الفصل الثاني والعشرون 22
بقلم محمد منصور
اترعبت اسيا اول ما حطيت رجليها في البحيرة لانها شافت 7 جثث تحت رجليها ودول يبقو ولاد عمامها احفاد الابيض ولسة هتخرج رجليها من البحيرة قال لها نوح
اي خطوة منك الغرض منها الرجوع هيكون ثمنها قطع رجلك. وما تلوميش الا نفسك لاني قولت لك الرجوع كان ممكن قبل ما تنزلي البحيرة لكن دلوقتي الرجوع ممنوع
اسيا بصت لتماره اللي كانت واقفة برة البحيرة وقالت تماره
سيبك من الدجال دة وتعالي نمشي من هنا بسرعة
نوح بص ل تماره وقال
الرد علي اهانتي هيكون بعد علاج صاحبتك. و اسيا بنفسها هي اللي هترد اهانتي
اترعبت تماره من كلام نوح اللي رجع بص ل اسيا وقال
كملي مشي في البحيرة ودوري علي السمكة اللي بعيون انسان. علشان تعرفك مستقبلك في اية
اسيا كانت بين نارين عايزا ترجع لكن خايفة فعلا لرجليها تتقطع وعايزا تكمل تشوف اخرة اللي هي في دة اية وبعد لحظات من الحيرة في اختيار القرار. قررت تدوس برجليها في ارضية البحيرة وتخطو كمان خطوة.،،،،،،،،
نهاية اللعنة . حكاية جديدة من ضمن حكايات.
بسم الله توكلت علي الله. وهو رب العرش العظيم
ويتغير المشهد ونروح ل ثريا اللي قاعدة قصاد عيلتها وبتقول
انا عمري ما هانسي اللي انتم عملتو في والدي
قابيل
احنا عملنا اللي كان هيعملو والدك فينا لو جاع وكان هو الاقوي. وبدل ما تحاكمينا فكري ازاي نقدر نرجع زي الاول ونخلص علي الاعمي
هنا ثريا يجي لها تشنجات ويترفع جسمها لفوق. بشكل مرعب وبعدها تقع علي الارض وتبص ل قابيل وتقول
في حد جوة مخي
قابيل
الاعمي رجع يهاجم مخك من تاني
ثريا وهي بتصرخ
لا. مش هو دة حد اقوي منه
وفضلت ثريا تصرخ وقابيل واللي مع واقفين قصاد منها مش عارفين يعملو اية،،،،،
في نفس الوقت كانت اسيا ماشية جوة البحيرة لغاية ما شافت سمكة بتعوم ضد التيار جريت ناحية السمكة دي علشان تتاكد انها السمكة اللي بدور عليها واتاكدت فعلا هي السمكة اللي بعيون انسان بتمد ايدها علشان تمسكها السمكة اتحولت
ل قرش. والقرش دة هجم علي اسيا اللي صرخت باعلي صوتها وحاولت تهرب منه لكنه غرز اسنانه في ايدها اليمين. هنا بصيت ناحية نوح وقالت
الحقني ابوس رجلك
نوح
دة مصيرك ولازم تقدري عليه
القرش كان بيقطع لحم ايد اسيا وتماره بتصرخ ودم اسيا اختلط بمية البحيرة وهنا اسيا حطيت صباعها في عين القرش الشمال وفضلت تغرز ظوافرها في العين لغاية ما خرجت بيها من وشه صرخ القرش صرخة انسان وابتعد عنها وبقي هو اللي بيهرب منها والعين الشمال بتاعته في ايد اسيا والغريب ان العين اختلطت بلحم ايدها. وبقي كف اسيا عبارة عن شاشة صغيرة بيتعرض عليها احداث هي مش قادرة تفهمها
وهنا قال سمعت نوح بيقول
دة الماضي والمستقبل وهتفضلي تشوفي الاحداث متلخبطة لغاية ما تخلعي العين التانية من وش القرش
بصيت اسيا للقرش اللي عمال يلف في البحيرة ولسة بيصرخ صرخات انسان وحسيت انها الاقوي والمسيطرة وقررت تروح وراء منه علشان تخلع العين التانية وفعلا جريت وراء منه في البحيرة وهو بيحاول يهرب لكنها قدرت تزنقه وبصيت له باصرار شديد وقالت
من غير اي مقاومة خليني اخلع العين التانية
القرش غطس في البحيرة واسيا غطست وراء منه ولفت ايدها بجسمه وحاولت توصل للعين اليمين وفعلا وصلت رغم انها بتحارب القرش بايد واحدة لكن اسيا كانت الاقوي. وغرزت ظوافرها في عينه وطلعت بالعين اليمين ومسكتها بايدها اليمين المصابه وزي ما حصل في الايد الشمال حصل في الايد اليمين والعين اختلطت بلحم الايد والكف بقي شاشة طلعت من البحيرة وحطيت ايدها اليمين جنب الشمال وبدا الماضي والمستقبل يبان قدام منها احداث مفهومة وواضحة و تماره ما كنتش مصدقة اللي شايفا ونوح قال
دة هدية جدك الابيض ليكي واللي هتكون سبب موتك لولا ما خلصتيش من اللي عايز يسرق الهدية دي منك.
