الفصل الرابع 4
بقلم محمد منصور
بسم الله توكلت علي الله. وهو رب العرش العظيم
وبعد منتصف الليل ومن داخل شقة سيد يسمع سيد صوت خبط علي باب شقته فينهض من نومه ويفتح باب الشقة فيجد امامه جنزير وهو ينظر له ويضحك فيصدم سيد ويقول
انت طيب ازاي
فيدخل جنزير الي شقة سيد بعد مايبعدة عن طريقة ويقول له وهو يجلس علي الركنه
هربت
سيد وهو يغلق الباب مفزوعا ويذهب ناحيته وهو يقول
هربت وجاي لي علي هنا. افرض الحكومه كانت جاية وراك
جنزير
ماتخفش مافيش حد ورايا.
سيد
طيب وجاي لي عايز اية
جنزير
عايز فتحية
سيد
انسي فتحية خلاص سابت كار العوالم. وتابت واتحجبت وبقي اسمها مريم
جنزير ضاحكا
فتحية اية. تابت
سيد
أة تابت. اية اللي يضحك في كدة
فينهض جنزير بغضب ويمسك سيد من لايقة القميص ويقول له
بقول لك ايه. لعب العوالم دة ما يتعملش علية انا. لو فتحية متفقة معاك تقول لي كدة. لا. دة انا جنزير يا روح امك. انطق يا لا. فين فتحية
سيد بانفعال
والله تابت ومابقيتش فتحية اللي انت تعرفها
جنزير
طيب وهي فين
سيد
ماعرفش
فيضغط جنزير علي رقبة سيد بمنتهي العنف ويقول
فين فتحية
سيد وقد احمر وجهه وبدأ الدم لا يصل للمخ. فقال بصعوبه
هاقول لك، ،،،،،،،،،،
وبعديها بيوم ومن داخل محل المنظفات تقف فتحية وتبيع للزبائن فتقف امامها سميرة وتنظر لها فتقول لها فتحية
اجيب لك اية
سميرة
تعرفي انك شببها بالظبط.
فتحية باستغراب
شبهه مين
سميرة
مريم
فتحية
اة. انتي كنت تعرفيها
سميرة
كانت هاتبقي ضرتي. وارتحت انها ماتت لكن باين مش مكتوب لي الراحه
فتحية باستغراب
انا مش فاهمه منك حاجه
سميرة
افهمك انا سميرة مرات حسان
فتحية وقد فهمت
أة. والشيخ حسان بقي كان عايز يتجوز مريم عشان كدة بتقولي ضرتي
سميرة
ايوة بالظبط
فتحية
طيب خلاص مريم عند اللي خلقها الله يرحمها. يعني مش هاتبقي ضرتك
سميرة
هي اة مريم ماتت. بس انتي عايشة
فتحية باستغراب
انا مش فاهمه منك حاجه. انتي عايزا اية بالظبط
سميرة بحدة ورفعت حاجب ونزلت التاني
ابعدي عن حسان احسن لك
فتحية وهي تكتم غيظها
اول حاجه مابحبش حد يكلمني كدة وهو رافع حاجب ومنزل التاني بدل ما اخليكي من غير حواجب خالص. وثاني حاجه انا بعيد ومافيش حاجه بيني وبينه
سميرة وهي ترفع حاجبها مرة اخري
لا. بجد اومال عايز يتجوزك ليه
فتحية بضيق
ماعرفش.
سميرة
اوعي تفتكري ان حسان بيحبك انت. دة بيحب مريم
فتحية
يبقي عيب عليكي لما جوزك يفضل قلبه متعلق باللي ماتت وانتي قدامه.
سميرة بغضب
هي الزباله اللي اسمها مريم الس،،،،،،،،،،،
فتمد فتحية يدها وتمسك سميرة من الايشارب بتاعها وتنظر لها وتقول
لما تتكلمي عن واحدة ماتت. اتكلمي عنها بأدب وخصوصا لما تكون مريم
سميرة وهي تفلت من أيدها وتبعد عنها وتقول بحدة
وانت مالك محمومه عليها قوي كدة هي كانت من بقيت اهلك
فتحية
مريم بقي اللي يمسها يمسني
سميرة
هو اية رضوان المجنون خلاكي تصدقي انك مريم
فتمد فتحية يدها وتمسكها من رقبتها وتسحبها الي داخل المحل وتخلع شبشبها وتضربها وهي تقول لها
رضوان ابويا مش مجنون. وانتي مراة قليله الادب وعايزا تتربي
وتضربها فتحية علقة موت ويدخل اهالي المنطقة ويحجزوا بين سميرة وفتحية وتنزل منيرة من شقتها لما تعرف ان فتحية بتتخانق وتقف قدام فتحية وتقول لها
فتحية اية اللي حصل
فتحية
بتقول علي ابويا مجنون.
سميرة والناس تحجز بنها وبين فتحية
ابوكي اية يا مراة. انتي صدقتي نفسك. انتي واحدة رضوان جايبها من الشارع ومانعرفش اصلها وفصلها
منيرة لسميرة
سميرة عيب كدة. ويالا خدي بعضك وامشي من هنا
سميرة
انا هامشي بس ورحمه امي لا عرفها ازاي ترفع عليه الشبشب
وتخرج سميرة من المحل وهي منفعله وناويه علي الشر، ،،،
وبعديها بكام ساعه ومن داخل المسجد يجلس حسان مع نفسه وهو لايزال يفكر في كلام فتحية ويقول لنفسه
واخرتها معاك يا حسان هاتفضل تفكر كتير كده. انت عايز تتجوزها عشان بتحبها ولا عشان هي شبهه مريم.
