الفصل الثامن عشر 18
بقلم محمد منصور
انا الاعمي اللي بقدر اشوف اللي انتم ما تقدروش تشوفو
الجملة دي قالها شاب في الثلاثين من عمره ل فضل اللي خرج من الجبانه عايش ورد عليه فضل وقال
انت مين. ولية خبط عليه
الشاب دة قال
انا خالد وانا دلوقتي جوة احلامك وكان لازم اخبط علشان تأذن ليا بالدخول
ل مخك
فضل
انا ميت ازاي هكون بحلم
خالد
احفاد الابيض ارواحهم مسجونه بسلاسل ملك الجن جرهام لكن جسمك دلوقتي ملك. نفر من الجن اسمه. تابع
فضل
وانت ازاي عرفت حكاية الابيض
خالد
لاني الحفيد الثامن من احفاد الابيض التسعة
فضل
هو انت اية حكايتك
خالد
حكايتي اغرب حكاية ممكن تسمع عنها او تشوفها، ،،،،،،
عالم تاني . حكاية جديدة من ضمن حكايات.
اوراق التاروت
ودي اقتباس من احلي الافلام اللي شوفتها علي مشاهد متالفة من عندي
من تاليفي
محمد منصور
منص
وقبل ما نبدأ الحلقة نوحد الله ونصلي علي خير خلق الله سيدنا محمد. صلاة تحل بيها العقد وتفك بيها الكرب
بسم الله توكلت علي الله. وهو رب العرش العظيم
خالد صاحب الثلاثين سنه. من عباد الشيطان وبيعمل اي حاجة تغضب ربنا. كان مستهتر جدا ورافض لاي قيم وعادات وتقاليد وسمع عن موقع اوراق التاروت. فقرر يدخل الموقع علشان يعرف مستقبله ويرفض يحقق في اي حاجة هو مش عايزها. وبعد ما سجل اسمه نام.
و صحي من نومة زية زي اللي قبله ومسك الورقة بتاعته وقال
في حب الشيطان انا جاهز لمعرفه مستقبلي. ومهما كان هو اية انا اتحدي انه يتحقق
وقلب الورق وكان مكتوب
**من النور للظلمة. ومن الظلمة للنور. انت اخترت التحدي والشيطان جاهز ليك بهدية عيد ميلادك **
وكان مكتوب تحت الجملة دي
**لو الباب خبط اوعي تفتح والا العقاب هيكون غير محتمل **
وتحت الجملة دي مكتوب
**العقاب عذاب والعذاب رحمة من عقاب اصعب**
وهنا سمع خبط علي باب الشقة اللي هو عايش فيها بيخبط فقال
الهدية وصلت.
لكنه بص في الورقة تاني وقراءة.
لو الباب خبط اوعي تفتح
لكنه ضحك وقال باستهزاء
مين يقدر ياذيني. انا ضد الكل
وراح وفتح باب الشقة وهنا شاف نور كبير خارج من الحيطة اللي قصاد منه. بص للنور دة وهو مستغرب بعدها النور بدا يقل بشكل تدريجي لغاية ما الظلمة احتلت المكان وخالد ما بقاش شايف اي حاجة بدا يحسس بايدة ويقول
اية اللي حصل انا مش شايف اي حاجة لية
وبدا يطبش بشكل عشوائي وعمال يصرخ ويقول
اية اللي بيحصل لي. لية بيحصل فيا كدة.
