الفصل الرابع 4
بقلم محمد منصور
اللهم صل وسلم علي محمد صلاة تحل بيها العقد وتفك بيها الكرب
شرف طلع ورقة من جيبة وقال
انتي طلبتي مني دليل يثبت لك ان ادم وسخ زي ابوه وانا جبت الدليل دة
وادي فريدة الورقة اللي كانت في ايدة وبصت فريدة في الورقة اللي كانت عقد جواز ادم علي واحدة اسمها عنبه الدباح ونزلت دموع فريدة زي الشلال وقالت بصوت مخنوق
اية اللي شايفا دة
لكن هنا بصت فاطمة ل شريف وقالت
مش عنبه الدباح دي البت اللي شغاله عندك في مصنع البلاستيك واتقفشت معاها في المخزن
شريف بارتباك
ما عرفش
فاطمة بحدة
لا هي.
وقالت فاطمة ل فريدة
وريني الورقة دي يا فريدة
اديتها فريدة الورقة وبصت فيها وقالت
عنبه دي تبقي مرات شريف
كل الموجودين استغربو وقالت فاطمة
مش فاهمين ازاي هفهمكم من كام شهر شريف اتمسك في المخزن وهو في حضن عنبه دي ولما وجهته انكر وقال انه ملهوش علاقة بيها. لكنه طلع كذاب واهو متجوزها. وفي حد لعب في عقد الجواز دة وزود اسم ادم في خانة الزوج علشان يبوظ
الخطوبة دة لو ابوكي ركز في الصورة بتاعت العريس كان عرف انها متغيرة
وبصت فاطمة ل شرف اللي خطف عقد الجواز منها وبص فيها وشاف اسم ادم متزود بطريقة غبية وحتي الصورة بتاعت العريس متغيرة بطريقة متخلفة لكنها دخلت علي شرف وهنا قال لنفسه
عملها فيا فتحي الماظة علشان ياخد مني 1000 ج. حق العقد المضروب دة
وهنا ادم بص ل شرف وقال
معلش بقي يا عمي ما جاتش فيا
لكن هنا ادم سمع صوت امه فاطمة وهي بتقول
ورحمة امي لو ايدك لمستني او جيت ورايا ل اكون رامية نفسي من البالكونة ولازم ابويا خميس يجي يشوف حل معاك
وسابته ومشيت وراحت وراء منها عديلة وفريدة وادم علشان يهدوها وبص شريف ل شرف وقال
روح يا شيخ الهي يخرب بيتك زي ما خربت بيتي. اهو بسببك اهو هنام النهاردة في السجادة اللي قصاد الباب المكتوب عليها و يلكام
شرف
حتي قال لك ترمرم وتخون مراتك مع واحدة اسمها عنبه الدباح
شريف
دي مراتي علي سنة الله ورسوله وبقالها شهرين علي ذمتي لولا انت يا وش الغراب
شرف
انا ما كنتش عايزك انت لكنها جت فيك
شريف
ورحمة ابوك وامك ل نفخك يا شرف ومش هرتاح الا لما اخرب بيتك زي ما خربت بيتي
شرف
انا ما بغلطش ومش رمرام زيك
شريف
قابل وقعد بقي يا ابن والدي،،
ويتغير المشهد ونروح لشقة شريف اللي اتصلت بابوها خميس اللي جه ووقف قصاد شريف وقال بعصبية
بنتي عندي ولما طلق اللي انت اتجوزتها دي ابقي تعالي نتكلم
فاطمة
يا ابا دة مش كفاية انا عايزا يطلقني
شريف
يا فاطمة عيب مش كدة مش بعد ما وصلنا للسن دة نحكي مع بعض في طلاق. جوازي منها غلطة وهصلحها
ادم كان واقف وقال
ماما ما ضحكيش علينا الناس طلاق اية بس
فاطمة
ايوة ما انت ابن ابوك وراجل زيه وكلكم هاتيجو عليه وتعملو رباطية
شريف
رباطية اية بس احنا معاكي مش ضدك يا فاطمة
وبص ل خميس وقال
ما تخلهاش يا معلم تسيب بيتها وانا اللي هسيبة لغاية ما تهدئة
فاطمة
ايوة وتجري تروح تترمي في حضنها
شريف
وغلاوتك عندي ما هتبات النهاردة علي ذمتي ولا هتبات في الشقة
فاطمة عيطت وقالت بحرقة
غلاوتي ما انا عرفت غلاوتي عندك بعد ما استحملتك كل السنين دي رايح تجيب لي ضره
حاول شريف يقرب منها علشان يهديها وهو بيقول
ما خلاص بقي يا بطتي
زقته بعيد عنه وقالت وهي متعصبة
بطة تنط في وشك تاكل حبابي عينيك اللي شوفت بيهم واحدة غيري
شريف
و اهون عليكي
فاطمة
اة تهون.
وفجاة صرخت وقالت
غور من وشي
جري شريف من قدامها باقصي سرعة، ،،،،،،
في نفس الوقت كانت عديلة بتقول ل شرف بحدة
ينفع اللي انت عملته دة
شرف
انا ولا هو اللي رايح يتجوز علي مراته عنبه. وبعدين انا ما كنش قصدي هو لكنها جت في بالغلط
عديلة
اهو الغلط دة هيكون السبب في خراب بيت اخوك
شرف
دة مش اخويا.
عديلة
مش وقته يا شرف وزي ما خربتها صلحها
شرف
حاضر يا عديلة هصلحها. ما هي اصلا جيرا تجيب الوش،،،
في نفس اليوم بالليل ومن جوة المصنع بتاع شريف يقف شريف وحوالين منه كام راجل من رجلته وكان متعلق من رجلة قصاده اتنين واحد فيهم فتحي الماظة وشريف بيقول له
اهو جابك الخروف لغاية عندي
ومسك شعر الراجل التاني اللي متعلق جنب فتحي وقال فتحي
ابوس ايدك ورجلك يا معلم ارحمني انا ماليش دعوي اخوك اللي قالي اعمل كدة
شريف
تقوم تروح للخروف وتدي له 500 ج. ويدخلك مكتبي وانا مش موجود ويخليك تقلب في الاوراق بتاعتي
وضربه شريف بالقلم وكمل وقال
دة انت يا رمة زورت عقد جوازي علي اساس انه عقد جواز ابني. مش كدة
فتحي
انا قليل الادب ومش متربي
شريف
ما انا جايبك هنا علشان اربيك
ومسك شريف كرباج وهنا صرخ فتحي وقال
ما تضربنيش يا معلم وانا عندي اللي يخليك تخرب بيت اخوك بي
شريف
الله طيب سمعني
فتحي
ابن الباشا. اخوك اتجوز عاملة نظافة في سيرك لمدة 10 ساعات
شريف بلهفة
بس كدة
فتحي
لا دة مخلف منها عيل
ضحك شريف وقال
اهلا بيك يا ابن والدي في عالم سمسم، ،،،،،،،،