فيرد صوت تاني من داخل الشيخ حسان
ماعرفش انا برتاح لها ونفسي تكون مراتي. وممكن كمان عشان هي شبهه مريم حبيبتي
صوت اخر يقول
ولما انت بتحبها كدة مش عايز تتجوزها عشان كانت رقاصه. صح
صوت اخر
رقاصه بس تابت ورجعت لربنا. وربنا بيقبل التوبه. انت يا شيخ الجامع مش هاتقبل توبتها. دة انت المفروض تساعدها في انها تثبت علي توبتها ويمكن يكون جوازك منها سبب لانها ماترجعش تاني للطريق اللي كانت في
صوت اخر
طيب وكلام الناس.
حسان
وهي الناس بتبطل كلام. المهم انا اكون مرتاح. وعشان أرتاح لازم الجأ لربنا واقوم اصلي استخارة واللي يرده ربنا ليا هو اللي هايكون ،،،،،،،،
ومن امام محل المنظفات يقف جنزير وينظر لفتحية اللي كانت مدي له ظهرها ويقول لها
عايز حاجه تنظف الوساخه
فتنظر له فتحية وتنصدم عندما تراه وتقول له
انت خرجت ازاي. وازاي سيد يقول لك علي مكاني
جنزير ببرود
اية يا توحه. انتي فاكرة جنزير مش هايعرف يجيبك. واية بقي. اية اللي عندك ينظف الوساخه
فتحية بلغة حادة
علي حسب الوساخة تنفع تنظف ولا. لا
جنزير
شوفي انتي نظفتي باية
ويضحك ويقول
بس تعرفي مش لايق عليكي الحجاب اللي انتي لابسه دة. وانتي عريانه بتبقي احلي
فتحية
خلاص فتحية اللي كان لحمها رخيص ماتت. واتولدت جوها مريم النظيفة الطاهرة
جنزير بلغة التهديد
وياتري مريم الطاهرة. الناس هنا تعرف انها رقاصه
فتحية بتهديد
اسمع يا جنزير انت تاخد بعضك وتمشي من هنا بدل تلاته بالله العظيم ابلغ الحكومه عنك يجيو ياخدوك
جنزير
وماله. بس المرة دي انا وانتي هانرجع السجن. وخصوصا انك انتي هربانه زيي. ولا نسيتي مين اللي خلاني اقتل بدر
فتحية برجاء
حرام عليك. انا لو دخلت السجن بنتي هاتتبهدل من بعدي
جنزير
ملعون ايوة بنتك اسمعي مبروك عليكي النظافه والصابون اللي انتي بقيتي في. بس
ويسكت جنزير فتقول فتحية
بس اية كمل
جنزير
عشان انسي واسيبك في حالك محتاج اسيب مصر وعشان اسيب مصر عايز فلوس وفلوس كتير عشان اعيش
فتحية
بس أنا اتبرعت بفلوسي كلها ومابقاش حيلتي حاجه
فيضحك جنزير ويقول
عليه انا برضو. ده انتي توحه أيحه وجلده والجنيه بيطلع منك بالدم
فتحية
والله، ،،،،،،
فيخبط جنزير علي تربيزة الصابون وهو يقاطعها ويقول
اسمعي يا بنت المراة. انا جنزير مش هيثم وياما استحملت قرف امك وكلامك معايا لكن دلوقتي الوقت دة وقتي لتكوني خدامه ليا وكلامي يمشي علي رقبتك وتديني فلوسك اللي انتي حواشتيها من الحرام واللي بقيت وحشة دلوقتي يا نظيفة. يا اما احزنك علي بنتك
فتحية
لا. ابوس ايدك. بنتي لا. انا ماعنديش غيرها
جنزير
يبقي اسيبك دلوقتي وهارجع لك تاني عشان تكوني فكرتي. سلام يا طاهرة
وينظر لها وهو ينصرف وبيضحك وفتحية تجلس علي الارض من كتر الهم وتبكي وتنظر للسماء وتقول
يارب حلها من عندك. مش عشان خاطري انا عشان خاطر بنتي لو انا. أنا ماستهالش بس عشان خاطر بنتي،،،،،،،،
وفي نفس الوقت ومن قدام احدي محلات السوبر ماركت تقف سميرة مع رضوان وتقول له
زي مابقول لك كدة . هو حسان اللي كان مرافق بنتك مريم في الحرام وهو اللي كلمها في التيلفون يوم الحادثة اللي حصلت لها وكانت السبب في موتها.
فينصدم رضوان ويصرخ صرخه مخيفه ويجري ناحيه بيته كالمجنون ويدخل المطبخ وياخذ سكينه ويجري بها كالمجنون في الشارع ويدخل الي الجامع وينظر لحسان الذي كان يصلي ولكن رضوان لم يراعي اي حرمه واتجه بالسكينه ناحيه حسان. وبمنتهي الغضب وغرز السكينه في، ،،،،،،،،،،،،،،
اية اللي حصل لحسان. وفتحية هاتعمل أية مع جنزير