اسيا كانت بتتفرج. في كف ايدها علي نفسها وهي بتولد عيل وبيكبر قدام منها
و كانت فرحانه اوي لكنها قالت
مين يقدر يقرب من الهدية دة انا كنت شربت من دمه
نوح
هو فعلا قريب واقوي منك. هو الحفيد الثامن. لكن انا ماقدرش اقول اكتر من اللي قولته ودوري لغاية هنا خلص
واتحول نوح لكومة من تراب في لمح البصر
تماره اترعبت وقالت
يلا بقي نمشي من هنا بسرعه
وفعلا الاثنين خرجو من بيت الابيض، ،،،،،،،،
ويتغير المشهد واسيا وصلت شقتها و فتحت باب الشقة علشان تلاقي قصاد منها خالد قاعد علي الركنة اللي قصاد الباب وقال
حمد لله بالسلامة
اسيا استغربت وقالت
انت مين ودخلت هنا ازاي
خالد
انا ابن عمك
اسيا
ابن عمي واول مرة اشوفك
خالد
بلاش ابن عمك انا الحفيد الثامن من احفاد الابيض
اسيا قفلت الباب وراء منها وقالت
اة. هو انت
وفتحت كف ايدها وشافت اللي خالد هيعمله وقفلت كف ايدها وراحت قعدت قصاد منه وهو قال
واضح ان هدية جدي ليكي مجمده قلبك
اسيا
ما هو برضو الهدية بتاعتو ليك جمدت قلبك
خالد
بس ما تعرفيش لية احنا الاثنين بس اللي ادانا هدايا تخص عالم الجن
اسيا
ممكن علشان احنا الاثنين اخبث احفادة
خالد
علشان كدة جدنا الابيض خلي السبعة التانين يخلصو علي بعض
اسيا
ما انت جاي علشان تخلص عليه وتقطع ايدي وتمتلك الكف اللي يتشاف بي المستقبل
خالد
دة انتي دخلتي دماغي وعرفتي انا بفكر في اية
اسيا
دخول الدماغ والسيطرة علي المخ دة هدية الابيض ليك انت. لكن انا هديتي بتبطل هديتك وعلشان كدة مخلياك قاعد قدامي بتحارب علشان تدخل مخي لكنك مش هتقدر اصل الكف بيمنع دخول اللي زيك مخي وتفضل قصاد مني اعمي مالكش اي لزمة
خالد اتعصب وطلع مسدس من جيبة وصوبه ناحية اسيا وقال
هموتك
اسيا
دة نفس اللي شوفته في الكف.
في الوقت دة اتفتح باب الشقة ودخل فضل بشحمة ولحمة وقال
بسرعة كدة يا ولاد عمي النهاية هتنزل
اسيا بصت لفضل وقالت
انت مين ودخلت ازاي
لكن وراء فضل دخلت ثريا ومعاها عيلتها وقال فضل
ل ثريا
خالد قصاد منك انتقمي منه زي ما انتي عايزا
خالد
مين اللي هنا. وعايزين مني اية.
فضل
صعبان عليه يا خالد لان الهبه اللي عندك بتروح في حضور اسيا صاحبة الكف
وهنا ثريا هجمت علي خالد هي وعيلتها وقالت
بدا الانتقام
وبداو يعذبو و يتغذو علي الخوف والوجع واسيا بصيت لفضل وقالت
انا ازاي ما شوفتش ان كل دة هيحصل وان انت جاي. ازاي الكف ما ورنيش اللي بيحصل دة.
فضل
من حقك تفهمي انا مين وازاي قدرت عليكم