وقفل الباب ودخل شقته وراح ناحية موبيلة واتصل ب مني حبيبته اللي رديت عليه وقالت
خالد اية اللي صحاك بد،،،،،،
قاطعها وقال وهو مرعوب
مني انا مابقتش اشوف ما بقتش اشوف تعالي بسرعة.،،،
بعدها بشوية ومن جوة عيادة دكتور عيون وبعد. م الدكتور كشف علي خالد قال
السكر ارتفع في الدم بطريقة غريبة سبب تلف في الشبكية
خالد
سكر اية انا عمري ما كنت مريض سكر
الدكتور
دة اللي باين قصاد مني بعد الكشف
هنا ادخلت مني وقالت
طيب ودة يا دكتور لي علاج
الدكتور
علاج علي المدي البعيد
مني
يعني هيرجع يشوف تاني
الدكتور بنبرة حزينه
اتعشمي في رحمة ربنا. هو قادر يشفي
خالد وهو بيلوش
لا. انا مش هعيش اعمي سامعني يا دكتور. انت تاخد كل اللي حيلتي وترجعني اشوف تاني
الدكتور
يا ابني مش بايدية اعمل اكتر من اللي عملته
خالد
مني يلا بينا نروح لدكتور تاني يكون بيفهم
الدكتور
الله يسامحك،،،،،،
ويتغير المشهد ومني كانت واقفة مع خالد قصاد العمارة اللي فيها عيادة الدكتور وكانت بتقول له
انا هطلب لك اوبر يوديك عن احسن دكتور عيون
خالد اتصدم وقال
وانتي مش هتيجي معايا ولا اية
مني
خالد انت عارف اني مش فاضية وعندي شغل متلتل في الشركة. روح انت للدكتور وانا هتابعك بالموبيل
خالد
طيب همشي ازاي في الشارع وانا عاجز كدة
مني
اتسند علي اي حد.
ووصل الاوبر ومني ركبت خالد وهي بتقول
يلا سلام بقي وهبقي اطمئن عليك
وسابته مني وراحت وركبت عربيتها وخالد مش مصدق اللي هي عملته دي حب عمره وهنا كابتن الاوبر بص له وقال
يا استاذ تعرف طريق مختصر للعيادة دي ولا امشي علي الابلكيشن
خالد بصوت حزين
مش هنروح العيادة. رجعني البيت.
الكابتن
كدة الكلام هيختلف والمشوار بتاع بيتك هيكون باجرة تانية
خالد
وديني البيت وهديك اللي انت عايزة، ،،،،،،،
ويجي الليل وخالد نايم علي سريرة بيفكر في اللي حصل له لكن من التعب نام. وهنا يشوف في احلامه خمسة في طريق مقطوع مكان ملهوش علاقة بكوكب الارض وكانه راح عالم تاني وقصاد الخمسة دة طفل عنده 10 سنين. وفي ست ضمن الخمسة دول ودي باين انها الرئيسة بتاعتهم ودي اسمها ثريا وكان الطفل مرعوب منها وبيقول
انتي هتعملي فيا اية
ثريا
جعانه وانت اكلنا بتاع النهاردة
الطفل بخوف شديد
هتاكله لحمي
ثريا ضحكت وقالت
احنا بنتغذي علي الوجع والخوف
وطلعت مشرط صغير من هدومها وغرزته في رجل الطفل وبدا الطفل يصرخ ويعيط من الوجع وثريا بدات تسحب بخار طالع من جسمه ودة الوجع والخوف اللي الطفل حاسس بيهم وبعدها بصت لعيلتها الاربعة التانيين وقالت
كلو واشبعو
وغرزت المشرط تاني في نفس الرجل بتاعت الطفل والطفل صرخ. ومع صرخاته طلع بخار اكتر من جسمه وبداو يسحبو البخار دة جوة جسمهم والطفل بدا يتحلل واللحم يختفي لغاية مابقي هيكل عظمي وهنا ثريا بصت وراء منها بخوف شديد فقال لها جوزها اللي من نفس فصيلتها واسمه قابيل
في اية
ثريا
في حد شايفنا
قابيل
مين بس يقدر يشوفنا واحنا في عالم الاحلام
ثريا
انا متاكدة ان في شايفنا
وصرخت باعلي صوتها وهنا يقوم خالد من نومه وهو ماسك ودانه اللي بتجيب دم وقال لنفسه وهو مرعوب
اية اللي انا شوفته،،،،،،،،