
اسمع يا عمر انت تقلب الارض عليها وطيها وتوصل ل مراتك وترجعها الفيلا ازاي بقي ما اعرفش و لو الليلة عديت قبل ما توصل لها هتزعل مني. ،،،،،،،
ومن جوة مكتب فضل كان فضل قاعد ومع نرمين وفضل بيتكلم في الموبيل بتاعه وبيقول
يا فندم اقسم لك بالله انها ما عملتش كدة انا بنفسي شوفت اللي عملو كدة
صوت اللواء غنيم
ومين بقي اللي عمل كدة والتقرير الاولي للطب الشرعي ان مراتك ماتت مخنوقة وبصمات نرمين علي رقبتها
فضل
انا مش عارف اللي هقوله دة ممكن تصدقه ولا. لا.
غنيم
فضل انت اعصابك بقيت تعبانه و بقي حوالين منك اسئلة كتير. وما بقتش قادر افهم اية اللي حصل لك
فضل
لما توصل يا فندم المديرية هفهم حضرتك كل اللي حصل
سلام يا فندم
وخلصت المكالمة عند الحد دة وبص ل نرمين وقال
فاكرين ان انتي اللي قتلتي مراتي
نرمين
وانت مصدقهم
فضل
اصدقهم ازاي وانا شوفت بعيوني اللي عملو كدة
لكن هنا فضل عيونه جت علي شعر نرمين والجزء اللي كان تقريبا ما فيهوش شعر رجع الشعر في تاني اتصدم وقال
نرمين شعرك رجع زي الاول
نرمين عيطت وقالت
عارفة. وعارفة كمان ازاي انا خفيت
فضل بدا الشك يدق ابواب قلبه وقرب منها اكتر ومسك ذراعتها الاثنين وقال
الابيض قال لك اقتلي ندي علشان تخفي
نرمين حطيت وشها في الارض فضغط فضل بكل قوته علي ذراعتها وقال
انطقي
نرمين من غير ما تبص له
ايوة قتلتها علشان اخف ما انا ما بقتش قادرة استحمل الوجع. انا اصلا روحت لها علشان اقتلها لكني ما قدرتش وانت رجعت البيت وما كانش ينفع اعمل كدة.
وعيطت اكتر وقالت
الابيض ظهر لي وقال انك هتختارني لما تشوف ولاد عمنا بيخلصو عليه انا و ندي
ودي فرصتي انت برة وانا مع ندي لوحدي. وخنقتها بكل قوتي علشان مش هقدر اعيش كدة بموت في اليوم الف مرة
فضل
انتي زيك زي الابيض شيطانه ملعونه
نرمين
انا زي ما قتلت ندي انت كمان قتلتها ولا ناسي انك قولت باعلي صوت عندك نرمين. انت اخترتني انا وانا اخترت اعيش خلينا نعيش وهكون ملكك وجسمي بين ايدك اتمتع بي
زقها بعيد عنه لدرجة ان من قوة الزقه اتخبطت في الحيطة وهو قال
ابعدي عني. ندي كانت برقبتك
نرمين
ما حدش فينا ملاك كلنا احفاد الابيض. واللعنه عليك وعليه واحب اعرفك ان ندي هي اللي سجلت اسمك في موقع اوراق التاروت مش حمزة
اتصدم اكتر و دماغه بدات تغلي وقرب من نرمين وقال
جبتي منين الكلام دة
نرمين
ندي كانت بتخونك مع حمزة ولما لقيتك بدور وراء علشان تسجنه سجلت اسمك في موقع اوراق التاروت علشان تجننك وتستعجل موتك
فضل ضربها بالقلم وقال
انتي كذابة
نرمين وهي ماسكة خدها
انا مش كذابه وافتكر ايام ما كانت ندي ضاحكة عليك وبتقول لك انها نزلت شغل في نفس مواعيد شغلك في الشركة المتحدة للتصدير ممكن تتصل بمدير الشركة واتاكد بنفسك ان ما كانش في اي موظفة عندهم باسم ندي السيد خيري
فضل كان زي المشلول لكن نرمين طلعت موبيلها واتصلت هي وفتحت الاسبيكر وسالت وكانت الاجابة ما فيش حد بالاسم دة اشتغل في الشركة فضل مسك منها الموبيل ورمي علي الارض. وقال
كفاية كفاية
نرمين
ندي كانت عارفة انك بتحبني وكانت بتشوف دة في كل مرة صورتي بتيجي علي الشاشة وتشوفك وانت متنح ما انا برضو صعب اتنسي
هنا فضل اتجنن ومسك رقبه نرمين وفضل يخنقها بكل غل الدنيا وهو بيقول
انتي ولا حاجة وكل اللي قولتي دة انا عارف انه كذب ندي عمرها ما كانت خاينه. وحمزة قالي قبل ما يموت انه هو اللي سجل اسمي في الموقع علشان ينقذ نفسه
نرمين بصعوبه
كان لازم يقول لك كدة علشان ينقذ عشيقته
فضل ضغط اكتر علي رقبتها وقال
اخرسي ندي اشرف منك. وعشرة عمري
نرمين بصعوبه اكتر
هي صحيح عشرة عمرك لكنها ما قدرتش تاخد مكاني في قلبك ا،،،،،،
وما قدرتش تقول اي كلمة تاني لان روحها طلعت للي خلقها وفضل. لسة ضاغط علي رقبتها وهنا اتفتح باب المكتب ودخل عفيفي واللواء غنيم وشافو اللي بيعملو فضل ساب فضل رقبه نرمين وبص لهم. ومابقاش في اي كلام يتقال. المرة دي قتل عمد، ،،،،،،
ويطلع النهار وسالم راح
ل عمر وقال
برضو نرمين ما ظهرتش. كدة بقي ما تزعلش من اللي انا هعمله
عمر
انا بموت يا سالم باشا
سالم
عايز تهرب من الشرط الجزائي اللي في العقد اللي بينا
عمر
اهرب اية. انا بموت
ورفع عمر هدومة وشاف سالم ظفر حيوان جوة بطن عمر وماشي بمنتهي البطئ وبيقطع في لحم عمر والغريب ان الدم بيرجع لبطن عمر بطريقة غريبة سالم بص للمنظر دة وقرف جدا وقال عمر
ابوس ايدك الحقني
سالم جري ناحية باب الفيلا وساب عمر للمصير بتاعه وعمر فضل يصرخ ووقع علي الارض يتوجع وظهر له الابيض وقال
نرمين طلبت مني اعمل فيك كدة. ماتت وهي بتكرهك اوي
و اختفي الابيض والظفر فضل يقطع لحم عمر، ،،،،،،،
بعدها بكام شهر فضل لابس البدلة الحمراء وواقف جوة اوضة الاعدام والشيخ بيلقنه الشهادة وعشماوي بيلبسة الطقية السوادء. و لف الحبل حوالين رقبته ومسك الذراع الخاص بالمشنقة. واستني الامر من الظابط وسحب الذراع وفضل بدات يتخنق ويحاول الهروب لكن ازاي وهو متعلق في الهواء.،،،،،،
ويتغير المشهد ونشوف فضل في جبانه ملفوف في الكفن بتاعه. وعيونه مغمضة لكن بعد تلت خبطات علي باب الجبانه فتح فضل عيونه مرة واحدة، ،،،،،،،
ما تعرفوش مين خبط علي باب الجبانه حاكم انا خايف افتح 😉😉