الفصل الثامن 8
بقلم محمد منصور
اللهم صل وسلم علي محمد صلاة تحل بيها العقد وتفك بيها الكرب
من جوة قسم يقف شرف وشريف قصاد الظابط والظابط كان بيقول لشريف
يعني الامضاء امضتك وبتنكر ان خد الفلوس منها طيب لية مضيت علي وصل الامانه دة كنت تحت تهديد مثلا
شريف بص لشرف مستني يدافع عنه لكن شرف قال
حضرة الظابط من غير كلام كتير. افتكر ان امضت المتهم مظبوطة ف بنص القانون يا الدفع يا الحبس
شريف اتصدم وقال
شرف انت بتقول اية
شرف
مالك مستغرب لية يا معلم شريف انا بجيب جق موكلتي السيدة عنبه
شريف اتصدم اكتر وهنا قال الظابط
هو انت يا معلم شريف ما تعرفش ان اللي قدم وصل الامانه دة لينا هو استاذ شرف
شريف
لا ما عرفش ويارتني ما كنت عرفت اصل حاجة اتوقعها ان اخوي يكون ضدي ويساعد نصابين في النصب عليه
شرف
انا عمري ما كنت معاك علشان اكون ضدك احنا طول عمرنا انت من سكة وانا من سكة تانية خالص
الظابط
ممكن نخلينا في المحضر ونركن مشاكلكم العائلية دي علي جنب
شرف
يكون احسن
الظابط ل شريف
ودلوقتي هتدفع ولا اخد اجراءت تانية
شريف بص ل شرف وهو مخنوق وقال
لا هدفع يا بية ،،،،،،،،
ويتغير المشهد ونشوف فريدة واقفة قصاد شرف وبتقول له وهي بتعيط
اية يا بابا اللي انا عرفته دة
شرف
عرفتي اية
فريدة
انك ضد عمي شريف
شرف
انا بشوف شغلي وانتي مش هتعرفيني اعمل اية وما اعملش اية يلا خشي اوضك
فريدة
لا يا بابا انا اخاف اقعد معاك بعد اللي انت عملته في اخوك. وهروح ل ماما عند جدي
شرف
انتي حرة بلا دلع بنات
وخبط كف علي كف وهو رايح ناحية اوضة وبيقول
مابقاش الا عيلة زيك تعرفني اعمل اية وما اعملش اية،،،،،،
ويتغير المشهد ونشوف شريف قاعد مهموم وحزين وادم واقف قصاد منه وبيقوله
هون علي نفسك واهدئة وفكر صح وماتنساش ان اللي عمله عمي شرف دة بسبب الحرب الباردة اللي كانت بينك وبينه
شريف
انا عمري ما كان في حرب بيني وبينه. انت ما تعرفش انا فرحت ازاي لما الصدفة خليت مراته من سنين تيجي لغاية عندي علشان تاخد شقة
ووقتها ما ختش منها
ولا جنية. وعزلت وبقيت جنبه كنت عايز اتونس بي واخد بحسة وياخد بحسي لكنه كان ديما قاسي عليه وشايفي غلط علشان بس شوفت مصلحتي ودورت علي لقمة عيشي بعد ما خلعت من فوق كتفي لقب عيلة الباشا شرارة
ادم
عمي ما بيكرهش عمي بيكرة فشلة اللي شافة في نجاحك
شريف
وحياة اللي خلفوك بلاش كلام. ام بي سي مصر دة انا مش ناقص
ادم
والله دي الحقيقي وانا عارف ومتاكد انا بقول اية. والايام هتثبت لك اني صح وهتعرف ان عمي مستحيل يكون ضدك
في الوقت دة يسمعوا صوت خبط علي باب الشقة فراح ادم يفتح وهنا يشوف شرف قصاد منه فقال
ازيك يا عمي اتفضل
شرف
ابوك هنا
ادم
جوة
دخل شرف الشقة وكان معه اوراق ووقف قصاد شريف اللي كانت دموعة بتنزل علي خدة فقال شرف
شريف انت بتعيط
شريف مسح دموعة وقال
لا انا كنت بخرط بصل عطلان عليه في حاجة
شرف حط الاوراق اللي معه قصاد شريف بص شريف للاوراق وقال
اية دة
شرف
افتح وشوف
شريف فتح الاوراق و لقي الاوراق اللي عليها امضته اتصدم وقال
انت عرفت تجيب الاوراق دي ازاي
شرف
ما هو انا عملت نفسي في صف عنبه واخوها ووعدهم اني اخرب بيتك بالاوراق دي ودة كله علشان اخد منهم الاوراق دي وانقذك من ايد نصاب كبير بيتحكم في عنبه واخوها. وبينتقم منك انت بالذات
شريف
ومين دة اللي بيعمل كدة
شرف
لسة ما اعرفهوش لكني هعرفه وهسجنه
شريف
يعني انت ما كنتش ضدي
شرف
هكون ضدك ازاي بس دة انت برضو اخويا ومهما حصل ما بينا وقسيت عليك ف مش هيوصل بيا الحال اني اسجنك بايدي
شريف بص ل ادم اللي قال
مش قولت لك
شرف
شريف انا عمري ما كرهتك لكني كرهت فشلي في نجاحك
بص شريف ل ادم وقاله
انت دجال ياة.
