رواية الدموع المرة الفصل الواحد والعشرون 21 بقلم يارا محمد
وليد اتصل بصحفي يعرفه وبلغه بخبر القبض ع اواب الزيني واعطي ليه التفاصيل .
وليد
المهم عايزك تطلعه شخص حقير اوي انت فاهم حط شطه ع الاخبار عايز سمعته تتساوي بالاسفلت فاهمني.
قفل المكالمه وعمل مكالمه تانيه
طمني البضاعه بعدتها عن الشركه ولا لا .
الحارس
اتنقلت يا وليد بيه هي ف مكان تاني دلوقتي .
وليد
تمام اوي عايز الشركه رماد باللي فيها مش يهمني الناس أحرقها فاهم .
وليد قفل المكالمه وروح بيته يستمتع بالدنيا اللي بقت ملكه واتهدت ع دماغ وليد و الأهم يشوفها .
رجع البيت وعرف أنها وصلت ابتسم دخل المطبخ وحضنها .
وليد
ميلا أماتو كم اشتقت لكي ايتها الروسيه الجميله أكانت رحلتك هادئه و مريحه .
ميلا بابتسامه
و انا ايضا اشتقت لك اوسكار نعم كانت هادئه طمئني اجري انتقامك ع ما يرام احكي لي التفاصيل .
وليد حكي ليها كل حاجه وهو مستني الحكم علشان يحصل ع ثروة اواب .
ميلا
دعنا من هؤلاء الناس اتذكر كيف عملت معنا وتعرفت عليك .
وليد ابتسم ليها وافتكر السنين اللي قضاها ف خدمه اوستان أماتو .
Flash back
بعد ما بدا وليد شركته الصغيرة كان كل هدفه أنها تكون مشهورة ومن ارقي رجال الأعمال ف روسيا كان بيشتغل ليل نهار وبيعمل عقود مع مستثمرين ف الشركات الناشئه و ف يوم دخلت بنت شركته علشان تعمل معاه صفقه اغذيه كبيرة اول ما شافها وقع ف جمالها وعيونها الزرقاء اتكلمت معاه ف الشغل وكانت لبقه جدا ومع مرور الأيام مقابلتهم كترت ف الشغل وبرة الشغل لغايه ماحبها حكالها حكايته واخدته بيتها .
ميلا
اعرفك ب والدي هيساعدك لغايه ما تكون شخص مهم ف روسيا كلها .
وليد
ازاي وهو والدك بيشتغل ف ايه .
اوستان
انا زعيم مافيا كبير بشتغل ف كل العمال الممنوعه ميلا حكتلي عنك كتير علشان كده خليتها تجيبك هنا .
بص لميلا اللي بادلته بنظرة باردة وحضنته بهدوء مش انت عايز تنتقم من قريبتك اللي خلتك ف نظرها ولا حاجه احنا هنساعدك مش هتندم ابدا لكن لازم تبقي مطيع لينا .
اوستان نده لمساعده وحط قدامه شنطتين
اوستان
دي شنطه فيها الماظ و التانيه كوكاي*ين كل اللي عليك انك ..... ها فهمتني لو قدرت تنفذ العمليه اوعدك انك هتكون شخص مهم اوي .
وليد بص للشنطتين و للحظه فكر أنه ليه لا يجرب هيحصل ايه وليد اخد الشنطتين بعد ما اوستان فهمه هيتسلمه فين و بالفعل وليد سلم الشنطتين واخد بدالهم شنطتين فلوس ورجع بيهم ل اوستان اللي انبسط بيه اوي ومع مرور الأيام وليد كبرت شركته بالاموال المش*بوهة وبقي رجل اعمال كبير والكل بيعمله حساب لكن معرفته ب اوستان أماتو بقت ف السر لكن معرفش يخلي علاقته ب ميلا كده وطلبها للجواز ووافقت وبعد سنين رجع وليد مصر بشكله الجديد وتغيره وبدأت خطته للانتقام من تاليا و اواب .
Back
وليد
مش ناسي أن الفضل كله يرجع لابوكي ابدا و ليكي.
ميلا
و ناوي تعمل ايه دلوقتي .
وليد
مش مهم هعمل ايه انتي وحشتيني تعالي معايا وووو.
ف المستشفي كانت ملك و ضياء جنب حذيفه لغايه ما فاق وبصلها .
حذيفه
مبسوط انك خرجتي بالسلامه المهم انك كويسه .
ملك بدموع
سيبك مني دلوقتي المهم انت تبقي كويس و تقوم بالسلامه .
ضياء
سلامتك يا صاحبي .
حذيفه جه يقوم بس مش كان عنده احساس بدراعه وبصلهم .
حذيفه
ضياء ليه مش حاسس بدراعي ابدا انا مش قادر احركها.
ضياء بكذب
من البنج مش تقلق عطوا ليك بنج قوي علشان بس كانت مكسورة خليك مرتاح بس .
ملك مش قدرت تتحمل وخرجت برة المستشفي منهارة و بتعيط جه ضياء من وراها .
ضياء
اهدي هيكون كويس بس خليكي متماسكه علشانه .
ملك
اهدي ازاي و اللي حصل بسببي من لما دخلت حياته و هو كل شويه مشاكل مع اواب و آخرها خلي اخوه يعمل حادثه و النتيجه شلل بدراعه و مش عارفين هيكون كويس ويحركه و لا لا انا السبب ف ده يا ريتني ما دخلت حياتهم لو كنت اتذللت ل زوجه ابويا كان زماني قاعدة معاها كل الحق عليا .
ضياء قعد جنبها وكان هيحط ايده ع رأسها و يطبطب عليها بس مقدرش قعد جنبها و بس لكن هي ف لحظه قررت تنهي حياتها بسبب الالم و احساسها بالذنب ناحيه حذيفه قامت جريت و وقفت ف نص الطريق قدام عربيه .