ادم
والله ابدا بس دة تفسير منطقي لكل اللي بيحصل من عمي اتجاهك
شرف ل شريف وادم
هو في اية
شريف
دة حلقة ذكر بيني وبين ادم ما تشغلش بالك انت. طيب ودلوقتي يا ابن والدي ناوي علي اية
شرف
بالاوراق دي هنثبت ان وصل الامانه مزور وانك ما خدش الفلوس دي من عنبه ولو ما اعترفتش عنبه بالحقيقية هقدم فيها بلاغ ل مباحث الاموال العامة يعرفو بيها جابت منين 100 الف ج وسلفتهم ليك كمان
شريف
هو انا بحلم ولا انا لابس جهاز الفار وبتخيل
شرف
يا اخي فار لما يدخل في مخك ياكل الخلايا التالفة في.
شريف
لية بس يا ابن والدي
شرف
الجهاز اللي بيتلبس اسمه
في ار. مش فار
شريف
يا عم هوي. وسيبك الرغي دة وقولي اية اللي حولك كدة
شرف
مانجا شقلباظ اتصلت بيا وحاولت توقع بيني وبينك وتقولي ان انك اللي قولتها تيجي يوم الخطوبة وتفضحني قصاد مراتي
شريف
ورب الكعبة انا. ما عملتش كدة
شرف
عارف لانك ببساطة هتجيب رقم مانجا شقلباظ ازاي وكمان انت كنت هتدفع لي 100 الف جنية علشان
ما تفضحنيش يبقي لية تكلمها وتخليها تفضحني وانا متاكد ان متعتك في ان مناخيري مكسورة قصاد منك هتبقي اكتر بكتير من متعتك في فضحيتي
ادم
كدة يا عم في حد قريب منكم ويعرف الخلافات اللي ما بينكم وبيستغل دة
شرف
انا مش تلميذ وفهمت كدة من الاول وهو نفس الشخص دة اللي بيحاول ينصب علي ابوك
هنا باب الشقة خبط راح فتح ادم فلقي قصاد منه فريدة ومعاها شاب استغرب اوي وقال
مين دة يا فريدة
فريدة
دة اخويا هاني
ادم
نعم،،،،،،،،
ويتغير المشهد ونشوف شرف وشريف واقفين قصاد هاني اللي كان بيقول
انا مش قادر اصدق ان بعت كل السنين دي يطلع بابا عايش
شرف
الله يسامحها امك هي اللي حرمتني منك
هاني
كانت خايفة تاخدني منها
شرف
ملهوش لزوم الكلام في اللي فات المهم انك دلوقتي معايا
وخدو شرف بالحضن، ،،،،،،
وتعدي الايام وشرف يتعلق ب هاني وكان في يوم شرف قاعد مع شريف وبيقول له
هاني محتاج 200 الف ج. علشان يعمل مشروع يبدا بي حياته
شريف
فلوسه عندي
شرف
لا يا شريف كدة كتير
شريف
ولا كتير ولا حاجة ابنك زي ابني. المهم دلوقتي عايز نتم جوازة العيال
شرف
الخطوبة تقصد
شريف
لا. جواز علي طول وشقتهم جاهزة
شرف
جواز مرة واحدة
شريف
هو كدة. خلينا نخلص منهم وبالمرة نسوانا الغضابنين دول يرجعوا بيوتهم ،،،،،،،
ويتغير المشهد ونشوف هاني بيقول ل شرف
عملتي اية يا بابا في حوار الفلوس اللي طلبتها منك
شرف
اجوز اختك واديك اللي انت عايزه،،،،،،
ومن جوة اتيلية كبير تقف عديلة مع فاطمة ومعاهم فريدة وكانو بيبصو لفساتين الفرح الموجودة وفريدة بتقول لهم
انا مش مصدقة اني بختار فستان فرحي
عديلة
لا صدقي دة احنا جوة اغلي اتيلية في مصر عنده فساتين
فريدة
بس اللي انا نفسي في مش موجود هنا
فاطمة
نشوف حد يفصل لك الفستان اللي نفسك في، ،،،،
من جوة ورشة كبيرة لتصميم فساتين الزفاف. تقعد فاطمة وعديلة وفريدة قصاد صاحبة الورشة اللي كانت بتفرجهم في البوم علي احدث الفساتين العالمية واختارت فريدة فستان وهنا عديلة تشوف صورة. في برواز صغير ل صاحبة الورشة وجنب منها شرف فقالت عديلة ل فريدة بعد ما مالت علي ودانها
فريدة مش دة باباكي
فريدة اتصدمت وقالت
ايوة هو
صاحبة الورشة لحظت ان الكلام بين الاثنين علي الصورة فقالت
هو في حاجة
عديلة
هو اللي في الصورة معاكي دة يبقي لك اية
صاحبة الورشة
دة اول راجل انا اتجوزته في حياتي. ورغم انه طلقني بعد كام ساعة جواز الا ان الفلوس اللي خدها منه كانت السبب في اللي انا وصلت له وهو اللي شجعني علي اني افتح ورشة خياطة واسيب شغلي عاملة نظافة في السيرك
برقو الثلاثة عديلة و فاطمة وفريدة وقالت عديلة
مش انتي اسمك جيجي
صاحبة الورشة
لا دة اسم الدلع انما اسمي الحقيقي مانجا شقلباظ
عديلة
مخي خلاص باظ، ،،،،،،،